الحرِب ضِدّ قبيلة بَنْيَامِين
1 وَ كُلَّ بَنِي إِسْرَائِيلْ مَرَقَوْا مِنْ دَانْ فِي الْمُنْشَاقْ لَحَدِّي بِيرْ سَبْعَةْ فِي الْوَطِي وَ لَحَدِّي تُرَابْ قِلْعَادْ وَ لَمَّوْا بِقَلِبْ وَاحِدْ قِدَّامْ اللّٰهْ فِي حِلَّةْ مِصْفَةْ. 2 وَ كُبَارَاتْ الشَّعَبْ هَنَا كُلَّ قَبَايِلْ بَنِي إِسْرَائِيلْ حِضْرَوْا فِي مَلَمَّةْ شَعَبْ الرَّبّ. وَ عَدَدْهُمْ 400 000 عَسْكَرْ الْيَعَرْفُوا حَرْب السُّيُوفْ. 3 وَ نَاسْ قَبِيلَةْ بَنْيَامِينْ سِمْعَوْا كَدَرْ بَنِي إِسْرَائِيلْ جَوْا فِي مِصْفَةْ.
وَ بَنِي إِسْرَائِيلْ قَالَوْا: «أَوْرُونَا كِكَّيْف الْفَسَالَةْ دِي بِقَتْ.» 4 وَ اللَّاوِي رَاجِلْ الْمَرَةْ الْكَتَلَوْهَا قَالْ: «أَنَا وَ سِرِّيتِي وَصَّلْنَا فِي قِبَيْعَةْ فِي تُرَابْ بَنْيَامِينْ لِنُنُومُوا فَوْقهَا. 5 وَ سُكَّانْ قِبَيْعَةْ قَمَّوْا ضِدِّي وَ بِاللَّيْل، حَوَّقَوْا الْبَيْت الْأَنَا دَلَّيْت فَوْقَهْ وَ دَوَّرَوْا يَكْتُلُونِي. وَ شَالَوْا سِرِّيتِي وَ رَقَدَوْا مَعَاهَا بِقُوءْ لَحَدِّي مَاتَتْ. 6 وَ أَنَا شِلْت جَنَازَةْ سِرِّيتِي وَ قَطَّعْتَهَا وَ رَسَّلْتَهَا فِي كُلَّ أَرْض وَرَثَةْ هَنَا بَنِي إِسْرَائِيلْ أَشَانْ النَّاسْ دَوْل سَوَّوْا فَسَالَةْ وَ فِعِلْ شَيْن فِي بَنِي إِسْرَائِيلْ. 7 دَاهُو إِنْتُو كُلُّكُو، يَا بَنِي إِسْرَائِيلْ، حَجُّوا وَ أَشَّاوَرَوْا أَمْبَيْنَاتْكُو هِنِي بَسْ وَ أَنْطُونَا رَايْكُو.» 8 وَ كُلَّ الشَّعَبْ قَمَّوْا بِقَلِبْ وَاحِدْ وَ قَالَوْا: «نَادُمْ مِنِّنَا وَاحِدْ كُلَ مَا يِقَبِّلْ لِخَيْمِتَهْ وَ لَا لِبَيْتَهْ. 9 وَ هَسَّعْ دَاهُو الشَّيّءْ النِّسَوُّوهْ لِقِبَيْعَةْ. نِسَوُّوا أَمْ عِيَيْدَاتْ وَ نُقُمُّوا ضِدَّهَا. 10 وَ نِشِيلُوا رُجَالْ مِنْ كُلَّ قَبَايِلْ بَنِي إِسْرَائِيلْ. مِنْ الْمِيَةْ، نِشِيلُوا 10 وَ مِنْ الْأَلِفْ، نِشِيلُوا 100 وَ مِنْ الْعَشَرَةْ أَلِفْ نِشِيلُوا 1 000. وَ النَّاسْ دَوْل يِجِيبُوا أَكِلْ لِلرُّجَالْ الْيَمْشُوا يَهْجُمُوا قِبَيْعَةْ هَنَا بَنْيَامِينْ لِيِسَوُّوا فَوْقهُمْ حَسَبْ فِعِلْهُمْ الشَّيْن السَّوَّوْه فِي بَنِي إِسْرَائِيلْ.»
11 وَ خَلَاصْ، كُلَّ رُجَالْ بَنِي إِسْرَائِيلْ قَمَّوْا بِقَلِبْ وَاحِدْ ضِدّ الْحِلَّةْ دِي. 12 وَ قَبَايِلْ بَنِي إِسْرَائِيلْ رَسَّلَوْا رُجَالْ لِقَبِيلَةْ بَنْيَامِينْ لِيَسْأَلَوْهُمْ وَ يُقُولُوا لَيْهُمْ: «شُنُو الْفَسَالَةْ الْبِقَتْ فِي بَكَانْكُو دِي؟ 13 وَ هَسَّعْ دَا، سَلُّمُونَا النَّاسْ الْمَا نَافْعِينْ هَنَا قِبَيْعَةْ لِنَكْتُلُوهُمْ وَ نَمُرْقُوا الْفَسَالَةْ مِنْ إِسْرَائِيلْ!»
وَ لَاكِنْ نَاسْ قَبِيلَةْ بَنْيَامِينْ أَبَوْا مَا يَسْمَعَوْا كَلَامْ أَخْوَانْهُمْ بَنِي إِسْرَائِيلْ. 14 وَ نَاسْ قَبِيلَةْ بَنْيَامِينْ جَوْا مِنْ حِلَّالْهُمْ وَ لَمَّوْا فِي قِبَيْعَةْ أَشَانْ يِحَارُبُوا بَنِي إِسْرَائِيلْ. 15 وَ فِي الْيَوْم دَا، نَاسْ قَبِيلَةْ بَنْيَامِينْ الْجَوْا مِنْ الْحِلَّالْ، حَسَبَوْهُمْ وَ عَدَدْهُمْ بِقِي 26 000 عَسْكَرْ الْيَعَرْفُوا حَرْب السُّيُوفْ. وَ دَا، بَلَا سُكَّانْ قِبَيْعَةْ الْعَدَدْهُمْ 700 رَاجِلْ مِنْ أَحْسَنْ الْمُحَارِبِينْ. 16 وَ مِنْ كُلَّ الرُّجَالْ دَوْل فِيَّهْ 700 رُجَالْ إِسْرَايِينْ مِنْ أَحْسَنْ الْمُحَارِبِينْ. الْوَاحِدْ مِنْهُمْ بِحَجَرْ مِقْلَاعَهْ يَقْدَرْ يَقْطَعْ الْخَيْط. 17 وَ بَنِي إِسْرَائِيلْ كُلَ حَسَبَوْا نُفُوسْهُمْ بَلَا نَاسْ قَبِيلَةْ بَنْيَامِينْ وَ عَدَدْهُمْ بِقِي 400 000 عَسْكَرْ الْيَعَرْفُوا حَرْب السُّيُوفْ وَ كُلُّهُمْ مُحَارِبِينْ.
18 وَ بَنِي إِسْرَائِيلْ مَشَوْا بَيْت إِيلْ وَ سَأَلَوْا الرَّبّ وَ قَالَوْا: «يَاتُو مِنِّنَا يَمْشِي أَوَّلْ لِمُحَارَبَةْ نَاسْ قَبِيلَةْ بَنْيَامِينْ؟» وَ اللّٰهْ قَالْ لَيْهُمْ: «نَاسْ قَبِيلَةْ يَهُوذَا بَسْ يَمْشُوا أَوَّلْ.»
19 وَ خَلَاصْ، بَنِي إِسْرَائِيلْ قَمَّوْا بِفَجُرْ بَدْرِي وَ مَشَوْا نَزَلَوْا جَنْب قِبَيْعَةْ. 20 وَ قَمَّوْا لِيِحَارُبُوا بَنْيَامِينْ وَ رَصَّوْا لِلْحَرِبْ مُقَابِلِينْ قِبَيْعَةْ. 21 وَ نَاسْ قَبِيلَةْ بَنْيَامِينْ مَرَقَوْا مِنْ قِبَيْعَةْ لِيِحَارُبُوهُمْ. وَ فِي الْيَوْم دَا، كَتَلَوْا 22 000 رَاجِلْ مِنْ بَنِي إِسْرَائِيلْ. 22 وَ رُجَالْ إِسْرَائِيلْ شَدَّوْا حَيْلهُمْ وَ بَتَّانْ رَصَّوْا لِلْحَرِبْ فِي بَكَانْهُمْ الْأَوَّلْ يَوْم رَصَّوْا فَوْقَهْ. 23 وَ بَنِي إِسْرَائِيلْ مَشَوْا بَكَوْا قِدَّامْ اللّٰهْ لَحَدِّي الْعَشِيَّةْ وَ سَأَلَوْه وَ قَالَوْا: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا؟» وَ اللّٰهْ رَدَّ لَيْهُمْ وَ قَالْ: «قُمُّوا ضِدُّهُمْ.»
24 وَ فِي الْيَوْم التَّانِي، بَنِي إِسْرَائِيلْ قَرَّبَوْا لِنَاسْ قَبِيلَةْ بَنْيَامِينْ 25 وَ نَاسْ قَبِيلَةْ بَنْيَامِينْ مَرَقَوْا مِنْ قِبَيْعَةْ لِيِقَابُلُوهُمْ. وَ فِي الْيَوْم دَا، كَتَلَوْا 18 000 رَاجِلْ مِنْ بَنِي إِسْرَائِيلْ، كُلُّهُمْ عَسْكَرْ الْيَعَرْفُوا حَرْب السُّيُوفْ. 26 وَ خَلَاصْ، كُلَّ شَعَبْ بَنِي إِسْرَائِيلْ مَشَوْا بَيْت إِيلْ وَ قَعَدَوْا تِحِتْ وَ بَكَوْا لِلّٰهْ. وَ الْيَوْم دَا، صَامَوْا لَحَدِّي الْعَشِيَّةْ وَ قَدَّمَوْا ضَحَايَا مُحَرَّقِينْ وَ ضَحَايَا سَلَامَةْ لِلّٰهْ. 27 بَنِي إِسْرَائِيلْ سَأَلَوْا اللّٰهْ أَشَانْ فِي الْوَكِتْ دَاكْ، صَنْدُوقْ مُعَاهَدَةْ الرَّبّ قَاعِدْ فِي بَيْت إِيلْ. 28 وَ فِي الْوَكِتْ دَاكْ، فِينْحَاسْ وِلَيْد أَلِعَازَرْ وِلَيْد هَارُونْ قَاعِدْ قِدَّامْ الصَّنْدُوقْ دَا. وَ هُو قَالْ: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا لَا؟» وَ اللّٰهْ رَدَّ لَيْهُمْ وَ قَالْ: «أَمْشُوا، أَشَانْ أَمْبَاكِرْ أَنَا نِسَلِّمْهُمْ لَيْكُو.»
29 وَ خَلَاصْ، بَنِي إِسْرَائِيلْ حَوَّقَوْا قِبَيْعَةْ وَ رَبَطَوْا كَمِينْ. 30 وَ فِي الْيَوْم التَّالِتْ، بَنِي إِسْرَائِيلْ قَمَّوْا ضِدّ بَنْيَامِينْ وَ رَصَّوْا مُقَابِلِينْ قِبَيْعَةْ مِثِلْ فِي الْمَرَّاتْ الْفَاتَوْا. 31 وَ عِيَالْ بَنْيَامِينْ مَرَقَوْا لِيِقَابُلُوا رُجَالْهُمْ وَ مَشَوْا بَعِيدْ مِنْ الْحِلَّةْ. وَ قَمَّوْا يَكْتُلُوا رُجَالْهُمْ مِثِلْ فِي الْمَرَّاتْ الْفَاتَوْا. وَ كَتَلَوْا مِنْ بَنِي إِسْرَائِيلْ حَوَالَيْ 30 رَاجِلْ فِي الدَّرِبْ الْمَاشِي لِبَيْت إِيلْ وَ فِي الدَّرِبْ هَنَا الْكَدَادَةْ الْمَاشِي لِقِبَيْعَةْ.
32 وَ عِيَالْ بَنْيَامِينْ قَالَوْا: «دَاهُو بَتَّانْ هَزَمْنَاهُمْ مِثِلْ أَوَّلْ!» وَ لَاكِنْ بَنِي إِسْرَائِيلْ قَالَوْا: «خَلِّي نِعَرُّدُوا مِنْهُمْ وَ نَمُرْقُوهُمْ بَعِيدْ مِنْ الْحِلَّةْ فِي الدُّرُوبْ.»
33 وَ كُلُّهُمْ عَرَّدَوْا لَحَدِّي وِصْلَوْا بَعَلْ تَامَارْ وَ هِنَاكْ، لَفَّوْا وَ رَصَّوْا بَتَّانْ لِلْحَرِبْ. وَ لَاكِنْ رُجَالْ بَنِي إِسْرَائِيلْ فِي الْكَمِينْ مَرَقَوْا بِسُرْعَةْ مِنْ بَكَانْهُمْ قَرِيبْ لِحِلَّةْ قَبَعْ. 34 وَ 10 000 رَاجِلْ مِنْ أَحْسَنْ الْمُحَارِبِينْ هَنَا بَنِي إِسْرَائِيلْ جَوْا قَابَلَوْا قِبَيْعَةْ وَ الْحَرِبْ دَا بِقِي شَدِيدْ. وَ لَاكِنْ عِيَالْ بَنْيَامِينْ مَا عِرْفَوْا كَدَرْ الْمَصِيبَةْ تَجِي فَوْقهُمْ. 35 وَ اللّٰهْ هَزَمْ عِيَالْ بَنْيَامِينْ قِدَّامْ بَنِي إِسْرَائِيلْ. فِي الْيَوْم دَا، بَنِي إِسْرَائِيلْ كَتَلَوْا 25 100 رَاجِلْ، كُلُّهُمْ عَسْكَرْ الْيَعَرْفُوا حَرْب السُّيُوفْ. 36 وَ بَعَدْ دَا، عِيَالْ بَنْيَامِينْ عِرْفَوْا كَدَرْ هُمَّنْ أَنْهَزَمَوْا.
وَ رُجَالْ بَنِي إِسْرَائِيلْ عَرَّدَوْا قِدَّامْ نَاسْ بَنْيَامِينْ أَشَانْ هُمَّنْ أَنْتَكَلَوْا عَلَيْ الْكَمِينْ الْهُمَّنْ رَبَطَوْه حَوَالَيْ قِبَيْعَةْ. 37 وَ بِسُرْعَةْ، نَاسْ الْكَمِينْ قَمَّوْا هَجَمَوْا قِبَيْعَةْ وَ كَتَلَوْا كُلَّ نَاسْ الْحِلَّةْ بِالْسَّيْف. 38 وَ رُجَالْ بَنِي إِسْرَائِيلْ أَسْتَفَقَوْا مَعَ نَاسْ الْكَمِينْ أَشَانْ هُمَّنْ يِسَوُّوا عَلَامَةْ هَنَا دُخَّانْ فِي الْحِلَّةْ.
39 وَ بَيْدَا، بَنِي إِسْرَائِيلْ قَبَّلَوْا بَتَّانْ لِلْحَرِبْ وَ عِيَالْ بَنْيَامِينْ بَدَوْا يَكْتُلُوا مِنْهُمْ حَوَالَيْ 30 رَاجِلْ. وَ قَالَوْا: «دَاهُو بَتَّانْ هَزَمْنَاهُمْ مِثِلْ أَوَّلْ!» 40 وَ طَوَّالِي، الْعَلَامَةْ هِنْت الدُّخَّانْ بَدَتْ تَطْلَعْ مِنْ الْحِلَّةْ. وَ وَكِتْ عِيَالْ بَنْيَامِينْ أَنْلَفَتَوْا، شَافَوْا الْحِلَّةْ كُلَّهَا كَيْ قَمَّتْ نَارْ وَ دُخَّانْهَا طَلَعْ فِي السَّمَاءْ. 41 وَ رُجَالْ بَنِي إِسْرَائِيلْ قَبَّلَوْا لِلْحَرِبْ. وَ رُجَالْ بَنْيَامِينْ أَنْبَهَتَوْا أَشَانْ هُمَّنْ عِرْفَوْا كَدَرْ الْمَصِيبَةْ خَلَاصْ جَاتْ فَوْقهُمْ. 42 وَ هُمَّنْ عَرَّدَوْا قِدَّامْ بَنِي إِسْرَائِيلْ وَ جَرَوْا عَلَيْ الصَّحَرَاء. وَ لَاكِنْ دَخَلَوْا أَمْبَيْن الرُّجَالْ الْقَاعِدِينْ يِطَارُدُوهُمْ وَ الرُّجَالْ الْمَرَقَوْا مِنْ الْحِلَّةْ. وَ هُمَّنْ كَتَلَوْهُمْ مَرَّةْ وَاحِدْ. 43 وَ بَنِي إِسْرَائِيلْ هَجَمَوْهُمْ لِعِيَالْ بَنْيَامِينْ مِنْ كُلِّ جِيهَةْ. وَ طَارَدَوْهُمْ لَحَدِّي صَبَاحْ مِنْ قِبَيْعَةْ وَ مَا خَلَّوْهُمْ يِنْجَمَّوْا وَ كَتَلَوْهُمْ هِنَاكْ.
44 وَ مِنْ عِيَالْ بَنْيَامِينْ، 18 000 رُجَالْ فَحَلِينْ مَاتَوْا. 45 وَ آخَرِينْ عَرَّدَوْا عَلَيْ الصَّحَرَاء لِحَجَرْ رِمُّونْ. وَ بَنِي إِسْرَائِيلْ كَتَلَوْا مِنْهُمْ 5 000 رَاجِلْ فِي الدُّرُوبْ وَ طَارَدَوْهُمْ لَحَدِّي قِدْعُومْ وَ كَتَلَوْا بَتَّانْ مِنْهُمْ 2 000 رَاجِلْ.
46 وَ بِالْجُمْلَةْ، عَدَدْ عِيَالْ بَنْيَامِينْ الْمَاتَوْا فِي الْيَوْم دَا 25 000 عَسْكَرْ الْيَعَرْفُوا حَرْب السُّيُوفْ. 47 وَ 600 رُجَالْ كَمَانْ عَرَّدَوْا عَلَيْ الصَّحَرَاء لِحَجَرْ رِمُّونْ وَ قَعَدَوْا فِي الْحَجَرْ دَا أَرْبَعَةْ شَهَرْ. 48 وَ بَنِي إِسْرَائِيلْ قَبَّلَوْا ضِدّ عِيَالْ بَنْيَامِينْ وَ كَتَلَوْا كُلَّ سُكَّانْ حِلَّالْهُمْ بِالْسَّيْف لَحَدِّي بَهَايِمْهُمْ وَ دَمَّرَوْا كُلَّ شَيّءْ اللِّقَوْه. وَ زِيَادَةْ مِنْ دَا، تَشَّوْا كُلَّ الْحِلَّالْ الْفِي دَرِبْهُمْ.
الحرِب ضِدّ قبيلة بَنْيَامِين
1 وَ كُلَّ بَنِي إِسْرَائِيلْ مَرَقَوْا مِنْ دَانْ فِي الْمُنْشَاقْ لَحَدِّي بِيرْ سَبْعَةْ فِي الْوَطِي وَ لَحَدِّي تُرَابْ قِلْعَادْ وَ لَمَّوْا بِقَلِبْ وَاحِدْ قِدَّامْ اللّٰهْ فِي حِلَّةْ مِصْفَةْ. 2 وَ كُبَارَاتْ الشَّعَبْ هَنَا كُلَّ قَبَايِلْ بَنِي إِسْرَائِيلْ حِضْرَوْا فِي مَلَمَّةْ شَعَبْ الرَّبّ. وَ عَدَدْهُمْ 400 000 عَسْكَرْ الْيَعَرْفُوا حَرْب السُّيُوفْ. 3 وَ نَاسْ قَبِيلَةْ بَنْيَامِينْ سِمْعَوْا كَدَرْ بَنِي إِسْرَائِيلْ جَوْا فِي مِصْفَةْ.
وَ بَنِي إِسْرَائِيلْ قَالَوْا: «أَوْرُونَا كِكَّيْف الْفَسَالَةْ دِي بِقَتْ.» 4 وَ اللَّاوِي رَاجِلْ الْمَرَةْ الْكَتَلَوْهَا قَالْ: «أَنَا وَ سِرِّيتِي وَصَّلْنَا فِي قِبَيْعَةْ فِي تُرَابْ بَنْيَامِينْ لِنُنُومُوا فَوْقهَا. 5 وَ سُكَّانْ قِبَيْعَةْ قَمَّوْا ضِدِّي وَ بِاللَّيْل، حَوَّقَوْا الْبَيْت الْأَنَا دَلَّيْت فَوْقَهْ وَ دَوَّرَوْا يَكْتُلُونِي. وَ شَالَوْا سِرِّيتِي وَ رَقَدَوْا مَعَاهَا بِقُوءْ لَحَدِّي مَاتَتْ. 6 وَ أَنَا شِلْت جَنَازَةْ سِرِّيتِي وَ قَطَّعْتَهَا وَ رَسَّلْتَهَا فِي كُلَّ أَرْض وَرَثَةْ هَنَا بَنِي إِسْرَائِيلْ أَشَانْ النَّاسْ دَوْل سَوَّوْا فَسَالَةْ وَ فِعِلْ شَيْن فِي بَنِي إِسْرَائِيلْ. 7 دَاهُو إِنْتُو كُلُّكُو، يَا بَنِي إِسْرَائِيلْ، حَجُّوا وَ أَشَّاوَرَوْا أَمْبَيْنَاتْكُو هِنِي بَسْ وَ أَنْطُونَا رَايْكُو.» 8 وَ كُلَّ الشَّعَبْ قَمَّوْا بِقَلِبْ وَاحِدْ وَ قَالَوْا: «نَادُمْ مِنِّنَا وَاحِدْ كُلَ مَا يِقَبِّلْ لِخَيْمِتَهْ وَ لَا لِبَيْتَهْ. 9 وَ هَسَّعْ دَاهُو الشَّيّءْ النِّسَوُّوهْ لِقِبَيْعَةْ. نِسَوُّوا أَمْ عِيَيْدَاتْ وَ نُقُمُّوا ضِدَّهَا. 10 وَ نِشِيلُوا رُجَالْ مِنْ كُلَّ قَبَايِلْ بَنِي إِسْرَائِيلْ. مِنْ الْمِيَةْ، نِشِيلُوا 10 وَ مِنْ الْأَلِفْ، نِشِيلُوا 100 وَ مِنْ الْعَشَرَةْ أَلِفْ نِشِيلُوا 1 000. وَ النَّاسْ دَوْل يِجِيبُوا أَكِلْ لِلرُّجَالْ الْيَمْشُوا يَهْجُمُوا قِبَيْعَةْ هَنَا بَنْيَامِينْ لِيِسَوُّوا فَوْقهُمْ حَسَبْ فِعِلْهُمْ الشَّيْن السَّوَّوْه فِي بَنِي إِسْرَائِيلْ.»
11 وَ خَلَاصْ، كُلَّ رُجَالْ بَنِي إِسْرَائِيلْ قَمَّوْا بِقَلِبْ وَاحِدْ ضِدّ الْحِلَّةْ دِي. 12 وَ قَبَايِلْ بَنِي إِسْرَائِيلْ رَسَّلَوْا رُجَالْ لِقَبِيلَةْ بَنْيَامِينْ لِيَسْأَلَوْهُمْ وَ يُقُولُوا لَيْهُمْ: «شُنُو الْفَسَالَةْ الْبِقَتْ فِي بَكَانْكُو دِي؟ 13 وَ هَسَّعْ دَا، سَلُّمُونَا النَّاسْ الْمَا نَافْعِينْ هَنَا قِبَيْعَةْ لِنَكْتُلُوهُمْ وَ نَمُرْقُوا الْفَسَالَةْ مِنْ إِسْرَائِيلْ!»
وَ لَاكِنْ نَاسْ قَبِيلَةْ بَنْيَامِينْ أَبَوْا مَا يَسْمَعَوْا كَلَامْ أَخْوَانْهُمْ بَنِي إِسْرَائِيلْ. 14 وَ نَاسْ قَبِيلَةْ بَنْيَامِينْ جَوْا مِنْ حِلَّالْهُمْ وَ لَمَّوْا فِي قِبَيْعَةْ أَشَانْ يِحَارُبُوا بَنِي إِسْرَائِيلْ. 15 وَ فِي الْيَوْم دَا، نَاسْ قَبِيلَةْ بَنْيَامِينْ الْجَوْا مِنْ الْحِلَّالْ، حَسَبَوْهُمْ وَ عَدَدْهُمْ بِقِي 26 000 عَسْكَرْ الْيَعَرْفُوا حَرْب السُّيُوفْ. وَ دَا، بَلَا سُكَّانْ قِبَيْعَةْ الْعَدَدْهُمْ 700 رَاجِلْ مِنْ أَحْسَنْ الْمُحَارِبِينْ. 16 وَ مِنْ كُلَّ الرُّجَالْ دَوْل فِيَّهْ 700 رُجَالْ إِسْرَايِينْ مِنْ أَحْسَنْ الْمُحَارِبِينْ. الْوَاحِدْ مِنْهُمْ بِحَجَرْ مِقْلَاعَهْ يَقْدَرْ يَقْطَعْ الْخَيْط. 17 وَ بَنِي إِسْرَائِيلْ كُلَ حَسَبَوْا نُفُوسْهُمْ بَلَا نَاسْ قَبِيلَةْ بَنْيَامِينْ وَ عَدَدْهُمْ بِقِي 400 000 عَسْكَرْ الْيَعَرْفُوا حَرْب السُّيُوفْ وَ كُلُّهُمْ مُحَارِبِينْ.
18 وَ بَنِي إِسْرَائِيلْ مَشَوْا بَيْت إِيلْ وَ سَأَلَوْا الرَّبّ وَ قَالَوْا: «يَاتُو مِنِّنَا يَمْشِي أَوَّلْ لِمُحَارَبَةْ نَاسْ قَبِيلَةْ بَنْيَامِينْ؟» وَ اللّٰهْ قَالْ لَيْهُمْ: «نَاسْ قَبِيلَةْ يَهُوذَا بَسْ يَمْشُوا أَوَّلْ.»
19 وَ خَلَاصْ، بَنِي إِسْرَائِيلْ قَمَّوْا بِفَجُرْ بَدْرِي وَ مَشَوْا نَزَلَوْا جَنْب قِبَيْعَةْ. 20 وَ قَمَّوْا لِيِحَارُبُوا بَنْيَامِينْ وَ رَصَّوْا لِلْحَرِبْ مُقَابِلِينْ قِبَيْعَةْ. 21 وَ نَاسْ قَبِيلَةْ بَنْيَامِينْ مَرَقَوْا مِنْ قِبَيْعَةْ لِيِحَارُبُوهُمْ. وَ فِي الْيَوْم دَا، كَتَلَوْا 22 000 رَاجِلْ مِنْ بَنِي إِسْرَائِيلْ. 22 وَ رُجَالْ إِسْرَائِيلْ شَدَّوْا حَيْلهُمْ وَ بَتَّانْ رَصَّوْا لِلْحَرِبْ فِي بَكَانْهُمْ الْأَوَّلْ يَوْم رَصَّوْا فَوْقَهْ. 23 وَ بَنِي إِسْرَائِيلْ مَشَوْا بَكَوْا قِدَّامْ اللّٰهْ لَحَدِّي الْعَشِيَّةْ وَ سَأَلَوْه وَ قَالَوْا: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا؟» وَ اللّٰهْ رَدَّ لَيْهُمْ وَ قَالْ: «قُمُّوا ضِدُّهُمْ.»
24 وَ فِي الْيَوْم التَّانِي، بَنِي إِسْرَائِيلْ قَرَّبَوْا لِنَاسْ قَبِيلَةْ بَنْيَامِينْ 25 وَ نَاسْ قَبِيلَةْ بَنْيَامِينْ مَرَقَوْا مِنْ قِبَيْعَةْ لِيِقَابُلُوهُمْ. وَ فِي الْيَوْم دَا، كَتَلَوْا 18 000 رَاجِلْ مِنْ بَنِي إِسْرَائِيلْ، كُلُّهُمْ عَسْكَرْ الْيَعَرْفُوا حَرْب السُّيُوفْ. 26 وَ خَلَاصْ، كُلَّ شَعَبْ بَنِي إِسْرَائِيلْ مَشَوْا بَيْت إِيلْ وَ قَعَدَوْا تِحِتْ وَ بَكَوْا لِلّٰهْ. وَ الْيَوْم دَا، صَامَوْا لَحَدِّي الْعَشِيَّةْ وَ قَدَّمَوْا ضَحَايَا مُحَرَّقِينْ وَ ضَحَايَا سَلَامَةْ لِلّٰهْ. 27 بَنِي إِسْرَائِيلْ سَأَلَوْا اللّٰهْ أَشَانْ فِي الْوَكِتْ دَاكْ، صَنْدُوقْ مُعَاهَدَةْ الرَّبّ قَاعِدْ فِي بَيْت إِيلْ. 28 وَ فِي الْوَكِتْ دَاكْ، فِينْحَاسْ وِلَيْد أَلِعَازَرْ وِلَيْد هَارُونْ قَاعِدْ قِدَّامْ الصَّنْدُوقْ دَا. وَ هُو قَالْ: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا لَا؟» وَ اللّٰهْ رَدَّ لَيْهُمْ وَ قَالْ: «أَمْشُوا، أَشَانْ أَمْبَاكِرْ أَنَا نِسَلِّمْهُمْ لَيْكُو.»
29 وَ خَلَاصْ، بَنِي إِسْرَائِيلْ حَوَّقَوْا قِبَيْعَةْ وَ رَبَطَوْا كَمِينْ. 30 وَ فِي الْيَوْم التَّالِتْ، بَنِي إِسْرَائِيلْ قَمَّوْا ضِدّ بَنْيَامِينْ وَ رَصَّوْا مُقَابِلِينْ قِبَيْعَةْ مِثِلْ فِي الْمَرَّاتْ الْفَاتَوْا. 31 وَ عِيَالْ بَنْيَامِينْ مَرَقَوْا لِيِقَابُلُوا رُجَالْهُمْ وَ مَشَوْا بَعِيدْ مِنْ الْحِلَّةْ. وَ قَمَّوْا يَكْتُلُوا رُجَالْهُمْ مِثِلْ فِي الْمَرَّاتْ الْفَاتَوْا. وَ كَتَلَوْا مِنْ بَنِي إِسْرَائِيلْ حَوَالَيْ 30 رَاجِلْ فِي الدَّرِبْ الْمَاشِي لِبَيْت إِيلْ وَ فِي الدَّرِبْ هَنَا الْكَدَادَةْ الْمَاشِي لِقِبَيْعَةْ.
32 وَ عِيَالْ بَنْيَامِينْ قَالَوْا: «دَاهُو بَتَّانْ هَزَمْنَاهُمْ مِثِلْ أَوَّلْ!» وَ لَاكِنْ بَنِي إِسْرَائِيلْ قَالَوْا: «خَلِّي نِعَرُّدُوا مِنْهُمْ وَ نَمُرْقُوهُمْ بَعِيدْ مِنْ الْحِلَّةْ فِي الدُّرُوبْ.»
33 وَ كُلُّهُمْ عَرَّدَوْا لَحَدِّي وِصْلَوْا بَعَلْ تَامَارْ وَ هِنَاكْ، لَفَّوْا وَ رَصَّوْا بَتَّانْ لِلْحَرِبْ. وَ لَاكِنْ رُجَالْ بَنِي إِسْرَائِيلْ فِي الْكَمِينْ مَرَقَوْا بِسُرْعَةْ مِنْ بَكَانْهُمْ قَرِيبْ لِحِلَّةْ قَبَعْ. 34 وَ 10 000 رَاجِلْ مِنْ أَحْسَنْ الْمُحَارِبِينْ هَنَا بَنِي إِسْرَائِيلْ جَوْا قَابَلَوْا قِبَيْعَةْ وَ الْحَرِبْ دَا بِقِي شَدِيدْ. وَ لَاكِنْ عِيَالْ بَنْيَامِينْ مَا عِرْفَوْا كَدَرْ الْمَصِيبَةْ تَجِي فَوْقهُمْ. 35 وَ اللّٰهْ هَزَمْ عِيَالْ بَنْيَامِينْ قِدَّامْ بَنِي إِسْرَائِيلْ. فِي الْيَوْم دَا، بَنِي إِسْرَائِيلْ كَتَلَوْا 25 100 رَاجِلْ، كُلُّهُمْ عَسْكَرْ الْيَعَرْفُوا حَرْب السُّيُوفْ. 36 وَ بَعَدْ دَا، عِيَالْ بَنْيَامِينْ عِرْفَوْا كَدَرْ هُمَّنْ أَنْهَزَمَوْا.
وَ رُجَالْ بَنِي إِسْرَائِيلْ عَرَّدَوْا قِدَّامْ نَاسْ بَنْيَامِينْ أَشَانْ هُمَّنْ أَنْتَكَلَوْا عَلَيْ الْكَمِينْ الْهُمَّنْ رَبَطَوْه حَوَالَيْ قِبَيْعَةْ. 37 وَ بِسُرْعَةْ، نَاسْ الْكَمِينْ قَمَّوْا هَجَمَوْا قِبَيْعَةْ وَ كَتَلَوْا كُلَّ نَاسْ الْحِلَّةْ بِالْسَّيْف. 38 وَ رُجَالْ بَنِي إِسْرَائِيلْ أَسْتَفَقَوْا مَعَ نَاسْ الْكَمِينْ أَشَانْ هُمَّنْ يِسَوُّوا عَلَامَةْ هَنَا دُخَّانْ فِي الْحِلَّةْ.
39 وَ بَيْدَا، بَنِي إِسْرَائِيلْ قَبَّلَوْا بَتَّانْ لِلْحَرِبْ وَ عِيَالْ بَنْيَامِينْ بَدَوْا يَكْتُلُوا مِنْهُمْ حَوَالَيْ 30 رَاجِلْ. وَ قَالَوْا: «دَاهُو بَتَّانْ هَزَمْنَاهُمْ مِثِلْ أَوَّلْ!» 40 وَ طَوَّالِي، الْعَلَامَةْ هِنْت الدُّخَّانْ بَدَتْ تَطْلَعْ مِنْ الْحِلَّةْ. وَ وَكِتْ عِيَالْ بَنْيَامِينْ أَنْلَفَتَوْا، شَافَوْا الْحِلَّةْ كُلَّهَا كَيْ قَمَّتْ نَارْ وَ دُخَّانْهَا طَلَعْ فِي السَّمَاءْ. 41 وَ رُجَالْ بَنِي إِسْرَائِيلْ قَبَّلَوْا لِلْحَرِبْ. وَ رُجَالْ بَنْيَامِينْ أَنْبَهَتَوْا أَشَانْ هُمَّنْ عِرْفَوْا كَدَرْ الْمَصِيبَةْ خَلَاصْ جَاتْ فَوْقهُمْ. 42 وَ هُمَّنْ عَرَّدَوْا قِدَّامْ بَنِي إِسْرَائِيلْ وَ جَرَوْا عَلَيْ الصَّحَرَاء. وَ لَاكِنْ دَخَلَوْا أَمْبَيْن الرُّجَالْ الْقَاعِدِينْ يِطَارُدُوهُمْ وَ الرُّجَالْ الْمَرَقَوْا مِنْ الْحِلَّةْ. وَ هُمَّنْ كَتَلَوْهُمْ مَرَّةْ وَاحِدْ. 43 وَ بَنِي إِسْرَائِيلْ هَجَمَوْهُمْ لِعِيَالْ بَنْيَامِينْ مِنْ كُلِّ جِيهَةْ. وَ طَارَدَوْهُمْ لَحَدِّي صَبَاحْ مِنْ قِبَيْعَةْ وَ مَا خَلَّوْهُمْ يِنْجَمَّوْا وَ كَتَلَوْهُمْ هِنَاكْ.
44 وَ مِنْ عِيَالْ بَنْيَامِينْ، 18 000 رُجَالْ فَحَلِينْ مَاتَوْا. 45 وَ آخَرِينْ عَرَّدَوْا عَلَيْ الصَّحَرَاء لِحَجَرْ رِمُّونْ. وَ بَنِي إِسْرَائِيلْ كَتَلَوْا مِنْهُمْ 5 000 رَاجِلْ فِي الدُّرُوبْ وَ طَارَدَوْهُمْ لَحَدِّي قِدْعُومْ وَ كَتَلَوْا بَتَّانْ مِنْهُمْ 2 000 رَاجِلْ.
46 وَ بِالْجُمْلَةْ، عَدَدْ عِيَالْ بَنْيَامِينْ الْمَاتَوْا فِي الْيَوْم دَا 25 000 عَسْكَرْ الْيَعَرْفُوا حَرْب السُّيُوفْ. 47 وَ 600 رُجَالْ كَمَانْ عَرَّدَوْا عَلَيْ الصَّحَرَاء لِحَجَرْ رِمُّونْ وَ قَعَدَوْا فِي الْحَجَرْ دَا أَرْبَعَةْ شَهَرْ. 48 وَ بَنِي إِسْرَائِيلْ قَبَّلَوْا ضِدّ عِيَالْ بَنْيَامِينْ وَ كَتَلَوْا كُلَّ سُكَّانْ حِلَّالْهُمْ بِالْسَّيْف لَحَدِّي بَهَايِمْهُمْ وَ دَمَّرَوْا كُلَّ شَيّءْ اللِّقَوْه. وَ زِيَادَةْ مِنْ دَا، تَشَّوْا كُلَّ الْحِلَّالْ الْفِي دَرِبْهُمْ.
