إرْمِيا زقلوه في النُقْرة
1 وَ يَوْم وَاحِدْ، كُبَارَاتْ وَاحِدِينْ سِمْعَوْا الْكَلَامْ الْقَاعِدْ يُقُولَهْ إِرْمِيَا لِكُلَّ الشَّعَبْ وَ هُمَّنْ شَفَطْيَا وِلَيْد مَتَّانْ وَ قَدَالْيَا وِلَيْد فَشْحُورْ وَ يَهُوكَلْ وِلَيْد شَلَمْيَا وَ فَشْحُورْ وِلَيْد مَلْكِيَّا. إِرْمِيَا قَالْ لِلشَّعَبْ: 2 «دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.› 3 وَ دَاهُو اللّٰهْ قَالْ بَتَّانْ: ‹أَكِيدْ الْمَدِينَةْ دِي تَقَعْ فِي إِيدْ عَسْكَرْ مَلِكْ بَابِلْ وَ هُمَّنْ يِشِيلُوهَا.›»
4 وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.» 5 وَ الْمَلِكْ صِدْقِيَّا رَدَّ وَ قَالْ: «دَاهُو فِي إِيدْكُو وَ سَوُّوا فَوْقَهْ التِّدَوْرُوهْ. أَنَا الْمَلِكْ كُلَ مَا نَقْدَرْ نَدْحَرْكُو مِنْ شَيّءْ.»
6 وَ خَلَاصْ، هُمَّنْ شَالَوْا إِرْمِيَا وَ زَقَلَوْه فِي نُقْرَةْ الْيَخْزُنُوا فَوْقهَا أَلْمِي. وَ النُّقْرَةْ دِي هِنْت مَلْكِيَّا مِنْ ذُرِّيَّةْ الْمَمْلَكَةْ وَ قَاعِدَةْ فِي فَضَايَةْ الْحُرَّاسْ. وَ هُمَّنْ نَزَّلَوْه لِإِرْمِيَا فِي لُبَّهَا بِحُبَالْ. وَ النُّقْرَةْ دِي مَا عِنْدَهَا أَلْمِي إِلَّا الطِّينَةْ بَسْ وَ إِرْمِيَا دَخَلْ فِي لُبّ الطِّينَةْ دِي.
7 وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ. 8 وَ عَبْدالْمَلِكْ مَرَقْ مِنْ الْقَصِرْ وَ قَالْ لِلْمَلِكْ: 9 «يَا سِيدِي الْمَلِكْ! النَّاسْ دَوْل سَوَّوْا الْفَسِلْ لِلنَّبِي إِرْمِيَا وَكِتْ زَقَلَوْه فِي النُّقْرَةْ. وَ فِي النُّقْرَةْ دِي أَكُونْ هُو يُمُوتْ بِالْجُوعْ أَشَانْ هَسَّعْ فِي الْمَدِينَةْ دِي كُلَ، مَا فِي خُبْزَةْ.» 10 وَ الْمَلِكْ أَنْطَى أَمُرْ لِعَبْدالْمَلِكْ الْحَبَشِي وَ قَالْ: «شِيلْ مِنْ هِنِي 30 رَاجِلْ وَ أَمْشِي أَمْرُقْ النَّبِي إِرْمِيَا مِنْ النُّقْرَةْ دِي، قُبَّالْ مَا يُمُوتْ.»
11 وَ عَبْدالْمَلِكْ شَالْ الرُّجَالْ دَوْل وَ مَشَى لِقَصِرْ الْمَلِكْ فِي غُرْفَةْ تِحِتْ الْمَخَزَنْ وَ مَرَقْ خُلْقَانْ قَدِيمِينْ وَ مُشَرَّطِينْ. وَ نَزَّلَاهُمْ لِإِرْمِيَا فِي النُّقْرَةْ بِحُبَالْ. 12 وَ عَبْدالْمَلِكْ قَالْ لِإِرْمِيَا: «مِنْ فَضْلَكْ، شِيلْ الْخُلْقَانْ الْقَدِيمِينْ دَوْل وَ خُطُّهُمْ فِي أُبُطَّيْك أَمْبَيْنَكْ وَ بَيْن الْحُبَالْ.» وَ إِرْمِيَا سَوَّى مِثِلْ عَبْدالْمَلِكْ قَالَهْ لَيَّهْ. 13 وَ هُمَّنْ جَبَدَوْا إِرْمِيَا بِالْحُبَالْ وَ مَرَقَوْه مِنْ النُّقْرَةْ. وَ بَيْدَا، إِرْمِيَا قَعَدْ فِي فَضَايَةْ الْحُرَّاسْ.
صِدْقِيَّا قابل إرْمِيا لآخِر مرّة
14 وَ بَعَدْ دَا، الْمَلِكْ صِدْقِيَّا رَسَّلْ جَابَهْ لِلنَّبِي إِرْمِيَا وَ خَطَّاهْ جَنْبَهْ فِي الْمَدَخَلْ التَّالِتْ فِي بَيْت اللّٰهْ. وَ الْمَلِكْ قَالْ لِإِرْمِيَا: «أَنَا نَسْأَلَكْ شَيّءْ وَاحِدْ وَ مَا تِلَبِّدْ لَيِّ شَيّءْ!» 15 وَ إِرْمِيَا قَالْ لَيَّهْ: «كَنْ قُلْت لَيْك الصَّحِيحْ، إِنْتَ تَكْتُلْنِي وَ كَنْ أَنْطَيْتَكْ وَصِيَّةْ كُلَ، مَا تِشِيلْهَا!» 16 وَ لَاكِنْ الْمَلِكْ صِدْقِيَّا حَلَفْ بِعَشِيرْ لِإِرْمِيَا وَ قَالْ: «أَنَا نَحْلِفْ بِأُسُمْ اللّٰهْ الْحَيّ الْخَلَقَانَا، مَا نَكْتُلَكْ وَ لَا نِسَلِّمَكْ لِلْيِدَوْرُوا مَوْتَكْ.»
17 وَ خَلَاصْ، إِرْمِيَا قَالْ لِلْمَلِكْ صِدْقِيَّا: «دَاهُو اللّٰهْ الْإِلٰـهْ الْقَادِرْ إِلٰـهْ بَنِي إِسْرَائِيلْ قَالْ: ‹كَنْ إِنْتَ مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، تِنَجِّي حَيَاتَكْ وَ الْمَدِينَةْ دِي كُلَ مَا يِحَرُّقُوهَا. وَ إِنْتَ وَ عَايِلْتَكْ تِعِيشُوا بِسَلَامْ. 18 وَ لَاكِنْ كَنْ إِنْتَ مَا مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، خَلَاصْ الْمَدِينَةْ دِي، الْبَابِلِيِّينْ يِشِيلُوهَا وَ يِحَرُّقُوهَا وَ إِنْتَ كُلَ مَا تَنْجَى مِنْهُمْ.›»
19 وَ مَلِكْ صِدْقِيَّا قَالْ لِإِرْمِيَا: «أَنَا خَايِفْ مِنْ الْيَهُودْ الْأَنْضَمَّوْا مَعَ الْبَابِلِيِّينْ. نَخَافْ يِسَلُّمُونِي لَيْهُمْ وَ هُمَّنْ يِعَذُّبُونِي.» 20 وَ إِرْمِيَا رَدَّ لَيَّهْ وَ قَالْ: «الْبَابِلِيِّينْ مَا يِسَلُّمُوكْ لَيْهُمْ. يَا الْمَلِكْ! أَسْمَعْ كُلَّ كَلَامْ اللّٰهْ الْقَاعِدْ نُقُولَهْ لَيْك! وَ بَيْدَا، إِنْتَ تُكُونْ بِخَيْر وَ حَيَاتَكْ كُلَ تَنْجَى. 21 وَ لَاكِنْ كَنْ أَبَيْت مَا تِسَلِّمْ نَفْسَكْ لِلْبَابِلِيِّينْ، دَاهُو الشَّيّءْ الْاللّٰهْ وَصَّفَانِي لَيَّهْ.
22 «كُلَّ الْعَوِينْ الْفَضَّلَنْ فِي قَصِرْ مَلِكْ يَهُوذَا يِوَدُّوهِنْ لِقُيَّادْ مَلِكْ بَابِلْ. وَ هِنَّ يِغَنَّنْ فَوْقَكْ وَ يُقُولَنْ:
‹مُسْتَشَارِينَكْ الْآمَنْتُهُمْ خَانَوْك
لَحَدِّي هَزَمَوْك
وَ وَكِتْ رِجِلَيْنَكْ دَخَلَوْا فِي الطِّينَةْ،
خَلَّوْك.›
23 «وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»
24 وَ صِدْقِيَّا قَالْ لِإِرْمِيَا: «كَنْ إِنْتَ مَا تِدَوْر تُمُوتْ دَا، خَلِّي نَادُمْ مَا يَسْمَعْ الْكَلَامْ الْقُلْنَا مَعَاكْ. 25 وَ كَنْ مَسَائِيلِي سِمْعَوْا كَدَرْ أَنَا نَادَيْتَكْ، أَكُونْ يَجُوا وَ يُقُولُوا لَيْك: ‹كَلِّمْنَا بِالْكَلَامْ الْقُلْتَهْ لِلْمَلِكْ وَ الْكَلَامْ الْمَلِكْ قَالَهْ لَيْك. مَا تِلَبِّدْ لَيْنَا شَيّءْ وَ بَيْدَا، أَنِحْنَ مَا نَكْتُلُوكْ.› 26 خَلَاصْ، إِنْتَ قُولْ لَيْهُمْ: ‹أَنَا شَحَدْت الْمَلِكْ بَسْ أَشَانْ مَا يِقَبِّلْنِي بَتَّانْ لِبَيْت يُونَتَانْ أَشَانْ أَنَا نَخَافْ نُمُوتْ هِنَاكْ.›»
27 وَ بَعَدْ دَا، كُلَّ مَسَائِيلْ صِدْقِيَّا جَوْا لِإِرْمِيَا وَ سَأَلَوْه وَ هُو رَدَّ لَيْهُمْ سَوَا سَوَا مِثِلْ الْمَلِكْ أَمَرَهْ بَيَّهْ. وَ خَلَاصْ، هُمَّنْ سَكَتَوْا وَ قَبَّلَوْا أَشَانْ الْعَشِيرْ دَا مَا لِقَوْه. 28 وَ إِرْمِيَا قَعَدْ فِي فَضَايَةْ الْحُرَّاسْ لَحَدِّي يَوْم شَالَوْا مَدِينَةْ الْقُدُسْ.
وَ بَعَدْ دَا، مَدِينَةْ الْقُدُسْ وَقَعَتْ.
إرْمِيا زقلوه في النُقْرة
1 وَ يَوْم وَاحِدْ، كُبَارَاتْ وَاحِدِينْ سِمْعَوْا الْكَلَامْ الْقَاعِدْ يُقُولَهْ إِرْمِيَا لِكُلَّ الشَّعَبْ وَ هُمَّنْ شَفَطْيَا وِلَيْد مَتَّانْ وَ قَدَالْيَا وِلَيْد فَشْحُورْ وَ يَهُوكَلْ وِلَيْد شَلَمْيَا وَ فَشْحُورْ وِلَيْد مَلْكِيَّا. إِرْمِيَا قَالْ لِلشَّعَبْ: 2 «دَاهُو اللّٰهْ قَالْ: ‹النَّادُمْ الْيَقْعُدْ فِي الْمَدِينَةْ دِي يُمُوتْ بِالْحَرِبْ وَ بِالْجُوعْ وَ بِالْوَبَاءْ. وَ لَاكِنْ الْيَمْرُقْ مِنْهَا وَ يِسَلِّمْ نَفْسَهْ لِعَسْكَرْ بَابِلْ، هُو دَا يِعِيشْ وَ يَبْقَى فَرْحَانْ أَشَانْ هُو لِقِي الْحَيَاةْ.› 3 وَ دَاهُو اللّٰهْ قَالْ بَتَّانْ: ‹أَكِيدْ الْمَدِينَةْ دِي تَقَعْ فِي إِيدْ عَسْكَرْ مَلِكْ بَابِلْ وَ هُمَّنْ يِشِيلُوهَا.›»
4 وَ الْكُبَارَاتْ دَوْل قَالَوْا لِلْمَلِكْ: «النَّادُمْ دَا، وَاجِبْ يُمُوتْ! أَشَانْ هُو بَسْ قَاعِدْ يِخَوِّفْ الْعَسْكَرْ الْفَضَّلَوْا فِي الْمَدِينَةْ وَ كُلَّ الشَّعَبْ بِكَلَامَهْ دَا. هُو مَا يِدَوْر الْخَيْر لِلشَّعَبْ دَا وَ لَاكِنْ يِدَوْر لَيْهُمْ الْفَسَالَةْ.» 5 وَ الْمَلِكْ صِدْقِيَّا رَدَّ وَ قَالْ: «دَاهُو فِي إِيدْكُو وَ سَوُّوا فَوْقَهْ التِّدَوْرُوهْ. أَنَا الْمَلِكْ كُلَ مَا نَقْدَرْ نَدْحَرْكُو مِنْ شَيّءْ.»
6 وَ خَلَاصْ، هُمَّنْ شَالَوْا إِرْمِيَا وَ زَقَلَوْه فِي نُقْرَةْ الْيَخْزُنُوا فَوْقهَا أَلْمِي. وَ النُّقْرَةْ دِي هِنْت مَلْكِيَّا مِنْ ذُرِّيَّةْ الْمَمْلَكَةْ وَ قَاعِدَةْ فِي فَضَايَةْ الْحُرَّاسْ. وَ هُمَّنْ نَزَّلَوْه لِإِرْمِيَا فِي لُبَّهَا بِحُبَالْ. وَ النُّقْرَةْ دِي مَا عِنْدَهَا أَلْمِي إِلَّا الطِّينَةْ بَسْ وَ إِرْمِيَا دَخَلْ فِي لُبّ الطِّينَةْ دِي.
7 وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ. 8 وَ عَبْدالْمَلِكْ مَرَقْ مِنْ الْقَصِرْ وَ قَالْ لِلْمَلِكْ: 9 «يَا سِيدِي الْمَلِكْ! النَّاسْ دَوْل سَوَّوْا الْفَسِلْ لِلنَّبِي إِرْمِيَا وَكِتْ زَقَلَوْه فِي النُّقْرَةْ. وَ فِي النُّقْرَةْ دِي أَكُونْ هُو يُمُوتْ بِالْجُوعْ أَشَانْ هَسَّعْ فِي الْمَدِينَةْ دِي كُلَ، مَا فِي خُبْزَةْ.» 10 وَ الْمَلِكْ أَنْطَى أَمُرْ لِعَبْدالْمَلِكْ الْحَبَشِي وَ قَالْ: «شِيلْ مِنْ هِنِي 30 رَاجِلْ وَ أَمْشِي أَمْرُقْ النَّبِي إِرْمِيَا مِنْ النُّقْرَةْ دِي، قُبَّالْ مَا يُمُوتْ.»
11 وَ عَبْدالْمَلِكْ شَالْ الرُّجَالْ دَوْل وَ مَشَى لِقَصِرْ الْمَلِكْ فِي غُرْفَةْ تِحِتْ الْمَخَزَنْ وَ مَرَقْ خُلْقَانْ قَدِيمِينْ وَ مُشَرَّطِينْ. وَ نَزَّلَاهُمْ لِإِرْمِيَا فِي النُّقْرَةْ بِحُبَالْ. 12 وَ عَبْدالْمَلِكْ قَالْ لِإِرْمِيَا: «مِنْ فَضْلَكْ، شِيلْ الْخُلْقَانْ الْقَدِيمِينْ دَوْل وَ خُطُّهُمْ فِي أُبُطَّيْك أَمْبَيْنَكْ وَ بَيْن الْحُبَالْ.» وَ إِرْمِيَا سَوَّى مِثِلْ عَبْدالْمَلِكْ قَالَهْ لَيَّهْ. 13 وَ هُمَّنْ جَبَدَوْا إِرْمِيَا بِالْحُبَالْ وَ مَرَقَوْه مِنْ النُّقْرَةْ. وَ بَيْدَا، إِرْمِيَا قَعَدْ فِي فَضَايَةْ الْحُرَّاسْ.
صِدْقِيَّا قابل إرْمِيا لآخِر مرّة
14 وَ بَعَدْ دَا، الْمَلِكْ صِدْقِيَّا رَسَّلْ جَابَهْ لِلنَّبِي إِرْمِيَا وَ خَطَّاهْ جَنْبَهْ فِي الْمَدَخَلْ التَّالِتْ فِي بَيْت اللّٰهْ. وَ الْمَلِكْ قَالْ لِإِرْمِيَا: «أَنَا نَسْأَلَكْ شَيّءْ وَاحِدْ وَ مَا تِلَبِّدْ لَيِّ شَيّءْ!» 15 وَ إِرْمِيَا قَالْ لَيَّهْ: «كَنْ قُلْت لَيْك الصَّحِيحْ، إِنْتَ تَكْتُلْنِي وَ كَنْ أَنْطَيْتَكْ وَصِيَّةْ كُلَ، مَا تِشِيلْهَا!» 16 وَ لَاكِنْ الْمَلِكْ صِدْقِيَّا حَلَفْ بِعَشِيرْ لِإِرْمِيَا وَ قَالْ: «أَنَا نَحْلِفْ بِأُسُمْ اللّٰهْ الْحَيّ الْخَلَقَانَا، مَا نَكْتُلَكْ وَ لَا نِسَلِّمَكْ لِلْيِدَوْرُوا مَوْتَكْ.»
17 وَ خَلَاصْ، إِرْمِيَا قَالْ لِلْمَلِكْ صِدْقِيَّا: «دَاهُو اللّٰهْ الْإِلٰـهْ الْقَادِرْ إِلٰـهْ بَنِي إِسْرَائِيلْ قَالْ: ‹كَنْ إِنْتَ مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، تِنَجِّي حَيَاتَكْ وَ الْمَدِينَةْ دِي كُلَ مَا يِحَرُّقُوهَا. وَ إِنْتَ وَ عَايِلْتَكْ تِعِيشُوا بِسَلَامْ. 18 وَ لَاكِنْ كَنْ إِنْتَ مَا مَرَقْت لِقُيَّادْ مَلِكْ بَابِلْ وَ سَلَّمْت نَفْسَكْ لَيْهُمْ، خَلَاصْ الْمَدِينَةْ دِي، الْبَابِلِيِّينْ يِشِيلُوهَا وَ يِحَرُّقُوهَا وَ إِنْتَ كُلَ مَا تَنْجَى مِنْهُمْ.›»
19 وَ مَلِكْ صِدْقِيَّا قَالْ لِإِرْمِيَا: «أَنَا خَايِفْ مِنْ الْيَهُودْ الْأَنْضَمَّوْا مَعَ الْبَابِلِيِّينْ. نَخَافْ يِسَلُّمُونِي لَيْهُمْ وَ هُمَّنْ يِعَذُّبُونِي.» 20 وَ إِرْمِيَا رَدَّ لَيَّهْ وَ قَالْ: «الْبَابِلِيِّينْ مَا يِسَلُّمُوكْ لَيْهُمْ. يَا الْمَلِكْ! أَسْمَعْ كُلَّ كَلَامْ اللّٰهْ الْقَاعِدْ نُقُولَهْ لَيْك! وَ بَيْدَا، إِنْتَ تُكُونْ بِخَيْر وَ حَيَاتَكْ كُلَ تَنْجَى. 21 وَ لَاكِنْ كَنْ أَبَيْت مَا تِسَلِّمْ نَفْسَكْ لِلْبَابِلِيِّينْ، دَاهُو الشَّيّءْ الْاللّٰهْ وَصَّفَانِي لَيَّهْ.
22 «كُلَّ الْعَوِينْ الْفَضَّلَنْ فِي قَصِرْ مَلِكْ يَهُوذَا يِوَدُّوهِنْ لِقُيَّادْ مَلِكْ بَابِلْ. وَ هِنَّ يِغَنَّنْ فَوْقَكْ وَ يُقُولَنْ:
‹مُسْتَشَارِينَكْ الْآمَنْتُهُمْ خَانَوْك
لَحَدِّي هَزَمَوْك
وَ وَكِتْ رِجِلَيْنَكْ دَخَلَوْا فِي الطِّينَةْ،
خَلَّوْك.›
23 «وَ كُلَّ عَوِينَكْ وَ عِيَالَكْ يَكُرْبُوهُمْ وَ يِوَدُّوهُمْ لِلْبَابِلِيِّينْ. وَ إِنْتَ ذَاتَكْ مَا تَنْجَى مِنْ مَلِكْ بَابِلْ. هُو يَكُرْبَكْ وَ يِحَرِّقْ الْمَدِينَةْ دِي.»
24 وَ صِدْقِيَّا قَالْ لِإِرْمِيَا: «كَنْ إِنْتَ مَا تِدَوْر تُمُوتْ دَا، خَلِّي نَادُمْ مَا يَسْمَعْ الْكَلَامْ الْقُلْنَا مَعَاكْ. 25 وَ كَنْ مَسَائِيلِي سِمْعَوْا كَدَرْ أَنَا نَادَيْتَكْ، أَكُونْ يَجُوا وَ يُقُولُوا لَيْك: ‹كَلِّمْنَا بِالْكَلَامْ الْقُلْتَهْ لِلْمَلِكْ وَ الْكَلَامْ الْمَلِكْ قَالَهْ لَيْك. مَا تِلَبِّدْ لَيْنَا شَيّءْ وَ بَيْدَا، أَنِحْنَ مَا نَكْتُلُوكْ.› 26 خَلَاصْ، إِنْتَ قُولْ لَيْهُمْ: ‹أَنَا شَحَدْت الْمَلِكْ بَسْ أَشَانْ مَا يِقَبِّلْنِي بَتَّانْ لِبَيْت يُونَتَانْ أَشَانْ أَنَا نَخَافْ نُمُوتْ هِنَاكْ.›»
27 وَ بَعَدْ دَا، كُلَّ مَسَائِيلْ صِدْقِيَّا جَوْا لِإِرْمِيَا وَ سَأَلَوْه وَ هُو رَدَّ لَيْهُمْ سَوَا سَوَا مِثِلْ الْمَلِكْ أَمَرَهْ بَيَّهْ. وَ خَلَاصْ، هُمَّنْ سَكَتَوْا وَ قَبَّلَوْا أَشَانْ الْعَشِيرْ دَا مَا لِقَوْه. 28 وَ إِرْمِيَا قَعَدْ فِي فَضَايَةْ الْحُرَّاسْ لَحَدِّي يَوْم شَالَوْا مَدِينَةْ الْقُدُسْ.
وَ بَعَدْ دَا، مَدِينَةْ الْقُدُسْ وَقَعَتْ.
