بني إسرائيل خلْبطوا مع الشُعوب
1 وَ بَعَدْ كَمَّلْنَا الْخِدْمَةْ، الْكُبَارَاتْ جَوْا وَ قَالَوْا لَيِّ: «شَعَبْ بَنِي إِسْرَائِيلْ وَ رُجَالْ الدِّينْ وَ اللَّاوِيِّينْ مَا أَنْفَرَقَوْا مِنْ شُعُوبْ الْبُلْدَانْ دَوْل. وَ مَا خَلَّوْا مُحَرَّمَاتْ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْيَبُوسِيِّينْ وَ بَنِي عَمُّونْ وَ الْمُوَابِيِّينْ وَ الْمَصْرِيِّينْ وَ الْأَمُورِيِّينْ. 2 أَشَانْ بَنِي إِسْرَائِيلْ أَخَدَوْا مِنْ بَنَاتْ الشُّعُوبْ دَوْل وَ جَوَّزَوْا أَوْلَادْهُمْ كُلَ. وَ مِثِلْ دَا، خَلْبَطَوْا الذُّرِّيَّةْ الْمُخَصَّصَةْ دِي مَعَ شُعُوبْ الْبُلْدَانْ دَوْل. وَ الْبَدَوْا الْخِيَانَةْ دِي، هُمَّنْ الْكُبَارَاتْ وَ الْمَسَائِيلْ ذَاتْهُمْ.»
3 وَ وَكِتْ أَنَا سِمِعْت الْكَلَامْ دَا، شَرَّطْت جَوَّانِيّتِي وَ جَلَّابِيّتِي وَ مَلَّطْت صُوفْ رَاسِي وَ دِقْنِي وَ قَعَدْت تِحِتْ مُتَحَيِّرْ. 4 وَ النَّاسْ الْبَخَافَوْا مِنْ اللّٰهْ إِلٰـهْ بَنِي إِسْرَائِيلْ لَمَّوْا مَعَايِ أَشَانْ الْخِيَانَةْ السَّوَّوْهَا النَّاسْ الْقَبَّلَوْا مِنْ الْغُرْبَةْ. وَ أَنَا قَاعِدْ تِحِتْ مُتَحَيِّرْ لَحَدِّي عَشِيَّةْ فِي الْوَكِتْ الْيِقَدُّمُوا فَوْقَهْ هَدِيَّةْ هَنَا دَقِيقْ.
صلاة عَزْرا في شان المُذْنِبين
5 وَ وَكِتْ قَدِّمِينْ الْهَدِيَّةْ هَنَا الدَّقِيقْ بِعَشِيَّةْ، أَنَا قَمَّيْت مِنْ حِيرْتِي دِي بِخُلْقَانِي الْمُشَرَّطِينْ وَ بَرَكْت وَ رَفَعْت إِيدَيْنِي لِلّٰهْ إِلٰـهِي 6 وَ قُلْت: «يَا إِلٰـهِي، أَنَا خَجْلَانْ وَ عَايِبْ وَ مَا نَقْدَرْ نَرْفَعْ رَاسِي عَلَيْك إِنْتَ أَشَانْ ذُنُوبْنَا كِتْرَوْا فَاتَوْا رَاسْنَا وَ خَطَايَانَا بِقَوْا كَتِيرِينْ لَحَدِّي لِحْقَوْا السَّمَاءْ. 7 وَ مِنْ وَكِتْ جُدُودْنَا لَحَدِّي الْيَوْم، خَطَايَانَا بِقَوْا زِيَادَةْ. وَ فِي شَانْ ذُنُوبْنَا، أَنِحْنَ وَ مُلُوكْنَا وَ رُجَالْ دِينَّا، سَلَّمَوْنَا فِي إِيدَيْن مُلُوكْ هَنَا شُعُوبْ آخَرِينْ. وَ هُمَّنْ كَتَلَوْنَا بِالْسَّيْف وَ كَرَبَوْنَا وَ بِقِينَا غَنِيمَةْ وَ عَيَّبَوْنَا مِثِلْ الْيَوْم. 8 وَ لَاكِنْ هَسَّعْ، يَا اللّٰهْ إِلٰـهْنَا، إِنْتَ حَنَّيْت فَوْقنَا لِوَكِتْ قِصَيِّرْ وَ خَلَّيْت وَاحِدِينْ مِنِّنَا نِجَوْا وَ قَبَّلَوْا جَوْا أَلْمَكَّنَوْا فِي الْبَكَانَكْ الْمُقَدَّسْ. وَ مِثِلْ دَا، يَا إِلٰـهْنَا، إِنْتَ فَتَحْت عُيُونَّا وَ أَنْطَيْتنَا رَاحَةْ شِيَّةْ مِنْ الْعُبُودِيَّةْ. 9 أَنِحْنَ كَنْ عَبِيدْ كُلَ، إِلٰـهْنَا مَا خَلَّانَا فِي عُبُودِيِّتْنَا. سَوَّى لَيْنَا الْخَيْر وَ أَنْطَانَا حَيَاةْ جَدِيدَةْ. وَ أَنْطَى أَمُرْ لِمُلُوكْ بَلَدْ فَارِسْ أَشَانْ يِخَلُّونَا نِعَدُّلُوا بَيْت إِلٰـهْنَا وَ نِعَدُّلُوا دَرَادِرْ مَدِينَةْ الْقُدُسْ فِي بَلَدْ يَهُوذَا.
10 «يَا رَبِّنَا! هَسَّعْ دَا، نُقُولُوا شُنُو؟ أَبَيْنَا مَا نَسْمَعَوْا وَصِيَّاتَكْ 11 الْأَمَرْتِنَا بَيْهُمْ بِعَبِيدَكْ الْأَنْبِيَاء وَ قُلْت لَيْنَا: ‹الْبَلَدْ الْإِنْتُو مَاشِينْ لَيْهَا وَ تِشِيلُوهَا وَ تَبْقَى لَيْكُو وَرَثَةْ دِي، هِي نِجْسَةْ وَ الْقَبَايِلْ الْقَاعِدِينْ فَوْقهَا نَجَّسَوْهَا وَ مَلَوْهَا بِحَرَامْهُمْ وَ بِنَجَاسِتْهُمْ. 12 وَ أَشَانْ دَا، مَا تِزَوُّجُوا بَنَاتْكُو لِأَوْلَادْهُمْ وَ لَا أَوْلَادْكُو لِبَنَاتْهُمْ. وَ مَا تِلْمَنَّوْا لَيْهُمْ السَّلَامْ وَ لَا الْخَيْر إِلَى الْأَبَدْ. وَ مِثِلْ دَا، تَبْقَوْا قَوِيِّينْ وَ تَاكُلُوا مِنْ خَيْر الْبَلَدْ دِي. وَ الْبَلَدْ دِي تَبْقَى وَرَثَةْ لِعِيَالْكُو إِلَى الْأَبَدْ.›
13 «وَ كُلَّ الشَّيّءْ الْبِقِي فَوْقنَا، دَا جَاءْ بِسَبَبْ ذُنُوبْنَا وَ فِعِلْنَا الشَّيْن. وَ بَيْدَا كُلَ، إِنْتَ إِلٰـهْنَا مَا عَاقَبْتِنَا حَسَبْ ذُنُوبْنَا الْوَاجِبْ نِلْعَاقَبَوْا بِسَبَبْهُمْ. وَ لَاكِنْ إِنْتَ خَلَّيْت الْفَضَّلَوْا مِنِّنَا عَايْشِينْ. 14 وَ هَلْ بَتَّانْ نِقَبُّلُوا نِخَالُفُوا وَصِيَّاتَكْ وَ نِلْآخَدَوْا مَعَ الْقَبَايِلْ الْبِسَوُّوا الْحَرَامْ قِدَّامَكْ وَلَّا؟ كَنْ نِسَوُّوا مِثِلْ دَا، إِنْتَ مَا تَزْعَلْ فَوْقنَا زِيَادَةْ وَ تِدَمِّرْنَا مَرَّةْ وَاحِدْ لَحَدِّي وَاحِدْ كُلَ مَا يِفَضِّلْ وَلَّا؟ 15 يَا اللّٰهْ إِلٰـهْ بَنِي إِسْرَائِيلْ، إِنْتَ صَادِقْ وَ خَلَّيْت الْفَضَّلَوْا مِنِّنَا عَايْشِينْ لَحَدِّي الْيَوْم. وَ دَاهُو أَنِحْنَ جِينَا قِدَّامَكْ مُذْنِبِينْ. وَ فِي شَانْ الشَّرّ السَّوَّيْنَاهْ دَا، مَا وَاجِبْ نَقِيفُوا قِدَّامَكْ.»
بني إسرائيل خلْبطوا مع الشُعوب
1 وَ بَعَدْ كَمَّلْنَا الْخِدْمَةْ، الْكُبَارَاتْ جَوْا وَ قَالَوْا لَيِّ: «شَعَبْ بَنِي إِسْرَائِيلْ وَ رُجَالْ الدِّينْ وَ اللَّاوِيِّينْ مَا أَنْفَرَقَوْا مِنْ شُعُوبْ الْبُلْدَانْ دَوْل. وَ مَا خَلَّوْا مُحَرَّمَاتْ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْيَبُوسِيِّينْ وَ بَنِي عَمُّونْ وَ الْمُوَابِيِّينْ وَ الْمَصْرِيِّينْ وَ الْأَمُورِيِّينْ. 2 أَشَانْ بَنِي إِسْرَائِيلْ أَخَدَوْا مِنْ بَنَاتْ الشُّعُوبْ دَوْل وَ جَوَّزَوْا أَوْلَادْهُمْ كُلَ. وَ مِثِلْ دَا، خَلْبَطَوْا الذُّرِّيَّةْ الْمُخَصَّصَةْ دِي مَعَ شُعُوبْ الْبُلْدَانْ دَوْل. وَ الْبَدَوْا الْخِيَانَةْ دِي، هُمَّنْ الْكُبَارَاتْ وَ الْمَسَائِيلْ ذَاتْهُمْ.»
3 وَ وَكِتْ أَنَا سِمِعْت الْكَلَامْ دَا، شَرَّطْت جَوَّانِيّتِي وَ جَلَّابِيّتِي وَ مَلَّطْت صُوفْ رَاسِي وَ دِقْنِي وَ قَعَدْت تِحِتْ مُتَحَيِّرْ. 4 وَ النَّاسْ الْبَخَافَوْا مِنْ اللّٰهْ إِلٰـهْ بَنِي إِسْرَائِيلْ لَمَّوْا مَعَايِ أَشَانْ الْخِيَانَةْ السَّوَّوْهَا النَّاسْ الْقَبَّلَوْا مِنْ الْغُرْبَةْ. وَ أَنَا قَاعِدْ تِحِتْ مُتَحَيِّرْ لَحَدِّي عَشِيَّةْ فِي الْوَكِتْ الْيِقَدُّمُوا فَوْقَهْ هَدِيَّةْ هَنَا دَقِيقْ.
صلاة عَزْرا في شان المُذْنِبين
5 وَ وَكِتْ قَدِّمِينْ الْهَدِيَّةْ هَنَا الدَّقِيقْ بِعَشِيَّةْ، أَنَا قَمَّيْت مِنْ حِيرْتِي دِي بِخُلْقَانِي الْمُشَرَّطِينْ وَ بَرَكْت وَ رَفَعْت إِيدَيْنِي لِلّٰهْ إِلٰـهِي 6 وَ قُلْت: «يَا إِلٰـهِي، أَنَا خَجْلَانْ وَ عَايِبْ وَ مَا نَقْدَرْ نَرْفَعْ رَاسِي عَلَيْك إِنْتَ أَشَانْ ذُنُوبْنَا كِتْرَوْا فَاتَوْا رَاسْنَا وَ خَطَايَانَا بِقَوْا كَتِيرِينْ لَحَدِّي لِحْقَوْا السَّمَاءْ. 7 وَ مِنْ وَكِتْ جُدُودْنَا لَحَدِّي الْيَوْم، خَطَايَانَا بِقَوْا زِيَادَةْ. وَ فِي شَانْ ذُنُوبْنَا، أَنِحْنَ وَ مُلُوكْنَا وَ رُجَالْ دِينَّا، سَلَّمَوْنَا فِي إِيدَيْن مُلُوكْ هَنَا شُعُوبْ آخَرِينْ. وَ هُمَّنْ كَتَلَوْنَا بِالْسَّيْف وَ كَرَبَوْنَا وَ بِقِينَا غَنِيمَةْ وَ عَيَّبَوْنَا مِثِلْ الْيَوْم. 8 وَ لَاكِنْ هَسَّعْ، يَا اللّٰهْ إِلٰـهْنَا، إِنْتَ حَنَّيْت فَوْقنَا لِوَكِتْ قِصَيِّرْ وَ خَلَّيْت وَاحِدِينْ مِنِّنَا نِجَوْا وَ قَبَّلَوْا جَوْا أَلْمَكَّنَوْا فِي الْبَكَانَكْ الْمُقَدَّسْ. وَ مِثِلْ دَا، يَا إِلٰـهْنَا، إِنْتَ فَتَحْت عُيُونَّا وَ أَنْطَيْتنَا رَاحَةْ شِيَّةْ مِنْ الْعُبُودِيَّةْ. 9 أَنِحْنَ كَنْ عَبِيدْ كُلَ، إِلٰـهْنَا مَا خَلَّانَا فِي عُبُودِيِّتْنَا. سَوَّى لَيْنَا الْخَيْر وَ أَنْطَانَا حَيَاةْ جَدِيدَةْ. وَ أَنْطَى أَمُرْ لِمُلُوكْ بَلَدْ فَارِسْ أَشَانْ يِخَلُّونَا نِعَدُّلُوا بَيْت إِلٰـهْنَا وَ نِعَدُّلُوا دَرَادِرْ مَدِينَةْ الْقُدُسْ فِي بَلَدْ يَهُوذَا.
10 «يَا رَبِّنَا! هَسَّعْ دَا، نُقُولُوا شُنُو؟ أَبَيْنَا مَا نَسْمَعَوْا وَصِيَّاتَكْ 11 الْأَمَرْتِنَا بَيْهُمْ بِعَبِيدَكْ الْأَنْبِيَاء وَ قُلْت لَيْنَا: ‹الْبَلَدْ الْإِنْتُو مَاشِينْ لَيْهَا وَ تِشِيلُوهَا وَ تَبْقَى لَيْكُو وَرَثَةْ دِي، هِي نِجْسَةْ وَ الْقَبَايِلْ الْقَاعِدِينْ فَوْقهَا نَجَّسَوْهَا وَ مَلَوْهَا بِحَرَامْهُمْ وَ بِنَجَاسِتْهُمْ. 12 وَ أَشَانْ دَا، مَا تِزَوُّجُوا بَنَاتْكُو لِأَوْلَادْهُمْ وَ لَا أَوْلَادْكُو لِبَنَاتْهُمْ. وَ مَا تِلْمَنَّوْا لَيْهُمْ السَّلَامْ وَ لَا الْخَيْر إِلَى الْأَبَدْ. وَ مِثِلْ دَا، تَبْقَوْا قَوِيِّينْ وَ تَاكُلُوا مِنْ خَيْر الْبَلَدْ دِي. وَ الْبَلَدْ دِي تَبْقَى وَرَثَةْ لِعِيَالْكُو إِلَى الْأَبَدْ.›
13 «وَ كُلَّ الشَّيّءْ الْبِقِي فَوْقنَا، دَا جَاءْ بِسَبَبْ ذُنُوبْنَا وَ فِعِلْنَا الشَّيْن. وَ بَيْدَا كُلَ، إِنْتَ إِلٰـهْنَا مَا عَاقَبْتِنَا حَسَبْ ذُنُوبْنَا الْوَاجِبْ نِلْعَاقَبَوْا بِسَبَبْهُمْ. وَ لَاكِنْ إِنْتَ خَلَّيْت الْفَضَّلَوْا مِنِّنَا عَايْشِينْ. 14 وَ هَلْ بَتَّانْ نِقَبُّلُوا نِخَالُفُوا وَصِيَّاتَكْ وَ نِلْآخَدَوْا مَعَ الْقَبَايِلْ الْبِسَوُّوا الْحَرَامْ قِدَّامَكْ وَلَّا؟ كَنْ نِسَوُّوا مِثِلْ دَا، إِنْتَ مَا تَزْعَلْ فَوْقنَا زِيَادَةْ وَ تِدَمِّرْنَا مَرَّةْ وَاحِدْ لَحَدِّي وَاحِدْ كُلَ مَا يِفَضِّلْ وَلَّا؟ 15 يَا اللّٰهْ إِلٰـهْ بَنِي إِسْرَائِيلْ، إِنْتَ صَادِقْ وَ خَلَّيْت الْفَضَّلَوْا مِنِّنَا عَايْشِينْ لَحَدِّي الْيَوْم. وَ دَاهُو أَنِحْنَ جِينَا قِدَّامَكْ مُذْنِبِينْ. وَ فِي شَانْ الشَّرّ السَّوَّيْنَاهْ دَا، مَا وَاجِبْ نَقِيفُوا قِدَّامَكْ.»
