مُوَاب طلب مُساعدة صَهْيُون
1 وَ كُبَارَاتْ مُوَابْ قَالَوْا:
«مِنْ مَدِينَةْ سَالَعْ فِي الصَّحَرَاء،
رَسُّلُوا خَرُوفْ
لِحَاكِمْ الْبَلَدْ
الْقَاعِدْ فِي جَبَلْ صَهْيُون الْمِثِلْ بِنَيَّةْ.»
2 وَ فِي مَعَدّ وَادِي أَرْنُونْ،
بَنَاتْ مُوَابْ يَبْقَنْ
مِثِلْ طُيُورْ الْمُشَتَّتِينْ
الطَّرَدَوْهُمْ مِنْ عُشُّهُمْ.
3 وَ قَالَنْ: «شَاوِرْ
وَ شِيلْ لَيْنَا قَرَارْ.
بِالنَّهَارْ، غَطِّينَا بِضُلَّكْ
مِثِلْ الضَّلَامْ يِغَطِّي اللَّيْل.
وَ لَبِّدْ نَاسْنَا الْمُشَتَّتِينْ
وَ مَا تِبَيِّنْ الْمُعَرِّدِينْ.
4 خَلِّي الْمُشَتَّتِينْ مِنْ مُوَابْ
يَسْكُنُوا مَعَاكْ
وَ أَبْقَى لَيْهُمْ مَلْجَأْ
وَ لَبِّدْهُمْ مِنْ الْيِدَمِّرْهُمْ.»
الظُّلُمْ يَقِيفْ وَ الدَّمَارْ يِكَمِّلْ
وَ الظَّالِمْ يِوَدِّرْ مِنْ الْبَلَدْ.
5 خَلَاصْ، كُرْسِي الْمُلُكْ يَثْبِتْ بِالرَّحْمَةْ
وَ يَقْعُدْ فَوْقَهْ حَاكِمْ أَمِينْ
مِنْ ذُرِّيَّةْ دَاوُدْ.
وَ هُو يِشَارِعْ بِالْحَقّ
وَ يَحْكِمْ بِالْعَدَالَةْ.
صَهْيُون ما تِساعِد مُوَاب
6 وَ لَاكِنْ إِشَعْيَا قَالْ:
«أَنِحْنَ سِمِعْنَا
بِالْإِسْتِكْبَارْ الشَّدِيدْ هَنَا مُوَابْ
وَ فَشَارْهَا وَ إِسْتِكْبَارْهَا
وَ غَضَبْهَا الْمَا عِنْدَهْ أَسَاسْ
وَ فَشَارْهَا الْمَا عِنْدَهْ مَعَنَى.
7 وَ فِي شَانْ دَا، الْمُوَابِيِّينْ يُنُوحُوا
لِبَلَدْهُمْ مُوَابْ
وَ كُلُّهُمْ يُنُوحُوا.
أَيْوَى، إِنْتُو نَاسْ مُوَابْ تَنْدَمَوْا
لِكَعَكْ الْعِنَبْ هَنَا حِلَّةْ قِيرْ حَارَسْ الْبِقِي مَا فِيهْ
وَ تَقُنْتُوا بِحِزِنْ.
8 أَشَانْ زِرَاعَةْ حَشْبُونْ يِبْسَتْ
وَ جِنَيْنَةْ الْعِنَبْ فِي حِلَّةْ سِبْمَةْ جَفَّتْ
هِي الْأَوَّلْ خَمَرْهَا يِسَكِّرْ كُبَارَاتْ الْأُمَمْ.
وَ زَمَانْ، الْعِنَبْ دَا لِحِقْ حِلَّةْ يَعْزِيرْ
وَ سَرَحْ فِي الْكَدَادَةْ
وَ فُرُوعَهْ لِحْقَوْا
غَادِي لِلْبَحَرْ الْمَيِّتْ.
9 وَ فِي شَانْ دَا،
أَنَا نَبْكِي مَعَ يَعْزِيرْ لِعِنَبْ سِبْمَةْ
وَ نَرْوِيكُو بِدُمُوعِي،
يَا حَشْبُونْ وَ أَلِعَالَةْ.
أَشَانْ فِي قَطِعْكُو وَ لَمِّينْكُو هَنَا الْعِنَبْ،
الْغِنَيْ هَنَا الْفَرَحْ بِقِي مَا فِيهْ.
10 وَ الْفَرْحَةْ وَ السُّرُورْ بِقَوْا مَا فِيهُمْ
وَ فِي جِنَيْنَاتْ الْعِنَبْ،
مَا فِي زَغْرَاطْ وَ لَا فَرْحَةْ.
وَ الْيَقْطَعْ الْعِنَبْ مَا يَعَصِرَهْ فِي الْعَصَّارَةْ
وَ غِنَيْ الْفَرَحْ بِقِي مَا فِيهْ.
11 وَ فِي شَانْ دَا، بُطُونِي رَجَفَوْا لِمُوَابْ
مِثِلْ حُبَالْ الْجِقِنْدِيَّةْ
وَ قَلْبِي خَافْ لِحِلَّةْ قِيرْ حَارَسْ.
12 وَ مُوَابْ تِعَيِّي نَفِسْهَا سَاكِتْ
فِي الْمَدْبَحْ فِي الْبَكَانْ الْعَالِي.
هِي تَمْشِي فِي بَكَانْهَا هَنَا الْعِبَادَةْ وَ تَشْحَدْ
وَ لَاكِنْ مَا تَلْقَى شَيّءْ.»
13 وَ دَا كَلَامْ اللّٰهْ الْقَالَهْ فِي مُوَابْ مِنْ زَمَانْ. 14 وَ هَسَّعْ، اللّٰهْ قَالْ: «مِنْ هِنِي لِتَلَاتَةْ سَنَةْ سَوَا سَوَا، يَحْقُرُوا شَرَفْ مُوَابْ وَ كَتَرَةْ عَسْكَرْهَا كُلَ. الْفَضَّلَوْا شِيَّةْ بَسْ وَ مَا عِنْدُهُمْ فَايْدَةْ.»
مُوَاب طلب مُساعدة صَهْيُون
1 وَ كُبَارَاتْ مُوَابْ قَالَوْا:
«مِنْ مَدِينَةْ سَالَعْ فِي الصَّحَرَاء،
رَسُّلُوا خَرُوفْ
لِحَاكِمْ الْبَلَدْ
الْقَاعِدْ فِي جَبَلْ صَهْيُون الْمِثِلْ بِنَيَّةْ.»
2 وَ فِي مَعَدّ وَادِي أَرْنُونْ،
بَنَاتْ مُوَابْ يَبْقَنْ
مِثِلْ طُيُورْ الْمُشَتَّتِينْ
الطَّرَدَوْهُمْ مِنْ عُشُّهُمْ.
3 وَ قَالَنْ: «شَاوِرْ
وَ شِيلْ لَيْنَا قَرَارْ.
بِالنَّهَارْ، غَطِّينَا بِضُلَّكْ
مِثِلْ الضَّلَامْ يِغَطِّي اللَّيْل.
وَ لَبِّدْ نَاسْنَا الْمُشَتَّتِينْ
وَ مَا تِبَيِّنْ الْمُعَرِّدِينْ.
4 خَلِّي الْمُشَتَّتِينْ مِنْ مُوَابْ
يَسْكُنُوا مَعَاكْ
وَ أَبْقَى لَيْهُمْ مَلْجَأْ
وَ لَبِّدْهُمْ مِنْ الْيِدَمِّرْهُمْ.»
الظُّلُمْ يَقِيفْ وَ الدَّمَارْ يِكَمِّلْ
وَ الظَّالِمْ يِوَدِّرْ مِنْ الْبَلَدْ.
5 خَلَاصْ، كُرْسِي الْمُلُكْ يَثْبِتْ بِالرَّحْمَةْ
وَ يَقْعُدْ فَوْقَهْ حَاكِمْ أَمِينْ
مِنْ ذُرِّيَّةْ دَاوُدْ.
وَ هُو يِشَارِعْ بِالْحَقّ
وَ يَحْكِمْ بِالْعَدَالَةْ.
صَهْيُون ما تِساعِد مُوَاب
6 وَ لَاكِنْ إِشَعْيَا قَالْ:
«أَنِحْنَ سِمِعْنَا
بِالْإِسْتِكْبَارْ الشَّدِيدْ هَنَا مُوَابْ
وَ فَشَارْهَا وَ إِسْتِكْبَارْهَا
وَ غَضَبْهَا الْمَا عِنْدَهْ أَسَاسْ
وَ فَشَارْهَا الْمَا عِنْدَهْ مَعَنَى.
7 وَ فِي شَانْ دَا، الْمُوَابِيِّينْ يُنُوحُوا
لِبَلَدْهُمْ مُوَابْ
وَ كُلُّهُمْ يُنُوحُوا.
أَيْوَى، إِنْتُو نَاسْ مُوَابْ تَنْدَمَوْا
لِكَعَكْ الْعِنَبْ هَنَا حِلَّةْ قِيرْ حَارَسْ الْبِقِي مَا فِيهْ
وَ تَقُنْتُوا بِحِزِنْ.
8 أَشَانْ زِرَاعَةْ حَشْبُونْ يِبْسَتْ
وَ جِنَيْنَةْ الْعِنَبْ فِي حِلَّةْ سِبْمَةْ جَفَّتْ
هِي الْأَوَّلْ خَمَرْهَا يِسَكِّرْ كُبَارَاتْ الْأُمَمْ.
وَ زَمَانْ، الْعِنَبْ دَا لِحِقْ حِلَّةْ يَعْزِيرْ
وَ سَرَحْ فِي الْكَدَادَةْ
وَ فُرُوعَهْ لِحْقَوْا
غَادِي لِلْبَحَرْ الْمَيِّتْ.
9 وَ فِي شَانْ دَا،
أَنَا نَبْكِي مَعَ يَعْزِيرْ لِعِنَبْ سِبْمَةْ
وَ نَرْوِيكُو بِدُمُوعِي،
يَا حَشْبُونْ وَ أَلِعَالَةْ.
أَشَانْ فِي قَطِعْكُو وَ لَمِّينْكُو هَنَا الْعِنَبْ،
الْغِنَيْ هَنَا الْفَرَحْ بِقِي مَا فِيهْ.
10 وَ الْفَرْحَةْ وَ السُّرُورْ بِقَوْا مَا فِيهُمْ
وَ فِي جِنَيْنَاتْ الْعِنَبْ،
مَا فِي زَغْرَاطْ وَ لَا فَرْحَةْ.
وَ الْيَقْطَعْ الْعِنَبْ مَا يَعَصِرَهْ فِي الْعَصَّارَةْ
وَ غِنَيْ الْفَرَحْ بِقِي مَا فِيهْ.
11 وَ فِي شَانْ دَا، بُطُونِي رَجَفَوْا لِمُوَابْ
مِثِلْ حُبَالْ الْجِقِنْدِيَّةْ
وَ قَلْبِي خَافْ لِحِلَّةْ قِيرْ حَارَسْ.
12 وَ مُوَابْ تِعَيِّي نَفِسْهَا سَاكِتْ
فِي الْمَدْبَحْ فِي الْبَكَانْ الْعَالِي.
هِي تَمْشِي فِي بَكَانْهَا هَنَا الْعِبَادَةْ وَ تَشْحَدْ
وَ لَاكِنْ مَا تَلْقَى شَيّءْ.»
13 وَ دَا كَلَامْ اللّٰهْ الْقَالَهْ فِي مُوَابْ مِنْ زَمَانْ. 14 وَ هَسَّعْ، اللّٰهْ قَالْ: «مِنْ هِنِي لِتَلَاتَةْ سَنَةْ سَوَا سَوَا، يَحْقُرُوا شَرَفْ مُوَابْ وَ كَتَرَةْ عَسْكَرْهَا كُلَ. الْفَضَّلَوْا شِيَّةْ بَسْ وَ مَا عِنْدُهُمْ فَايْدَةْ.»
