غِنَيْ هَنَا الْحَجّ لِمَدِينَةْ الْقُدُسْ
1 فِي ضِيقْتِي، أَنَا نَادَيْت اللّٰهْ
وَ هُو فَزَعْنِي وَكِتْ قُلْت:
2 «يَا اللّٰهْ، نَجِّينِي مِنْ الْكَدَّابِينْ
وَ مِنْ النَّاسْ الْيَحَلْفُوا بِكِدِبْ.»
3 مَا تَعَرْفُوا الْيِسَوِّيهْ لَيْكُو اللّٰهْ وَلَّا؟
مَا يِعَذِّبْكُو إِنْتُو التَّحَلْفُوا بِكِدِبْ وَلَّا؟
4 هُو يِرَسِّلْ لَيْكُو نَشَاشِيبْ طُرَانْ هَنَا الْفَارِسْ
وَ جَمُرْ الْيِحَرِّقْكُو.
5 أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ
وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.
6 وَ أَنَا سَكَنْت طَوَّلْت
مَعَ النَّاسْ الْيَكْرَهَوْا السَّلَامْ.
7 أَنَا نِحِبّ السَّلَامْ وَ وَكِتْ نِحَجِّي بَيَّهْ،
هُمَّنْ يِدَوْرُوا الْحَرِبْ.
Khine hana l-hajj le Madiinat al-Khudus
1 Fi diigti, ana naadeet Allah
wa hu fazaʼni wakit gult :
2 «Ya Allah, najjiini min al-kaddaabiin
wa min al-naas al-yahalfu be kidib.»
3 Ma taʼarfu al-yisawwiih leeku Allah walla ?
Ma yiʼazzibku intu al-tahalfu be kidib walla ?
4 Hu yirassil leeku nachaachiib turaan hana l-faaris
wa jamur al-yiharrigku.
5 Ana aasif achaan gaʼadt fi balad Maachak maʼa naas fasliin
wa sakant fi khiyam Khidaar ambeen naas hawaaniin.
6 Wa ana sakant tawwalt
maʼa l-naas al-yakraho al-salaam.
7 Ana nihibb al-salaam wa wakit nihajji beyah,
humman yidooru al-harib.
