وَصِيَّةْ لِكَبِيرْ الْغَنَّايِينْ: مَزْمُورْ، غِنَيْ، لِيِغَنُّوهْ بِجِقِنْدِيَّةْ
1 يَا رَبّ! حِنّ فَوْقنَا وَ بَارِكْنَا
وَ وَجِّهْ عَلَيْنَا نُورْ وِجْهَكْ. وَقْفَةْ.
2 وَ بَيْدَا، كُلَّ الْأُمَمْ فِي الْأَرْض يَعَرْفُوا دَرْبَكْ
وَ يَعَرْفُوا كَدَرْ النَّجَاةْ جَايَةْ مِنَّكْ.
3 يَا رَبّ! خَلِّي كُلَّ الشُّعُوبْ يَشْكُرُوكْ!
أَيْوَى، كُلُّهُمْ يِمَجُّدُوكْ!
4 يَا رَبّ! خَلِّي الشُّعُوبْ يِغَنُّوا لَيْك بِفَرَحْ
أَشَانْ إِنْتَ قَاعِدْ تَحْكِمْ فِي النَّاسْ بِالْعَدَالَةْ
وَ تُقُودْ كُلَّ شُعُوبْ الْأَرْض. وَقْفَةْ.
5 يَا رَبّ! خَلِّي كُلَّ الشُّعُوبْ يِمَجُّدُوكْ!
أَيْوَى، كُلُّهُمْ يِمَجُّدُوكْ!
6 وَ بَيْدَا، الْأَرْض تَنْطِي نَتِيجِتْهَا
وَ اللّٰهْ إِلٰـهْنَا يِبَارِكْنَا.
7 أَيْوَى، الرَّبّ يِبَارِكْنَا
وَ بَيْدَا، كُلَّ الْعَالَمْ يَخَافَوْا مِنَّهْ.
Wasiiye le kabiir al-khannaayiin : Mazmuur, khine, le yikhannuuh be jigindiiye
1 Ya Rabb ! Hinn foogna wa baarikna
wa wajjih aleena nuur wijhak. Wagfa.
2 Wa be da, kulla l-umam fi l-ard yaʼarfu derbak
wa yaʼarfu kadar al-naja jaaye minnak.
3 Ya Rabb ! Khalli kulla l-chuʼuub yachkuruuk !
Aywa, kulluhum yimajjuduuk !
4 Ya Rabb ! Khalli al-chuʼuub yikhannu leek be farah
achaan inta gaaʼid tahkim fi l-naas be l-adaala
wa tuguud kulla chuʼuub al-ard. Wagfa.
5 Ya Rabb ! Khalli kulla l-chuʼuub yimajjuduuk !
Aywa, kulluhum yimajjuduuk !
6 Wa be da, al-ard tanti natiijitha
wa Allah Ilaahna yibaarikna.
7 Aywa, al-Rabb yibaarikna
wa be da, kulla l-aalam yakhaafo minnah.
