شُيوخ بني إسرائيل شافوا اللّه
1 وَ بَعَدْ دَا، اللّٰهْ قَالْ لِمُوسَى: «أَطْلَعَوْا لَيِّ فِي الْجَبَلْ، إِنْتَ وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ. وَ أَسْجُدُوا مِنْ بَعِيدْ. 2 وَ خَلِّي إِنْتَ مُوسَى وِحَيْدَكْ بَسْ تَجِي لَيِّ أَنَا اللّٰهْ. وَ كَنْ لِلْآخَرِينْ كَمَانْ، مَا يَجُوا قَرِيبْ. وَ خَلِّي الشَّعَبْ مَا يَطْلَعَوْا مَعَاكْ.» 3 خَلَاصْ، مُوسَى قَبَّلْ كَلَّمْ الشَّعَبْ بِكُلَّ كَلَامْ اللّٰهْ وَ قَوَانِينَهْ. وَ كُلَّ الشَّعَبْ رَدَّوْا لَيَّهْ بِحِسّ وَاحِدْ وَ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ.»
4 مُوسَى كَتَبْ كُلَّ كَلَامْ اللّٰهْ. وَ أَمْبَاكِرْ فَجُرْ، مُوسَى بَكَّرْ وَ بَنَى مَدْبَحْ فِي قَعَرْ الْجَبَلْ. وَ بَتَّانْ غَزَّ 12 حَجَرْ عَلَيْ حَسَبْ عَدَدْ قَبَايِلْ بَنِي إِسْرَائِيلْ. 5 وَ مُوسَى رَسَّلْ صُبْيَانْ مِنْ بَنِي إِسْرَائِيلْ وَ هُمَّنْ قَدَّمَوْا لِلّٰهْ ضَحِيَّةْ مُحَرَّقَةْ وَ دَبَحَوْا تِيرَانْ ضَحَايَا سَلَامَةْ. 6 وَ مُوسَى صَبَّ نُصّ الدَّمّ فِي مَوَاعِينْ. وَ نُصَّهْ الْآخَرْ كَمَانْ، رَشَّ بَيَّهْ الْمَدْبَحْ. 7 وَ شَالْ كِتَابْ الْمُعَاهَدَةْ الْهُو كَتَبَهْ وَ قَرَاهْ لِلشَّعَبْ. وَ هُمَّنْ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ وَ نِطِيعُوهْ.» 8 وَ مُوسَى شَالْ الْفَضَّلْ مِنْ الدَّمّ وَ رَشَّ بَيَّهْ الشَّعَبْ وَ قَالْ: «دَاهُو دَمّ الْمُعَاهَدَةْ الْاللّٰهْ سَوَّاهَا مَعَاكُو حَسَبْ كُلَّ كَلَامَهْ الْقَالَهْ لَيْكُو.»
9 مُوسَى وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ طَلَعَوْا الْجَبَلْ. 10 وَ شَافَوْا اللّٰهْ إِلٰـهْ بَنِي إِسْرَائِيلْ. وَ تِحْتَهْ شَيّءْ مِثِلْ أَرْض مِنْ الْيَاقُوتْ الْأَخْضَرْ وَ دَا شَفَّافْ مِثِلْ السَّمَاءْ. 11 وَ لَاكِنْ الرَّبّ مَا مَدَّ إِيدَهْ لِيَهْلِكْ كُبَارَاتْ بَنِي إِسْرَائِيلْ. هُمَّنْ شَافَوْا الرَّبّ وَ بَعَدْ دَا، أَكَلَوْا وَ شِرْبَوْا قِدَّامَهْ.
مُوسَى قابل اللّه في جبل سِينَاء
12 وَ اللّٰهْ قَالْ لِمُوسَى: «أَطْلَعْ لَيِّ فِي رَاسْ الْجَبَلْ وَ أَقْعُدْ فِي الْبَكَانْ دَا. وَ نَنْطِيكْ لِيحَانْ إِتْنَيْن هَنَا حَجَرْ الْأَنَا كَتَبْت فَوْقهُمْ الْوَصَايَا وَ الْقَوَانِينْ لِلنَّاسْ يِلْعَلَّمَوْهُمْ.» 13 وَ مُوسَى شَالْ مَعَايَهْ مُسَاعِدَهْ يَشُوعْ وَ طَلَعَوْا فِي جَبَلْ اللّٰهْ. 14 وَ قَبُلْ مَا يَطْلَعَوْا، مُوسَى قَالْ لِشُيُوخْ بَنِي إِسْرَائِيلْ: «أَرْجَوْنَا هِنِي لَحَدِّي نِقَبُّلُوا لَيْكُو. دَاهُو هَارُونْ وَ حُورْ قَاعِدِينْ مَعَاكُو. كَنْ عِنْدُكُو مُشْكِلَةْ، أَمْشُوا لَيْهُمْ.»
15 وَ خَلَاصْ، مُوسَى طَلَعْ الْجَبَلْ وَ السَّحَابَايْ سَدَّتْ الْجَبَلْ مَرَّةْ وَاحِدْ. 16 وَ مَجْد اللّٰهْ قَعَدْ فِي جَبَلْ سِينَاء. فِي مُدَّةْ سِتَّةْ يَوْم، السَّحَابَايْ سَدَّتْ الْجَبَلْ. وَ فِي الْيَوْم السَّابِعْ، اللّٰهْ نَادَى مُوسَى مِنْ أُسْط السَّحَابَايْ. 17 وَ فِي عُيُونْ بَنِي إِسْرَائِيلْ، مَجْد اللّٰهْ أَنْشَافْ مِثِلْ النَّارْ الْقَاعِدَةْ تَاكُلْ فِي رَاسْ الْجَبَلْ. 18 وَ مُوسَى دَخَلْ فِي أُسْط السَّحَابَايْ وَ طَلَعْ بَتَّانْ فَوْق فِي الْجَبَلْ. وَ قَعَدْ فِي رَاسْ الْجَبَلْ 40 نَهَارْ وَ 40 لَيْلَةْ.
شُيوخ بني إسرائيل شافوا اللّه
1 وَ بَعَدْ دَا، اللّٰهْ قَالْ لِمُوسَى: «أَطْلَعَوْا لَيِّ فِي الْجَبَلْ، إِنْتَ وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ. وَ أَسْجُدُوا مِنْ بَعِيدْ. 2 وَ خَلِّي إِنْتَ مُوسَى وِحَيْدَكْ بَسْ تَجِي لَيِّ أَنَا اللّٰهْ. وَ كَنْ لِلْآخَرِينْ كَمَانْ، مَا يَجُوا قَرِيبْ. وَ خَلِّي الشَّعَبْ مَا يَطْلَعَوْا مَعَاكْ.» 3 خَلَاصْ، مُوسَى قَبَّلْ كَلَّمْ الشَّعَبْ بِكُلَّ كَلَامْ اللّٰهْ وَ قَوَانِينَهْ. وَ كُلَّ الشَّعَبْ رَدَّوْا لَيَّهْ بِحِسّ وَاحِدْ وَ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ.»
4 مُوسَى كَتَبْ كُلَّ كَلَامْ اللّٰهْ. وَ أَمْبَاكِرْ فَجُرْ، مُوسَى بَكَّرْ وَ بَنَى مَدْبَحْ فِي قَعَرْ الْجَبَلْ. وَ بَتَّانْ غَزَّ 12 حَجَرْ عَلَيْ حَسَبْ عَدَدْ قَبَايِلْ بَنِي إِسْرَائِيلْ. 5 وَ مُوسَى رَسَّلْ صُبْيَانْ مِنْ بَنِي إِسْرَائِيلْ وَ هُمَّنْ قَدَّمَوْا لِلّٰهْ ضَحِيَّةْ مُحَرَّقَةْ وَ دَبَحَوْا تِيرَانْ ضَحَايَا سَلَامَةْ. 6 وَ مُوسَى صَبَّ نُصّ الدَّمّ فِي مَوَاعِينْ. وَ نُصَّهْ الْآخَرْ كَمَانْ، رَشَّ بَيَّهْ الْمَدْبَحْ. 7 وَ شَالْ كِتَابْ الْمُعَاهَدَةْ الْهُو كَتَبَهْ وَ قَرَاهْ لِلشَّعَبْ. وَ هُمَّنْ قَالَوْا: «أَنِحْنَ نِسَوُّوا كُلَّ شَيّءْ حَسَبْ كَلَامْ اللّٰهْ وَ نِطِيعُوهْ.» 8 وَ مُوسَى شَالْ الْفَضَّلْ مِنْ الدَّمّ وَ رَشَّ بَيَّهْ الشَّعَبْ وَ قَالْ: «دَاهُو دَمّ الْمُعَاهَدَةْ الْاللّٰهْ سَوَّاهَا مَعَاكُو حَسَبْ كُلَّ كَلَامَهْ الْقَالَهْ لَيْكُو.»
9 مُوسَى وَ هَارُونْ وَ أَوْلَادَهْ نَدَابْ وَ أَبِيهُو وَ 70 شُيُوخْ مِنْ بَنِي إِسْرَائِيلْ طَلَعَوْا الْجَبَلْ. 10 وَ شَافَوْا اللّٰهْ إِلٰـهْ بَنِي إِسْرَائِيلْ. وَ تِحْتَهْ شَيّءْ مِثِلْ أَرْض مِنْ الْيَاقُوتْ الْأَخْضَرْ وَ دَا شَفَّافْ مِثِلْ السَّمَاءْ. 11 وَ لَاكِنْ الرَّبّ مَا مَدَّ إِيدَهْ لِيَهْلِكْ كُبَارَاتْ بَنِي إِسْرَائِيلْ. هُمَّنْ شَافَوْا الرَّبّ وَ بَعَدْ دَا، أَكَلَوْا وَ شِرْبَوْا قِدَّامَهْ.
مُوسَى قابل اللّه في جبل سِينَاء
12 وَ اللّٰهْ قَالْ لِمُوسَى: «أَطْلَعْ لَيِّ فِي رَاسْ الْجَبَلْ وَ أَقْعُدْ فِي الْبَكَانْ دَا. وَ نَنْطِيكْ لِيحَانْ إِتْنَيْن هَنَا حَجَرْ الْأَنَا كَتَبْت فَوْقهُمْ الْوَصَايَا وَ الْقَوَانِينْ لِلنَّاسْ يِلْعَلَّمَوْهُمْ.» 13 وَ مُوسَى شَالْ مَعَايَهْ مُسَاعِدَهْ يَشُوعْ وَ طَلَعَوْا فِي جَبَلْ اللّٰهْ. 14 وَ قَبُلْ مَا يَطْلَعَوْا، مُوسَى قَالْ لِشُيُوخْ بَنِي إِسْرَائِيلْ: «أَرْجَوْنَا هِنِي لَحَدِّي نِقَبُّلُوا لَيْكُو. دَاهُو هَارُونْ وَ حُورْ قَاعِدِينْ مَعَاكُو. كَنْ عِنْدُكُو مُشْكِلَةْ، أَمْشُوا لَيْهُمْ.»
15 وَ خَلَاصْ، مُوسَى طَلَعْ الْجَبَلْ وَ السَّحَابَايْ سَدَّتْ الْجَبَلْ مَرَّةْ وَاحِدْ. 16 وَ مَجْد اللّٰهْ قَعَدْ فِي جَبَلْ سِينَاء. فِي مُدَّةْ سِتَّةْ يَوْم، السَّحَابَايْ سَدَّتْ الْجَبَلْ. وَ فِي الْيَوْم السَّابِعْ، اللّٰهْ نَادَى مُوسَى مِنْ أُسْط السَّحَابَايْ. 17 وَ فِي عُيُونْ بَنِي إِسْرَائِيلْ، مَجْد اللّٰهْ أَنْشَافْ مِثِلْ النَّارْ الْقَاعِدَةْ تَاكُلْ فِي رَاسْ الْجَبَلْ. 18 وَ مُوسَى دَخَلْ فِي أُسْط السَّحَابَايْ وَ طَلَعْ بَتَّانْ فَوْق فِي الْجَبَلْ. وَ قَعَدْ فِي رَاسْ الْجَبَلْ 40 نَهَارْ وَ 40 لَيْلَةْ.
