غِنَيْ هَنَا الْحَجّ لِمَدِينَةْ الْقُدُسْ، مَزْمُورْ لِدَاوُدْ
1 «كَنْ اللّٰهْ مَا كَانْ مَعَانَا»،
خَلِّي بَنِي إِسْرَائِيلْ يُقُولُوهْ!
2 «كَنْ اللّٰهْ مَا كَانْ مَعَانَا
وَكِتْ النَّاسْ قَمَّوْا ضِدِّنَا،
3 وَ وَكِتْ زَعَلْهُمْ فَارْ،
يَاكُلُونَا بَلَا نَارْ
4 وَ الْأَلْمِي يِغَطِّينَا
وَ الشَّلَّالْ يِطَمِّسْنَا
5 وَ الْمَوْج الشَّدِيدْ يُفُوتْ فِي رَاسْنَا.»
6 الْحَمْدُ للّٰهْ!
هُو مَا دَسَّانَا مِثِلْ لُقْمَةْ فِي سُنُونْهُمْ!
7 وَ مِثِلْ طَيْرَايْ، أَنْبَلَصْنَا
مِنْ شَرَكْ الْقَنَّاصِيِّنْ.
الشَّرَكْ أَنْقَطَعْ
وَ أَنِحْنَ أَنْبَلَصْنَا.
8 الْفَزَعْ يَجِينَا مِنْ اللّٰهْ،
خَالِقْ السَّمَاوَاتْ وَ الْأَرْض!
Khine hana l-hajj le Madiinat al-Khudus, mazmuur le Dawuud
1 «Kan Allah ma kaan maʼaana»,
Khalli Bani Israaʼiil yuguuluuh !
2 «Kan Allah ma kaan maʼaana
wakit al-naas gammo diddina,
3 wa wakit zaʼalhum faar,
yaakuluuna bala naar
4 wa l-almi yikhattiina
wa l-challaal yitammisna
5 wa l-mooj al-chadiid yufuut fi raasna.»
6 Al-hamdulillah !
Hu ma dassaana misil lugma fi sunuunhum !
7 Wa misil teeraay, anbalasna
min charak al-gannaasiin.
Al-charak angataʼ
wa aniina anbalasna.
8 Al-fazaʼ yajiina min Allah,
Khaalig al-samaawaat wa l-ard !
