اللّه قال يبْنوا بَيْته بتان
1 فِي الْيَوْم الْأَوَّلْ هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ، اللّٰهْ حَجَّى بِوَاسِطَةْ النَّبِي حَقَّاي لِزَرُبَابِلْ وِلَيْد شَلْتِيِيلْ وَ لِيَشُوعْ وِلَيْد يُوصَادِقْ. وَ زَرُبَابِلْ دَا هُو حَاكِمْ بَلَدْ يَهُوذَا. وَ يَشُوعْ كَمَانْ هُو كَبِيرْ رُجَالْ الدِّينْ.
2 دَاهُو اللّٰهْ الْقَادِرْ قَالْ: «الشَّعَبْ دَا قَالَوْا كَدَرْ الْوَكِتْ الْيَبْنُوا فَوْقَهْ بَيْت اللّٰهْ بَتَّانْ دَا لِسَّاعْ مَا جَاءْ.»
3 وَ خَلَاصْ، اللّٰهْ حَجَّى لَيْهُمْ بَتَّانْ بِوَاسِطَةْ النَّبِي حَقَّاي وَ قَالْ: 4 «هَسَّعْ، إِنْتُو تَسْكُنُوا فِي بُيُوتْ الْجَمَّلْتُوهُمْ بِحَطَبْ وَ لَاكِنْ بَيْت اللّٰهْ قَاعِدْ مُدَمَّرْ. دَا عَدِيلْ وَلَّا؟»
5 وَ هَسَّعْ، دَاهُو اللّٰهْ الْقَادِرْ قَالْ:
«فَكُّرُوا فِي حَالِتْكُو.
6 إِنْتُو تَيْرَبْتُوا كَتِيرْ وَ لِقِيتُوا شِيَّةْ
وَ أَكَلْتُوا وَ مَا شِبِعْتُوا.
وَ شِرِبْتُوا وَ مَا رِوِيتُوا
وَ لِبِسْتُوا وَ قَاعِدِينْ بَرْدَانِينْ.
وَ دَا مِثِلْ أُجْرِتْكُو
دَسَّيْتُوهَا فِي جَيْب مَقْدُودْ.»
7 دَاهُو اللّٰهْ الْقَادِرْ قَالْ: «فَكُّرُوا فِي حَالِتْكُو. 8 أَطْلَعَوْا فِي الْجَبَلْ وَ جِيبُوا حَطَبْ وَ أَبْنُوا بَيَّهْ بَيْتِي بَتَّانْ. وَ بَيْدَا، أَنَا نَفْرَحْ بَيَّهْ وَ نِبَيِّنْ فَوْقَهْ مَجْدِي. وَ دَا، اللّٰهْ بَسْ قَالَهْ. 9 إِنْتُو قَاعِدِينْ تَرْجَوْا إِنْتَاجْ كَتِيرْ وَ لَاكِنْ لِقِيتُوا شِيَّةْ بَسْ. إِنْتُو وَدَّيْتُوهْ فِي بُيُوتْكُو وَ لَاكِنْ أَنَا نَفَخْت فَوْقَهْ وَ شَتَّتَّهْ. وَ دَا فِي شَانْ شُنُو؟ دَا فِي شَانْ بَيْتِي قَاعِدْ مُدَمَّرْ وَ لَاكِنْ إِنْتُو أَنْكَرَبْتُوا أَيِّ وَاحِدْ فِي بَنِي بَيْتَهْ. وَ دَا كَلَامْ اللّٰهْ الْقَادِرْ. 10 وَ فِي شَانْ دَا، السَّمَاءْ مَا نَزَّلَتْ مَطَرْ وَ الْأَرْض مَا أَنْطَتْ إِنْتَاجْ. 11 أَنَا جِبْت الْجَفَافْ فِي الْأَرْض وَ فِي الْجِبَالْ وَ فِي الزِّرَاعَةْ وَ فِي جِنَيْنَاتْ الْعِنَبْ وَ فِي شَدَرْ الزَّيْتُونْ وَ فِي كُلَّ إِنْتَاجْ الْأَرْض. وَ النَّاسْ وَ الْبَهَايِمْ مَا لِقَوْا نَتِيجَةْ خِدْمِتْهُمْ.»
12 وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ، كُلُّهُمْ سِمْعَوْا كَلَامْ اللّٰهْ إِلٰـهُّمْ وَ كَلَامْ النَّبِي حَقَّاي الرَّسَّلَهْ لَيْهُمْ اللّٰهْ إِلٰـهُّمْ. وَ الشَّعَبْ خَافَوْا مِنْ اللّٰهْ.
13 وَ حَقَّاي رَسُولْ اللّٰهْ حَجَّى لِلشَّعَبْ حَسَبْ الْكَلَامْ الرَّسَّلَهْ بَيَّهْ اللّٰهْ وَ قَالْ: «دَاهُو كَلَامْ اللّٰهْ: ‹أَنَا مَعَاكُو.›»
14 وَ اللّٰهْ شَجَّعْ زَرُبَابِلْ وِلَيْد شَلْتِيِيلْ حَاكِمْ بَلَدْ يَهُوذَا وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ. وَ هُمَّنْ جَوْا وَ قَمَّوْا يَخْدُمُوا فِي بَيْت اللّٰهْ الْقَادِرْ إِلٰـهُّمْ 15 فِي يَوْم 24 هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ.
اللّه قال يبْنوا بَيْته بتان
1 فِي الْيَوْم الْأَوَّلْ هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ، اللّٰهْ حَجَّى بِوَاسِطَةْ النَّبِي حَقَّاي لِزَرُبَابِلْ وِلَيْد شَلْتِيِيلْ وَ لِيَشُوعْ وِلَيْد يُوصَادِقْ. وَ زَرُبَابِلْ دَا هُو حَاكِمْ بَلَدْ يَهُوذَا. وَ يَشُوعْ كَمَانْ هُو كَبِيرْ رُجَالْ الدِّينْ.
2 دَاهُو اللّٰهْ الْقَادِرْ قَالْ: «الشَّعَبْ دَا قَالَوْا كَدَرْ الْوَكِتْ الْيَبْنُوا فَوْقَهْ بَيْت اللّٰهْ بَتَّانْ دَا لِسَّاعْ مَا جَاءْ.»
3 وَ خَلَاصْ، اللّٰهْ حَجَّى لَيْهُمْ بَتَّانْ بِوَاسِطَةْ النَّبِي حَقَّاي وَ قَالْ: 4 «هَسَّعْ، إِنْتُو تَسْكُنُوا فِي بُيُوتْ الْجَمَّلْتُوهُمْ بِحَطَبْ وَ لَاكِنْ بَيْت اللّٰهْ قَاعِدْ مُدَمَّرْ. دَا عَدِيلْ وَلَّا؟»
5 وَ هَسَّعْ، دَاهُو اللّٰهْ الْقَادِرْ قَالْ:
«فَكُّرُوا فِي حَالِتْكُو.
6 إِنْتُو تَيْرَبْتُوا كَتِيرْ وَ لِقِيتُوا شِيَّةْ
وَ أَكَلْتُوا وَ مَا شِبِعْتُوا.
وَ شِرِبْتُوا وَ مَا رِوِيتُوا
وَ لِبِسْتُوا وَ قَاعِدِينْ بَرْدَانِينْ.
وَ دَا مِثِلْ أُجْرِتْكُو
دَسَّيْتُوهَا فِي جَيْب مَقْدُودْ.»
7 دَاهُو اللّٰهْ الْقَادِرْ قَالْ: «فَكُّرُوا فِي حَالِتْكُو. 8 أَطْلَعَوْا فِي الْجَبَلْ وَ جِيبُوا حَطَبْ وَ أَبْنُوا بَيَّهْ بَيْتِي بَتَّانْ. وَ بَيْدَا، أَنَا نَفْرَحْ بَيَّهْ وَ نِبَيِّنْ فَوْقَهْ مَجْدِي. وَ دَا، اللّٰهْ بَسْ قَالَهْ. 9 إِنْتُو قَاعِدِينْ تَرْجَوْا إِنْتَاجْ كَتِيرْ وَ لَاكِنْ لِقِيتُوا شِيَّةْ بَسْ. إِنْتُو وَدَّيْتُوهْ فِي بُيُوتْكُو وَ لَاكِنْ أَنَا نَفَخْت فَوْقَهْ وَ شَتَّتَّهْ. وَ دَا فِي شَانْ شُنُو؟ دَا فِي شَانْ بَيْتِي قَاعِدْ مُدَمَّرْ وَ لَاكِنْ إِنْتُو أَنْكَرَبْتُوا أَيِّ وَاحِدْ فِي بَنِي بَيْتَهْ. وَ دَا كَلَامْ اللّٰهْ الْقَادِرْ. 10 وَ فِي شَانْ دَا، السَّمَاءْ مَا نَزَّلَتْ مَطَرْ وَ الْأَرْض مَا أَنْطَتْ إِنْتَاجْ. 11 أَنَا جِبْت الْجَفَافْ فِي الْأَرْض وَ فِي الْجِبَالْ وَ فِي الزِّرَاعَةْ وَ فِي جِنَيْنَاتْ الْعِنَبْ وَ فِي شَدَرْ الزَّيْتُونْ وَ فِي كُلَّ إِنْتَاجْ الْأَرْض. وَ النَّاسْ وَ الْبَهَايِمْ مَا لِقَوْا نَتِيجَةْ خِدْمِتْهُمْ.»
12 وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ، كُلُّهُمْ سِمْعَوْا كَلَامْ اللّٰهْ إِلٰـهُّمْ وَ كَلَامْ النَّبِي حَقَّاي الرَّسَّلَهْ لَيْهُمْ اللّٰهْ إِلٰـهُّمْ. وَ الشَّعَبْ خَافَوْا مِنْ اللّٰهْ.
13 وَ حَقَّاي رَسُولْ اللّٰهْ حَجَّى لِلشَّعَبْ حَسَبْ الْكَلَامْ الرَّسَّلَهْ بَيَّهْ اللّٰهْ وَ قَالْ: «دَاهُو كَلَامْ اللّٰهْ: ‹أَنَا مَعَاكُو.›»
14 وَ اللّٰهْ شَجَّعْ زَرُبَابِلْ وِلَيْد شَلْتِيِيلْ حَاكِمْ بَلَدْ يَهُوذَا وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ. وَ هُمَّنْ جَوْا وَ قَمَّوْا يَخْدُمُوا فِي بَيْت اللّٰهْ الْقَادِرْ إِلٰـهُّمْ 15 فِي يَوْم 24 هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ.
