1 دَاهُو كَلَامْ إِرْمِيَا وِلَيْد حِلْقِيَّا وَاحِدْ مِنْ رُجَالْ الدِّينْ السَّاكْنِينْ فِي حِلَّةْ عَنَتُوتْ، فِي أَرْض قَبِيلَةْ بَنْيَامِينْ.
2 وَ اللّٰهْ بَدَا يِحَجِّي لِإِرْمِيَا فِي سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا. 3 وَ قَاعِدْ يِحَجِّي لَيَّهْ كُلَ فِي أَيَّامْ حُكُمْ يَهُويَقِمْ وِلَيْد يُوشِيَّا مَلِكْ مَمْلَكَةْ يَهُوذَا. وَ حَجَّى لَيَّهْ لَحَدِّي الشَّهَرْ الْخَامِسْ هَنَا سَنِةْ 11 هَنَا حُكُمْ صِدْقِيَّا وِلَيْد يُوشِيَّا مَلِكْ مَمْلَكَةْ يَهُوذَا. وَ دَا الْوَكِتْ الْوَدَّوْا فَوْقَهْ سُكَّانْ مَدِينَةْ الْقُدُسْ فِي الْغُرْبَةْ.
اللّه نادى إرْمِيا و درّجه نبي
4 وَ اللّٰهْ حَجَّى لَيِّ أَنَا إِرْمِيَا وَ قَالْ:
5 «قَبُلْ مَا نِكَوِّنَكْ
فِي بَطُنْ أَمَّكْ، أَنَا نَعَرْفَكْ.
وَ قَبُلْ مَا تَمْرُقْ مِنْ رِحِمْ أَمَّكْ،
أَنَا خَصَّصْتَكْ
أَشَانْ نِرَسِّلَكْ نَبِي لِلْأُمَمْ.»
6 وَ أَنَا قُلْت:
«يَا اللّٰهْ الرَّبّ!
أَنَا صَغَيَّرْ، مَا نَعَرِفْ نِحَجِّي.»
7 وَ اللّٰهْ قَالْ لَيِّ:
«مَا تُقُولْ إِنْتَ صَغَيَّرْ.
أَمْشِي فِي أَيِّ بَكَانْ النِّرَسِّلَكْ فَوْقَهْ
وَ كُلَّ شَيّءْ النُّقُولَهْ لَيْك، قُولَهْ.
8 مَا تَخَافْ مِنْ نَادُمْ
أَشَانْ أَنَا قَاعِدْ مَعَاكْ لِنَحْمِيكْ.»
وَ دَا كَلَامْ اللّٰهْ.
9 وَ خَلَاصْ، اللّٰهْ مَدَّ إِيدَهْ وَ قَالْ لَيِّ:
«دَاهُو أَنَا نُخُطّ كَلَامِي
فِي خَشْمَكْ.
10 وَ أَعَرِفْ كَدَرْ الْيَوْم نَنْطِيكْ سُلْطَةْ
فِي الْأُمَمْ وَ الْمَمَالِكْ.
وَ دَا لِتَمْرُقْ وَ تَرْمِي
وَ تِدَمِّرْ وَ تَخْرِبْ وَاحِدِينْ.
وَ لَاكِنْ تَبْنِي وَ تِثَبِّتْ آخَرِينْ.»
إرْمِيا يشيف رُؤية تِنَيْن
11 وَ اللّٰهْ حَجَّى لَيِّ وَ قَالْ: «يَا إِرْمِيَا، قَاعِدْ تِشِيفْ شُنُو؟» وَ أَنَا قُلْت: «الْقَاعِدْ نِشِيفَهْ دَا، فِرِعْ شَدَرَةْ اللَّوْز النَّوَّرْ بَلَا تَأخِيرْ.» 12 وَ اللّٰهْ قَالْ لَيِّ: «إِنْتَ شِفْت عَدِيلْ. رُؤْيَةْ اللَّوْز دِي تِوَصِّفْ كَدَرْ أَنَا كُلَ نِحَقِّقْ كَلَامِي بَلَا تَأخِيرْ.»
13 وَ بَتَّانْ اللّٰهْ حَجَّى لَيِّ وَ قَالْ: «إِنْتَ قَاعِدْ تِشِيفْ شُنُو؟» وَ أَنَا قُلْت: «الْقَاعِدْ نِشِيفَهْ دَا، وَاحِدْ كَلَوْل قَاعِدْ يُفُورْ وَ مِنْ مُنْشَاقْ مَيَّلْ عَلَيْنَا.»
14 وَ اللّٰهْ قَالْ لَيِّ: «مِنْ مُنْشَاقْ بَسْ تِمَيِّلْ الْفَسَالَةْ فِي كُلَّ سُكَّانْ الْبَلَدْ دِي. 15 وَ دَاهُو أَنَا نِنَادِي كُلَّ قَبَايِلْ مَمَالِكْ الْمُنْشَاقْ. وَ هُمَّنْ يَجُوا وَ أَيِّ وَاحِدْ يُخُطّ كُرْسِيهْ قِدَّامْ خَشُمْ بَابْ مَدِينَةْ الْقُدُسْ. يِحَوُّقُوا دَرَادِرْهَا وَ يَهْجُمُوا كُلَّ حِلَّالْ بَلَدْ يَهُوذَا. وَ دَا كَلَامْ اللّٰهْ. 16 وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.
17 «وَ لَاكِنْ إِنْتَ، يَا إِرْمِيَا! أَرْبُطْ صُلْبَكْ! قُمّ وَ بَلِّغْ لَيْهُمْ بِكُلَّ شَيّءْ النَّامُرَكْ بَيَّهْ. وَ مَا تَخَافْ مِنْهُمْ. كَنْ خُفْت، أَنَا نِخَوِّفَكْ زِيَادَةْ قِدَّامْهُمْ. 18 وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا. 19 هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ وَ نَحْمِيكْ.» وَ دَا كَلَامْ اللّٰهْ.
1 دَاهُو كَلَامْ إِرْمِيَا وِلَيْد حِلْقِيَّا وَاحِدْ مِنْ رُجَالْ الدِّينْ السَّاكْنِينْ فِي حِلَّةْ عَنَتُوتْ، فِي أَرْض قَبِيلَةْ بَنْيَامِينْ.
2 وَ اللّٰهْ بَدَا يِحَجِّي لِإِرْمِيَا فِي سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا. 3 وَ قَاعِدْ يِحَجِّي لَيَّهْ كُلَ فِي أَيَّامْ حُكُمْ يَهُويَقِمْ وِلَيْد يُوشِيَّا مَلِكْ مَمْلَكَةْ يَهُوذَا. وَ حَجَّى لَيَّهْ لَحَدِّي الشَّهَرْ الْخَامِسْ هَنَا سَنِةْ 11 هَنَا حُكُمْ صِدْقِيَّا وِلَيْد يُوشِيَّا مَلِكْ مَمْلَكَةْ يَهُوذَا. وَ دَا الْوَكِتْ الْوَدَّوْا فَوْقَهْ سُكَّانْ مَدِينَةْ الْقُدُسْ فِي الْغُرْبَةْ.
اللّه نادى إرْمِيا و درّجه نبي
4 وَ اللّٰهْ حَجَّى لَيِّ أَنَا إِرْمِيَا وَ قَالْ:
5 «قَبُلْ مَا نِكَوِّنَكْ
فِي بَطُنْ أَمَّكْ، أَنَا نَعَرْفَكْ.
وَ قَبُلْ مَا تَمْرُقْ مِنْ رِحِمْ أَمَّكْ،
أَنَا خَصَّصْتَكْ
أَشَانْ نِرَسِّلَكْ نَبِي لِلْأُمَمْ.»
6 وَ أَنَا قُلْت:
«يَا اللّٰهْ الرَّبّ!
أَنَا صَغَيَّرْ، مَا نَعَرِفْ نِحَجِّي.»
7 وَ اللّٰهْ قَالْ لَيِّ:
«مَا تُقُولْ إِنْتَ صَغَيَّرْ.
أَمْشِي فِي أَيِّ بَكَانْ النِّرَسِّلَكْ فَوْقَهْ
وَ كُلَّ شَيّءْ النُّقُولَهْ لَيْك، قُولَهْ.
8 مَا تَخَافْ مِنْ نَادُمْ
أَشَانْ أَنَا قَاعِدْ مَعَاكْ لِنَحْمِيكْ.»
وَ دَا كَلَامْ اللّٰهْ.
9 وَ خَلَاصْ، اللّٰهْ مَدَّ إِيدَهْ وَ قَالْ لَيِّ:
«دَاهُو أَنَا نُخُطّ كَلَامِي
فِي خَشْمَكْ.
10 وَ أَعَرِفْ كَدَرْ الْيَوْم نَنْطِيكْ سُلْطَةْ
فِي الْأُمَمْ وَ الْمَمَالِكْ.
وَ دَا لِتَمْرُقْ وَ تَرْمِي
وَ تِدَمِّرْ وَ تَخْرِبْ وَاحِدِينْ.
وَ لَاكِنْ تَبْنِي وَ تِثَبِّتْ آخَرِينْ.»
إرْمِيا يشيف رُؤية تِنَيْن
11 وَ اللّٰهْ حَجَّى لَيِّ وَ قَالْ: «يَا إِرْمِيَا، قَاعِدْ تِشِيفْ شُنُو؟» وَ أَنَا قُلْت: «الْقَاعِدْ نِشِيفَهْ دَا، فِرِعْ شَدَرَةْ اللَّوْز النَّوَّرْ بَلَا تَأخِيرْ.» 12 وَ اللّٰهْ قَالْ لَيِّ: «إِنْتَ شِفْت عَدِيلْ. رُؤْيَةْ اللَّوْز دِي تِوَصِّفْ كَدَرْ أَنَا كُلَ نِحَقِّقْ كَلَامِي بَلَا تَأخِيرْ.»
13 وَ بَتَّانْ اللّٰهْ حَجَّى لَيِّ وَ قَالْ: «إِنْتَ قَاعِدْ تِشِيفْ شُنُو؟» وَ أَنَا قُلْت: «الْقَاعِدْ نِشِيفَهْ دَا، وَاحِدْ كَلَوْل قَاعِدْ يُفُورْ وَ مِنْ مُنْشَاقْ مَيَّلْ عَلَيْنَا.»
14 وَ اللّٰهْ قَالْ لَيِّ: «مِنْ مُنْشَاقْ بَسْ تِمَيِّلْ الْفَسَالَةْ فِي كُلَّ سُكَّانْ الْبَلَدْ دِي. 15 وَ دَاهُو أَنَا نِنَادِي كُلَّ قَبَايِلْ مَمَالِكْ الْمُنْشَاقْ. وَ هُمَّنْ يَجُوا وَ أَيِّ وَاحِدْ يُخُطّ كُرْسِيهْ قِدَّامْ خَشُمْ بَابْ مَدِينَةْ الْقُدُسْ. يِحَوُّقُوا دَرَادِرْهَا وَ يَهْجُمُوا كُلَّ حِلَّالْ بَلَدْ يَهُوذَا. وَ دَا كَلَامْ اللّٰهْ. 16 وَ بَيْدَا، أَنَا نِحَاكِمْ شَعَبِي فِي شَانْ فَسَالِتْهُمْ. وَ فَسَالِتْهُمْ دِي، هُمَّنْ أَبَوْنِي أَنَا وَ حَرَّقَوْا بَخُورْ لِإِلٰـهَاتْ آخَرِينْ وَ سَجَدَوْا لِلْأَصْنَامْ السَّوَّوْهُمْ بِإِيدَيْهُمْ.
17 «وَ لَاكِنْ إِنْتَ، يَا إِرْمِيَا! أَرْبُطْ صُلْبَكْ! قُمّ وَ بَلِّغْ لَيْهُمْ بِكُلَّ شَيّءْ النَّامُرَكْ بَيَّهْ. وَ مَا تَخَافْ مِنْهُمْ. كَنْ خُفْت، أَنَا نِخَوِّفَكْ زِيَادَةْ قِدَّامْهُمْ. 18 وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا. 19 هُمَّنْ يِحَارُبُوكْ وَ لَاكِنْ مَا يِسَوُّوا لَيْك شَيّءْ أَشَانْ أَنَا نُكُونْ مَعَاكْ وَ نَحْمِيكْ.» وَ دَا كَلَامْ اللّٰهْ.
