لِدَاوُدْ
1 يَا اللّٰهْ! أَنَا نَادَيْتَكْ، إِنْتَ مَلْجَئِي.
مَا تَابَى، أَسْمَعْنِي!
أَشَانْ كَنْ أَبَيْت وَ مَا تَسْمَعْنِي،
أَنَا نَبْقَى مِثِلْ الْيَنْزُلُوا فِي الْقُبُورْ.
2 أَسْمَعْ شِحِدْتِي وَ كُرَوْرَاكِي
وَكِتْ نَرْفَعْ إِيدَيْنِي عَلَيْ بَيْتَكْ الْمُقَدَّسْ.
3 مَا تَحْسِبْنِي مَعَ الْعَاصِيِينْ وَ مَعَ الْفَسْلِينْ
الْيِحَجُّوا لِأَخْوَانْهُمْ بِسَلَامْ
لَاكِنْ قُلُوبْهُمْ مَلَانِينْ بِشَرّ.
4 عَاقِبْهُمْ حَسَبْ عَمَلْهُمْ
وَ حَسَبْ عَمَلْهُمْ الْفَسِلْ.
وَ عَاقِبْهُمْ حَسَبْ خِدْمَةْ إِيدَيْهُمْ
وَ جَازِيهُمْ حَسَبْ الْوَاجِبْ لَيْهُمْ!
5 أَشَانْ هُمَّنْ مَا يِفَكُّرُوا فِي عَمَلْ اللّٰهْ
وَ لَا فِي خِدْمَةْ إِيدَيْنَهْ.
خَلِّي اللّٰهْ يِدَمِّرْهُمْ
مِثِلْ بَيْت الْهَدَّمَوْه
وَ بَتَّانْ مَا يِنْبَنِي!
6 بَارَكْ اللّٰهْ
أَشَانْ هُو سِمِعْ حِسّ مُنَادَاتِي.
7 اللّٰهْ هُو مَلْجَئِي
وَ دَرَقَتِي.
قَلْبِي أَتْوَكَّلْ عَلَيَّهْ
وَ أَنَا لِقِيتْ الْفَزَعْ.
أَنَا نَفْرَحْ بَيَّهْ بِكُلَّ قَلْبِي
وَ نَشْكُرَهْ بِغِنَيْ.
8 اللّٰهْ هُو قُدْرَةْ شَعَبَهْ
وَ هُو مَلْجَأْ الْقَوِي
لِيِنَجِّي الْمَلِكْ
الْهُو مَسَحَهْ وَ دَرَّجَهْ.
9 يَا رَبّ، نَجِّي شَعَبَكْ!
هُمَّنْ الْوَرَثَتَكْ، بَارِكْهُمْ.
أَبْقَى رَاعِيهُمْ
وَ فَكِّرْ فَوْقهُمْ إِلَى الْأَبَدْ.
Le Dawuud
1 Ya Allah ! Ana naadeetak, inta maljaʼi.
Ma taaba, asmaʼni !
Achaan kan abeet wa ma tasmaʼni,
ana nabga misil al-yanzulu fi l-khubuur.
2 Asmaʼ chihidti wa korooraaki
wakit narfaʼ iideeni ale beetak al-mukhaddas.
3 Ma tahsibni maʼa l-aasiyiin wa maʼa l-fasliin
al-yihajju le akhwaanhum be salaam
laakin guluubhum malaaniin be charr.
4 Aakhibhum hasab amalhum
wa hasab amalhum al-fasil.
Wa aakhibhum hasab khidmit iideehum
wa jaaziihum hasab al-waajib leehum !
5 Achaan humman ma yifakkuru fi amal Allah
wa la fi khidmit iideenah.
Khalli Allah yidammirhum
misil beet al-haddamooh
wa battaan ma yinbani !
6 Baarak Allah
achaan hu simiʼ hiss munaadaati.
7 Allah hu maljaʼi
wa daragati.
Galbi atwakkal aleyah
wa ana ligiit al-fazaʼ.
Ana nafrah beyah be kulla galbi
wa nachkurah be khine.
8 Allah hu gudrat chaʼabah
wa hu maljaʼ al-gawi
le yinajji al-malik
al-hu masahah wa darrajah.
9 Ya Rabb, najji chaʼabak !
Humman al-warasatak, baarikhum.
Abga raaʼiihum
wa fakkir fooghum ila l-abad.
