مُوسَى جهّز ليحان آخرين
1 وَ بَتَّانْ اللّٰهْ قَالْ لِمُوسَى: «سَوِّي لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ. وَ أَنَا نَكْتِبْ فَوْقهُمْ الْوَصَايَا الْأَوَّلْ كَتَبْتُهُمْ فِي اللِّيحَانْ الْإِتْنَيْن الْإِنْتَ كَسَّرْتُهُمْ. 2 وَ جَهِّزْ نَفْسَكْ. أَمْبَاكِرْ فَجُرْ، أَطْلَعْ فِي جَبَلْ سِينَاء وَ تَعَالْ لَيِّ فِي رَاسْ الْجَبَلْ. 3 خَلِّي نَادُمْ مَا يَطْلَعْ مَعَاكْ وَ لَا يِنْشَافْ فِي أَيِّ بَكَانْ فِي الْجَبَلْ. وَ الْغَنَمْ وَ الْبَقَرْ كُلَ مَا يَسْرَحَوْا عَلَيْ الْجَبَلْ دَا.»
4 وَ مُوسَى سَوَّى لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ. وَ أَمْبَاكِرْ فَجُرْ، رِكِبْ فِي جَبَلْ سِينَاء. وَ شَالْ اللِّيحَانْ دَوْل فِي إِيدَهْ مِثِلْ اللّٰهْ أَمَرَهْ بَيَّهْ.
اللّه بان لمُوسَى
5 وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ. 6 وَ فَاتْ قِدَّامْ مُوسَى وَ عَالَنْ وَ قَالْ: «أَنَا اللّٰهْ! أَنَا اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ. 7 نِوَصِّفْ خَيْرِي الدَّايِمْ لِآلَافْ الذُّرِّيَّاتْ وَ نَغْفِرْ الْخَطَا وَ الْعِصْيَانْ وَ الذُّنُوبْ. وَ لَاكِنْ الْمُذْنِبْ مَا نَجْعَلَهْ بَرِي. نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.»
8 وَ طَوَّالِي، مُوسَى دَنْقَرْ فِي الْأَرْض وَ سَجَدْ لِلّٰهْ 9 وَ قَالْ: «يَا رَبّ، كَنْ إِنْتَ رِضِيتْ لَيِّ، أَمْشِي مَعَانَا. يَا رَبّ، حَتَّى كَانْ أَنِحْنَ شَعَبَكْ رَاسْنَا قَوِي كُلَ، أَغْفِرْ لَيْنَا خَطَايَانَا وَ ذُنُوبْنَا. وَ أَجْعَلْنَا شَعَبَكْ الْحَلَالَكْ.»
اللّه جدّد المُعاهدة
10 وَ اللّٰهْ قَالْ لِمُوسَى: «دَاهُو أَنَا نِسَوِّي مَعَاكُو مُعَاهَدَةْ. نِسَوِّي عَجَايِبْ قِدَّامْ كُلَّ شَعَبَكْ الْأَبَداً مَا بِقَوْا فِي أُمَمْ الْأَرْض. وَ الشَّعَبْ الْإِنْتَ قَاعِدْ فِي أُسُطْهُمْ يِشِيفُوا كُلَّ الْفِعِلْ الْعَجِيبْ الْبِخَوِّفْ الْأَنَا اللّٰهْ نِسَوِّيهْ بَيْك إِنْتَ. 11 خَلِّي يِطَبُّقُوا دَايْماً كَلَامِي النُّقُولَهْ لَيْك الْيَوْم. وَ بَيْدَا، أَنَا نَطْرُدْ مِنْ قِدَّامْكُو الْأَمُورِيِّينْ وَ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.
12 «أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ الْإِنْتُو مَاشِينْ لَيْهَا أَشَانْ هُمَّنْ مَا يَبْقَوْا لَيْكُو شَرَكْ. 13 وَ لَاكِنْ هَدُّمُوا مَدَابِحْهُمْ وَ أَرْمُوا حُجَارْهُمْ الْغَزَّوْهُمْ وَ كَسُّرُوا عِيدَانْهُمْ الْغَزَّوْهُمْ لِعِبَادَةْ أَشِيرَةْ. 14 مَا تَعَبُدُوا إِلٰـهْ آخَرْ بَلَايِ أَنَا اللّٰهْ أَشَانْ أَنَا غَيُّورْ يَعْنِي مَا نِدَوْر يَعَبُدُوا إِلٰـهْ آخَرْ.
15 «أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ دِي أَشَانْ وَكِتْ يِشَّرْمَطَوْا مَعَ إِلٰـهَاتْهُمْ وَ يَعَبُدُوهُمْ وَ يِقَدُّمُوا لَيْهُمْ ضَحَايَا، يَعَزُمُوكُو لِتَاكُلُوا مَعَاهُمْ ضَحَايَاهُمْ. 16 وَ أَكُونْ تَاخُدُوا بَنَاتْهُمْ لِأَوْلَادْكُو. وَ كَنْ بَنَاتْهُمْ يِشَّرْمَطَوْا مَعَ أَصْنَامْهُمْ وَ يَعَبُدُوهُمْ، أَوْلَادْكُو كُلَ يِسَوُّوا نَفْس الشَّيّءْ.
17 «مَا تَصْنَعَوْا لَيْكُو أَصْنَامْ هَنَا حَدِيدْ.
18 «عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، آكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو بَيَّهْ. وَ دَا فِي الْوَكِتْ الْمُحَدَّدْ فِي شَهَرْ الْقَنَادِيلْ. وَ دَا بَسْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ.
19 «كُلَّ أَوْلَادْ الْبِكِرْ يَبْقَوْا هِنَيّ أَنَا اللّٰهْ حَتَّى أَوْلَادْ الْبِكِرْ مِنْ الْبَهَايِمْ كَنْ مِنْ الْبَقَرْ وَلَّا مِنْ الْغَنَمْ كُلَ. 20 وَ أَيِّ وَلْد بِكِرْ هَنَا حَمِيرْ، شِيلُوا فِي بَدَلَهْ خَرُوفْ. وَ كَنْ مَا بَدَّلْتُوهْ كَمَانْ، أَكْسُرُوا رَقَبَتَهْ. وَ لَاكِنْ أَيِّ وَلْد بِكِرْ مِنْ عِيَالْكُو إِنْتُو الْإِنْسَانْ، أَفْدَوْه.
«مَا تَجُوا قِدَّامِي إِيدَيْكُو يَابْسِينْ.
21 «أَخْدُمُوا لِمُدَّةْ سِتَّةْ يَوْم وَ الْيَوْم السَّابِعْ كَمَانْ، أَنْجَمَّوْا. حَتَّى فِي الْحِرَاتَةْ أَوْ فِي الْقَطِعْ كُلَ، فِي الْيَوْم السَّابِعْ دَا، وَاجِبْ تِنْجَمَّوْا.
22 «عَيُّدُوا عِيدْ الْقَطِعْ وَ قَدُّمُوا لَيِّ أَوَّلْ إِنْتَاجْ الْقَمَحْ الْإِنْتُو قَطَعْتُوهْ مِنْ الزَّرَعْ. وَ بَعَدْ دَا، عَيُّدُوا عِيدْ اللَّمِّينْ وَ دَا يَبْقَى فِي آخِرْ خِدْمَةْ الزِّرَاعَةْ. 23 تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامِي لِيَعَبُدْنِي أَنَا اللّٰهْ الرَّبّ إِلٰـهْ بَنِي إِسْرَائِيلْ. 24 وَ أَنَا نَطْرُدْ الْأُمَمْ مِنْ قِدَّامْكُو وَ نِوَسِّعْ بَلَدْكُو. وَ نَادُمْ وَاحِدْ كُلَ مَا يَطْمَعْ فِي أَرْضُكُو وَكِتْ تَجُوا قِدَّامِي أَنَا اللّٰهْ إِلٰـهْكُو تَلَاتَةْ مَرَّاتْ فِي السَّنَةْ.
25 «مَا تِقَدُّمُوا لَيِّ دَمّ الضَّحِيَّةْ مَعَ أَيِّ شَيّءْ الْعِنْدَهْ تَوَّارَةْ. وَ مَا تِخَلُّوا شَحَمْ ضَحِيَّةْ عِيدْ الْفِصْحَ يَرْقُدْ لَحَدِّي فَجُرْ. 26 وَ قَدُّمُوا أَوَّلْ إِنْتَاجْ زِرَاعِتْكُو لِبَيْت اللّٰهْ إِلٰـهْكُو.
«وَ مَا تِرَكُّبُوا لَحَمْ السَّخَلْ فِي لَبَنْ أَمَّهْ.»
27 وَ بَتَّانْ اللّٰهْ قَالْ لِمُوسَى: «أَكْتِبْ الْكَلَامْ دَا وَ دَا يَبْقَى أَسَاسْ الْمُعَاهَدَةْ السَّوَّيْتهَا مَعَاكْ إِنْتَ وَ بَنِي إِسْرَائِيلْ.» 28 وَ مُوسَى قَعَدْ مَعَ اللّٰهْ 40 نَهَارْ وَ 40 لَيْلَةْ. وَ لَا أَكَلْ خُبْزَةْ وَ لَا شِرِبْ أَلْمِي. وَ كَتَبْ فِي اللِّيحَانْ كَلَامْ الْمُعَاهَدَةْ وَ هُو الْوَصَايَا الْعَشَرَةْ.
وِجِه مُوسَى رارى
29 وَ خَلَاصْ وَكِتْ مُوسَى نَزَلْ مِنْ جَبَلْ سِينَاء وَ لِيحَانْ الْمُعَاهَدَةْ فِي إِيدَيْنَهْ، هُو مَا عِرِفْ كَدَرْ وِجْهَهْ قَاعِدْ يِرَارِي بِسَبَبْ هُو كَلَّمْ مَعَ اللّٰهْ. 30 وَ وَكِتْ هَارُونْ وَ كُلَّ بَنِي إِسْرَائِيلْ شَافَوْا وِجِهْ مُوسَى قَاعِدْ يِرَارِي، خَافَوْا مَا قَرَّبَوْا لَيَّهْ. 31 وَ لَاكِنْ هُو نَادَاهُمْ وَ فِي الْبَكَانْ دَا، هَارُونْ وَ كُلَّ شُيُوخْ الْمُجْتَمَعْ جَوْا لَيَّهْ. وَ هُو كَلَّمْ مَعَاهُمْ. 32 وَ بَعَدْ دَا، كُلَّ بَنِي إِسْرَائِيلْ جَوْا لَيَّهْ قَرِيبْ. وَ هُو وَصَّاهُمْ بِكُلَّ الْوَصَايَا الْاللّٰهْ قَالَاهُمْ لَيَّهْ فِي جَبَلْ سِينَاء.
33 وَكِتْ مُوسَى كَمَّلْ كَلَامَهْ مَعَاهُمْ، غَطَّى مِنْهُمْ وِجْهَهْ بِمِنْدِيلْ. 34 وَ أَيِّ وَكِتْ كَنْ مُوسَى يِدَوْر يَقِيفْ قِدَّامْ اللّٰهْ لِيِكَلِّمْ مَعَايَهْ، يَرْفَعْ الْمِنْدِيلْ مِنْ وِجْهَهْ لَحَدِّي يَمْرُقْ مِنْ حَضَرَةْ اللّٰهْ. وَ هُو يِكَلِّمْ لِبَنِي إِسْرَائِيلْ بِالْوَصَايَا الْاللّٰهْ أَمَرَهْ بَيْهُمْ. 35 وَ فِي الْبَكَانْ دَا، بَنِي إِسْرَائِيلْ يِشِيفُوا وِجْهَهْ الْقَاعِدْ يِرَارِي. وَ بَعَدْ دَا، هُو يُخُطّ الْمِنْدِيلْ فِي وِجْهَهْ لَحَدِّي يَجِي يِكَلِّمْ مَعَ اللّٰهْ بَتَّانْ.
مُوسَى جهّز ليحان آخرين
1 وَ بَتَّانْ اللّٰهْ قَالْ لِمُوسَى: «سَوِّي لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ. وَ أَنَا نَكْتِبْ فَوْقهُمْ الْوَصَايَا الْأَوَّلْ كَتَبْتُهُمْ فِي اللِّيحَانْ الْإِتْنَيْن الْإِنْتَ كَسَّرْتُهُمْ. 2 وَ جَهِّزْ نَفْسَكْ. أَمْبَاكِرْ فَجُرْ، أَطْلَعْ فِي جَبَلْ سِينَاء وَ تَعَالْ لَيِّ فِي رَاسْ الْجَبَلْ. 3 خَلِّي نَادُمْ مَا يَطْلَعْ مَعَاكْ وَ لَا يِنْشَافْ فِي أَيِّ بَكَانْ فِي الْجَبَلْ. وَ الْغَنَمْ وَ الْبَقَرْ كُلَ مَا يَسْرَحَوْا عَلَيْ الْجَبَلْ دَا.»
4 وَ مُوسَى سَوَّى لِيحَانْ إِتْنَيْن هَنَا حَجَرْ مِثِلْ اللِّيحَانْ الْأَوَّلْ. وَ أَمْبَاكِرْ فَجُرْ، رِكِبْ فِي جَبَلْ سِينَاء. وَ شَالْ اللِّيحَانْ دَوْل فِي إِيدَهْ مِثِلْ اللّٰهْ أَمَرَهْ بَيَّهْ.
اللّه بان لمُوسَى
5 وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ. 6 وَ فَاتْ قِدَّامْ مُوسَى وَ عَالَنْ وَ قَالْ: «أَنَا اللّٰهْ! أَنَا اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ. 7 نِوَصِّفْ خَيْرِي الدَّايِمْ لِآلَافْ الذُّرِّيَّاتْ وَ نَغْفِرْ الْخَطَا وَ الْعِصْيَانْ وَ الذُّنُوبْ. وَ لَاكِنْ الْمُذْنِبْ مَا نَجْعَلَهْ بَرِي. نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.»
8 وَ طَوَّالِي، مُوسَى دَنْقَرْ فِي الْأَرْض وَ سَجَدْ لِلّٰهْ 9 وَ قَالْ: «يَا رَبّ، كَنْ إِنْتَ رِضِيتْ لَيِّ، أَمْشِي مَعَانَا. يَا رَبّ، حَتَّى كَانْ أَنِحْنَ شَعَبَكْ رَاسْنَا قَوِي كُلَ، أَغْفِرْ لَيْنَا خَطَايَانَا وَ ذُنُوبْنَا. وَ أَجْعَلْنَا شَعَبَكْ الْحَلَالَكْ.»
اللّه جدّد المُعاهدة
10 وَ اللّٰهْ قَالْ لِمُوسَى: «دَاهُو أَنَا نِسَوِّي مَعَاكُو مُعَاهَدَةْ. نِسَوِّي عَجَايِبْ قِدَّامْ كُلَّ شَعَبَكْ الْأَبَداً مَا بِقَوْا فِي أُمَمْ الْأَرْض. وَ الشَّعَبْ الْإِنْتَ قَاعِدْ فِي أُسُطْهُمْ يِشِيفُوا كُلَّ الْفِعِلْ الْعَجِيبْ الْبِخَوِّفْ الْأَنَا اللّٰهْ نِسَوِّيهْ بَيْك إِنْتَ. 11 خَلِّي يِطَبُّقُوا دَايْماً كَلَامِي النُّقُولَهْ لَيْك الْيَوْم. وَ بَيْدَا، أَنَا نَطْرُدْ مِنْ قِدَّامْكُو الْأَمُورِيِّينْ وَ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.
12 «أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ الْإِنْتُو مَاشِينْ لَيْهَا أَشَانْ هُمَّنْ مَا يَبْقَوْا لَيْكُو شَرَكْ. 13 وَ لَاكِنْ هَدُّمُوا مَدَابِحْهُمْ وَ أَرْمُوا حُجَارْهُمْ الْغَزَّوْهُمْ وَ كَسُّرُوا عِيدَانْهُمْ الْغَزَّوْهُمْ لِعِبَادَةْ أَشِيرَةْ. 14 مَا تَعَبُدُوا إِلٰـهْ آخَرْ بَلَايِ أَنَا اللّٰهْ أَشَانْ أَنَا غَيُّورْ يَعْنِي مَا نِدَوْر يَعَبُدُوا إِلٰـهْ آخَرْ.
15 «أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ دِي أَشَانْ وَكِتْ يِشَّرْمَطَوْا مَعَ إِلٰـهَاتْهُمْ وَ يَعَبُدُوهُمْ وَ يِقَدُّمُوا لَيْهُمْ ضَحَايَا، يَعَزُمُوكُو لِتَاكُلُوا مَعَاهُمْ ضَحَايَاهُمْ. 16 وَ أَكُونْ تَاخُدُوا بَنَاتْهُمْ لِأَوْلَادْكُو. وَ كَنْ بَنَاتْهُمْ يِشَّرْمَطَوْا مَعَ أَصْنَامْهُمْ وَ يَعَبُدُوهُمْ، أَوْلَادْكُو كُلَ يِسَوُّوا نَفْس الشَّيّءْ.
17 «مَا تَصْنَعَوْا لَيْكُو أَصْنَامْ هَنَا حَدِيدْ.
18 «عَيُّدُوا عِيدْ الْخُبْزَةْ بَلَا تَوَّارَةْ. فِي سَبْعَةْ يَوْم، آكُلُوا خُبْزَةْ بَلَا تَوَّارَةْ مِثِلْ أَنَا أَمَرْتُكُو بَيَّهْ. وَ دَا فِي الْوَكِتْ الْمُحَدَّدْ فِي شَهَرْ الْقَنَادِيلْ. وَ دَا بَسْ الشَّهَرْ الْإِنْتُو مَرَقْتُوا بَيَّهْ مِنْ بَلَدْ مَصِرْ.
19 «كُلَّ أَوْلَادْ الْبِكِرْ يَبْقَوْا هِنَيّ أَنَا اللّٰهْ حَتَّى أَوْلَادْ الْبِكِرْ مِنْ الْبَهَايِمْ كَنْ مِنْ الْبَقَرْ وَلَّا مِنْ الْغَنَمْ كُلَ. 20 وَ أَيِّ وَلْد بِكِرْ هَنَا حَمِيرْ، شِيلُوا فِي بَدَلَهْ خَرُوفْ. وَ كَنْ مَا بَدَّلْتُوهْ كَمَانْ، أَكْسُرُوا رَقَبَتَهْ. وَ لَاكِنْ أَيِّ وَلْد بِكِرْ مِنْ عِيَالْكُو إِنْتُو الْإِنْسَانْ، أَفْدَوْه.
«مَا تَجُوا قِدَّامِي إِيدَيْكُو يَابْسِينْ.
21 «أَخْدُمُوا لِمُدَّةْ سِتَّةْ يَوْم وَ الْيَوْم السَّابِعْ كَمَانْ، أَنْجَمَّوْا. حَتَّى فِي الْحِرَاتَةْ أَوْ فِي الْقَطِعْ كُلَ، فِي الْيَوْم السَّابِعْ دَا، وَاجِبْ تِنْجَمَّوْا.
22 «عَيُّدُوا عِيدْ الْقَطِعْ وَ قَدُّمُوا لَيِّ أَوَّلْ إِنْتَاجْ الْقَمَحْ الْإِنْتُو قَطَعْتُوهْ مِنْ الزَّرَعْ. وَ بَعَدْ دَا، عَيُّدُوا عِيدْ اللَّمِّينْ وَ دَا يَبْقَى فِي آخِرْ خِدْمَةْ الزِّرَاعَةْ. 23 تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامِي لِيَعَبُدْنِي أَنَا اللّٰهْ الرَّبّ إِلٰـهْ بَنِي إِسْرَائِيلْ. 24 وَ أَنَا نَطْرُدْ الْأُمَمْ مِنْ قِدَّامْكُو وَ نِوَسِّعْ بَلَدْكُو. وَ نَادُمْ وَاحِدْ كُلَ مَا يَطْمَعْ فِي أَرْضُكُو وَكِتْ تَجُوا قِدَّامِي أَنَا اللّٰهْ إِلٰـهْكُو تَلَاتَةْ مَرَّاتْ فِي السَّنَةْ.
25 «مَا تِقَدُّمُوا لَيِّ دَمّ الضَّحِيَّةْ مَعَ أَيِّ شَيّءْ الْعِنْدَهْ تَوَّارَةْ. وَ مَا تِخَلُّوا شَحَمْ ضَحِيَّةْ عِيدْ الْفِصْحَ يَرْقُدْ لَحَدِّي فَجُرْ. 26 وَ قَدُّمُوا أَوَّلْ إِنْتَاجْ زِرَاعِتْكُو لِبَيْت اللّٰهْ إِلٰـهْكُو.
«وَ مَا تِرَكُّبُوا لَحَمْ السَّخَلْ فِي لَبَنْ أَمَّهْ.»
27 وَ بَتَّانْ اللّٰهْ قَالْ لِمُوسَى: «أَكْتِبْ الْكَلَامْ دَا وَ دَا يَبْقَى أَسَاسْ الْمُعَاهَدَةْ السَّوَّيْتهَا مَعَاكْ إِنْتَ وَ بَنِي إِسْرَائِيلْ.» 28 وَ مُوسَى قَعَدْ مَعَ اللّٰهْ 40 نَهَارْ وَ 40 لَيْلَةْ. وَ لَا أَكَلْ خُبْزَةْ وَ لَا شِرِبْ أَلْمِي. وَ كَتَبْ فِي اللِّيحَانْ كَلَامْ الْمُعَاهَدَةْ وَ هُو الْوَصَايَا الْعَشَرَةْ.
وِجِه مُوسَى رارى
29 وَ خَلَاصْ وَكِتْ مُوسَى نَزَلْ مِنْ جَبَلْ سِينَاء وَ لِيحَانْ الْمُعَاهَدَةْ فِي إِيدَيْنَهْ، هُو مَا عِرِفْ كَدَرْ وِجْهَهْ قَاعِدْ يِرَارِي بِسَبَبْ هُو كَلَّمْ مَعَ اللّٰهْ. 30 وَ وَكِتْ هَارُونْ وَ كُلَّ بَنِي إِسْرَائِيلْ شَافَوْا وِجِهْ مُوسَى قَاعِدْ يِرَارِي، خَافَوْا مَا قَرَّبَوْا لَيَّهْ. 31 وَ لَاكِنْ هُو نَادَاهُمْ وَ فِي الْبَكَانْ دَا، هَارُونْ وَ كُلَّ شُيُوخْ الْمُجْتَمَعْ جَوْا لَيَّهْ. وَ هُو كَلَّمْ مَعَاهُمْ. 32 وَ بَعَدْ دَا، كُلَّ بَنِي إِسْرَائِيلْ جَوْا لَيَّهْ قَرِيبْ. وَ هُو وَصَّاهُمْ بِكُلَّ الْوَصَايَا الْاللّٰهْ قَالَاهُمْ لَيَّهْ فِي جَبَلْ سِينَاء.
33 وَكِتْ مُوسَى كَمَّلْ كَلَامَهْ مَعَاهُمْ، غَطَّى مِنْهُمْ وِجْهَهْ بِمِنْدِيلْ. 34 وَ أَيِّ وَكِتْ كَنْ مُوسَى يِدَوْر يَقِيفْ قِدَّامْ اللّٰهْ لِيِكَلِّمْ مَعَايَهْ، يَرْفَعْ الْمِنْدِيلْ مِنْ وِجْهَهْ لَحَدِّي يَمْرُقْ مِنْ حَضَرَةْ اللّٰهْ. وَ هُو يِكَلِّمْ لِبَنِي إِسْرَائِيلْ بِالْوَصَايَا الْاللّٰهْ أَمَرَهْ بَيْهُمْ. 35 وَ فِي الْبَكَانْ دَا، بَنِي إِسْرَائِيلْ يِشِيفُوا وِجْهَهْ الْقَاعِدْ يِرَارِي. وَ بَعَدْ دَا، هُو يُخُطّ الْمِنْدِيلْ فِي وِجْهَهْ لَحَدِّي يَجِي يِكَلِّمْ مَعَ اللّٰهْ بَتَّانْ.
