1 يَا رَبّ! إِنْتَ بَسْ شَارِعْنِي
وَ شِيلْ ضَلِيمْتِي
وَ فِي الْمُنَافِقِينْ، أَنْصُرْنِي
وَ مِنْ أَيِّ غَشَّاشْ وَ مُجْرِمْ، خَلِّصْنِي.
2 يَا الرَّبّ، إِنْتَ مَلْجَئِي الْيَحْمِينِي.
مَالَا أَبَيْتنِي؟
مَالَا خَلَّيْتنِي نَمْشِي حَزْنَانْ
مِنْ مُطَارَدَةْ الْعُدْوَانْ؟
3 رَسِّلْ نُورَكْ وَ حَقَّكْ، يُقُودُونِي
وَ لِجَبَلَكْ الْمُقَدَّسْ
وَ مَسْكَنَكْ، يِوَدُّونِي.
4 وَ أَنَا نَمْشِي مَدْبَحْ إِلٰـهِي
الْإِنْتَ سَبَبْ كُلَّ فَرْحِتِي
وَ بِالْجِقِنْدِيَّةْ نَشْكُرَكْ،
يَا رَبّ، يَا إِلٰـهِي.
5 مَالَا تِأَيِّسِي، يَا نَفْسِي؟
وَ مَالَا تَقِنْتِي مِنْ التَّعَبْ الْفَوْقِي؟
خُطِّي عَشَمْكِ فِي اللّٰهْ إِلٰـهِي.
أَيْوَى، أَنَا نَشْكُرَهْ بَتَّانْ،
هُو إِلٰـهِي الْيِنَجِّينِي.
1 Ya Rabb ! Inta bas chaariʼni
wa chiil daliimti
wa fi l-munaafikhiin, ansurni
wa min ayyi khachchaach wa mujrim, khallisni.
2 Ya l-Rabb, inta maljaʼi al-yahmiini.
Maala abeetni ?
Maala khalleetni namchi haznaan
min mutaaradat al-udwaan ?
3 Rassil nuurak wa haggak, yuguuduuni
wa le jabalak al-mukhaddas
wa maskanak, yiwadduuni.
4 Wa ana namchi madbah Ilaahi
al-inta sabab kulla farhiti
wa be l-jigindiiye nachkurak,
ya Rabb, ya Ilaahi.
5 Maala tiʼayyisi, ya nafsi ?
Wa maala taginti min al-taʼab al-foogi ?
Khutti achamki fi Allah Ilaahi.
Aywa, ana nachkurah battaan,
hu Ilaahi al-yinajjiini.
