غِنَيْ هَنَا الْحَجّ لِمَدِينَةْ الْقُدُسْ، لِسُلَيْمَانْ
1 كَنْ اللّٰهْ مَا يَبْنِي الْبَيْت،
الْبَنَّايِينْ يَخْدُمُوا بَلَا فَايْدَةْ.
وَ كَنْ اللّٰهْ مَا يَحْفَضْ الْمَدِينَةْ،
الْحُرَّاسْ يَحْفَضَوْهَا بَلَا فَايْدَةْ.
2 مَا فِي فَايْدَةْ كَنْ تُقُمُّوا بَدْرِي
وَ تُنُومُوا مُتَأَخِّرِينْ
وَ تَتْعَبَوْا فِي شَانْ الْأَكِلْ.
أَشَانْ اللّٰهْ يَنْطِي أَكِلْ لِلْيِرِيدْهُمْ
حَتَّى كَنْ هُمَّنْ نَايْمِينْ كُلَ.
3 الْعِيَالْ وَرَثَةْ مِنْ اللّٰهْ
وَ هُمَّنْ أَجُرْ مِنَّهْ.
4 الْعِيَالْ الْيَلْدَاهُمْ النَّادُمْ فِي شَبَابَهْ،
هُمَّنْ مِثِلْ نَشَاشِيبْ فِي إِيدَيْن فَارِسْ.
5 مَبْرُوكْ لِلنَّادُمْ
الْيَمْلَا مِنْهُمْ كَلَوْتَّهْ.
وَ بَيْدَا، هُو مَا يَفْشُلْ
وَكِتْ يَوَاجِهْ عُدْوَانَهْ فِي خَشُمْ بَابْ الْمَدِينَةْ.
Khine hana l-hajj le Madiinat al-Khudus, le Suleymaan
1 Kan Allah ma yabni al-beet,
al-bannaayiin yakhdumu bala faayde.
Wa kan Allah ma yahfad al-madiina,
al-hurraas yahfadooha bala faayde.
2 Ma fi faayde kan tugummu badri
wa tunuumu mutaʼakhkhiriin
wa tatʼabo fi chaan al-akil.
Achaan Allah yanti akil le l-yiriidhum
hatta kan humman naaymiin kula.
3 Al-iyaal warasa min Allah
wa humman ajur minnah.
4 Al-iyaal al-yaldaahum al-naadum fi chabaabah,
humman misil nachaachiib fi iideen faaris.
5 Mabruuk le l-naadum
al-yamla minhum kaloottah.
Wa be da, hu ma yafchul
wakit yiwaajih udwaanah fi khachum baab al-madiina.
