مَزْمُورْ لِدَاوُدْ
1 يَا اللّٰهْ، أَنَا نَادَيْتَكْ.
رُدّ لَيِّ بِسُرْعَةْ!
خُطّ أَدَانَكْ لَيِّ وَكِتْ نِنَادِيكْ.
2 خَلِّي صَلَاتِي تَبْقَى
مِثِلْ بَخُورْ الْيِقَدُّمُوهْ لَيْك
وَ إِيدَيْنِي الْمَرْفُوعِينْ لَيْك يَبْقَوْا
مِثِلْ هَدِيَّةْ الْعَشِيَّةْ.
3 يَا اللّٰهْ! خُطّ حَرَسْ لِخَشْمِي
وَ أَحْفَضْ لِسَانِي.
4 أَحْفَضْ قَلْبِي مَا يَكْرُبْ كَلَامْ فَسِلْ
وَ نِسَوِّي أَعْمَالْ الْفَسَالَةْ مَعَ الظَّالِمِينْ
وَ مَا تِخَلِّينِي نَاكُلْ أَكِلْهُمْ الْحَرَامْ.
5 خَلِّي الصَّالِحْ يَضْرُبْنِي
وَ يُلُومْنِي!
دَا خَيْر لَيِّ مِثِلْ دِهِنْ مُعَطَّرْ فِي رَاسِي
وَ رَاسِي أَبَداً مَا يَابَاهْ.
وَ دَايْماً نِصَلِّي ضِدّ ظَالِمِينْ.
6 وَكِتْ يَرْمُوا حُكَّامْهُمْ فِي قَعَرْ الْحَجَرْ،
الظَّالِمِينْ يَسْمَعَوْا كَلَامِي الصَّحِيحْ:
7 «مِثِلْ مُرْحَاكَةْ مُكَسَّرَةْ فِي التُّرَابْ،
عُضَامْنَا مُشَتَّتِينْ
فِي مَدَخَلْ بَكَانْ الْمَيْتِينْ.»
8 يَا اللّٰهْ رَبِّي،
عُيُونِي مُوَجِّهِينْ عَلَيْك.
أَنَا لَجَأْت لَيْك،
مَا تِخَلِّينِي نُمُوتْ!
9 أَحْفَضْنِي مِنْ الشَّرَكْ الْكَجَّوْه لَيِّ
وَ مِنْ أَمْ كَجَّامَةْ الظَّالِمِينْ.
10 خَلِّي الْعَاصِيِينْ يَقَعَوْا فِي شَرَكْهُمْ
وَ أَنَا كَمَانْ نَنْجَى.
Mazmuur le Dawuud
1 Ya Allah, ana naadeetak.
Rudd leyi be surʼa !
Khutt adaanak leyi wakit ninaadiik.
2 Khalli salaati tabga
misil bakhuur al-yigaddumuuh leek
wa iideeni al-marfuuʼiin leek yabgo
misil hadiiyat al-achiiye.
3 Ya Allah ! Khutt haras le khachmi
wa ahfad lisaani.
4 Ahfad galbi ma yakrub kalaam fasil
wa nisawwi aʼmaal al-fasaala maʼa l-zaalimiin
wa ma tikhalliini naakul akilhum al-haraam.
5 Khalli al-saalih yadrubni
wa yuluumni !
Da kheer leyi misil dihin muʼattar fi raasi
wa raasi abadan ma yaabaah.
Wa daayman nisalli didd zaalimiin.
6 Wakit yarmu hukkaamhum fi gaʼar al-hajar,
al-zaalimiin yasmaʼo kalaami al-sahiih :
7 «Misil murhaaka mukassara fi l-turaab,
udaamna muchattatiin
fi madkhal bakaan al-maytiin.»
8 Ya Allah Rabbi,
uyuuni muwajjihiin aleek.
Ana lajaʼt leek,
ma tikhalliini numuut !
9 Ahfadni min al-charak al-kajjooh leyi
wa min amkajjaamit al-zaalimiin.
10 Khalli al-aasiyiin yagaʼo fi charakhum
wa ana kamaan nanja.
