الكلام ضِدّ صُور و صَيْدَا
1 مُحَاكَمَةْ بَلَدْ صُورْ.
نُوحُوا، يَا الْمُسَافِرِينْ بِسُفُنْ تَرْشِيشْ!
أَشَانْ مَدِينَةْ صُورْ أَدَّمَّرَتْ!
مَا فِي بُيُوتْ وَ لَا مَدَخَلْ!
وَ دَا خَبَرْ مِنْ جَزِيرَةْ قُبْرُصْ.
2 أَسْكُتُوا مِنْ الْخَوْف،
يَا سُكَّانْ خَشُمْ الْبَحَرْ.
يَا تُجَّارْ صَيْدَا!
تُجَّارْكُو شَقَّوْا الْبَحَرْ بِكَتَرَةْ.
3 مَعَاشْ وَادِي مَصِرْ
وَ دَرَتْ النِّيلْ وَ إِنْتَاجَهْ
سَافَرَوْا فِي الْبَحَرْ
وَ بِقَوْا تِجَارَةْ لِلْأُمَمْ.
4 يَا صَيْدَا، أَخْجَلَيْ!
يَا الْمَدِينَةْ الْقَوِيَّةْ الْجَنْب الْبَحَرْ!
أَشَانْ الْبَحَرْ قَالْ:
«أَنَا مَا طَالَقْت وَ لَا وِلِدْت
وَ لَا كَبَّرْت وُلَادْ
وَ لَا رَبَّيْت بَنَاتْ.»
5 وَكِتْ سُكَّانْ مَصِرْ يَسْمَعَوْا
بِالْخَبَرْ دَا، يَرْجُفُوا
مِثِلْ رَجَفَوْا وَكِتْ سِمْعَوْا خَبَرْ صُورْ.
6 يَا سُكَّانْ خَشُمْ الْبَحَرْ، نُوحُوا
وَ أَقْطَعَوْا الْبَحَرْ لَحَدِّي تَرْشِيشْ!
7 هَلْ دِي بَسْ مَدِينِتْكُو صُورْ
الْأَوَّلْ فَرْحَانَةْ وَلَّا؟
هَلْ دِي بَسْ هِي الْقَدِيمَةْ
الْقَاعِدَةْ مِنْ زَمَانْ
وَ أَسَّسَتْ حِلَّالْ آخَرِينْ وَلَّا؟
8 يَاتُو الْقَرَّرْ الشَّيّءْ دَا ضِدّ صُورْ،
هِي التِّدَرِّجْ مُلُوكْ؟
هِي شَرَّفَتْ تُجَّارْهَا مِثِلْ مَسَائِيلْ
وَ تُجَّارْهَا مُشَرَّفِينْ فِي كُلَّ الْأَرْض.
9 اللّٰهْ الْقَادِرْ بَسْ قَرَّرَهْ
لِيِدَمِّرْ إِسْتِكْبَارْ النَّاسْ الْمُشَرَّفِينْ
وَ يَحْقِرْ كُلَّ النَّاسْ الْعِنْدُهُمْ شَرَفْ
الْقَاعِدِينْ فِي الْأَرْض.
10 يَا شَعَبْ تَرْشِيشْ! شِتُّوا فِي أَرْضُكُو
مِثِلْ النِّيلْ يَمْلَا أَرْضَهْ
أَشَانْ مَا فِي شَيّءْ الْيَدْحَرْكُو.
11 أَشَانْ اللّٰهْ رَفَعْ إِيدَهْ ضِدّ الْبَحَرْ
وَ رَجَّفْ الْمَمَالِكْ.
وَ قَرَّرْ يِدَمِّرْ
مُدُنْ كَنْعَانْ الْقَوِيِّينْ.
12 وَ اللّٰهْ قَالْ:
«يَا شَعَبْ مَدِينَةْ صَيْدَا!
وَقُّفُوا فَرَحْكُو،
يَا إِنْتُو الْمِثِلْ بِنَيَّةْ عُدْرِيَّةْ الْعَذَّبَوْهَا.
قُمُّوا وَ أَمْشُوا جَزِيرَةْ قُبْرُصْ!
وَ لَاكِنْ هِنَاكْ كُلَ،
مَا تَلْقَوْا جُمَّةْ.
13 شِيفُوا نَاسْ بَلَدْ بَابِلْ،
هُمَّنْ دَوْل بِقَوْا مَا فِيهُمْ.
أَشَانْ الْأَشُورِيِّينْ أَنْطَوْهُمْ
لِحَيْوَانَاتْ الْكَدَادَةْ.
الْأَشُورِيِّينْ سَوَّوْا خَنَادِقْ
لِيِحَاصُرُوا الْحِلَّةْ
وَ هَدَّمَوْا قُصُورْ مَدِينَةْ صُورْ
وَ سَوَّوْهُمْ كَوْم هَنَا تُرَابْ.»
14 يَا الْمُسَافِرِينْ بِسُفُنْ تَرْشِيشْ،
نُوحُوا أَشَانْ مَلْجَئْكُو الْقَوِي خِرِبْ!
15 وَ فِي الْيَوْم دَا، صُورْ يَنْسَوْهَا لِمُدَّةْ 70 سَنَةْ مِثِلْ عَدَدْ أَيَّامْ مَلِكْ وَاحِدْ. وَ فِي نِهَايَةْ السِّنِينْ دَوْل، صُورْ تَبْقَى مِثِلْ شَرْمُوطَةْ الْغَنَّوْا بَيْهَا. وَ قَالَوْا:
16 «يَا الشَّرْمُوطَةْ النِّسَوْكِ!
شِيلِي جِقِنْدِيَّةْ
وَ حَوِّقِي الْمَدِينَةْ.
دُقِّي الْجِقِنْدِيَّةْ عَدِيلْ
وَ غَنِّي كَتِيرْ
أَشَانْ يِذَّكَّرَوْكِ.»
17 وَ بَعَدْ 70 سَنَةْ، اللّٰهْ يِفَكِّرْ لِصُورْ وَ هِي تِقَبِّلْ لِرِبَاهَا الْأَوَّلْ. وَ هِي تِشَّرْمَطْ بَتَّانْ مَعَ كُلَّ مَمَالِكْ الْأَرْض. 18 لَاكِنْ رِبَاهَا وَ أُجْرِتْهَا يَبْقَوْا مُخَصَّصِينْ لِلّٰهْ. وَ لَا يُضُمُّوهُمْ وَ لَا يَخْزُنُوهُمْ. أَشَانْ بِرِبَاهَا يِأَكُّلُوا وَ يِشَبُّعُوا وَ يِلَبُّسُوا عَدِيلْ النَّاسْ الْيَسْكُنُوا قِدَّامْ اللّٰهْ.
الكلام ضِدّ صُور و صَيْدَا
1 مُحَاكَمَةْ بَلَدْ صُورْ.
نُوحُوا، يَا الْمُسَافِرِينْ بِسُفُنْ تَرْشِيشْ!
أَشَانْ مَدِينَةْ صُورْ أَدَّمَّرَتْ!
مَا فِي بُيُوتْ وَ لَا مَدَخَلْ!
وَ دَا خَبَرْ مِنْ جَزِيرَةْ قُبْرُصْ.
2 أَسْكُتُوا مِنْ الْخَوْف،
يَا سُكَّانْ خَشُمْ الْبَحَرْ.
يَا تُجَّارْ صَيْدَا!
تُجَّارْكُو شَقَّوْا الْبَحَرْ بِكَتَرَةْ.
3 مَعَاشْ وَادِي مَصِرْ
وَ دَرَتْ النِّيلْ وَ إِنْتَاجَهْ
سَافَرَوْا فِي الْبَحَرْ
وَ بِقَوْا تِجَارَةْ لِلْأُمَمْ.
4 يَا صَيْدَا، أَخْجَلَيْ!
يَا الْمَدِينَةْ الْقَوِيَّةْ الْجَنْب الْبَحَرْ!
أَشَانْ الْبَحَرْ قَالْ:
«أَنَا مَا طَالَقْت وَ لَا وِلِدْت
وَ لَا كَبَّرْت وُلَادْ
وَ لَا رَبَّيْت بَنَاتْ.»
5 وَكِتْ سُكَّانْ مَصِرْ يَسْمَعَوْا
بِالْخَبَرْ دَا، يَرْجُفُوا
مِثِلْ رَجَفَوْا وَكِتْ سِمْعَوْا خَبَرْ صُورْ.
6 يَا سُكَّانْ خَشُمْ الْبَحَرْ، نُوحُوا
وَ أَقْطَعَوْا الْبَحَرْ لَحَدِّي تَرْشِيشْ!
7 هَلْ دِي بَسْ مَدِينِتْكُو صُورْ
الْأَوَّلْ فَرْحَانَةْ وَلَّا؟
هَلْ دِي بَسْ هِي الْقَدِيمَةْ
الْقَاعِدَةْ مِنْ زَمَانْ
وَ أَسَّسَتْ حِلَّالْ آخَرِينْ وَلَّا؟
8 يَاتُو الْقَرَّرْ الشَّيّءْ دَا ضِدّ صُورْ،
هِي التِّدَرِّجْ مُلُوكْ؟
هِي شَرَّفَتْ تُجَّارْهَا مِثِلْ مَسَائِيلْ
وَ تُجَّارْهَا مُشَرَّفِينْ فِي كُلَّ الْأَرْض.
9 اللّٰهْ الْقَادِرْ بَسْ قَرَّرَهْ
لِيِدَمِّرْ إِسْتِكْبَارْ النَّاسْ الْمُشَرَّفِينْ
وَ يَحْقِرْ كُلَّ النَّاسْ الْعِنْدُهُمْ شَرَفْ
الْقَاعِدِينْ فِي الْأَرْض.
10 يَا شَعَبْ تَرْشِيشْ! شِتُّوا فِي أَرْضُكُو
مِثِلْ النِّيلْ يَمْلَا أَرْضَهْ
أَشَانْ مَا فِي شَيّءْ الْيَدْحَرْكُو.
11 أَشَانْ اللّٰهْ رَفَعْ إِيدَهْ ضِدّ الْبَحَرْ
وَ رَجَّفْ الْمَمَالِكْ.
وَ قَرَّرْ يِدَمِّرْ
مُدُنْ كَنْعَانْ الْقَوِيِّينْ.
12 وَ اللّٰهْ قَالْ:
«يَا شَعَبْ مَدِينَةْ صَيْدَا!
وَقُّفُوا فَرَحْكُو،
يَا إِنْتُو الْمِثِلْ بِنَيَّةْ عُدْرِيَّةْ الْعَذَّبَوْهَا.
قُمُّوا وَ أَمْشُوا جَزِيرَةْ قُبْرُصْ!
وَ لَاكِنْ هِنَاكْ كُلَ،
مَا تَلْقَوْا جُمَّةْ.
13 شِيفُوا نَاسْ بَلَدْ بَابِلْ،
هُمَّنْ دَوْل بِقَوْا مَا فِيهُمْ.
أَشَانْ الْأَشُورِيِّينْ أَنْطَوْهُمْ
لِحَيْوَانَاتْ الْكَدَادَةْ.
الْأَشُورِيِّينْ سَوَّوْا خَنَادِقْ
لِيِحَاصُرُوا الْحِلَّةْ
وَ هَدَّمَوْا قُصُورْ مَدِينَةْ صُورْ
وَ سَوَّوْهُمْ كَوْم هَنَا تُرَابْ.»
14 يَا الْمُسَافِرِينْ بِسُفُنْ تَرْشِيشْ،
نُوحُوا أَشَانْ مَلْجَئْكُو الْقَوِي خِرِبْ!
15 وَ فِي الْيَوْم دَا، صُورْ يَنْسَوْهَا لِمُدَّةْ 70 سَنَةْ مِثِلْ عَدَدْ أَيَّامْ مَلِكْ وَاحِدْ. وَ فِي نِهَايَةْ السِّنِينْ دَوْل، صُورْ تَبْقَى مِثِلْ شَرْمُوطَةْ الْغَنَّوْا بَيْهَا. وَ قَالَوْا:
16 «يَا الشَّرْمُوطَةْ النِّسَوْكِ!
شِيلِي جِقِنْدِيَّةْ
وَ حَوِّقِي الْمَدِينَةْ.
دُقِّي الْجِقِنْدِيَّةْ عَدِيلْ
وَ غَنِّي كَتِيرْ
أَشَانْ يِذَّكَّرَوْكِ.»
17 وَ بَعَدْ 70 سَنَةْ، اللّٰهْ يِفَكِّرْ لِصُورْ وَ هِي تِقَبِّلْ لِرِبَاهَا الْأَوَّلْ. وَ هِي تِشَّرْمَطْ بَتَّانْ مَعَ كُلَّ مَمَالِكْ الْأَرْض. 18 لَاكِنْ رِبَاهَا وَ أُجْرِتْهَا يَبْقَوْا مُخَصَّصِينْ لِلّٰهْ. وَ لَا يُضُمُّوهُمْ وَ لَا يَخْزُنُوهُمْ. أَشَانْ بِرِبَاهَا يِأَكُّلُوا وَ يِشَبُّعُوا وَ يِلَبُّسُوا عَدِيلْ النَّاسْ الْيَسْكُنُوا قِدَّامْ اللّٰهْ.
