رَحَبْعَام بِقي ملك في يَهُوذَا
1 وَ وَكِتْ رَحَبْعَامْ وَصَّلْ مَدِينَةْ الْقُدُسْ، لَمَّ قَبِيلَةْ يَهُوذَا وَ قَبِيلَةْ بَنْيَامِينْ وَ عَزَلْ مِنْهُمْ 180 000 رُجَالْ مُحَارِبِينْ لِيَمْشُوا يِحَارُبُوا قَبَايِلْ إِسْرَائِيلْ فِي الْمُنْشَاقْ وَ يِقَبُّلُوا الْمُلُكْ بَتَّانْ لِرَحَبْعَامْ. 2 وَ لَاكِنْ اللّٰهْ حَجَّى لِلنَّبِي شَمَعْيَا وَ قَالْ لَيَّهْ: 3 «حَجِّي لِرَحَبْعَامْ وِلَيْد سُلَيْمَانْ مَلِكْ بَنِي يَهُوذَا وَ لِكُلَّ بَنِي إِسْرَائِيلْ الْقَاعِدِينْ فِي حِلَّالْ يَهُوذَا وَ بَنْيَامِينْ. وَ قُولْ لَيْهُمْ: 4 ‹دَاهُو اللّٰهْ قَالْ: ”مَا تَمْشُوا تِحَارُبُوا أَخْوَانْكُو! خَلِّي أَيِّ وَاحِدْ يِقَبِّلْ بَيْتَهْ أَشَانْ أَنَا بَسْ أَسَّسْت الْبَرْجَلَةْ دِي.“›» وَ بَيْدَا، خَلَاصْ هُمَّنْ سِمْعَوْا كَلَامْ اللّٰهْ وَ قَبَّلَوْا مَا مَشَوْا لِيِحَارُبُوا يَرُبَعَامْ.
5 وَ رَحَبْعَامْ سَكَنْ فِي مَدِينَةْ الْقُدُسْ وَ قَوَّى مُدُنْ كَتِيرِينْ فِي مَمْلَكَةْ يَهُوذَا. 6 وَ هُمَّنْ مُدُنْ بَيْت لَحَمْ وَ إِتَامْ وَ تَقُوعَةْ 7 وَ بَيْت صُورْ وَ سُوكُو وَ عَدُلَّامْ 8 وَ قَاتْ وَ مَرِيشَةْ وَ زِيفْ 9 وَ أَدُرَايِمْ وَ لَكِيشْ وَ عَزِيقَةْ 10 وَ صَرْعَةْ وَ أَيَّلُونْ وَ حِبْرُونْ. دَوْل الْمُدُنْ الْقَوِيِّينْ هَنَا مَنَاطِقْ يَهُوذَا وَ بَنْيَامِينْ. 11 وَ رَحَبْعَامْ حَوَّقَاهُمْ لِلْمُدُنْ دَوْل بِدَرَادِرْ قَوِيِّينْ. وَ خَطَّ فَوْقهُمْ حُكَّامْ وَ سَوَّى مَخَازِنْ هَنَا مَعَاشْ وَ دِهِنْ وَ خَمَرْ. 12 وَ فِي أَيِّ وَاحِدَةْ مِنْ الْمُدُنْ دَوْل، فِي دَرَقْ كُبَارْ وَ حُرَابْ. وَ قَوَّاهُمْ لِلْمُدُنْ دَوْل بِزِيَادَةْ أَشَانْ مَنَاطِقْ يَهُوذَا وَ بَنْيَامِينْ قَاعِدِينْ تِحِتْ حُكْمَهْ.
رجال الدين و اللاوِيِّين أنْضمّوا
13 وَ رُجَالْ الدِّينْ وَ اللَّاوِيِّينْ جَوْا مِنْ أَيِّ مَنْطَقَةْ فِي كُلَّ بَلَدْ إِسْرَائِيلْ وَ أَنْضَمَّوْا لِرَحَبْعَامْ. 14 وَ اللَّاوِيِّينْ خَلَّوْا كُلَّ بَكَانْهُمْ هَنَا السَّرْحَةْ وَ أَرْض وَرَثَتْهُمْ فِي الْمُنْشَاقْ وَ مَشَوْا لِبَلَدْ يَهُوذَا وَ فِي مَدِينَةْ الْقُدُسْ أَشَانْ يَرُبَعَامْ وَ عِيَالَهْ دَحَرَوْهُمْ مَا يِسَوُّوا خِدْمَةْ رُجَالْ الدِّينْ لِلّٰهْ. 15 وَ لَاكِنْ يَرُبَعَامْ دَرَّجْ لَيَّهْ رُجَالْ دِينْ آخَرِينْ الْيَخْدُمُوا فِي الْبَكَانَاتْ الْعَالِيِينْ هَنَا عِبَادَةْ الْأَصْنَامْ هَنَا التُّيُوسْ وَ الْعَجَّالْ الْهُو سَوَّاهُمْ.
16 وَ نَاسْ مِنْ كُلَّ قَبَايِلْ بَنِي إِسْرَائِيلْ الْعِنْدُهُمْ قَلِبْ وَاحِدْ لِيِتَابُعُوا اللّٰهْ إِلٰـهْ بَنِي إِسْرَائِيلْ، جَوْا فِي مَدِينَةْ الْقُدُسْ لِيِقَدُّمُوا ضَحَايَا لِلّٰهْ رَبّ جُدُودْهُمْ. 17 وَ بِمِثِلْ دَا، هُمَّنْ قَوَّوْا مَمْلَكَةْ يَهُوذَا وَ سَاعَدَوْا رَحَبْعَامْ وِلَيْد سُلَيْمَانْ. وَ هُمَّنْ قَاعِدْ يِتَابُعُوا دَرِبْ دَاوُدْ وَ سُلَيْمَانْ مُدَّةْ تَلَاتَةْ سَنَةْ.
عايِلة رَحَبْعَام
18 وَ رَحَبْعَامْ أَخَدْ مَحْلَةْ بِنَيَّةْ يَرِمُوتْ وِلَيْد دَاوُدْ. وَ أَمَّهَا أَبِحَايِلْ بِنَيَّةْ أَلِيَابْ وِلَيْد يَسَّى. 19 وَ مَحْلَةْ جَابَتْ لَيَّهْ أَوْلَادْ وَ هُمَّنْ يَعُوشْ وَ شَمَرْيَا وَ زَهَمْ. 20 وَ بَعَدْهَا، أَخَدْ مَعَاكَةْ بِنَيَّةْ أَبْشَلُومْ. وَ هِي جَابَتْ لَيَّهْ أَبِيَّا وَ عَتَّايْ وَ زِيزَا وَ شَلُومِتْ.
21 وَ رَحَبْعَامْ عِنْدَهْ 18 عَوِينْ وَ 60 سِرِّيَّاتْ وَ وِلِدْ 28 وُلَادْ وَ 60 بَنَاتْ وَ لَاكِنْ حَبَّاهَا لِمَعَاكَةْ بِنَيَّةْ أَبْشَلُومْ زِيَادَةْ مِنْ كُلَّ عَوِينَهْ وَ سِرِّيَّاتَهْ. 22 وَ رَحَبْعَامْ كَبَّرْ أَبِيَّا وِلَيْدهَا لِمَعَاكَةْ فِي كُلَّ أَخْوَانَهْ أَشَانْ هُو يِدَوْر يِسَوِّيهْ مَلِكْ بَعَدَهْ. 23 وَ رَحَبْعَامْ بِقِي فَاهِمْ وَ شَتَّتْ أَوْلَادَهْ فِي كُلَّ الْمُدُنْ الْقَوِيِّينْ فِي بَلَدْ يَهُوذَا وَ بَنْيَامِينْ. وَ أَنْطَاهُمْ مَعَاشْ كَتِيرْ وَ أَخَدْ لَيْهُمْ عَوِينْ كَتِيرَاتْ.
رَحَبْعَام بِقي ملك في يَهُوذَا
1 وَ وَكِتْ رَحَبْعَامْ وَصَّلْ مَدِينَةْ الْقُدُسْ، لَمَّ قَبِيلَةْ يَهُوذَا وَ قَبِيلَةْ بَنْيَامِينْ وَ عَزَلْ مِنْهُمْ 180 000 رُجَالْ مُحَارِبِينْ لِيَمْشُوا يِحَارُبُوا قَبَايِلْ إِسْرَائِيلْ فِي الْمُنْشَاقْ وَ يِقَبُّلُوا الْمُلُكْ بَتَّانْ لِرَحَبْعَامْ. 2 وَ لَاكِنْ اللّٰهْ حَجَّى لِلنَّبِي شَمَعْيَا وَ قَالْ لَيَّهْ: 3 «حَجِّي لِرَحَبْعَامْ وِلَيْد سُلَيْمَانْ مَلِكْ بَنِي يَهُوذَا وَ لِكُلَّ بَنِي إِسْرَائِيلْ الْقَاعِدِينْ فِي حِلَّالْ يَهُوذَا وَ بَنْيَامِينْ. وَ قُولْ لَيْهُمْ: 4 ‹دَاهُو اللّٰهْ قَالْ: ”مَا تَمْشُوا تِحَارُبُوا أَخْوَانْكُو! خَلِّي أَيِّ وَاحِدْ يِقَبِّلْ بَيْتَهْ أَشَانْ أَنَا بَسْ أَسَّسْت الْبَرْجَلَةْ دِي.“›» وَ بَيْدَا، خَلَاصْ هُمَّنْ سِمْعَوْا كَلَامْ اللّٰهْ وَ قَبَّلَوْا مَا مَشَوْا لِيِحَارُبُوا يَرُبَعَامْ.
5 وَ رَحَبْعَامْ سَكَنْ فِي مَدِينَةْ الْقُدُسْ وَ قَوَّى مُدُنْ كَتِيرِينْ فِي مَمْلَكَةْ يَهُوذَا. 6 وَ هُمَّنْ مُدُنْ بَيْت لَحَمْ وَ إِتَامْ وَ تَقُوعَةْ 7 وَ بَيْت صُورْ وَ سُوكُو وَ عَدُلَّامْ 8 وَ قَاتْ وَ مَرِيشَةْ وَ زِيفْ 9 وَ أَدُرَايِمْ وَ لَكِيشْ وَ عَزِيقَةْ 10 وَ صَرْعَةْ وَ أَيَّلُونْ وَ حِبْرُونْ. دَوْل الْمُدُنْ الْقَوِيِّينْ هَنَا مَنَاطِقْ يَهُوذَا وَ بَنْيَامِينْ. 11 وَ رَحَبْعَامْ حَوَّقَاهُمْ لِلْمُدُنْ دَوْل بِدَرَادِرْ قَوِيِّينْ. وَ خَطَّ فَوْقهُمْ حُكَّامْ وَ سَوَّى مَخَازِنْ هَنَا مَعَاشْ وَ دِهِنْ وَ خَمَرْ. 12 وَ فِي أَيِّ وَاحِدَةْ مِنْ الْمُدُنْ دَوْل، فِي دَرَقْ كُبَارْ وَ حُرَابْ. وَ قَوَّاهُمْ لِلْمُدُنْ دَوْل بِزِيَادَةْ أَشَانْ مَنَاطِقْ يَهُوذَا وَ بَنْيَامِينْ قَاعِدِينْ تِحِتْ حُكْمَهْ.
رجال الدين و اللاوِيِّين أنْضمّوا
13 وَ رُجَالْ الدِّينْ وَ اللَّاوِيِّينْ جَوْا مِنْ أَيِّ مَنْطَقَةْ فِي كُلَّ بَلَدْ إِسْرَائِيلْ وَ أَنْضَمَّوْا لِرَحَبْعَامْ. 14 وَ اللَّاوِيِّينْ خَلَّوْا كُلَّ بَكَانْهُمْ هَنَا السَّرْحَةْ وَ أَرْض وَرَثَتْهُمْ فِي الْمُنْشَاقْ وَ مَشَوْا لِبَلَدْ يَهُوذَا وَ فِي مَدِينَةْ الْقُدُسْ أَشَانْ يَرُبَعَامْ وَ عِيَالَهْ دَحَرَوْهُمْ مَا يِسَوُّوا خِدْمَةْ رُجَالْ الدِّينْ لِلّٰهْ. 15 وَ لَاكِنْ يَرُبَعَامْ دَرَّجْ لَيَّهْ رُجَالْ دِينْ آخَرِينْ الْيَخْدُمُوا فِي الْبَكَانَاتْ الْعَالِيِينْ هَنَا عِبَادَةْ الْأَصْنَامْ هَنَا التُّيُوسْ وَ الْعَجَّالْ الْهُو سَوَّاهُمْ.
16 وَ نَاسْ مِنْ كُلَّ قَبَايِلْ بَنِي إِسْرَائِيلْ الْعِنْدُهُمْ قَلِبْ وَاحِدْ لِيِتَابُعُوا اللّٰهْ إِلٰـهْ بَنِي إِسْرَائِيلْ، جَوْا فِي مَدِينَةْ الْقُدُسْ لِيِقَدُّمُوا ضَحَايَا لِلّٰهْ رَبّ جُدُودْهُمْ. 17 وَ بِمِثِلْ دَا، هُمَّنْ قَوَّوْا مَمْلَكَةْ يَهُوذَا وَ سَاعَدَوْا رَحَبْعَامْ وِلَيْد سُلَيْمَانْ. وَ هُمَّنْ قَاعِدْ يِتَابُعُوا دَرِبْ دَاوُدْ وَ سُلَيْمَانْ مُدَّةْ تَلَاتَةْ سَنَةْ.
عايِلة رَحَبْعَام
18 وَ رَحَبْعَامْ أَخَدْ مَحْلَةْ بِنَيَّةْ يَرِمُوتْ وِلَيْد دَاوُدْ. وَ أَمَّهَا أَبِحَايِلْ بِنَيَّةْ أَلِيَابْ وِلَيْد يَسَّى. 19 وَ مَحْلَةْ جَابَتْ لَيَّهْ أَوْلَادْ وَ هُمَّنْ يَعُوشْ وَ شَمَرْيَا وَ زَهَمْ. 20 وَ بَعَدْهَا، أَخَدْ مَعَاكَةْ بِنَيَّةْ أَبْشَلُومْ. وَ هِي جَابَتْ لَيَّهْ أَبِيَّا وَ عَتَّايْ وَ زِيزَا وَ شَلُومِتْ.
21 وَ رَحَبْعَامْ عِنْدَهْ 18 عَوِينْ وَ 60 سِرِّيَّاتْ وَ وِلِدْ 28 وُلَادْ وَ 60 بَنَاتْ وَ لَاكِنْ حَبَّاهَا لِمَعَاكَةْ بِنَيَّةْ أَبْشَلُومْ زِيَادَةْ مِنْ كُلَّ عَوِينَهْ وَ سِرِّيَّاتَهْ. 22 وَ رَحَبْعَامْ كَبَّرْ أَبِيَّا وِلَيْدهَا لِمَعَاكَةْ فِي كُلَّ أَخْوَانَهْ أَشَانْ هُو يِدَوْر يِسَوِّيهْ مَلِكْ بَعَدَهْ. 23 وَ رَحَبْعَامْ بِقِي فَاهِمْ وَ شَتَّتْ أَوْلَادَهْ فِي كُلَّ الْمُدُنْ الْقَوِيِّينْ فِي بَلَدْ يَهُوذَا وَ بَنْيَامِينْ. وَ أَنْطَاهُمْ مَعَاشْ كَتِيرْ وَ أَخَدْ لَيْهُمْ عَوِينْ كَتِيرَاتْ.
