لُباس رجال الدين
1 «‹شِيلْ مِنْ بَنِي إِسْرَائِيلْ أَخُوكْ هَارُونْ وَ أَوْلَادَهْ نَدَابْ وَ أَبِيهُو وَ أَلِعَازَرْ وَ إِتَمَارْ لِيَبْقَوْا لَيِّ رُجَالْ دِينْ. 2 وَ عَدِّلْ لِأَخُوكْ هَارُونْ خُلْقَانْ خَاصِّينْ الْيَنْطُوهْ شَرَفْ وَ إِحْتِرَامْ. 3 وَ قُولْ لِكُلَّ الْخَيَّاطِينْ الْأَنَا أَنْطَيْتهُمْ خِبْرَةْ فِي الْخِدْمَةْ دِي خَلِّي يِسَوُّوا خُلْقَانْ لِهَارُونْ. وَ هُو يَلْبَسْهُمْ وَكِتْ يِخَصُّصُوهْ لِيَبْقَى لَيِّ رَاجِلْ دِينْ. 4 الْخُلْقَانْ الْيِسَوُّوهُمْ هُمَّنْ الصِّدَيْرِيَّةْ وَ الْفَرْمَلَةْ وَ الْجَلَّابِيَّةْ وَ الْجَوَّانِيَّةْ وَ الْكَدْمُولْ وَ الْحِزَامْ. يِسَوُّوا خُلْقَانْ خَاصِّينْ لِهَارُونْ أَخُوكْ وَ لِعِيَالَهْ لِيَبْقَوْا لَيِّ رُجَالْ دِينْ. 5 وَ الْخُلْقَانْ دَوْل يِسَوُّوهُمْ بِقُمَاشْ هَنَا كَتَّانْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلِينْ بِدَهَبْ.
فرْملة كبير رجال الدين
6 «‹الْفَرْمَلَةْ يِسَوُّوهَا بِقُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ. 7 وَ تُكُونْ عِنْدَهَا حُبَالْ الْيِثَبُّتُوهَا بَيْهُمْ فِي الْكَتَافَيْ. 8 وَ الْحِزَامْ الْيَرْبُطُوهْ كُلَ يُكُونْ مِنْ نَفْس الصُّنْعَةْ مِنْ دَهَبْ وَ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ.
9 «‹شِيلْ حُجَارْ إِتْنَيْن مِنْ عَقِيقْ وَ أَنْقُشْ فَوْقهُمْ أَسَامَيْ أَوْلَادْ إِسْرَائِيلْ الْأَتْنَا عَشَرْ. 10 حَسَبْ نِظَامْ مِيلَادْهُمْ، أَكْتِبْ أَسَامَيْ السِّتَّةْ فِي الْحَجَرْ الْوَاحِدْ وَ أَسَامَيْ السِّتَّةْ فِي الْحَجَرْ التَّانِي. 11 وَ صَيَّاغِي مَعْرُوفْ فِي نَقِشْ الْخَوَاتِمْ يَنْقُشْ أَسَامَيْ أَوْلَادْ إِسْرَائِيلْ فِي الْحَجَرَيْن دَوْل. وَ تِثَبِّتْهُمْ فِي حَلَقَتَيْن مِنْ دَهَبْ. 12 وَ تُخُطُّهُمْ فِي كَتَافَيْ الْفَرْمَلَةْ لِيَبْقَوْا ذِكْرَةْ لِبَنِي إِسْرَائِيلْ. وَ هَارُونْ يِشِيلْ الْأَسَامَيْ دَوْل فِي كَتَافَيْه مِثِلْ ذِكْرَةْ قِدَّامْ اللّٰهْ. 13 وَ سَوِّي الْحَلَقَتَيْن مِنْ دَهَبْ 14 وَ سِلْسِلَتَيْن هَنَا دَهَبْ صَافِي مَفْتُولِينْ مِثِلْ الْحَبِلْ. وَ عَلِّقْهُمْ فِي الْحَلَقَتَيْن.
صِدَيْريّة القَرَار
15 «‹سَوِّي صِدَيْرِيَّةْ الْقَرَارْ مِثِلْ الْفَرْمَلَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ. 16 وَ تُكُونْ مُرَبَّعَةْ طُولْهَا شِبِرْ وَ عُرْضَهَا كُلَ شِبِرْ. وَ مَطْبُوقَةْ مَرَّتَيْن مِثِلْ جَيْب. 17 وَ تِجَمِّلْهَا بِأَرْبَعَةْ رَوْق مِنْ الْحُجَارْ الْغَالِيِّينْ.
الرَّوْق الْأَوَّلْ عِنْدَهْ عَقِيقْ أَحْمَرْ وَ يَاقُوتْ أَصْفَرْ وَ زُمُرُّدْ أَخْضَرْ.18 وَ الرَّوْق التَّانِي عِنْدَهْ مَرَجَانْ أَحْمَرْ وَ يَاقُوتْ أَخْضَرْ وَ مَاسّ.19 وَ الرَّوْق التَّالِتْ عِنْدَهْ فَيْرُوزْ وَ يَاقُوتْ أَحْمَرْ وَ زَيْتُونْ.20 وَ الرَّوْق الرَّابِعْ عِنْدَهْ زَبَرْجَدْ وَ عَقِيقْ وَ خَرَزْ.«‹وَ كُلَّ الْحُجَارْ دَوْل يُكُونُوا مُرَصَّصِينْ فِي الرِّيقَانْ هَنَا الدَّهَبْ. 21 وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.
22 «‹وَ سَوِّي لِلصِّدَيْرِيَّةْ سِلْسِلَتَيْن مِنْ دَهَبْ صَافِي مَفْتُولِينْ مِثِلْ الْحَبِلْ. 23 وَ سَوِّي بَتَّانْ خَوَاتِمْ إِتْنَيْن مِنْ دَهَبْ وَ ثَبِّتْهُمْ فِي كَوْنجَاتْ الصِّدَيْرِيَّةْ بِفَوْق. 24 وَ دَخِّلْ فِي الْخَوَاتِمْ دَوْل السِّلْسِلَتَيْن هَنَا الدَّهَبْ. 25 وَ خَشُمْ الْآخَرْ هَنَا السِّلْسِلَتَيْن، دَخِّلَهْ فِي الْحَلَقَتَيْن الْقَاعِدِينْ فِي كَتَافَيْ الْفَرْمَلَةْ بِقِدَّامْ. 26 وَ بَتَّانْ سَوِّي خَوَاتِمْ إِتْنَيْن مِنْ دَهَبْ فِي كَوْنجَاتْ الصِّدَيْرِيَّةْ بِتِحِتْ. وَ خُطُّهُمْ بِدَاخَلْ أَمْبَيْن الصِّدَيْرِيَّةْ وَ الْفَرْمَلَةْ. 27 وَ بَتَّانْ سَوِّي خَوَاتِمْ إِتْنَيْن مِنْ دَهَبْ وَ خُطُّوهُمْ فِي كَتَافَيْ الْفَرْمَلَةْ بِتِحِتْ مِنْ قِدَّامْ قَرِيبْ لِحِزَامْ الْفَرْمَلَةْ. 28 وَ أَرْبُطْ الْخَوَاتِمْ الْإِتْنَيْن هَنَا الصِّدَيْرِيَّةْ بِالْخَوَاتِمْ الْإِتْنَيْن هَنَا الْفَرْمَلَةْ بِحَبِلْ ظَهْرِي. وَ بَيْدَا، الصِّدَيْرِيَّةْ تَبْقَى فَوْق مِنْ الْحِزَامْ وَ قَاعِدَةْ ثَابْتَةْ فَوْق الْفَرْمَلَةْ مَا تِلْحَرَّكْ. 29 وَ بَيْدَا، وَكِتْ هَارُونْ يَدْخُلْ فِي الْبَكَانْ الْمُقَدَّسْ، يِشِيلْ أَسَامَيْ قَبَايِلْ بَنِي إِسْرَائِيلْ فِي صَدْرَهْ فِي صِدَيْرِيَّةْ الْقَرَارْ أَشَانْ يَبْقَوْا ذِكْرَةْ دَايْمَةْ قِدَّامْ اللّٰهْ. 30 وَ خُطّ الْأُرِيمْ وَ التُّمِّيمْ فِي صِدَيْرِيَّةْ الْقَرَارْ أَشَانْ يُكُونُوا فِي صَدُرْ هَارُونْ وَكِتْ يَدْخُلْ قِدَّامْ اللّٰهْ. وَ بَيْدَا، هَارُونْ يِشِيلْهُمْ دَايْماً فِي صَدْرَهْ قِدَّامْ اللّٰهْ لِيَعَرِفْ قَرَارَات اللّٰهْ لِبَنِي إِسْرَائِيلْ.
الجلّابيّة
31 «‹وَ خَيِّطْ جَلَّابِيَّةْ لِلْفَرْمَلَةْ كُلَّهَا مِنْ قُمَاشْ ظَهْرِي. 32 وَ الْجَلَّابِيَّةْ عِنْدَهَا قَبَّةْ مَكْفُوفَةْ وَ مُدَرَّسَةْ أَشَانْ الْقَبَّةْ مَا تِنْشَرِطْ. وَ يِخَيُّطُوهَا بِخِيَاطَةْ خَيَّاطِي مَعْرُوفْ. 33 وَ خَيِّطْ فِي دَايِرْ الْجَلَّابِيَّةْ رُمَّانَاتْ مَصْنُوعِينْ مِنْ قُمَاشْ ظَهْرِي وَ قَرَضِي وَ أَحْمَرْ وَ أَرْبُطْ جُرْسَانْ مِنْ دَهَبْ أَمْبَيْن الرُّمَّانَاتْ. 34 وَ بَيْدَا، يُكُونْ رُمَّانَةْ وَ جَرَسْ، رُمَّانَةْ وَ جَرَسْ فِي كُلَّ دَايِرْ الْجَلَّابِيَّةْ. 35 وَ هَارُونْ يَلْبَسْ الْجَلَّابِيَّةْ دِي وَكِتْ يَخْدِمْ قِدَّامْ اللّٰهْ. وَ حَرَكَةْ الْجُرْسَانْ تِنْسَمِعْ وَكِتْ هُو يَدْخُلْ فِي الْبَكَانْ الْمُقَدَّسْ قِدَّامْ اللّٰهْ وَ وَكِتْ يَمْرُقْ. وَ بَيْدَا، هُو مَا يُمُوتْ.
لُباس خاصّ لهَارُون
36 «‹وَ سَوِّي حَفِيضَةْ مِنْ دَهَبْ صَافِي وَ أَنْقُشْ فَوْقهَا الْكَلَامْ الْبُقُولْ خَاصّ لِلّٰهْ. 37 وَ أَرْبُطْهَا بِحَبِلْ ظَهْرِي فِي رَاسْ الْكَدْمُولْ بِقِدَّامْ. 38 وَ تَقْعُدْ فِي جَبْهَةْ هَارُونْ. وَ بَيْدَا، هُو يُكُونْ الْمَسْؤُولْ مِنْ الْخَطَا الْيِسَوُّوهْ بَنِي إِسْرَائِيلْ وَكِتْ يِقَدُّمُوا هَدَايَاهُمْ الْمُقَدَّسِينْ. الْحَفِيضَةْ دِي تَقْعُدْ دَايْماً فِي جَبْهَةْ هَارُونْ أَشَانْ اللّٰهْ يَرْضَى بَيْهُمْ.
39 «‹وَ خَيِّطْ جَوَّانِيَّةْ مِنْ قُمَاشْ هَنَا كَتَّانْ. وَ كَدْمُولْ كُلَ مِنْ كَتَّانْ. وَ سَوِّي حِزَامْ بِخِيَاطَةْ خَيَّاطِي مَعْرُوفْ.
لُباس أوْلاد هَارُون
40 «‹وَ خَيِّطْ جَوَّانِيَّةْ وَ حِزَامْ وَ كَدْمُولْ لِأَيِّ وِلَيْد مِنْ أَوْلَادْ هَارُونْ لِتَنْطِيهُمْ شَرَفْ وَ إِحْتِرَامْ. 41 وَ بَعَدْ تِلَبِّسْ أَخُوكْ هَارُونْ وَ أَوْلَادَهْ الْخُلْقَانْ دَوْل، أَمْسَحْهُمْ وَ دَرِّجْهُمْ وَ خَصِّصْهُمْ لِيَبْقَوْا لَيِّ رُجَالْ دِينْ. 42 وَ خَيِّطْ لَيْهُمْ سَرَاوِيلْ مِنْ قُمَاشْ هَنَا كَتَّانْ لِيَسْتُرُوا بَيْهُمْ عَوْرِتْهُمْ. السَّرَاوِيلْ دَوْل يِغَطُّوا الصُّلُبْ وَ الدَّوَارِجْ. 43 هَارُونْ وَ أَوْلَادَهْ يَلْبَسَوْهُمْ وَكِتْ يَدْخُلُوا فِي خَيْمَةْ الْإِجْتِمَاعْ فِي الْبَكَانْ الْمُقَدَّسْ وَ وَكِتْ يِقَرُّبُوا لِلْمَدْبَحْ لِيَخْدُمُوا. وَ بَيْدَا، مَا يَذْنُبُوا وَ يُمُوتُوا. وَ دَا شَرْط دَايِمْ لِهَارُونْ وَ ذُرِّيّتَهْ التَّجِي مِنْ بَعَدَهْ.
لُباس رجال الدين
1 «‹شِيلْ مِنْ بَنِي إِسْرَائِيلْ أَخُوكْ هَارُونْ وَ أَوْلَادَهْ نَدَابْ وَ أَبِيهُو وَ أَلِعَازَرْ وَ إِتَمَارْ لِيَبْقَوْا لَيِّ رُجَالْ دِينْ. 2 وَ عَدِّلْ لِأَخُوكْ هَارُونْ خُلْقَانْ خَاصِّينْ الْيَنْطُوهْ شَرَفْ وَ إِحْتِرَامْ. 3 وَ قُولْ لِكُلَّ الْخَيَّاطِينْ الْأَنَا أَنْطَيْتهُمْ خِبْرَةْ فِي الْخِدْمَةْ دِي خَلِّي يِسَوُّوا خُلْقَانْ لِهَارُونْ. وَ هُو يَلْبَسْهُمْ وَكِتْ يِخَصُّصُوهْ لِيَبْقَى لَيِّ رَاجِلْ دِينْ. 4 الْخُلْقَانْ الْيِسَوُّوهُمْ هُمَّنْ الصِّدَيْرِيَّةْ وَ الْفَرْمَلَةْ وَ الْجَلَّابِيَّةْ وَ الْجَوَّانِيَّةْ وَ الْكَدْمُولْ وَ الْحِزَامْ. يِسَوُّوا خُلْقَانْ خَاصِّينْ لِهَارُونْ أَخُوكْ وَ لِعِيَالَهْ لِيَبْقَوْا لَيِّ رُجَالْ دِينْ. 5 وَ الْخُلْقَانْ دَوْل يِسَوُّوهُمْ بِقُمَاشْ هَنَا كَتَّانْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلِينْ بِدَهَبْ.
فرْملة كبير رجال الدين
6 «‹الْفَرْمَلَةْ يِسَوُّوهَا بِقُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ. 7 وَ تُكُونْ عِنْدَهَا حُبَالْ الْيِثَبُّتُوهَا بَيْهُمْ فِي الْكَتَافَيْ. 8 وَ الْحِزَامْ الْيَرْبُطُوهْ كُلَ يُكُونْ مِنْ نَفْس الصُّنْعَةْ مِنْ دَهَبْ وَ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ.
9 «‹شِيلْ حُجَارْ إِتْنَيْن مِنْ عَقِيقْ وَ أَنْقُشْ فَوْقهُمْ أَسَامَيْ أَوْلَادْ إِسْرَائِيلْ الْأَتْنَا عَشَرْ. 10 حَسَبْ نِظَامْ مِيلَادْهُمْ، أَكْتِبْ أَسَامَيْ السِّتَّةْ فِي الْحَجَرْ الْوَاحِدْ وَ أَسَامَيْ السِّتَّةْ فِي الْحَجَرْ التَّانِي. 11 وَ صَيَّاغِي مَعْرُوفْ فِي نَقِشْ الْخَوَاتِمْ يَنْقُشْ أَسَامَيْ أَوْلَادْ إِسْرَائِيلْ فِي الْحَجَرَيْن دَوْل. وَ تِثَبِّتْهُمْ فِي حَلَقَتَيْن مِنْ دَهَبْ. 12 وَ تُخُطُّهُمْ فِي كَتَافَيْ الْفَرْمَلَةْ لِيَبْقَوْا ذِكْرَةْ لِبَنِي إِسْرَائِيلْ. وَ هَارُونْ يِشِيلْ الْأَسَامَيْ دَوْل فِي كَتَافَيْه مِثِلْ ذِكْرَةْ قِدَّامْ اللّٰهْ. 13 وَ سَوِّي الْحَلَقَتَيْن مِنْ دَهَبْ 14 وَ سِلْسِلَتَيْن هَنَا دَهَبْ صَافِي مَفْتُولِينْ مِثِلْ الْحَبِلْ. وَ عَلِّقْهُمْ فِي الْحَلَقَتَيْن.
صِدَيْريّة القَرَار
15 «‹سَوِّي صِدَيْرِيَّةْ الْقَرَارْ مِثِلْ الْفَرْمَلَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ وَ مُجَمَّلَةْ بِدَهَبْ. وَ دَا بِخِيَاطَةْ خَيَّاطِي مَعْرُوفْ. 16 وَ تُكُونْ مُرَبَّعَةْ طُولْهَا شِبِرْ وَ عُرْضَهَا كُلَ شِبِرْ. وَ مَطْبُوقَةْ مَرَّتَيْن مِثِلْ جَيْب. 17 وَ تِجَمِّلْهَا بِأَرْبَعَةْ رَوْق مِنْ الْحُجَارْ الْغَالِيِّينْ.
الرَّوْق الْأَوَّلْ عِنْدَهْ عَقِيقْ أَحْمَرْ وَ يَاقُوتْ أَصْفَرْ وَ زُمُرُّدْ أَخْضَرْ.18 وَ الرَّوْق التَّانِي عِنْدَهْ مَرَجَانْ أَحْمَرْ وَ يَاقُوتْ أَخْضَرْ وَ مَاسّ.19 وَ الرَّوْق التَّالِتْ عِنْدَهْ فَيْرُوزْ وَ يَاقُوتْ أَحْمَرْ وَ زَيْتُونْ.20 وَ الرَّوْق الرَّابِعْ عِنْدَهْ زَبَرْجَدْ وَ عَقِيقْ وَ خَرَزْ.«‹وَ كُلَّ الْحُجَارْ دَوْل يُكُونُوا مُرَصَّصِينْ فِي الرِّيقَانْ هَنَا الدَّهَبْ. 21 وَ الْحُجَارْ الْغَالِيِّينْ دَوْل فِي عَدَدْ قَبَايِلْ بَنِي إِسْرَائِيلْ الْأَتْنَا عَشَرْ. أَيِّ أُسُمْ قَبِيلَةْ مَنْقُوشْ فِي حَجَرْ وَاحِدْ مِثِلْ نَقِشْ الْخَوَاتِمْ.
22 «‹وَ سَوِّي لِلصِّدَيْرِيَّةْ سِلْسِلَتَيْن مِنْ دَهَبْ صَافِي مَفْتُولِينْ مِثِلْ الْحَبِلْ. 23 وَ سَوِّي بَتَّانْ خَوَاتِمْ إِتْنَيْن مِنْ دَهَبْ وَ ثَبِّتْهُمْ فِي كَوْنجَاتْ الصِّدَيْرِيَّةْ بِفَوْق. 24 وَ دَخِّلْ فِي الْخَوَاتِمْ دَوْل السِّلْسِلَتَيْن هَنَا الدَّهَبْ. 25 وَ خَشُمْ الْآخَرْ هَنَا السِّلْسِلَتَيْن، دَخِّلَهْ فِي الْحَلَقَتَيْن الْقَاعِدِينْ فِي كَتَافَيْ الْفَرْمَلَةْ بِقِدَّامْ. 26 وَ بَتَّانْ سَوِّي خَوَاتِمْ إِتْنَيْن مِنْ دَهَبْ فِي كَوْنجَاتْ الصِّدَيْرِيَّةْ بِتِحِتْ. وَ خُطُّهُمْ بِدَاخَلْ أَمْبَيْن الصِّدَيْرِيَّةْ وَ الْفَرْمَلَةْ. 27 وَ بَتَّانْ سَوِّي خَوَاتِمْ إِتْنَيْن مِنْ دَهَبْ وَ خُطُّوهُمْ فِي كَتَافَيْ الْفَرْمَلَةْ بِتِحِتْ مِنْ قِدَّامْ قَرِيبْ لِحِزَامْ الْفَرْمَلَةْ. 28 وَ أَرْبُطْ الْخَوَاتِمْ الْإِتْنَيْن هَنَا الصِّدَيْرِيَّةْ بِالْخَوَاتِمْ الْإِتْنَيْن هَنَا الْفَرْمَلَةْ بِحَبِلْ ظَهْرِي. وَ بَيْدَا، الصِّدَيْرِيَّةْ تَبْقَى فَوْق مِنْ الْحِزَامْ وَ قَاعِدَةْ ثَابْتَةْ فَوْق الْفَرْمَلَةْ مَا تِلْحَرَّكْ. 29 وَ بَيْدَا، وَكِتْ هَارُونْ يَدْخُلْ فِي الْبَكَانْ الْمُقَدَّسْ، يِشِيلْ أَسَامَيْ قَبَايِلْ بَنِي إِسْرَائِيلْ فِي صَدْرَهْ فِي صِدَيْرِيَّةْ الْقَرَارْ أَشَانْ يَبْقَوْا ذِكْرَةْ دَايْمَةْ قِدَّامْ اللّٰهْ. 30 وَ خُطّ الْأُرِيمْ وَ التُّمِّيمْ فِي صِدَيْرِيَّةْ الْقَرَارْ أَشَانْ يُكُونُوا فِي صَدُرْ هَارُونْ وَكِتْ يَدْخُلْ قِدَّامْ اللّٰهْ. وَ بَيْدَا، هَارُونْ يِشِيلْهُمْ دَايْماً فِي صَدْرَهْ قِدَّامْ اللّٰهْ لِيَعَرِفْ قَرَارَات اللّٰهْ لِبَنِي إِسْرَائِيلْ.
الجلّابيّة
31 «‹وَ خَيِّطْ جَلَّابِيَّةْ لِلْفَرْمَلَةْ كُلَّهَا مِنْ قُمَاشْ ظَهْرِي. 32 وَ الْجَلَّابِيَّةْ عِنْدَهَا قَبَّةْ مَكْفُوفَةْ وَ مُدَرَّسَةْ أَشَانْ الْقَبَّةْ مَا تِنْشَرِطْ. وَ يِخَيُّطُوهَا بِخِيَاطَةْ خَيَّاطِي مَعْرُوفْ. 33 وَ خَيِّطْ فِي دَايِرْ الْجَلَّابِيَّةْ رُمَّانَاتْ مَصْنُوعِينْ مِنْ قُمَاشْ ظَهْرِي وَ قَرَضِي وَ أَحْمَرْ وَ أَرْبُطْ جُرْسَانْ مِنْ دَهَبْ أَمْبَيْن الرُّمَّانَاتْ. 34 وَ بَيْدَا، يُكُونْ رُمَّانَةْ وَ جَرَسْ، رُمَّانَةْ وَ جَرَسْ فِي كُلَّ دَايِرْ الْجَلَّابِيَّةْ. 35 وَ هَارُونْ يَلْبَسْ الْجَلَّابِيَّةْ دِي وَكِتْ يَخْدِمْ قِدَّامْ اللّٰهْ. وَ حَرَكَةْ الْجُرْسَانْ تِنْسَمِعْ وَكِتْ هُو يَدْخُلْ فِي الْبَكَانْ الْمُقَدَّسْ قِدَّامْ اللّٰهْ وَ وَكِتْ يَمْرُقْ. وَ بَيْدَا، هُو مَا يُمُوتْ.
لُباس خاصّ لهَارُون
36 «‹وَ سَوِّي حَفِيضَةْ مِنْ دَهَبْ صَافِي وَ أَنْقُشْ فَوْقهَا الْكَلَامْ الْبُقُولْ خَاصّ لِلّٰهْ. 37 وَ أَرْبُطْهَا بِحَبِلْ ظَهْرِي فِي رَاسْ الْكَدْمُولْ بِقِدَّامْ. 38 وَ تَقْعُدْ فِي جَبْهَةْ هَارُونْ. وَ بَيْدَا، هُو يُكُونْ الْمَسْؤُولْ مِنْ الْخَطَا الْيِسَوُّوهْ بَنِي إِسْرَائِيلْ وَكِتْ يِقَدُّمُوا هَدَايَاهُمْ الْمُقَدَّسِينْ. الْحَفِيضَةْ دِي تَقْعُدْ دَايْماً فِي جَبْهَةْ هَارُونْ أَشَانْ اللّٰهْ يَرْضَى بَيْهُمْ.
39 «‹وَ خَيِّطْ جَوَّانِيَّةْ مِنْ قُمَاشْ هَنَا كَتَّانْ. وَ كَدْمُولْ كُلَ مِنْ كَتَّانْ. وَ سَوِّي حِزَامْ بِخِيَاطَةْ خَيَّاطِي مَعْرُوفْ.
لُباس أوْلاد هَارُون
40 «‹وَ خَيِّطْ جَوَّانِيَّةْ وَ حِزَامْ وَ كَدْمُولْ لِأَيِّ وِلَيْد مِنْ أَوْلَادْ هَارُونْ لِتَنْطِيهُمْ شَرَفْ وَ إِحْتِرَامْ. 41 وَ بَعَدْ تِلَبِّسْ أَخُوكْ هَارُونْ وَ أَوْلَادَهْ الْخُلْقَانْ دَوْل، أَمْسَحْهُمْ وَ دَرِّجْهُمْ وَ خَصِّصْهُمْ لِيَبْقَوْا لَيِّ رُجَالْ دِينْ. 42 وَ خَيِّطْ لَيْهُمْ سَرَاوِيلْ مِنْ قُمَاشْ هَنَا كَتَّانْ لِيَسْتُرُوا بَيْهُمْ عَوْرِتْهُمْ. السَّرَاوِيلْ دَوْل يِغَطُّوا الصُّلُبْ وَ الدَّوَارِجْ. 43 هَارُونْ وَ أَوْلَادَهْ يَلْبَسَوْهُمْ وَكِتْ يَدْخُلُوا فِي خَيْمَةْ الْإِجْتِمَاعْ فِي الْبَكَانْ الْمُقَدَّسْ وَ وَكِتْ يِقَرُّبُوا لِلْمَدْبَحْ لِيَخْدُمُوا. وَ بَيْدَا، مَا يَذْنُبُوا وَ يُمُوتُوا. وَ دَا شَرْط دَايِمْ لِهَارُونْ وَ ذُرِّيّتَهْ التَّجِي مِنْ بَعَدَهْ.
