يِفْتَاح و ناس أَفْرَايِم ألْحاربوا
1 وَ رُجَالْ أَفْرَايِمْ لَمَّوْا وَ مَشَوْا عَلَيْ صَفُونْ. وَ هُمَّنْ قَالَوْا لِيِفْتَاحْ: «مَالَا قَطَعْت حُدُودْ بَنِي عَمُّونْ لِتِحَارِبْهُمْ وَ مَا خَبَّرْتِنَا أَشَانْ نَمْشُوا مَعَاكْ؟ فِي شَانْ دَا، أَنِحْنَ نِحَرُّقُوا بَيْتَكْ فِي رَاسَكْ.» 2 وَ يِفْتَاحْ رَدَّ لَيْهُمْ وَ قَالْ: «أَنَا وَ شَعَبِي عِنْدِنَا مُشْكِلَةْ كَبِيرَةْ مَعَ بَنِي عَمُّونْ. وَ وَكِتْ أَنَا نَادَيْتكُو، إِنْتُو مَا جِيتُوا فَزَعْتُونِي. 3 وَ وَكِتْ أَنَا عِرِفْت كَدَرْ إِنْتُو مَا تَجُوا تَفْزَعَوْنِي، أَنَا دَسَّيْت نَفْسِي فِي الْخُطُورَةْ وَ قَطَعْت حُدُودْ بَنِي عَمُّونْ وَ اللّٰهْ سَلَّمَاهُمْ لَيِّ فِي إِيدِي. وَ مَالَا الْيَوْم جِيتُوا لِتِحَارُبُونِي؟»
4 وَ خَلَاصْ، يِفْتَاحْ لَمَّ كُلَّ رُجَالْ قِلْعَادْ وَ حَارَبْ قَبِيلَةْ أَفْرَايِمْ. وَ رُجَالْ قِلْعَادْ أَنَّصَرَوْا فِي قَبِيلَةْ أَفْرَايِمْ أَشَانْ أَوَّلْ نَاسْ أَفْرَايِمْ قَالَوْا: «إِنْتُو يَا رُجَالْ قِلْعَادْ، إِنْتُو عَرَّدْتُوا مِنْ قَبِيلَةْ أَفْرَايِمْ. وَ خَلَّيْتُوا قَبِيلِتْنَا لِتَمْشُوا تَبْقَوْا فِي قَبِيلَةْ مَنَسَّى.» 5 وَ رُجَالْ قِلْعَادْ كَرَبَوْا أَيِّ دَرِبْ هَنَا بَحَرْ الْأُرْدُنْ الْمَاشِي عَلَيْ أَرْض أَفْرَايِمْ. وَ وَكِتْ رَاجِلْ مِنْ أَفْرَايِمْ مُعَرِّدْ يُقُولْ: «خَلُّونِي نَقْطَعْ»، رُجَالْ قِلْعَادْ يُقُولُوا لَيَّهْ: «إِنْتَ مِنْ قَبِيلَةْ أَفْرَايِمْ وَلَّا؟» وَ كَنْ هُو يُقُولْ: «لَا»، 6 هُمَّنْ يُقُولُوا لَيَّهْ: «مِنْ فَضْلَكْ، قُولْ: ‹شِبُولَيْت!›» وَ كَنْ هُو يُقُولْ: «سِبُولَيْت» أَشَانْ مَا نَطَقَهْ عَدِيلْ، خَلَاصْ هُمَّنْ يَكُرْبُوهْ وَ يَدْبَحَوْه فِي الدَّرِبْ هَنَا بَحَرْ الْأُرْدُنْ. وَ فِي الْوَكِتْ دَاكْ، كَتَلَوْا 42 000 رَاجِلْ مِنْ أَفْرَايِمْ.
7 وَ يِفْتَاحْ حَكَمْ فِي بَنِي إِسْرَائِيلْ سِتَّةْ سَنَةْ. وَ بَعَدْ دَا، مَاتْ وَ دَفَنَوْه فِي وَاحِدَةْ مِنْ مُدُنْ قِلْعَادْ.
إِبْصَان و إِيلُون و عَبْدُون
8 وَ بَعَدْ يِفْتَاحْ، إِبْصَانْ الْمِنْ بَيْت لَحَمْ حَكَمْ فِي بَنِي إِسْرَائِيلْ. 9 وَ إِبْصَانْ عِنْدَهْ 30 أَوْلَادْ وَ 30 بَنَاتْ. هُو شَالْ بَنَاتَهْ التَّلَاتِينْ وَ جَوَّزَاهُمْ بَرَّا مِنْ الْقَبِيلَةْ وَ جَابْ لِأَوْلَادَهْ 30 بَنَاتْ مِنْ بَرَّا. وَ حَكَمْ فِي بَنِي إِسْرَائِيلْ سَبْعَةْ سَنَةْ. 10 وَ بَعَدْ دَا، إِبْصَانْ مَاتْ وَ دَفَنَوْه فِي بَيْت لَحَمْ.
11 وَ بَعَدْ إِبْصَانْ، إِيلُونْ الْمِنْ قَبِيلَةْ زَبُلُونْ حَكَمْ فِي بَنِي إِسْرَائِيلْ لِمُدَّةْ عَشَرَةْ سَنَةْ. 12 وَ بَعَدْ دَا، إِيلُونْ مَاتْ وَ دَفَنَوْه فِي أَيَّلُونْ فِي أَرْض قَبِيلَةْ زَبُلُونْ.
13 وَ بَعَدْ إِيلُونْ، عَبْدُونْ وِلَيْد هِلِّيلْ الْمِنْ حِلَّةْ فِرْعَتُونْ حَكَمْ فِي بَنِي إِسْرَائِيلْ. 14 وَ عَبْدُونْ دَا عِيَالَهْ 40 وَ عِيَالْ عِيَالَهْ 30 وَ كُلُّهُمْ رَاكْبِينْ فِي 70 دُحُوشْ. وَ هُو حَكَمْ فِي بَنِي إِسْرَائِيلْ مُدَّةْ تَمَانَةْ سَنَةْ. 15 وَ بَعَدْ دَا، عَبْدُونْ مَاتْ وَ دَفَنَوْه فِي حِلَّةْ فِرْعَتُونْ فِي أَرْض قَبِيلَةْ أَفْرَايِمْ، فِي جِبَالْ عَمَالِقْ.
يِفْتَاح و ناس أَفْرَايِم ألْحاربوا
1 وَ رُجَالْ أَفْرَايِمْ لَمَّوْا وَ مَشَوْا عَلَيْ صَفُونْ. وَ هُمَّنْ قَالَوْا لِيِفْتَاحْ: «مَالَا قَطَعْت حُدُودْ بَنِي عَمُّونْ لِتِحَارِبْهُمْ وَ مَا خَبَّرْتِنَا أَشَانْ نَمْشُوا مَعَاكْ؟ فِي شَانْ دَا، أَنِحْنَ نِحَرُّقُوا بَيْتَكْ فِي رَاسَكْ.» 2 وَ يِفْتَاحْ رَدَّ لَيْهُمْ وَ قَالْ: «أَنَا وَ شَعَبِي عِنْدِنَا مُشْكِلَةْ كَبِيرَةْ مَعَ بَنِي عَمُّونْ. وَ وَكِتْ أَنَا نَادَيْتكُو، إِنْتُو مَا جِيتُوا فَزَعْتُونِي. 3 وَ وَكِتْ أَنَا عِرِفْت كَدَرْ إِنْتُو مَا تَجُوا تَفْزَعَوْنِي، أَنَا دَسَّيْت نَفْسِي فِي الْخُطُورَةْ وَ قَطَعْت حُدُودْ بَنِي عَمُّونْ وَ اللّٰهْ سَلَّمَاهُمْ لَيِّ فِي إِيدِي. وَ مَالَا الْيَوْم جِيتُوا لِتِحَارُبُونِي؟»
4 وَ خَلَاصْ، يِفْتَاحْ لَمَّ كُلَّ رُجَالْ قِلْعَادْ وَ حَارَبْ قَبِيلَةْ أَفْرَايِمْ. وَ رُجَالْ قِلْعَادْ أَنَّصَرَوْا فِي قَبِيلَةْ أَفْرَايِمْ أَشَانْ أَوَّلْ نَاسْ أَفْرَايِمْ قَالَوْا: «إِنْتُو يَا رُجَالْ قِلْعَادْ، إِنْتُو عَرَّدْتُوا مِنْ قَبِيلَةْ أَفْرَايِمْ. وَ خَلَّيْتُوا قَبِيلِتْنَا لِتَمْشُوا تَبْقَوْا فِي قَبِيلَةْ مَنَسَّى.» 5 وَ رُجَالْ قِلْعَادْ كَرَبَوْا أَيِّ دَرِبْ هَنَا بَحَرْ الْأُرْدُنْ الْمَاشِي عَلَيْ أَرْض أَفْرَايِمْ. وَ وَكِتْ رَاجِلْ مِنْ أَفْرَايِمْ مُعَرِّدْ يُقُولْ: «خَلُّونِي نَقْطَعْ»، رُجَالْ قِلْعَادْ يُقُولُوا لَيَّهْ: «إِنْتَ مِنْ قَبِيلَةْ أَفْرَايِمْ وَلَّا؟» وَ كَنْ هُو يُقُولْ: «لَا»، 6 هُمَّنْ يُقُولُوا لَيَّهْ: «مِنْ فَضْلَكْ، قُولْ: ‹شِبُولَيْت!›» وَ كَنْ هُو يُقُولْ: «سِبُولَيْت» أَشَانْ مَا نَطَقَهْ عَدِيلْ، خَلَاصْ هُمَّنْ يَكُرْبُوهْ وَ يَدْبَحَوْه فِي الدَّرِبْ هَنَا بَحَرْ الْأُرْدُنْ. وَ فِي الْوَكِتْ دَاكْ، كَتَلَوْا 42 000 رَاجِلْ مِنْ أَفْرَايِمْ.
7 وَ يِفْتَاحْ حَكَمْ فِي بَنِي إِسْرَائِيلْ سِتَّةْ سَنَةْ. وَ بَعَدْ دَا، مَاتْ وَ دَفَنَوْه فِي وَاحِدَةْ مِنْ مُدُنْ قِلْعَادْ.
إِبْصَان و إِيلُون و عَبْدُون
8 وَ بَعَدْ يِفْتَاحْ، إِبْصَانْ الْمِنْ بَيْت لَحَمْ حَكَمْ فِي بَنِي إِسْرَائِيلْ. 9 وَ إِبْصَانْ عِنْدَهْ 30 أَوْلَادْ وَ 30 بَنَاتْ. هُو شَالْ بَنَاتَهْ التَّلَاتِينْ وَ جَوَّزَاهُمْ بَرَّا مِنْ الْقَبِيلَةْ وَ جَابْ لِأَوْلَادَهْ 30 بَنَاتْ مِنْ بَرَّا. وَ حَكَمْ فِي بَنِي إِسْرَائِيلْ سَبْعَةْ سَنَةْ. 10 وَ بَعَدْ دَا، إِبْصَانْ مَاتْ وَ دَفَنَوْه فِي بَيْت لَحَمْ.
11 وَ بَعَدْ إِبْصَانْ، إِيلُونْ الْمِنْ قَبِيلَةْ زَبُلُونْ حَكَمْ فِي بَنِي إِسْرَائِيلْ لِمُدَّةْ عَشَرَةْ سَنَةْ. 12 وَ بَعَدْ دَا، إِيلُونْ مَاتْ وَ دَفَنَوْه فِي أَيَّلُونْ فِي أَرْض قَبِيلَةْ زَبُلُونْ.
13 وَ بَعَدْ إِيلُونْ، عَبْدُونْ وِلَيْد هِلِّيلْ الْمِنْ حِلَّةْ فِرْعَتُونْ حَكَمْ فِي بَنِي إِسْرَائِيلْ. 14 وَ عَبْدُونْ دَا عِيَالَهْ 40 وَ عِيَالْ عِيَالَهْ 30 وَ كُلُّهُمْ رَاكْبِينْ فِي 70 دُحُوشْ. وَ هُو حَكَمْ فِي بَنِي إِسْرَائِيلْ مُدَّةْ تَمَانَةْ سَنَةْ. 15 وَ بَعَدْ دَا، عَبْدُونْ مَاتْ وَ دَفَنَوْه فِي حِلَّةْ فِرْعَتُونْ فِي أَرْض قَبِيلَةْ أَفْرَايِمْ، فِي جِبَالْ عَمَالِقْ.
