المُعاهدة في بلد مُوَاب
1 وَ دِي هِي الْمُعَاهَدَةْ الْاللّٰهْ أَمَرْ بَيْهَا مُوسَى لِيِسَوِّيهَا مَعَ بَنِي إِسْرَائِيلْ فِي بَلَدْ مُوَابْ وَ دَا يِزِيدْ فِي الْمُعَاهَدَةْ السَّوَّاهَا مَعَاهُمْ فِي جَبَلْ حُورِيبْ.
2 وَ مُوسَى نَادَى كُلَّ بَنِي إِسْرَائِيلْ وَ قَالْ: إِنْتُو شِفْتُوا بِعُيُونْكُو كُلَّ شَيّءْ السَّوَّاهْ اللّٰهْ فِي بَلَدْ مَصِرْ لِفِرْعَوْن وَ لِخَدَّامِينَهْ وَ لِكُلَّ بَلَدَهْ. 3 وَ إِنْتُو شِفْتُوا بِعُيُونْكُو الْعَلَامَاتْ وَ الْعَجَايِبْ الْكُبَارْ دَوْل. 4 وَ لَاكِنْ لَحَدِّي الْيَوْم، اللّٰهْ مَا أَنْطَاكُو قُلُوبْ لِتَفْهَمَوْا وَ لَا عُيُونْ لِتِشِيفُوا وَ لَا أُدْنَيْ لِتَسْمَعَوْا.
5 وَ اللّٰهْ قَالْ: «أَنَا قُدْتُكُو لِمُدَّةْ 40 سَنَةْ فِي الصَّحَرَاء وَ لَاكِنْ خُلْقَانْكُو مَا قِدْمَوْا فِي جِسِمْكُو وَ نِعْلَيْكُو مَا أَلْقَطَّعَوْا فِي رِجْلَيْكُو. 6 وَ إِنْتُو مَا أَكَلْتُوا خُبْزَةْ وَ لَا شِرِبْتُوا خَمَرْ وَ لَا مَرِيسَةْ. وَ أَنَا سَوَّيْت كُلَّ الشَّيّءْ دَا أَشَانْ تَعَرْفُوا كَدَرْ أَنَا بَسْ اللّٰهْ إِلٰـهْكُو.»
7 وَ بَعَدْ دَا، أَنِحْنَ جِينَا فِي الْبَكَانْ دَا وَ سِيحُونْ مَلِكْ حَشْبُونْ وَ عُوقْ مَلِكْ بَاشَانْ مَرَقَوْا لَاقَوْنَا لِيِحَارُبُونَا وَ لَاكِنْ أَنِحْنَ أَنَّصَرْنَا فَوْقهُمْ. 8 وَ شِلْنَا بَلَدْهُمْ وَ قَسَّمْنَاهَا وَرَثَةْ لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. 9 وَ هَسَّعْ، أَحْفَضَوْا الْمُعَاهَدَةْ دِي وَ طَبُّقُوهَا أَشَانْ تَنْجَحَوْا فِي كُلَّ شَيّءْ التِّسَوُّوهْ.
المُعاهدة بحليفة
10 وَ الْيَوْم، كُلُّكُو جِيتُوا قِدَّامْ اللّٰهْ إِلٰـهْكُو بِكُبَارَاتْ قَبَايِلْكُو وَ شُيُوخْكُو وَ مُرَاقِبِينْكُو وَ كُلَّ رُجَالْ إِسْرَائِيلْ 11 وَ عِيَالْكُو وَ عَوِينْكُو وَ أَجَانِبْكُو الْقَاعِدِينْ مَعَاكُو فِي فَرِيقْكُو، مِنْ الْبَقْطَعَوْا لَيْكُو الْحَطَبْ لَحَدِّي الْيِسِلُّوا لَيْكُو الْأَلْمِي. 12 وَ هَسَّعْ، اللّٰهْ إِلٰـهْكُو يِسَوِّي مَعَاكُو مُعَاهَدَةْ وَ هُو يِدَوْر إِنْتُو تِأَكُّدُوا الْمُعَاهَدَةْ دِي بِحَلِيفَةْ. 13 أَشَانْ إِنْتُو تَبْقَوْا شَعَبَهْ وَ هُو كُلَ يَبْقَى إِلٰـهْكُو وَ دَا مِثِلْ هُو قَالَهْ لَيْكُو وَ مِثِلْ هُو حَلَفْ لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ.
14 وَ مَا مَعَاكُو إِنْتُو وِحَيْدكُو بَسْ، هُو سَوَّى الْمُعَاهَدَةْ دِي بِحَلِيفَةْ. 15 وَ لَاكِنْ مَعَ النَّاسْ الْحَاضْرِينْ مَعَاكُو الْيَوْم قِدَّامْ اللّٰهْ إِلٰـهْنَا وَ مَعَ النَّاسْ الْمَا حَاضْرِينْ مَعَانَا الْيَوْم كُلَ.
16 وَ إِنْتُو ذَاتْكُو تَعَرْفُوا كِكَّيْف أَنِحْنَ سَكَنَّا فِي بَلَدْ مَصِرْ وَ كِكَّيْف عَدَّيْنَا أُسْط الْأُمَمْ الْإِنْتُو شَقَّيْتُوهُمْ. 17 وَ إِنْتُو شِفْتُوا مُحَرَّمَاتْهُمْ وَ أَصْنَامْهُمْ هَنَا الْحَطَبْ وَ الْحَجَرْ وَ الْفُضَّةْ وَ الدَّهَبْ. 18 وَ خَلِّي مَا يُكُونْ مِنْكُو الْيَوْم وَ لَا رَاجِلْ وَ لَا مَرَةْ وَ لَا خَشُمْ بَيْت وَ لَا قَبِيلَةْ الْيِقَبِّلْ مِنْ اللّٰهْ إِلٰـهْنَا وَ يَمْشِي يَعَبُدْ إِلٰـهَاتْ الْأُمَمْ دَوْل. وَ خَلِّي مَا يُكُونْ فِي أُسُطْكُو قَلِبْ مُرّ مِثِلْ عِرِقْ هَنَا شَدَرَةْ التَّلْدَ سَمّ وَ حَمْضَلْ.
19 وَ خَلِّي أَيِّ نَادُمْ قَلْبَهْ مَا يِنْغَشَّ بَعَدْ الْحَلِيفَةْ دِي وَ يِبَارِكْ نَفْسَهْ وَ يُقُولْ: «أَنَا لِقِيتْ السَّلَامْ أَشَانْ رَاسِي قَوِي وَ نِتَابِعْ فِكْرِي وَ صَحِيحْ الْأَرْض الْمَطْرَانَةْ مَا عَطْشَانَةْ.» 20 اللّٰهْ مَا يَغْفِرْ لَيَّهْ. وَ لَاكِنْ يَوْم زَعَلْ اللّٰهْ وَ غِيرْتَهْ يُقُمُّوا ضِدّ النَّادُمْ دَا، خَلَاصْ كُلَّ اللَّعَنَةْ الْمَكْتُوبَةْ فِي الْكِتَابْ دَا تَقَعْ فَوْقَهْ. وَ اللّٰهْ يُقُشّ أُسْمَهْ مِنْ تِحِتْ السَّمَاءْ. 21 وَ اللّٰهْ يَعَزِلَهْ لِلْفَسَالَةْ مِنْ كُلَّ قَبَايِلْ بَنِي إِسْرَائِيلْ وَ اللَّعَنَةْ تَجِي حَسَبْ الْمُعَاهَدَةْ الْمَكْتُوبَةْ فِي كِتَابْ التَّوْرَاةْ دَا.
اللّه يحقِّق كلامه
22 وَ الذُّرِّيَّةْ التَّجِي مِنْ بَعَدْكُو وَ هُمَّنْ عِيَالْكُو الْمِنْ بَعَدْكُو وَ الْأَجَانِبْ الْجَايِينْ مِنْ بَلَدْ بَعِيدَةْ، كُلَّ النَّاسْ دَوْل يِشِيفُوا الْوَبَاءْ وَ الْأَمْرَاضْ الْاللّٰهْ ضَرَبَاكُو بَيْهُمْ 23 وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.
24 وَ كُلَّ الْأُمَمْ يُقُولُوا: «مَالَا اللّٰهْ سَوَّى الْبَلَدْ دِي مِثِلْ دَا؟ وَ مَالَا زَعَلَهْ بِقِي شَدِيدْ مِثِلْ دَا؟» 25 وَ يُرُدُّوا لَيْهُمْ وَ يُقُولُوا: «أَشَانْ هُمَّنْ أَبَوْا الْمُعَاهَدَةْ السَّوَّاهَا مَعَاهُمْ اللّٰهْ رَبّ جُدُودْهُمْ وَكِتْ مَرَقَاهُمْ مِنْ بَلَدْ مَصِرْ. 26 وَ أَشَانْ هُمَّنْ مَشَوْا عَبَدَوْا لَيْهُمْ إِلٰـهَاتْ آخَرِينْ وَ سَجَدَوْا قِدَّامْهُمْ وَ دَوْل إِلٰـهَاتْ الْأَبَداً هُمَّنْ مَا عِرْفَوْهُمْ وَ اللّٰهْ كُلَ مَا أَمَرْ بِعِبَادِتْهُمْ. 27 وَ فِي شَانْ دَا، اللّٰهْ غِضِبْ لِلْبَلَدْ دِي وَ جَابْ فَوْقهَا كُلَّ اللَّعَنَةْ الْمَكْتُوبَةْ فِي الْكِتَابْ دَا. 28 وَ اللّٰهْ مَرَقَاهُمْ مِنْ أَرْضُهُمْ بِزَعَلْ. وَ بِغَضَبْ شَدِيدْ، هُو زَقَلَاهُمْ فِي بَلَدْ آخَرَةْ وَ دَا مِثِلْ نِشِيفُوهْ الْيَوْم.»
29 وَ الْأَشْيَاءْ الْمُلَبَّدِينْ هِنَيْ اللّٰهْ إِلٰـهْنَا وَ الْأَشْيَاءْ الْهُو بَيَّنْهُمْ، هُمَّنْ هِنَيْنَا وَ هِنَيْ ذُرِّيِّتْنَا إِلَى الْأَبَدْ. أَشَانْ نِطَبُّقُوا كُلَّ كَلَامْ الْوَصَايَا دَوْل.
المُعاهدة في بلد مُوَاب
1 وَ دِي هِي الْمُعَاهَدَةْ الْاللّٰهْ أَمَرْ بَيْهَا مُوسَى لِيِسَوِّيهَا مَعَ بَنِي إِسْرَائِيلْ فِي بَلَدْ مُوَابْ وَ دَا يِزِيدْ فِي الْمُعَاهَدَةْ السَّوَّاهَا مَعَاهُمْ فِي جَبَلْ حُورِيبْ.
2 وَ مُوسَى نَادَى كُلَّ بَنِي إِسْرَائِيلْ وَ قَالْ: إِنْتُو شِفْتُوا بِعُيُونْكُو كُلَّ شَيّءْ السَّوَّاهْ اللّٰهْ فِي بَلَدْ مَصِرْ لِفِرْعَوْن وَ لِخَدَّامِينَهْ وَ لِكُلَّ بَلَدَهْ. 3 وَ إِنْتُو شِفْتُوا بِعُيُونْكُو الْعَلَامَاتْ وَ الْعَجَايِبْ الْكُبَارْ دَوْل. 4 وَ لَاكِنْ لَحَدِّي الْيَوْم، اللّٰهْ مَا أَنْطَاكُو قُلُوبْ لِتَفْهَمَوْا وَ لَا عُيُونْ لِتِشِيفُوا وَ لَا أُدْنَيْ لِتَسْمَعَوْا.
5 وَ اللّٰهْ قَالْ: «أَنَا قُدْتُكُو لِمُدَّةْ 40 سَنَةْ فِي الصَّحَرَاء وَ لَاكِنْ خُلْقَانْكُو مَا قِدْمَوْا فِي جِسِمْكُو وَ نِعْلَيْكُو مَا أَلْقَطَّعَوْا فِي رِجْلَيْكُو. 6 وَ إِنْتُو مَا أَكَلْتُوا خُبْزَةْ وَ لَا شِرِبْتُوا خَمَرْ وَ لَا مَرِيسَةْ. وَ أَنَا سَوَّيْت كُلَّ الشَّيّءْ دَا أَشَانْ تَعَرْفُوا كَدَرْ أَنَا بَسْ اللّٰهْ إِلٰـهْكُو.»
7 وَ بَعَدْ دَا، أَنِحْنَ جِينَا فِي الْبَكَانْ دَا وَ سِيحُونْ مَلِكْ حَشْبُونْ وَ عُوقْ مَلِكْ بَاشَانْ مَرَقَوْا لَاقَوْنَا لِيِحَارُبُونَا وَ لَاكِنْ أَنِحْنَ أَنَّصَرْنَا فَوْقهُمْ. 8 وَ شِلْنَا بَلَدْهُمْ وَ قَسَّمْنَاهَا وَرَثَةْ لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. 9 وَ هَسَّعْ، أَحْفَضَوْا الْمُعَاهَدَةْ دِي وَ طَبُّقُوهَا أَشَانْ تَنْجَحَوْا فِي كُلَّ شَيّءْ التِّسَوُّوهْ.
المُعاهدة بحليفة
10 وَ الْيَوْم، كُلُّكُو جِيتُوا قِدَّامْ اللّٰهْ إِلٰـهْكُو بِكُبَارَاتْ قَبَايِلْكُو وَ شُيُوخْكُو وَ مُرَاقِبِينْكُو وَ كُلَّ رُجَالْ إِسْرَائِيلْ 11 وَ عِيَالْكُو وَ عَوِينْكُو وَ أَجَانِبْكُو الْقَاعِدِينْ مَعَاكُو فِي فَرِيقْكُو، مِنْ الْبَقْطَعَوْا لَيْكُو الْحَطَبْ لَحَدِّي الْيِسِلُّوا لَيْكُو الْأَلْمِي. 12 وَ هَسَّعْ، اللّٰهْ إِلٰـهْكُو يِسَوِّي مَعَاكُو مُعَاهَدَةْ وَ هُو يِدَوْر إِنْتُو تِأَكُّدُوا الْمُعَاهَدَةْ دِي بِحَلِيفَةْ. 13 أَشَانْ إِنْتُو تَبْقَوْا شَعَبَهْ وَ هُو كُلَ يَبْقَى إِلٰـهْكُو وَ دَا مِثِلْ هُو قَالَهْ لَيْكُو وَ مِثِلْ هُو حَلَفْ لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ.
14 وَ مَا مَعَاكُو إِنْتُو وِحَيْدكُو بَسْ، هُو سَوَّى الْمُعَاهَدَةْ دِي بِحَلِيفَةْ. 15 وَ لَاكِنْ مَعَ النَّاسْ الْحَاضْرِينْ مَعَاكُو الْيَوْم قِدَّامْ اللّٰهْ إِلٰـهْنَا وَ مَعَ النَّاسْ الْمَا حَاضْرِينْ مَعَانَا الْيَوْم كُلَ.
16 وَ إِنْتُو ذَاتْكُو تَعَرْفُوا كِكَّيْف أَنِحْنَ سَكَنَّا فِي بَلَدْ مَصِرْ وَ كِكَّيْف عَدَّيْنَا أُسْط الْأُمَمْ الْإِنْتُو شَقَّيْتُوهُمْ. 17 وَ إِنْتُو شِفْتُوا مُحَرَّمَاتْهُمْ وَ أَصْنَامْهُمْ هَنَا الْحَطَبْ وَ الْحَجَرْ وَ الْفُضَّةْ وَ الدَّهَبْ. 18 وَ خَلِّي مَا يُكُونْ مِنْكُو الْيَوْم وَ لَا رَاجِلْ وَ لَا مَرَةْ وَ لَا خَشُمْ بَيْت وَ لَا قَبِيلَةْ الْيِقَبِّلْ مِنْ اللّٰهْ إِلٰـهْنَا وَ يَمْشِي يَعَبُدْ إِلٰـهَاتْ الْأُمَمْ دَوْل. وَ خَلِّي مَا يُكُونْ فِي أُسُطْكُو قَلِبْ مُرّ مِثِلْ عِرِقْ هَنَا شَدَرَةْ التَّلْدَ سَمّ وَ حَمْضَلْ.
19 وَ خَلِّي أَيِّ نَادُمْ قَلْبَهْ مَا يِنْغَشَّ بَعَدْ الْحَلِيفَةْ دِي وَ يِبَارِكْ نَفْسَهْ وَ يُقُولْ: «أَنَا لِقِيتْ السَّلَامْ أَشَانْ رَاسِي قَوِي وَ نِتَابِعْ فِكْرِي وَ صَحِيحْ الْأَرْض الْمَطْرَانَةْ مَا عَطْشَانَةْ.» 20 اللّٰهْ مَا يَغْفِرْ لَيَّهْ. وَ لَاكِنْ يَوْم زَعَلْ اللّٰهْ وَ غِيرْتَهْ يُقُمُّوا ضِدّ النَّادُمْ دَا، خَلَاصْ كُلَّ اللَّعَنَةْ الْمَكْتُوبَةْ فِي الْكِتَابْ دَا تَقَعْ فَوْقَهْ. وَ اللّٰهْ يُقُشّ أُسْمَهْ مِنْ تِحِتْ السَّمَاءْ. 21 وَ اللّٰهْ يَعَزِلَهْ لِلْفَسَالَةْ مِنْ كُلَّ قَبَايِلْ بَنِي إِسْرَائِيلْ وَ اللَّعَنَةْ تَجِي حَسَبْ الْمُعَاهَدَةْ الْمَكْتُوبَةْ فِي كِتَابْ التَّوْرَاةْ دَا.
اللّه يحقِّق كلامه
22 وَ الذُّرِّيَّةْ التَّجِي مِنْ بَعَدْكُو وَ هُمَّنْ عِيَالْكُو الْمِنْ بَعَدْكُو وَ الْأَجَانِبْ الْجَايِينْ مِنْ بَلَدْ بَعِيدَةْ، كُلَّ النَّاسْ دَوْل يِشِيفُوا الْوَبَاءْ وَ الْأَمْرَاضْ الْاللّٰهْ ضَرَبَاكُو بَيْهُمْ 23 وَ يِشِيفُوا الْكِبْرِيتْ وَ الْمِلِحْ وَ النَّارْ الْمُقَبِّضَةْ فِي كُلَّ الْبَلَدْ. وَ فِي الْوَكِتْ دَاكْ، مَا فِي نَبَاتْ وَ لَا مَعَاشْ وَ لَا قَشّ الْقَاعِدْ يُقُمّ. وَ دَا يَبْقَى مِثِلْ دَمَارْ سَدُومْ وَ عَمُورَةْ وَ أَدْمَةْ وَ صَبُويِيمْ الدَّمَّرَاهُمْ اللّٰهْ فِي زَعَلَهْ وَ غَضَبَهْ.
24 وَ كُلَّ الْأُمَمْ يُقُولُوا: «مَالَا اللّٰهْ سَوَّى الْبَلَدْ دِي مِثِلْ دَا؟ وَ مَالَا زَعَلَهْ بِقِي شَدِيدْ مِثِلْ دَا؟» 25 وَ يُرُدُّوا لَيْهُمْ وَ يُقُولُوا: «أَشَانْ هُمَّنْ أَبَوْا الْمُعَاهَدَةْ السَّوَّاهَا مَعَاهُمْ اللّٰهْ رَبّ جُدُودْهُمْ وَكِتْ مَرَقَاهُمْ مِنْ بَلَدْ مَصِرْ. 26 وَ أَشَانْ هُمَّنْ مَشَوْا عَبَدَوْا لَيْهُمْ إِلٰـهَاتْ آخَرِينْ وَ سَجَدَوْا قِدَّامْهُمْ وَ دَوْل إِلٰـهَاتْ الْأَبَداً هُمَّنْ مَا عِرْفَوْهُمْ وَ اللّٰهْ كُلَ مَا أَمَرْ بِعِبَادِتْهُمْ. 27 وَ فِي شَانْ دَا، اللّٰهْ غِضِبْ لِلْبَلَدْ دِي وَ جَابْ فَوْقهَا كُلَّ اللَّعَنَةْ الْمَكْتُوبَةْ فِي الْكِتَابْ دَا. 28 وَ اللّٰهْ مَرَقَاهُمْ مِنْ أَرْضُهُمْ بِزَعَلْ. وَ بِغَضَبْ شَدِيدْ، هُو زَقَلَاهُمْ فِي بَلَدْ آخَرَةْ وَ دَا مِثِلْ نِشِيفُوهْ الْيَوْم.»
29 وَ الْأَشْيَاءْ الْمُلَبَّدِينْ هِنَيْ اللّٰهْ إِلٰـهْنَا وَ الْأَشْيَاءْ الْهُو بَيَّنْهُمْ، هُمَّنْ هِنَيْنَا وَ هِنَيْ ذُرِّيِّتْنَا إِلَى الْأَبَدْ. أَشَانْ نِطَبُّقُوا كُلَّ كَلَامْ الْوَصَايَا دَوْل.
