1 الْحَمْدُ للّٰهْ!
غَنُّوا لِلّٰهْ غِنَيْ جَدِيدْ
وَ أَشْكُرُوهْ فِي مَجْمُوعَةْ الْمُؤمِنِينْ.
2 خَلِّي إِسْرَائِيلْ يَفْرَحَوْا بِخَالِقْهُمْ
أَيْوَى، سُكَّانْ صَهْيُون يِنْبَسْطُوا بِمَلِكْهُمْ.
3 خَلِّي يَحْمُدُوا وَ يَلْعَبَوْا
وَ يَمْدَحَوْا مَجْدَهْ بِتَنْبَلْ وَ جِقِنْدِيَّةْ.
4 أَشَانْ اللّٰهْ يَرْضَى بِشَعَبَهْ
وَ يِجَمِّلْ الْمَسَاكِينْ بِالنَّجَاةْ.
5 خَلِّي الْمُؤمِنِينْ يِنْبَسْطُوا وَ يَفْرَحَوْا
وَ فِي فُرَاشْهُمْ، يِعِيطُوا مِنْ الْفَرَحْ!
6 خَلِّي حَمْد الرَّبّ يُكُونْ فِي خُشُومْهُمْ
وَ السَّيْف الطَّرِينْ جَايْ وَ جَايْ فِي إِيدَيْهُمْ.
7 أَشَانْ يِشِيلُوا التَّارْ فِي الْأُمَمْ
وَ يِعَاقُبُوا الشُّعُوبْ.
8 يَرْبُطُوا مُلُوكْهُمْ بِجَنَازِيرْ
وَ كُبَارَاتْهُمْ بِقُيُودْ هَنَا حَدِيدْ.
9 يِطَبُّقُوا فَوْقهُمْ الْحُكُمْ الْمَكْتُوبْ.
وَ دَا شَرَفْ لِكُلَّ الْمُؤمِنِينْ.
الْحَمْدُ للّٰهْ!
1 Al-hamdulillah !
Khannu le Allah khine jadiid
wa achkuruuh fi majmuuʼat al-muʼminiin.
2 Khalli Israaʼiil yafraho be khaalighum
aywa, sukkaan Sahyuun yinbastu be malikhum.
3 Khalli yahmudu wa yalʼabo
wa yamdaho majdah be tambal wa jigindiiye.
4 Achaan Allah yarda be chaʼabah
wa yijammil al-masaakiin be l-naja.
5 Khalli al-muʼminiin yinbastu wa yafraho
wa fi furaachhum, yiʼiitu min al-farah !
6 Khalli hamd al-Rabb yukuun fi khuchuumhum
wa l-seef al-tariin jaay wa jaay fi iideehum.
7 Achaan yichiilu al-taar fi l-umam
wa yiʼaakhubu al-chuʼuub.
8 Yarbutu muluukhum be janaaziir
wa kubaaraathum be guyuud hana hadiid.
9 Yitabbugu fooghum al-hukum al-maktuub.
Wa da charaf le kulla l-muʼminiin.
Al-hamdulillah !
