رُؤية العُضام
1 وَ قُدْرَةْ اللّٰهْ قَاعِدَةْ فَوْقِي وَ هُو مَرَقَانِي بِرُوحَهْ وَ وَدَّانِي فِي أُسْط الْوَادِي. وَ الْوَادِي دَا مَلَانْ بِعُضَامْ هَنَا نَاسْ. 2 وَ هُو رَوَّغَانِي فِي أُسُطْهُمْ فِي كُلِّ جِيهَةْ وَ هُمَّنْ كَتِيرِينْ فِي الْوَادِي وَ يَابْسِينْ مَرَّةْ وَاحِدْ. 3 وَ هُو قَالْ لَيِّ: «يَا إِبْن آدَمْ، الْعُضَامْ دَوْل يَقْدَرَوْا يَحْيَوْا وَلَّا؟» وَ أَنَا قُلْت: «يَا اللّٰهْ الرَّبّ، إِنْتَ بَسْ تَعَرْفَهْ!»
4 وَ هُو قَالْ لَيِّ: «أَتْنَبَّأْ لِلْعُضَامْ دَوْل وَ قُولْ لَيْهُمْ: ‹يَا الْعُضَامْ الْيَابْسِينْ، أَسْمَعَوْا كَلَامْ اللّٰهْ! 5 وَ دَاهُو اللّٰهْ الرَّبّ قَالْ: ”أَنَا نِجِيبْ فَوْقكُو نَفَسْ الْحَيَاةْ وَ تَحْيَوْا. 6 وَ نُخُطّ فَوْقكُو عَصَبْ وَ نَكْسِيكُو بِلَحَمْ وَ فَرْوَةْ وَ نِدِسّ فَوْقكُو نَفَسْ الْحَيَاةْ وَ تَحْيَوْا. وَ بَيْدَا، تَعَرْفُوا كَدَرْ أَنَا بَسْ اللّٰهْ.“›»
7 وَ أَنَا أَتْنَبَّأْت مِثِلْ هُو أَمَرَانِي. وَ وَكِتْ أَنَا قَاعِدْ نِتْنَبَّأْ، أَنَا سِمِعْت حَرَكَةْ. وَ دِي حَرَكَةْ الْعُضَامْ الْقَاعِدِينْ يِلْقَرَّبَوْا الْوَاحِدِينْ لِلْآخَرِينْ. 8 وَ دَاهُو أَنَا شِفْت الْعُضَامْ دَوْل لِقَوْا عَصَبْ وَ أَنْكَسَوْا بِلَحَمْ وَ فَرْوَةْ وَ لَاكِنْ مَا عِنْدُهُمْ نَفَسْ الْحَيَاةْ.
9 وَ اللّٰهْ قَالْ لَيِّ: «أَتْنَبَّأْ لِنَفَسْ الْحَيَاةْ! أَتْنَبَّأْ، يَا إِبْن آدَمْ، وَ قُولْ لِنَفَسْ الْحَيَاةْ: ‹دَاهُو اللّٰهْ الرَّبّ قَالْ: ”يَا نَفَسْ الْحَيَاةْ، تَعَالْ مِنْ الْجِيهَاتْ الْأَرْبَعَةْ وَ أَدْخُلْ فِي الْمَيْتِينْ دَوْل وَ خَلِّي هُمَّنْ يَحْيَوْا.“›»
10 وَ أَنَا أَتْنَبَّأْت مِثِلْ هُو أَمَرَانِي وَ نَفَسْ الْحَيَاةْ دَخَلْ فَوْقهُمْ وَ لِقَوْا الْحَيَاةْ. وَ وَقَفَوْا بِطُولْهُمْ وَ هُمَّنْ جَمَاعَةْ كَتِيرِينْ مَرَّةْ وَاحِدْ.
11 وَ اللّٰهْ قَالْ لَيِّ: «يَا إِبْن آدَمْ، الْعُضَامْ دَوْل يِمَثُّلُوا كُلَّ بَنِي إِسْرَائِيلْ. هُمَّنْ قَالَوْا: ‹عُضَامْنَا يِبْسَوْا وَ عَشَمْنَا أَنْقَطَعْ وَ وَدَّرْنَا.› 12 وَ فِي شَانْ دَا، أَتْنَبَّأْ وَ قُولْ لَيْهُمْ: ‹دَاهُو اللّٰهْ الرَّبّ قَالْ: ”يَا شَعَبِي، أَنَا نَفْتَحْ قُبُورْكُو وَ نَمْرُقْكُو مِنْهُمْ وَ نِوَدِّيكُو فِي بَلَدْ إِسْرَائِيلْ. 13 يَا شَعَبِي، وَكِتْ نَفْتَحْ قُبُورْكُو وَ نَمْرُقْكُو مِنْهُمْ، خَلَاصْ إِنْتُو تَعَرْفُوا كَدَرْ أَنَا بَسْ اللّٰهْ. 14 وَ نُخُطّ نَفَسِي هَنَا الْحَيَاةْ فَوْقكُو وَ تَحْيَوْا وَ نُخُطُّكُو فِي أَرْضُكُو. وَ بَيْدَا، تَعَرْفُوا كَدَرْ دَا، أَنَا اللّٰهْ بَسْ قُلْتَهْ وَ نِحَقِّقَهْ.“›» وَ دَا كَلَامْ اللّٰهْ.
اللّه وحّد بني إسرائيل
15 وَ اللّٰهْ حَجَّى لَيِّ وَ قَالْ: 16 «إِنْتَ يَا إِبْن آدَمْ، شِيلْ عُودْ وَاحِدْ وَ أَكْتِبْ فَوْقَهْ: ‹دَا لِيَهُوذَا وَ نَاسْ إِسْرَائِيلْ الْمُشْتَرِكِينْ مَعَايَهْ.› وَ شِيلْ عُودْ آخَرْ وَ أَكْتِبْ فَوْقَهْ: ‹دَا لِيُوسُفْ أَوْ أَفْرَايِمْ وَ كُلَّ نَاسْ إِسْرَائِيلْ الْمُشْتَرِكِينْ مَعَايَهْ.› 17 وَ لِمّ الْعُودْ الْوَاحِدْ لِلْآخَرْ وَ سَوِّيهُمْ عُودْ وَاحِدْ وَ أَكُرْبَهْ فِي إِيدَكْ.
18 «وَ أَكُونْ نَاسْ مِنْ شَعَبَكْ يُقُولُوا لَيْك: ‹شُنُو مَعَنَى الشَّيّءْ دَا؟› 19 خَلَاصْ، إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِشِيلْ عُودْ يُوسُفْ أَوْ أَفْرَايِمْ وَ قَبَايِلْ إِسْرَائِيلْ الْمُشْتَرِكِينْ مَعَايَهْ. وَ نِلِمَّهْ مَعَ عُودْ يَهُوذَا وَ نِسَوِّيهُمْ عُودْ وَاحِدْ. وَ نَكْرُبْ الْعُودْ الْوَاحِدْ دَا فِي إِيدِي.“›
20 «وَ الْعُودَيْن الْكَتَبْت فَوْقهُمْ، أَكْرُبْهُمْ فِي إِيدَكْ قِدَّامْ الشَّعَبْ. 21 وَ إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِشِيلْ بَنِي إِسْرَائِيلْ مِنْ بَيْن الْأُمَمْ الْهُمَّنْ مُشَتَّتِينْ فِي أُسُطْهُمْ. وَ نِلِمُّهُمْ مِنْ كُلِّ جِيهَةْ وَ نِوَدِّيهُمْ فِي أَرْضُهُمْ. 22 وَ نِسَوِّيهُمْ أُمَّةْ وَاحِدَةْ فِي الْبَلَدْ وَ فِي جِبَالْ إِسْرَائِيلْ. مَلِكْ وَاحِدْ بَسْ يَمْلُكْ فَوْقهُمْ كُلُّهُمْ. وَ أَبَداً مَا يَبْقَوْا أُمَّتَيْن وَ بَتَّانْ مَا يِنْقَسْمُوا مَمْلَكَتَيْن. 23 وَ هُمَّنْ بَتَّانْ مَا يِنَّجَّسَوْا بِأَصْنَامْهُمْ وَ لَا بِمُحَرَّمَاتْهُمْ وَ لَا بِكُلَّ عِصْيَانْهُمْ. وَ نِنَجِّيهُمْ مِنْ كُلَّ كُفُرْهُمْ الْبَيَّهْ أَذْنَبَوْا. وَ نِطَهِّرْهُمْ وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ. 24 وَ عَبْدِي الْمِثِلْ الْمَلِكْ دَاوُدْ يَحْكِمْ فَوْقهُمْ وَ يَبْقَى رَاعِي فَوْقهُمْ كُلُّهُمْ. وَ يَمْشُوا حَسَبْ قَوَانِينِي وَ يَحْفَضَوْا شُرُوطِي وَ يِطَبُّقُوهُمْ. 25 وَ يَسْكُنُوا فِي الْبَلَدْ الْأَنَا أَنْطَيْتهَا لِعَبْدِي يَعْقُوبْ وَ دِي الْبَلَدْ السَّكَنَوْا فَوْقهَا جُدُودْكُو. هُمَّنْ يَسْكُنُوا فَوْقهَا، هُمَّنْ وَ عِيَالْهُمْ وَ عِيَالْ عِيَالْهُمْ إِلَى الْأَبَدْ. وَ عَبْدِي الْمِثِلْ دَاوُدْ يَبْقَى مَلِكْ فَوْقهُمْ لِلْأَبَدْ. 26 وَ أَنَا نِسَوِّي مَعَاهُمْ مُعَاهَدَةْ هِنْت سَلَامْ وَ دِي تَبْقَى مُعَاهَدَةْ دَايْمَةْ مَعَاهُمْ. وَ نِثَبِّتْهُمْ وَ نِكَتِّرْهُمْ وَ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ. 27 وَ بَيْتِي يُكُونْ مَعَاهُمْ وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. 28 وَكِتْ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ، الْأُمَمْ يَعَرْفُوا كَدَرْ أَنَا اللّٰهْ بَسْ نِخَصِّصْ بَنِي إِسْرَائِيلْ.“›»
رُؤية العُضام
1 وَ قُدْرَةْ اللّٰهْ قَاعِدَةْ فَوْقِي وَ هُو مَرَقَانِي بِرُوحَهْ وَ وَدَّانِي فِي أُسْط الْوَادِي. وَ الْوَادِي دَا مَلَانْ بِعُضَامْ هَنَا نَاسْ. 2 وَ هُو رَوَّغَانِي فِي أُسُطْهُمْ فِي كُلِّ جِيهَةْ وَ هُمَّنْ كَتِيرِينْ فِي الْوَادِي وَ يَابْسِينْ مَرَّةْ وَاحِدْ. 3 وَ هُو قَالْ لَيِّ: «يَا إِبْن آدَمْ، الْعُضَامْ دَوْل يَقْدَرَوْا يَحْيَوْا وَلَّا؟» وَ أَنَا قُلْت: «يَا اللّٰهْ الرَّبّ، إِنْتَ بَسْ تَعَرْفَهْ!»
4 وَ هُو قَالْ لَيِّ: «أَتْنَبَّأْ لِلْعُضَامْ دَوْل وَ قُولْ لَيْهُمْ: ‹يَا الْعُضَامْ الْيَابْسِينْ، أَسْمَعَوْا كَلَامْ اللّٰهْ! 5 وَ دَاهُو اللّٰهْ الرَّبّ قَالْ: ”أَنَا نِجِيبْ فَوْقكُو نَفَسْ الْحَيَاةْ وَ تَحْيَوْا. 6 وَ نُخُطّ فَوْقكُو عَصَبْ وَ نَكْسِيكُو بِلَحَمْ وَ فَرْوَةْ وَ نِدِسّ فَوْقكُو نَفَسْ الْحَيَاةْ وَ تَحْيَوْا. وَ بَيْدَا، تَعَرْفُوا كَدَرْ أَنَا بَسْ اللّٰهْ.“›»
7 وَ أَنَا أَتْنَبَّأْت مِثِلْ هُو أَمَرَانِي. وَ وَكِتْ أَنَا قَاعِدْ نِتْنَبَّأْ، أَنَا سِمِعْت حَرَكَةْ. وَ دِي حَرَكَةْ الْعُضَامْ الْقَاعِدِينْ يِلْقَرَّبَوْا الْوَاحِدِينْ لِلْآخَرِينْ. 8 وَ دَاهُو أَنَا شِفْت الْعُضَامْ دَوْل لِقَوْا عَصَبْ وَ أَنْكَسَوْا بِلَحَمْ وَ فَرْوَةْ وَ لَاكِنْ مَا عِنْدُهُمْ نَفَسْ الْحَيَاةْ.
9 وَ اللّٰهْ قَالْ لَيِّ: «أَتْنَبَّأْ لِنَفَسْ الْحَيَاةْ! أَتْنَبَّأْ، يَا إِبْن آدَمْ، وَ قُولْ لِنَفَسْ الْحَيَاةْ: ‹دَاهُو اللّٰهْ الرَّبّ قَالْ: ”يَا نَفَسْ الْحَيَاةْ، تَعَالْ مِنْ الْجِيهَاتْ الْأَرْبَعَةْ وَ أَدْخُلْ فِي الْمَيْتِينْ دَوْل وَ خَلِّي هُمَّنْ يَحْيَوْا.“›»
10 وَ أَنَا أَتْنَبَّأْت مِثِلْ هُو أَمَرَانِي وَ نَفَسْ الْحَيَاةْ دَخَلْ فَوْقهُمْ وَ لِقَوْا الْحَيَاةْ. وَ وَقَفَوْا بِطُولْهُمْ وَ هُمَّنْ جَمَاعَةْ كَتِيرِينْ مَرَّةْ وَاحِدْ.
11 وَ اللّٰهْ قَالْ لَيِّ: «يَا إِبْن آدَمْ، الْعُضَامْ دَوْل يِمَثُّلُوا كُلَّ بَنِي إِسْرَائِيلْ. هُمَّنْ قَالَوْا: ‹عُضَامْنَا يِبْسَوْا وَ عَشَمْنَا أَنْقَطَعْ وَ وَدَّرْنَا.› 12 وَ فِي شَانْ دَا، أَتْنَبَّأْ وَ قُولْ لَيْهُمْ: ‹دَاهُو اللّٰهْ الرَّبّ قَالْ: ”يَا شَعَبِي، أَنَا نَفْتَحْ قُبُورْكُو وَ نَمْرُقْكُو مِنْهُمْ وَ نِوَدِّيكُو فِي بَلَدْ إِسْرَائِيلْ. 13 يَا شَعَبِي، وَكِتْ نَفْتَحْ قُبُورْكُو وَ نَمْرُقْكُو مِنْهُمْ، خَلَاصْ إِنْتُو تَعَرْفُوا كَدَرْ أَنَا بَسْ اللّٰهْ. 14 وَ نُخُطّ نَفَسِي هَنَا الْحَيَاةْ فَوْقكُو وَ تَحْيَوْا وَ نُخُطُّكُو فِي أَرْضُكُو. وَ بَيْدَا، تَعَرْفُوا كَدَرْ دَا، أَنَا اللّٰهْ بَسْ قُلْتَهْ وَ نِحَقِّقَهْ.“›» وَ دَا كَلَامْ اللّٰهْ.
اللّه وحّد بني إسرائيل
15 وَ اللّٰهْ حَجَّى لَيِّ وَ قَالْ: 16 «إِنْتَ يَا إِبْن آدَمْ، شِيلْ عُودْ وَاحِدْ وَ أَكْتِبْ فَوْقَهْ: ‹دَا لِيَهُوذَا وَ نَاسْ إِسْرَائِيلْ الْمُشْتَرِكِينْ مَعَايَهْ.› وَ شِيلْ عُودْ آخَرْ وَ أَكْتِبْ فَوْقَهْ: ‹دَا لِيُوسُفْ أَوْ أَفْرَايِمْ وَ كُلَّ نَاسْ إِسْرَائِيلْ الْمُشْتَرِكِينْ مَعَايَهْ.› 17 وَ لِمّ الْعُودْ الْوَاحِدْ لِلْآخَرْ وَ سَوِّيهُمْ عُودْ وَاحِدْ وَ أَكُرْبَهْ فِي إِيدَكْ.
18 «وَ أَكُونْ نَاسْ مِنْ شَعَبَكْ يُقُولُوا لَيْك: ‹شُنُو مَعَنَى الشَّيّءْ دَا؟› 19 خَلَاصْ، إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِشِيلْ عُودْ يُوسُفْ أَوْ أَفْرَايِمْ وَ قَبَايِلْ إِسْرَائِيلْ الْمُشْتَرِكِينْ مَعَايَهْ. وَ نِلِمَّهْ مَعَ عُودْ يَهُوذَا وَ نِسَوِّيهُمْ عُودْ وَاحِدْ. وَ نَكْرُبْ الْعُودْ الْوَاحِدْ دَا فِي إِيدِي.“›
20 «وَ الْعُودَيْن الْكَتَبْت فَوْقهُمْ، أَكْرُبْهُمْ فِي إِيدَكْ قِدَّامْ الشَّعَبْ. 21 وَ إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِشِيلْ بَنِي إِسْرَائِيلْ مِنْ بَيْن الْأُمَمْ الْهُمَّنْ مُشَتَّتِينْ فِي أُسُطْهُمْ. وَ نِلِمُّهُمْ مِنْ كُلِّ جِيهَةْ وَ نِوَدِّيهُمْ فِي أَرْضُهُمْ. 22 وَ نِسَوِّيهُمْ أُمَّةْ وَاحِدَةْ فِي الْبَلَدْ وَ فِي جِبَالْ إِسْرَائِيلْ. مَلِكْ وَاحِدْ بَسْ يَمْلُكْ فَوْقهُمْ كُلُّهُمْ. وَ أَبَداً مَا يَبْقَوْا أُمَّتَيْن وَ بَتَّانْ مَا يِنْقَسْمُوا مَمْلَكَتَيْن. 23 وَ هُمَّنْ بَتَّانْ مَا يِنَّجَّسَوْا بِأَصْنَامْهُمْ وَ لَا بِمُحَرَّمَاتْهُمْ وَ لَا بِكُلَّ عِصْيَانْهُمْ. وَ نِنَجِّيهُمْ مِنْ كُلَّ كُفُرْهُمْ الْبَيَّهْ أَذْنَبَوْا. وَ نِطَهِّرْهُمْ وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ. 24 وَ عَبْدِي الْمِثِلْ الْمَلِكْ دَاوُدْ يَحْكِمْ فَوْقهُمْ وَ يَبْقَى رَاعِي فَوْقهُمْ كُلُّهُمْ. وَ يَمْشُوا حَسَبْ قَوَانِينِي وَ يَحْفَضَوْا شُرُوطِي وَ يِطَبُّقُوهُمْ. 25 وَ يَسْكُنُوا فِي الْبَلَدْ الْأَنَا أَنْطَيْتهَا لِعَبْدِي يَعْقُوبْ وَ دِي الْبَلَدْ السَّكَنَوْا فَوْقهَا جُدُودْكُو. هُمَّنْ يَسْكُنُوا فَوْقهَا، هُمَّنْ وَ عِيَالْهُمْ وَ عِيَالْ عِيَالْهُمْ إِلَى الْأَبَدْ. وَ عَبْدِي الْمِثِلْ دَاوُدْ يَبْقَى مَلِكْ فَوْقهُمْ لِلْأَبَدْ. 26 وَ أَنَا نِسَوِّي مَعَاهُمْ مُعَاهَدَةْ هِنْت سَلَامْ وَ دِي تَبْقَى مُعَاهَدَةْ دَايْمَةْ مَعَاهُمْ. وَ نِثَبِّتْهُمْ وَ نِكَتِّرْهُمْ وَ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ. 27 وَ بَيْتِي يُكُونْ مَعَاهُمْ وَ أَنَا نَبْقَى إِلٰـهُّمْ وَ هُمَّنْ يَبْقَوْا شَعَبِي. 28 وَكِتْ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ، الْأُمَمْ يَعَرْفُوا كَدَرْ أَنَا اللّٰهْ بَسْ نِخَصِّصْ بَنِي إِسْرَائِيلْ.“›»
