يُوشِيَّا و الشعب عيّدوا
1 وَ يُوشِيَّا عَيَّدْ عِيدْ الْفِصْحَ هَنَا اللّٰهْ فِي مَدِينَةْ الْقُدُسْ. فِي يَوْم 14 هَنَا الشَّهَرْ الْأَوَّلْ، دَبَحَوْا بَهَايِمْ لِلْعِيدْ دَا. 2 وَ هُو ثَبَّتْ رُجَالْ الدِّينْ فِي خِدْمِتْهُمْ وَ شَجَّعَاهُمْ فِي خِدْمَةْ بَيْت اللّٰهْ. 3 وَ هُو حَجَّى لِلَّاوِيِّينْ الْمُكَلَّفِينْ لِيِعَلُّمُوا كُلَّ شَعَبْ بَنِي إِسْرَائِيلْ وَ مُخَصَّصِينْ فِي خِدْمَةْ اللّٰهْ. وَ قَالْ لَيْهُمْ: «خُطُّوا الصَّنْدُوقْ الْمُقَدَّسْ هَنَا اللّٰهْ فِي الْبَيْت الْبَنَاهْ سُلَيْمَانْ وِلَيْد دَاوُدْ مَلِكْ بَنِي إِسْرَائِيلْ. وَ الصَّنْدُوقْ دَا مَا تِحَوُّلُوهْ بَتَّانْ. وَ هَسَّعْ دَا، أَخْدُمُوا لِلّٰهْ إِلٰـهْكُو وَ لِبَنِي إِسْرَائِيلْ شَعَبَهْ. 4 نَظُّمُوا نُفُوسْكُو عَلَيْ حَسَبْ عَايِلَاتْكُو وَ مَجْمُوعَاتْكُو حَسَبْ الشَّرْط الْكَتَبَهْ دَاوُدْ مَلِكْ بَنِي إِسْرَائِيلْ وَ وِلَيْدَهْ سُلَيْمَانْ. 5 وَ أَقِيفُوا بِمَجْمُوعَاتْ عَايِلَاتْكُو فِي الْبَكَانْ الْمُقَدَّسْ أَشَانْ تِسَاعُدُوا أَخْوَانْكُو نَاسْ الشَّعَبْ. أَقِيفُوا حَسَبْ النِّظَامْ هَنَا عَايِلَاتْ اللَّاوِيِّينْ. 6 وَاجِبْ تَدْبَحَوْا بَهَايِمْ لِعِيدْ الْفِصْحَ وَ تِخَصُّصُوا نُفُوسْكُو لِتِسَاعُدُوا أَخْوَانْكُو وَ تِطَبُّقُوا الْكَلَامْ الْاللّٰهْ قَالَهْ بِوَاسِطَةْ مُوسَى.»
7 وَ مِنْ غَنَمَهْ، يُوشِيَّا أَنْطَاهُمْ لِشَعَبَهْ 30 000 حُمْلَانْ وَ سُخْلَانْ لِضَحَايَا هَنَا عِيدْ الْفِصْحَ وَ 3 000 بَقَرْ كُلَ. وَ كُلَّ الْبَهَايِمْ دَوْل مِنْ مَالَهْ حَلَالَهْ. 8 وَ مَسَائِيلْ الْمَلِكْ كُلَ أَنْطَوْا بِنِيِّتْهُمْ بَهَايِمْ لِلشَّعَبْ وَ رُجَالْ الدِّينْ وَ اللَّاوِيِّينْ. وَ حِلْقِيَّا وَ زَكَرِيَّا وَ يَحِيِيلْ مَسَائِيلْ بَيْت اللّٰهْ كُلَ أَنْطَوْهُمْ لِرُجَالْ الدِّينْ 2 600 غَنَمْ وَ 300 بَقَرْ لِعِيدْ الْفِصْحَ. 9 وَ كُبَارَاتْ اللَّاوِيِّينْ، هُمَّنْ كُنَنْيَا وَ شَمَعْيَا وَ نَتَنِيلْ وَ أَخْوَانَهْ حَشَبْيَا وَ يَعِيِيلْ وَ يُوزَبَادْ، أَنْطَوْا لِلَّاوِيِّينْ 5 000 غَنَمْ وَ 500 بَقَرْ لِعِيدْ الْفِصْحَ.
10 وَ الْخِدْمَةْ دِي نَظَّمَوْهَا مِثِلْ دَا. رُجَالْ الدِّينْ قَعَدَوْا فِي بَكَانَاتْهُمْ وَ اللَّاوِيِّينْ فِي مَجْمُوعَاتْهُمْ حَسَبْ أَمُرْ الْمَلِكْ. 11 وَ دَبَحَوْا الْبَهَايِمْ هَنَا عِيدْ الْفِصْحَ وَ أَنْطَوْا الدَّمّ لِرُجَالْ الدِّينْ وَ هُمَّنْ رَشَّوْا الدَّمّ دَا فِي الْمَدْبَحْ. وَ اللَّاوِيِّينْ كَمَانْ سَلَخَوْا الْبَهَايِمْ. 12 وَ خَطَّوْا طَرَفْ قِسِمْ الْبَقَرْ الْوَاجِبْ يِقَدُّمُوهُمْ ضَحَايَا مُحَرَّقِينْ لِلّٰهْ هَنَا أَيِّ عَايِلَةْ مِنْ أَيِّ خَشُمْ بَيْت مِثِلْ مَكْتُوبْ فِي كِتَابْ مُوسَى. 13 وَ رَكَّبَوْا غَنَمْ لِعِيدْ الْفِصْحَ فِي النَّارْ حَسَبْ الشُّرُوطْ. وَ رَكَّبَوْا الضَّحَايَا الْمُقَدَّسِينْ فِي الْبُرَامْ وَ الْكَلَايِلْ وَ الْقُدُورْ. وَ طَوَّالِي، قَسَّمَوْا اللَّحَمْ دَا لِكُلَّ الشَّعَبْ. 14 وَ بَعَدْ دَا، اللَّاوِيِّينْ جَهَّزَوْا قِسِمْ هَنَاهُمْ هُمَّنْ وَ هَنَا رُجَالْ الدِّينْ مِنْ ذُرِّيَّةْ هَارُونْ أَشَانْ رُجَالْ الدِّينْ دَوْل مَشْغُولِينْ بِقَدِّمِينْ الضَّحَايَا الْمُحَرَّقِينْ وَ الشَّحَمْ لَحَدِّي اللَّيْل. وَ فِي شَانْ دَا بَسْ، اللَّاوِيِّينْ جَهَّزَوْا لِنُفُوسْهُمْ وَ لِرُجَالْ الدِّينْ مِنْ ذُرِّيَّةْ هَارُونْ.
15 وَ الْغَنَّايِينْ الْمِنْ ذُرِّيَّةْ أَسَافْ قَعَدَوْا فِي بَكَانْهُمْ حَسَبْ أَمُرْ دَاوُدْ وَ أَسَافْ وَ هَيْمَانْ وَ يَدُوتُونْ مُسْتَشَارِينْ الْمَلِكْ. الْحُرَّاسْ كُلَ قَعَدَوْا فِي بَكَانَاتْهُمْ فِي أَيِّ بَابْ. وَ مَا وَاجِبْ هُمَّنْ يِخَلُّوا خِدْمِتْهُمْ وَ بِسَبَبْ دَا، أَخْوَانْهُمْ اللَّاوِيِّينْ قَاعِدِينْ يِجَهُّزُوا لَيْهُمْ أَكِلْهُمْ. 16 وَ دَا النِّظَامْ هَنَا كُلَّ الْخِدْمَةْ هَنَا بَيْت اللّٰهْ فِي الْيَوْم دَا أَشَانْ يِعَيُّدُوا عِيدْ الْفِصْحَ وَ يِقَدُّمُوا ضَحَايَا مُحَرَّقِينْ فِي مَدْبَحْ اللّٰهْ. وَ دَا كُلَّ حَسَبْ أَمُرْ الْمَلِكْ يُوشِيَّا. 17 وَ بَنِي إِسْرَائِيلْ الْحَاضْرِينْ عَيَّدَوْا عِيدْ الْفِصْحَ فِي الْوَكِتْ دَا وَ عَيَّدَوْا عِيدْ الْخُبْزَةْ بَلَا تَوَّارَةْ لِمُدَّةْ سَبْعَةْ يَوْم.
18 وَ أَبَداً مَا عَيَّدَوْا عِيدْ الْفِصْحَ مِثِلْ دَا فِي بَلَدْ إِسْرَائِيلْ مِنْ وَكِتْ النَّبِي صَمُوِيلْ. وَ مَا فِي مَلِكْ فِي كُلَّ بَلَدْ إِسْرَائِيلْ الْعَيَّدْ عِيدْ الْفِصْحَ مِثِلْ يُوشِيَّا عَيَّدَهْ. يُوشِيَّا عَيَّدَهْ مَعَ رُجَالْ الدِّينْ وَ اللَّاوِيِّينْ وَ كُلَّ نَاسْ مَمْلَكَةْ يَهُوذَا وَ نَاسْ مَمْلَكَةْ إِسْرَائِيلْ الْحِضْرَوْا وَ سُكَّانْ مَدِينَةْ الْقُدُسْ. 19 وَ دَا فِي سَنِةْ 18 هَنَا حُكُمْ يُوشِيَّا بَسْ الْعَيَّدَوْا فَوْقَهْ عِيدْ الْفِصْحَ دَا.
نِهاية حُكُم يُوشِيَّا
20 وَ يَوْم وَاحِدْ بَعَدْ يُوشِيَّا عَدَّلْ بَيْت اللّٰهْ، نَكُو مَلِكْ بَلَدْ مَصِرْ قَمَّ لِيِحَارِبْ فِي حِلَّةْ كَرْكَمِيشْ فِي بَحَرْ الْفُرَاتْ. وَ يُوشِيَّا مَشَى لِيِوَجِّهَهْ فِي الدَّرِبْ. 21 وَ الْمَلِكْ نَكُو رَسَّلْ لَيَّهْ مُرَسَّلِينْ وَ قَالْ: «شُنُو فِي أَمْبَيْنَاتْنَا، يَا مَلِكْ مَمْلَكَةْ يَهُوذَا؟ دَا مَا ضِدَّكْ إِنْتَ يَا أَنَا جَايِ الْيَوْم لَاكِنْ أَنَا جَايِ نِحَارِبْ عَدُويِ وَ السَّمَاءْ قَالْ لَيِّ نَمْشِي عَجَلَةْ. وَ إِنْتَ كَمَانْ، مَا تَقِيفْ ضِدّ قُدْرَةْ السَّمَاءْ الْمَعَايِ كَنْ مَا تِدَوْر يَكْتُلَكْ.»
22 وَ لَاكِنْ يُوشِيَّا مَا خَلَّى مِنَّهْ فِكْرَهْ هَنَا الْحَرِبْ وَ أَبَى مَا يَسْمَعْ كَلَامْ نَكُو الْجَايِ مِنْ الرَّبّ. وَ خَلَاصْ، هُو غَيَّرْ خُلْقَانَهْ هَنَا الْمُلُكْ أَشَانْ مَا يَعَرْفُوهْ وَ مَشَى فِي كَدَادَةْ مَقِدُّو لِيِحَارِبْ نَكُو. 23 وَ فِي وَكْت الْحَرِبْ، سِيَادْ النُّشَّابْ زَرَقَوْا نُشَّابْ وَ ضَرَبَوْه لِلْمَلِكْ يُوشِيَّا. وَ هُو قَالْ لِمَسَائِيلَهْ: «أَمُرْقُونِي مِنْ الْحَرِبْ أَشَانْ أَنَا أَنْجَرَحْت كَتِيرْ!»
24 وَ مَسَائِيلَهْ مَرَقَوْه مِنْ عَرَبَتَهْ هِنْت الْحَرِبْ وَ خَطَّوْه فِي عَرَبَةْ آخَرَةْ وَ وَدَّوْه مَدِينَةْ الْقُدُسْ. وَ يُوشِيَّا مَاتْ وَ دَفَنَوْه فِي قَبُرْ جُدُودَهْ. وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ حِزْنَوْا لَيَّهْ. 25 وَ النَّبِي إِرْمِيَا كَتَبْ غِنَيْ هَنَا حِزِنْ لِيُوشِيَّا. وَ مِنْ الْوَكِتْ دَا، الْغَنَّايِينْ وَ الْغَنَّايَاتْ يِغَنُّوا بِيُوشِيَّا فِي غِنَيْهُمْ لَحَدِّي الْيَوْم. وَ الْغِنَيْ دَا بِقِي عَادَةْ فِي إِسْرَائِيلْ وَ مَكْتُوبْ فِي كِتَابْ النُّوَاحْ.
26-27 وَ الْبَاقِي مِنْ عَمَلْ يُوشِيَّا مِنْ الْبِدَايَةْ لِلنِّهَايَةْ وَ عَمَلَهْ هَنَا الْخَيْر حَسَبْ الْمَكْتُوبْ فِي تَوْرَاةْ اللّٰهْ، كُلَّ الشَّيّءْ دَا مَكْتُوبْ فِي كِتَابْ مُلُوكْ بَنِي إِسْرَائِيلْ وَ بَنِي يَهُوذَا.
يُوشِيَّا و الشعب عيّدوا
1 وَ يُوشِيَّا عَيَّدْ عِيدْ الْفِصْحَ هَنَا اللّٰهْ فِي مَدِينَةْ الْقُدُسْ. فِي يَوْم 14 هَنَا الشَّهَرْ الْأَوَّلْ، دَبَحَوْا بَهَايِمْ لِلْعِيدْ دَا. 2 وَ هُو ثَبَّتْ رُجَالْ الدِّينْ فِي خِدْمِتْهُمْ وَ شَجَّعَاهُمْ فِي خِدْمَةْ بَيْت اللّٰهْ. 3 وَ هُو حَجَّى لِلَّاوِيِّينْ الْمُكَلَّفِينْ لِيِعَلُّمُوا كُلَّ شَعَبْ بَنِي إِسْرَائِيلْ وَ مُخَصَّصِينْ فِي خِدْمَةْ اللّٰهْ. وَ قَالْ لَيْهُمْ: «خُطُّوا الصَّنْدُوقْ الْمُقَدَّسْ هَنَا اللّٰهْ فِي الْبَيْت الْبَنَاهْ سُلَيْمَانْ وِلَيْد دَاوُدْ مَلِكْ بَنِي إِسْرَائِيلْ. وَ الصَّنْدُوقْ دَا مَا تِحَوُّلُوهْ بَتَّانْ. وَ هَسَّعْ دَا، أَخْدُمُوا لِلّٰهْ إِلٰـهْكُو وَ لِبَنِي إِسْرَائِيلْ شَعَبَهْ. 4 نَظُّمُوا نُفُوسْكُو عَلَيْ حَسَبْ عَايِلَاتْكُو وَ مَجْمُوعَاتْكُو حَسَبْ الشَّرْط الْكَتَبَهْ دَاوُدْ مَلِكْ بَنِي إِسْرَائِيلْ وَ وِلَيْدَهْ سُلَيْمَانْ. 5 وَ أَقِيفُوا بِمَجْمُوعَاتْ عَايِلَاتْكُو فِي الْبَكَانْ الْمُقَدَّسْ أَشَانْ تِسَاعُدُوا أَخْوَانْكُو نَاسْ الشَّعَبْ. أَقِيفُوا حَسَبْ النِّظَامْ هَنَا عَايِلَاتْ اللَّاوِيِّينْ. 6 وَاجِبْ تَدْبَحَوْا بَهَايِمْ لِعِيدْ الْفِصْحَ وَ تِخَصُّصُوا نُفُوسْكُو لِتِسَاعُدُوا أَخْوَانْكُو وَ تِطَبُّقُوا الْكَلَامْ الْاللّٰهْ قَالَهْ بِوَاسِطَةْ مُوسَى.»
7 وَ مِنْ غَنَمَهْ، يُوشِيَّا أَنْطَاهُمْ لِشَعَبَهْ 30 000 حُمْلَانْ وَ سُخْلَانْ لِضَحَايَا هَنَا عِيدْ الْفِصْحَ وَ 3 000 بَقَرْ كُلَ. وَ كُلَّ الْبَهَايِمْ دَوْل مِنْ مَالَهْ حَلَالَهْ. 8 وَ مَسَائِيلْ الْمَلِكْ كُلَ أَنْطَوْا بِنِيِّتْهُمْ بَهَايِمْ لِلشَّعَبْ وَ رُجَالْ الدِّينْ وَ اللَّاوِيِّينْ. وَ حِلْقِيَّا وَ زَكَرِيَّا وَ يَحِيِيلْ مَسَائِيلْ بَيْت اللّٰهْ كُلَ أَنْطَوْهُمْ لِرُجَالْ الدِّينْ 2 600 غَنَمْ وَ 300 بَقَرْ لِعِيدْ الْفِصْحَ. 9 وَ كُبَارَاتْ اللَّاوِيِّينْ، هُمَّنْ كُنَنْيَا وَ شَمَعْيَا وَ نَتَنِيلْ وَ أَخْوَانَهْ حَشَبْيَا وَ يَعِيِيلْ وَ يُوزَبَادْ، أَنْطَوْا لِلَّاوِيِّينْ 5 000 غَنَمْ وَ 500 بَقَرْ لِعِيدْ الْفِصْحَ.
10 وَ الْخِدْمَةْ دِي نَظَّمَوْهَا مِثِلْ دَا. رُجَالْ الدِّينْ قَعَدَوْا فِي بَكَانَاتْهُمْ وَ اللَّاوِيِّينْ فِي مَجْمُوعَاتْهُمْ حَسَبْ أَمُرْ الْمَلِكْ. 11 وَ دَبَحَوْا الْبَهَايِمْ هَنَا عِيدْ الْفِصْحَ وَ أَنْطَوْا الدَّمّ لِرُجَالْ الدِّينْ وَ هُمَّنْ رَشَّوْا الدَّمّ دَا فِي الْمَدْبَحْ. وَ اللَّاوِيِّينْ كَمَانْ سَلَخَوْا الْبَهَايِمْ. 12 وَ خَطَّوْا طَرَفْ قِسِمْ الْبَقَرْ الْوَاجِبْ يِقَدُّمُوهُمْ ضَحَايَا مُحَرَّقِينْ لِلّٰهْ هَنَا أَيِّ عَايِلَةْ مِنْ أَيِّ خَشُمْ بَيْت مِثِلْ مَكْتُوبْ فِي كِتَابْ مُوسَى. 13 وَ رَكَّبَوْا غَنَمْ لِعِيدْ الْفِصْحَ فِي النَّارْ حَسَبْ الشُّرُوطْ. وَ رَكَّبَوْا الضَّحَايَا الْمُقَدَّسِينْ فِي الْبُرَامْ وَ الْكَلَايِلْ وَ الْقُدُورْ. وَ طَوَّالِي، قَسَّمَوْا اللَّحَمْ دَا لِكُلَّ الشَّعَبْ. 14 وَ بَعَدْ دَا، اللَّاوِيِّينْ جَهَّزَوْا قِسِمْ هَنَاهُمْ هُمَّنْ وَ هَنَا رُجَالْ الدِّينْ مِنْ ذُرِّيَّةْ هَارُونْ أَشَانْ رُجَالْ الدِّينْ دَوْل مَشْغُولِينْ بِقَدِّمِينْ الضَّحَايَا الْمُحَرَّقِينْ وَ الشَّحَمْ لَحَدِّي اللَّيْل. وَ فِي شَانْ دَا بَسْ، اللَّاوِيِّينْ جَهَّزَوْا لِنُفُوسْهُمْ وَ لِرُجَالْ الدِّينْ مِنْ ذُرِّيَّةْ هَارُونْ.
15 وَ الْغَنَّايِينْ الْمِنْ ذُرِّيَّةْ أَسَافْ قَعَدَوْا فِي بَكَانْهُمْ حَسَبْ أَمُرْ دَاوُدْ وَ أَسَافْ وَ هَيْمَانْ وَ يَدُوتُونْ مُسْتَشَارِينْ الْمَلِكْ. الْحُرَّاسْ كُلَ قَعَدَوْا فِي بَكَانَاتْهُمْ فِي أَيِّ بَابْ. وَ مَا وَاجِبْ هُمَّنْ يِخَلُّوا خِدْمِتْهُمْ وَ بِسَبَبْ دَا، أَخْوَانْهُمْ اللَّاوِيِّينْ قَاعِدِينْ يِجَهُّزُوا لَيْهُمْ أَكِلْهُمْ. 16 وَ دَا النِّظَامْ هَنَا كُلَّ الْخِدْمَةْ هَنَا بَيْت اللّٰهْ فِي الْيَوْم دَا أَشَانْ يِعَيُّدُوا عِيدْ الْفِصْحَ وَ يِقَدُّمُوا ضَحَايَا مُحَرَّقِينْ فِي مَدْبَحْ اللّٰهْ. وَ دَا كُلَّ حَسَبْ أَمُرْ الْمَلِكْ يُوشِيَّا. 17 وَ بَنِي إِسْرَائِيلْ الْحَاضْرِينْ عَيَّدَوْا عِيدْ الْفِصْحَ فِي الْوَكِتْ دَا وَ عَيَّدَوْا عِيدْ الْخُبْزَةْ بَلَا تَوَّارَةْ لِمُدَّةْ سَبْعَةْ يَوْم.
18 وَ أَبَداً مَا عَيَّدَوْا عِيدْ الْفِصْحَ مِثِلْ دَا فِي بَلَدْ إِسْرَائِيلْ مِنْ وَكِتْ النَّبِي صَمُوِيلْ. وَ مَا فِي مَلِكْ فِي كُلَّ بَلَدْ إِسْرَائِيلْ الْعَيَّدْ عِيدْ الْفِصْحَ مِثِلْ يُوشِيَّا عَيَّدَهْ. يُوشِيَّا عَيَّدَهْ مَعَ رُجَالْ الدِّينْ وَ اللَّاوِيِّينْ وَ كُلَّ نَاسْ مَمْلَكَةْ يَهُوذَا وَ نَاسْ مَمْلَكَةْ إِسْرَائِيلْ الْحِضْرَوْا وَ سُكَّانْ مَدِينَةْ الْقُدُسْ. 19 وَ دَا فِي سَنِةْ 18 هَنَا حُكُمْ يُوشِيَّا بَسْ الْعَيَّدَوْا فَوْقَهْ عِيدْ الْفِصْحَ دَا.
نِهاية حُكُم يُوشِيَّا
20 وَ يَوْم وَاحِدْ بَعَدْ يُوشِيَّا عَدَّلْ بَيْت اللّٰهْ، نَكُو مَلِكْ بَلَدْ مَصِرْ قَمَّ لِيِحَارِبْ فِي حِلَّةْ كَرْكَمِيشْ فِي بَحَرْ الْفُرَاتْ. وَ يُوشِيَّا مَشَى لِيِوَجِّهَهْ فِي الدَّرِبْ. 21 وَ الْمَلِكْ نَكُو رَسَّلْ لَيَّهْ مُرَسَّلِينْ وَ قَالْ: «شُنُو فِي أَمْبَيْنَاتْنَا، يَا مَلِكْ مَمْلَكَةْ يَهُوذَا؟ دَا مَا ضِدَّكْ إِنْتَ يَا أَنَا جَايِ الْيَوْم لَاكِنْ أَنَا جَايِ نِحَارِبْ عَدُويِ وَ السَّمَاءْ قَالْ لَيِّ نَمْشِي عَجَلَةْ. وَ إِنْتَ كَمَانْ، مَا تَقِيفْ ضِدّ قُدْرَةْ السَّمَاءْ الْمَعَايِ كَنْ مَا تِدَوْر يَكْتُلَكْ.»
22 وَ لَاكِنْ يُوشِيَّا مَا خَلَّى مِنَّهْ فِكْرَهْ هَنَا الْحَرِبْ وَ أَبَى مَا يَسْمَعْ كَلَامْ نَكُو الْجَايِ مِنْ الرَّبّ. وَ خَلَاصْ، هُو غَيَّرْ خُلْقَانَهْ هَنَا الْمُلُكْ أَشَانْ مَا يَعَرْفُوهْ وَ مَشَى فِي كَدَادَةْ مَقِدُّو لِيِحَارِبْ نَكُو. 23 وَ فِي وَكْت الْحَرِبْ، سِيَادْ النُّشَّابْ زَرَقَوْا نُشَّابْ وَ ضَرَبَوْه لِلْمَلِكْ يُوشِيَّا. وَ هُو قَالْ لِمَسَائِيلَهْ: «أَمُرْقُونِي مِنْ الْحَرِبْ أَشَانْ أَنَا أَنْجَرَحْت كَتِيرْ!»
24 وَ مَسَائِيلَهْ مَرَقَوْه مِنْ عَرَبَتَهْ هِنْت الْحَرِبْ وَ خَطَّوْه فِي عَرَبَةْ آخَرَةْ وَ وَدَّوْه مَدِينَةْ الْقُدُسْ. وَ يُوشِيَّا مَاتْ وَ دَفَنَوْه فِي قَبُرْ جُدُودَهْ. وَ كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ حِزْنَوْا لَيَّهْ. 25 وَ النَّبِي إِرْمِيَا كَتَبْ غِنَيْ هَنَا حِزِنْ لِيُوشِيَّا. وَ مِنْ الْوَكِتْ دَا، الْغَنَّايِينْ وَ الْغَنَّايَاتْ يِغَنُّوا بِيُوشِيَّا فِي غِنَيْهُمْ لَحَدِّي الْيَوْم. وَ الْغِنَيْ دَا بِقِي عَادَةْ فِي إِسْرَائِيلْ وَ مَكْتُوبْ فِي كِتَابْ النُّوَاحْ.
26-27 وَ الْبَاقِي مِنْ عَمَلْ يُوشِيَّا مِنْ الْبِدَايَةْ لِلنِّهَايَةْ وَ عَمَلَهْ هَنَا الْخَيْر حَسَبْ الْمَكْتُوبْ فِي تَوْرَاةْ اللّٰهْ، كُلَّ الشَّيّءْ دَا مَكْتُوبْ فِي كِتَابْ مُلُوكْ بَنِي إِسْرَائِيلْ وَ بَنِي يَهُوذَا.
