الرجال الأنْضمّوا لدَاوُد
1 وَ وَكِتْ دَاوُدْ قَاعِدْ يِلَّبَّدْ مِنْ شَاوُولْ وِلَيْد قِيشْ، فِيَّهْ رُجَالْ فَحَلِينْ جَوْا أَنْضَمَّوْا لَيَّهْ فِي صِقْلَاقْ. وَ هُمَّنْ جَوْا سَاعَدَوْه فِي الدُّوَاسْ. 2 وَ هُمَّنْ مُسَلَّحِينْ بِنُبَّالْ وَ مِقْلَاعْ. وَ يِزَرُّقُوا النُّشَّابْ وَ الْحَجَرْ بِإِيدْهُمْ الزَّيْنَةْ أَوْ الْإِسْرَةْ كُلَ. وَ هُمَّنْ مِنْ أَخْوَانْ شَاوُولْ مِنْ قَبِيلَةْ بَنْيَامِينْ. 3 وَ الرُّجَالْ دَوْل هُمَّنْ
أَخِعَازَرْ كَبِيرْهُمْ وَ أَخُوهْ يُوَاشْ هُمَّنْ أَوْلَادْ شَمَاعَا الْمِنْ حِلَّةْ قِبَيْعَةْوَ يَزِيِيلْ وَ فَالَتْ أَوْلَادْ عَزْمَاوَتْوَ بَرَكَةْوَ يَاهُو الْمِنْ حِلَّةْ عَنَتُوتْ4 وَ يِشْمَعْيَا الْمِنْ حِلَّةْ قِبْعُونْ هُو وَاحِدْ مِنْ الْفُرَّاسْ التَّلَاتِينْ وَ هُو بَسْ قَايِدْهُمْ وَ إِرْمِيَا وَ يَحَزِيِيلْ وَ يُوحَنَانْ وَ يُوزَبَادْ الْمِنْ حِلَّةْ قَدِيرَةْ5 وَ أَلِعُوزَايْ وَ يَرِمُوتْ وَ بَعَلْيَا وَ شَمَرْيَا وَ شَفَطْيَا الْمِنْ حِلَّةْ حَرُوفْ6 وَ أَلِقَانَى وَ يِشِيَّا وَ عَزَرِيلْ وَ يُعَازَرْ وَ يَشَبْعَامْ هُمَّنْ دَوْل مِنْ ذُرِّيَّةْ قُورَحْ7 وَ يُعِيلَا وَ زَبَدْيَا أَوْلَادْ يَرُوحَامْ الْمِنْ حِلَّةْ قَدُورْ.8 وَ فِي رُجَالْ وَاحِدِينْ مِنْ قَبِيلَةْ قَادْ أَنْسَحَبَوْا وَ مَشَوْا لِقَوْه لِدَاوُدْ فِي بَكَانَهْ الْقَوِي فِي الْكَدَادَةْ. وَ النَّاسْ دَوْل رُجَالْ فُرَّاسْ وَ قَادْرِينْ فِي الْحَرِبْ. وَ مُسَلَّحِينْ بِدَرَقْ وَ حُرَابْ. وَ هُمَّنْ شُدَادْ مِثِلْ الدِّيدَانْ وَ عَجِيلِينْ مِثِلْ غَزَالْ فِي رَاسْ الْجِبَالْ.
9 وَ عِزَارْ كَبِيرْهُمْوَ التَّانِي عُبَدْيَاوَ التَّالِتْ أَلِيَابْ10 وَ الرَّابِعْ مِشْمَنَّاوَ الْخَامِسْ إِرْمِيَا11 وَ السَّادِسْ عَتَّايْوَ السَّابِعْ أَلِيِيلْ12 وَ التَّامِنْ يُوحَنَانْوَ التَّاسِعْ أَلْزَبَدْ13 وَ الْعَاشِرْ إِرْمِيَاوَ الْإِحْدَى عَشَرْ مَكْبَنَّايْ.14 وَ النَّاسْ دَوْل مِنْ قَبِيلَةْ قَادْ وَ هُمَّنْ قُيَّادْ الْعَسْكَرْ. الصَّغَيَّرْ كُلَ قَايِدْ فِي 100 عَسْكَرْ وَ الْكَبِيرْ كَمَانْ قَايِدْ فِي 1 000 عَسْكَرْ. 15 وَ هُمَّنْ بَسْ الْقَطَعَوْا بَحَرْ الْأُرْدُنْ فِي الشَّهَرْ الْأَوَّلْ فِي وَكِتْ السَّيْل يِسِيلْ. وَ طَرَدَوْا النَّاسْ السَّاكْنِينْ جَنْب الْوَادِي بِنُصّ الصَّبَاحْ وَ الْغَرِبْ.
16 وَ رُجَالْ وَاحِدِينْ مِنْ قَبَايِلْ بَنْيَامِينْ وَ يَهُوذَا كُلَ مَشَوْا لِقَوْه لِدَاوُدْ فِي بَكَانَهْ الْقَوِي. 17 وَ دَاوُدْ مَرَقْ لَيْهُمْ وَ قَالْ: «كَنْ جِيتُوا لَيِّ بِالسَّلَامْ لِتِسَاعُدُونِي، نِفَضِّلْكُو بِنِيَّةْ مُخْلِصَةْ. وَ لَاكِنْ كَنْ إِنْتُو جِيتُوا لِتُغُشُّونِي لِفَايْدَةْ عُدْوَانِي وَ أَنَا مَا سَوَّيْت شَيّءْ فَسِلْ، خَلِّي اللّٰهْ رَبّ جُدُودْنَا يِشِيفْ وَ يِحَاكِمْ أَمْبَيْنَاتْنَا.»
18 وَ رُوحْ اللّٰهْ نَزَلْ فِي عَمَاسَايْ كَبِيرْ الْفُرَّاسْ التَّلَاتِينْ وَ هُو قَالْ: «أَنِحْنَ مَعَاكْ! أَيْوَى أَنِحْنَ مَعَاكْ، يَا دَاوُدْ وِلَيْد يَسَّى! خَلِّي السَّلَامْ يُكُونْ مَعَاكْ وَ مَعَ النَّاسْ الْقَاعِدِينْ يِسَاعُدُوكْ أَشَانْ رَبَّكْ قَاعِدْ يِسَاعِدَكْ.» وَ خَلَاصْ فِي الْبَكَانْ دَا، دَاوُدْ لَاقَاهُمْ وَ سَوَّاهُمْ كُبَارَاتْ عَسْكَرَهْ.
19 وَ فِيَّهْ رُجَالْ مِنْ قَبِيلَةْ مَنَسَّى دَوَّرَوْا يِنْضَمَّوْا لِدَاوُدْ فِي وَكِتْ الْهُو مَاشِي مَعَ الْفِلِسْطِيِّينْ يِحَارُبُوا شَاوُولْ. لَاكِنْ دَاوُدْ وَ عَسْكَرَهْ مَا قِدْرَوْا سَاعَدَوْا الْفِلِسْطِيِّينْ فِي الْحَرِبْ أَشَانْ وَكِتْ كُبَارَاتْ الْفِلِسْطِيِّينْ لَمَّوْا وَ أَشَّاوَرَوْا، طَرَدَوْه لِدَاوُدْ وَ قَالَوْا أَمْبَيْنَاتْهُمْ: «بَعَدَيْن يِقَبِّلْ ضِدِّنَا وَ يِسَلِّمْنَا لِسَيِّدَهْ شَاوُولْ.» 20 وَ وَكِتْ دَاوُدْ قَبَّلْ لِحِلَّةْ صِقْلَاقْ، الرُّجَالْ الْمِنْ قَبِيلَةْ مَنَسَّى جَوْا وَ أَنْضَمَّوْا لَيَّهْ. وَ هُمَّنْ عَدْنَاحْ وَ يُوزَبَادْ وَ يَدِيَعِيلْ وَ مِكَايِيلْ وَ يُوزَبَادْ وَ أَلِيهُو وَ صِلْتَايْ. وَ أَيِّ وَاحِدْ مِنْهُمْ قَايِدْ فِي 1 000 رَاجِلْ مِنْ قَبِيلَةْ مَنَسَّى. 21 وَ هُمَّنْ سَاعَدَوْا دَاوُدْ وَ عَسْكَرَهْ أَشَانْ هُمَّنْ رُجَالْ فُرَّاسْ وَ بِقَوْا قُيَّادْ عَسْكَرَهْ. 22 وَ أَيِّ يَوْم، فِيَّهْ نَاسْ الْيَجُوا يِنْضَمَّوْا لِدَاوُدْ لِيِسَاعُدُوهْ. وَ بِمِثِلْ دَا، عَسْكَرَهْ بِقَوْا كَتِيرِينْ مِثِلْ عَسْكَرْ الرَّبّ.
عَدد عسْكر دَاوُد في حِبْرُون
23 وَ دَاهُو عَدَدْ الْعَسْكَرْ الْمُسَلَّحِينْ الْمَشَوْا وَ أَنْضَمَّوْا لِدَاوُدْ فِي حِبْرُونْ. وَ هُمَّنْ مَشَوْا لِيِسَلُّمُوا مُلُكْ شَاوُولْ لِدَاوُدْ حَسَبْ أَمُرْ اللّٰهْ.
24 مِنْ قَبِيلَةْ يَهُوذَا 6 800 عَسْكَرْ مُسَلَّحِينْ شَايْلِينْ دَرَقْ وَ حُرَابْ.25 وَ مِنْ قَبِيلَةْ شِمْعُونْ 7 100 عَسْكَرْ فُرَّاسْ.26 وَ مِنْ قَبِيلَةْ لَاوِي 4 600 رَاجِلْ 27 وَ مَعَاهُمْ يَهُويَدَعْ الْمَسْؤُولْ فِي خَشُمْ بَيْت هَارُونْ وَ مَعَايَهْ 3 700 رَاجِلْ. 28 وَ مَعَاهُمْ الصَّبِي صَدُوقْ وَ هُو كُلَ رَاجِلْ فَارِسْ وَ عِنْدَهْ مَعَايَهْ 22 كُبَارَاتْ مِنْ عَايِلْتَهْ.29 وَ مِنْ قَبِيلَةْ بَنْيَامِينْ قَبِيلَةْ هِنْت شَاوُولْ 3 000 رَاجِلْ. وَ قُبَّالْ دَا، كَتِيرْ مِنْ الرُّجَالْ دَوْل خَدَمَوْا لِعَايِلَةْ شَاوُولْ.30 وَ مِنْ قَبِيلَةْ أَفْرَايِمْ 20 800 رُجَالْ فُرَّاسْ وَ أُسُمْهُمْ طَالِعْ فِي لُبّ عَايِلَاتْهُمْ.31 وَ مِنْ نُصّ قَبِيلَةْ مَنَسَّى 18 000 رُجَالْ الْعَزَلَوْهُمْ لِيَجُوا يِدَرُّجُوا دَاوُدْ مَلِكْ.32 وَ مِنْ قَبِيلَةْ يَسَّاكَرْ 200 قَايِدْ مَعَ النَّاسْ الْقَاعِدِينْ تِحِتْ أَمُرْهُمْ. الْقُيَّادْ دَوْل يَعَرْفُوا يِمَيُّزُوا الْوَكِتْ وَ يَعَرْفُوا الشَّيّءْ الْوَاجِبْ بَنِي إِسْرَائِيلْ يِسَوُّوا.33 وَ مِنْ قَبِيلَةْ زَبُلُونْ 50 000 رُجَالْ مُسَلَّحِينْ وَ جَاهِزِينْ لِلْحَرِبْ بِنِيَّةْ وَاحِدَةْ.34 وَ مِنْ قَبِيلَةْ نَفْتَالِي 1 000 قَايِدْ وَ مَعَاهُمْ 37 000 رُجَالْ مُسَلَّحِينْ شَايْلِينْ دَرَقْ وَ حُرَابْ.35 وَ مِنْ قَبِيلَةْ دَانْ 28 600 رُجَالْ جَاهِزِينْ لِلْحَرِبْ.36 وَ مِنْ قَبِيلَةْ أَشِيرْ 40 000 رُجَالْ جَاهِزِينْ لِلْحَرِبْ.37 وَ مِنْ قَبَايِلْ رَأُوبِينْ وَ قَادْ وَ نُصّ قَبِيلَةْ مَنَسَّى الْقَاعِدِينْ غَادِي لِبَحَرْ الْأُرْدُنْ، عَدَدْهُمْ 120 000 رُجَالْ مُسَلَّحِينْ لِلْحَرِبْ.38 وَ كُلَّ الرُّجَالْ الْمُحَارِبِينْ دَوْل، جَوْا فِي حِبْرُونْ بِنِيَّةْ وَاحِدَةْ لِيِدَرُّجُوا دَاوُدْ مَلِكْ فِي إِسْرَائِيلْ. وَ كُلَّ بَنِي إِسْرَائِيلْ الْفَضَّلَوْا، هُمَّنْ كُلَ بِقَلِبْ وَاحِدْ جَوْا لِيِدَرُّجُوا دَاوُدْ مَلِكْ. 39 وَ هُمَّنْ قَعَدَوْا تَلَاتَةْ يَوْم مَعَ دَاوُدْ وَ أَكَلَوْا وَ شِرْبَوْا أَشَانْ أَخْوَانْهُمْ جَهَّزَوْا لَيْهُمْ أَكِلْ. 40 وَ كُلَّ النَّاسْ السَّاكْنِينْ فِي الْمَنْطَقَةْ دِي وَ ذُرِّيَّةْ يَسَّاكَرْ وَ زَبُلُونْ وَ نَفْتَالِي كُلَ، جَابَوْا أَكِلْ بِحَمِيرْ وَ جُمَالْ وَ بِغَالْ وَ تِيرَانْ. جَابَوْا دَقِيقْ وَ عَبُّودْ هَنَا تِينْ وَ عِنَبْ يَابِسْ وَ خَمَرْ وَ دِهِنْ وَ غَنَمْ وَ بَقَرْ بِكَتَرَةْ أَشَانْ عِنْدُهُمْ فَرْحَةْ كَبِيرَةْ فِي بَلَدْ إِسْرَائِيلْ.
الرجال الأنْضمّوا لدَاوُد
1 وَ وَكِتْ دَاوُدْ قَاعِدْ يِلَّبَّدْ مِنْ شَاوُولْ وِلَيْد قِيشْ، فِيَّهْ رُجَالْ فَحَلِينْ جَوْا أَنْضَمَّوْا لَيَّهْ فِي صِقْلَاقْ. وَ هُمَّنْ جَوْا سَاعَدَوْه فِي الدُّوَاسْ. 2 وَ هُمَّنْ مُسَلَّحِينْ بِنُبَّالْ وَ مِقْلَاعْ. وَ يِزَرُّقُوا النُّشَّابْ وَ الْحَجَرْ بِإِيدْهُمْ الزَّيْنَةْ أَوْ الْإِسْرَةْ كُلَ. وَ هُمَّنْ مِنْ أَخْوَانْ شَاوُولْ مِنْ قَبِيلَةْ بَنْيَامِينْ. 3 وَ الرُّجَالْ دَوْل هُمَّنْ
أَخِعَازَرْ كَبِيرْهُمْ وَ أَخُوهْ يُوَاشْ هُمَّنْ أَوْلَادْ شَمَاعَا الْمِنْ حِلَّةْ قِبَيْعَةْوَ يَزِيِيلْ وَ فَالَتْ أَوْلَادْ عَزْمَاوَتْوَ بَرَكَةْوَ يَاهُو الْمِنْ حِلَّةْ عَنَتُوتْ4 وَ يِشْمَعْيَا الْمِنْ حِلَّةْ قِبْعُونْ هُو وَاحِدْ مِنْ الْفُرَّاسْ التَّلَاتِينْ وَ هُو بَسْ قَايِدْهُمْ وَ إِرْمِيَا وَ يَحَزِيِيلْ وَ يُوحَنَانْ وَ يُوزَبَادْ الْمِنْ حِلَّةْ قَدِيرَةْ5 وَ أَلِعُوزَايْ وَ يَرِمُوتْ وَ بَعَلْيَا وَ شَمَرْيَا وَ شَفَطْيَا الْمِنْ حِلَّةْ حَرُوفْ6 وَ أَلِقَانَى وَ يِشِيَّا وَ عَزَرِيلْ وَ يُعَازَرْ وَ يَشَبْعَامْ هُمَّنْ دَوْل مِنْ ذُرِّيَّةْ قُورَحْ7 وَ يُعِيلَا وَ زَبَدْيَا أَوْلَادْ يَرُوحَامْ الْمِنْ حِلَّةْ قَدُورْ.8 وَ فِي رُجَالْ وَاحِدِينْ مِنْ قَبِيلَةْ قَادْ أَنْسَحَبَوْا وَ مَشَوْا لِقَوْه لِدَاوُدْ فِي بَكَانَهْ الْقَوِي فِي الْكَدَادَةْ. وَ النَّاسْ دَوْل رُجَالْ فُرَّاسْ وَ قَادْرِينْ فِي الْحَرِبْ. وَ مُسَلَّحِينْ بِدَرَقْ وَ حُرَابْ. وَ هُمَّنْ شُدَادْ مِثِلْ الدِّيدَانْ وَ عَجِيلِينْ مِثِلْ غَزَالْ فِي رَاسْ الْجِبَالْ.
9 وَ عِزَارْ كَبِيرْهُمْوَ التَّانِي عُبَدْيَاوَ التَّالِتْ أَلِيَابْ10 وَ الرَّابِعْ مِشْمَنَّاوَ الْخَامِسْ إِرْمِيَا11 وَ السَّادِسْ عَتَّايْوَ السَّابِعْ أَلِيِيلْ12 وَ التَّامِنْ يُوحَنَانْوَ التَّاسِعْ أَلْزَبَدْ13 وَ الْعَاشِرْ إِرْمِيَاوَ الْإِحْدَى عَشَرْ مَكْبَنَّايْ.14 وَ النَّاسْ دَوْل مِنْ قَبِيلَةْ قَادْ وَ هُمَّنْ قُيَّادْ الْعَسْكَرْ. الصَّغَيَّرْ كُلَ قَايِدْ فِي 100 عَسْكَرْ وَ الْكَبِيرْ كَمَانْ قَايِدْ فِي 1 000 عَسْكَرْ. 15 وَ هُمَّنْ بَسْ الْقَطَعَوْا بَحَرْ الْأُرْدُنْ فِي الشَّهَرْ الْأَوَّلْ فِي وَكِتْ السَّيْل يِسِيلْ. وَ طَرَدَوْا النَّاسْ السَّاكْنِينْ جَنْب الْوَادِي بِنُصّ الصَّبَاحْ وَ الْغَرِبْ.
16 وَ رُجَالْ وَاحِدِينْ مِنْ قَبَايِلْ بَنْيَامِينْ وَ يَهُوذَا كُلَ مَشَوْا لِقَوْه لِدَاوُدْ فِي بَكَانَهْ الْقَوِي. 17 وَ دَاوُدْ مَرَقْ لَيْهُمْ وَ قَالْ: «كَنْ جِيتُوا لَيِّ بِالسَّلَامْ لِتِسَاعُدُونِي، نِفَضِّلْكُو بِنِيَّةْ مُخْلِصَةْ. وَ لَاكِنْ كَنْ إِنْتُو جِيتُوا لِتُغُشُّونِي لِفَايْدَةْ عُدْوَانِي وَ أَنَا مَا سَوَّيْت شَيّءْ فَسِلْ، خَلِّي اللّٰهْ رَبّ جُدُودْنَا يِشِيفْ وَ يِحَاكِمْ أَمْبَيْنَاتْنَا.»
18 وَ رُوحْ اللّٰهْ نَزَلْ فِي عَمَاسَايْ كَبِيرْ الْفُرَّاسْ التَّلَاتِينْ وَ هُو قَالْ: «أَنِحْنَ مَعَاكْ! أَيْوَى أَنِحْنَ مَعَاكْ، يَا دَاوُدْ وِلَيْد يَسَّى! خَلِّي السَّلَامْ يُكُونْ مَعَاكْ وَ مَعَ النَّاسْ الْقَاعِدِينْ يِسَاعُدُوكْ أَشَانْ رَبَّكْ قَاعِدْ يِسَاعِدَكْ.» وَ خَلَاصْ فِي الْبَكَانْ دَا، دَاوُدْ لَاقَاهُمْ وَ سَوَّاهُمْ كُبَارَاتْ عَسْكَرَهْ.
19 وَ فِيَّهْ رُجَالْ مِنْ قَبِيلَةْ مَنَسَّى دَوَّرَوْا يِنْضَمَّوْا لِدَاوُدْ فِي وَكِتْ الْهُو مَاشِي مَعَ الْفِلِسْطِيِّينْ يِحَارُبُوا شَاوُولْ. لَاكِنْ دَاوُدْ وَ عَسْكَرَهْ مَا قِدْرَوْا سَاعَدَوْا الْفِلِسْطِيِّينْ فِي الْحَرِبْ أَشَانْ وَكِتْ كُبَارَاتْ الْفِلِسْطِيِّينْ لَمَّوْا وَ أَشَّاوَرَوْا، طَرَدَوْه لِدَاوُدْ وَ قَالَوْا أَمْبَيْنَاتْهُمْ: «بَعَدَيْن يِقَبِّلْ ضِدِّنَا وَ يِسَلِّمْنَا لِسَيِّدَهْ شَاوُولْ.» 20 وَ وَكِتْ دَاوُدْ قَبَّلْ لِحِلَّةْ صِقْلَاقْ، الرُّجَالْ الْمِنْ قَبِيلَةْ مَنَسَّى جَوْا وَ أَنْضَمَّوْا لَيَّهْ. وَ هُمَّنْ عَدْنَاحْ وَ يُوزَبَادْ وَ يَدِيَعِيلْ وَ مِكَايِيلْ وَ يُوزَبَادْ وَ أَلِيهُو وَ صِلْتَايْ. وَ أَيِّ وَاحِدْ مِنْهُمْ قَايِدْ فِي 1 000 رَاجِلْ مِنْ قَبِيلَةْ مَنَسَّى. 21 وَ هُمَّنْ سَاعَدَوْا دَاوُدْ وَ عَسْكَرَهْ أَشَانْ هُمَّنْ رُجَالْ فُرَّاسْ وَ بِقَوْا قُيَّادْ عَسْكَرَهْ. 22 وَ أَيِّ يَوْم، فِيَّهْ نَاسْ الْيَجُوا يِنْضَمَّوْا لِدَاوُدْ لِيِسَاعُدُوهْ. وَ بِمِثِلْ دَا، عَسْكَرَهْ بِقَوْا كَتِيرِينْ مِثِلْ عَسْكَرْ الرَّبّ.
عَدد عسْكر دَاوُد في حِبْرُون
23 وَ دَاهُو عَدَدْ الْعَسْكَرْ الْمُسَلَّحِينْ الْمَشَوْا وَ أَنْضَمَّوْا لِدَاوُدْ فِي حِبْرُونْ. وَ هُمَّنْ مَشَوْا لِيِسَلُّمُوا مُلُكْ شَاوُولْ لِدَاوُدْ حَسَبْ أَمُرْ اللّٰهْ.
24 مِنْ قَبِيلَةْ يَهُوذَا 6 800 عَسْكَرْ مُسَلَّحِينْ شَايْلِينْ دَرَقْ وَ حُرَابْ.25 وَ مِنْ قَبِيلَةْ شِمْعُونْ 7 100 عَسْكَرْ فُرَّاسْ.26 وَ مِنْ قَبِيلَةْ لَاوِي 4 600 رَاجِلْ 27 وَ مَعَاهُمْ يَهُويَدَعْ الْمَسْؤُولْ فِي خَشُمْ بَيْت هَارُونْ وَ مَعَايَهْ 3 700 رَاجِلْ. 28 وَ مَعَاهُمْ الصَّبِي صَدُوقْ وَ هُو كُلَ رَاجِلْ فَارِسْ وَ عِنْدَهْ مَعَايَهْ 22 كُبَارَاتْ مِنْ عَايِلْتَهْ.29 وَ مِنْ قَبِيلَةْ بَنْيَامِينْ قَبِيلَةْ هِنْت شَاوُولْ 3 000 رَاجِلْ. وَ قُبَّالْ دَا، كَتِيرْ مِنْ الرُّجَالْ دَوْل خَدَمَوْا لِعَايِلَةْ شَاوُولْ.30 وَ مِنْ قَبِيلَةْ أَفْرَايِمْ 20 800 رُجَالْ فُرَّاسْ وَ أُسُمْهُمْ طَالِعْ فِي لُبّ عَايِلَاتْهُمْ.31 وَ مِنْ نُصّ قَبِيلَةْ مَنَسَّى 18 000 رُجَالْ الْعَزَلَوْهُمْ لِيَجُوا يِدَرُّجُوا دَاوُدْ مَلِكْ.32 وَ مِنْ قَبِيلَةْ يَسَّاكَرْ 200 قَايِدْ مَعَ النَّاسْ الْقَاعِدِينْ تِحِتْ أَمُرْهُمْ. الْقُيَّادْ دَوْل يَعَرْفُوا يِمَيُّزُوا الْوَكِتْ وَ يَعَرْفُوا الشَّيّءْ الْوَاجِبْ بَنِي إِسْرَائِيلْ يِسَوُّوا.33 وَ مِنْ قَبِيلَةْ زَبُلُونْ 50 000 رُجَالْ مُسَلَّحِينْ وَ جَاهِزِينْ لِلْحَرِبْ بِنِيَّةْ وَاحِدَةْ.34 وَ مِنْ قَبِيلَةْ نَفْتَالِي 1 000 قَايِدْ وَ مَعَاهُمْ 37 000 رُجَالْ مُسَلَّحِينْ شَايْلِينْ دَرَقْ وَ حُرَابْ.35 وَ مِنْ قَبِيلَةْ دَانْ 28 600 رُجَالْ جَاهِزِينْ لِلْحَرِبْ.36 وَ مِنْ قَبِيلَةْ أَشِيرْ 40 000 رُجَالْ جَاهِزِينْ لِلْحَرِبْ.37 وَ مِنْ قَبَايِلْ رَأُوبِينْ وَ قَادْ وَ نُصّ قَبِيلَةْ مَنَسَّى الْقَاعِدِينْ غَادِي لِبَحَرْ الْأُرْدُنْ، عَدَدْهُمْ 120 000 رُجَالْ مُسَلَّحِينْ لِلْحَرِبْ.38 وَ كُلَّ الرُّجَالْ الْمُحَارِبِينْ دَوْل، جَوْا فِي حِبْرُونْ بِنِيَّةْ وَاحِدَةْ لِيِدَرُّجُوا دَاوُدْ مَلِكْ فِي إِسْرَائِيلْ. وَ كُلَّ بَنِي إِسْرَائِيلْ الْفَضَّلَوْا، هُمَّنْ كُلَ بِقَلِبْ وَاحِدْ جَوْا لِيِدَرُّجُوا دَاوُدْ مَلِكْ. 39 وَ هُمَّنْ قَعَدَوْا تَلَاتَةْ يَوْم مَعَ دَاوُدْ وَ أَكَلَوْا وَ شِرْبَوْا أَشَانْ أَخْوَانْهُمْ جَهَّزَوْا لَيْهُمْ أَكِلْ. 40 وَ كُلَّ النَّاسْ السَّاكْنِينْ فِي الْمَنْطَقَةْ دِي وَ ذُرِّيَّةْ يَسَّاكَرْ وَ زَبُلُونْ وَ نَفْتَالِي كُلَ، جَابَوْا أَكِلْ بِحَمِيرْ وَ جُمَالْ وَ بِغَالْ وَ تِيرَانْ. جَابَوْا دَقِيقْ وَ عَبُّودْ هَنَا تِينْ وَ عِنَبْ يَابِسْ وَ خَمَرْ وَ دِهِنْ وَ غَنَمْ وَ بَقَرْ بِكَتَرَةْ أَشَانْ عِنْدُهُمْ فَرْحَةْ كَبِيرَةْ فِي بَلَدْ إِسْرَائِيلْ.
