المُساعدة
1 وَ فِي الشَّيّءْ الْبُخُصّ الْمُسَاعَدَةْ التِّرَسُّلُوهَا لِلصَّالِحِينْ الْفِي دَارْ الْيَهُودِيَّةْ، وَاجِبْ تِتَابُعُوا نَفْس الْوَصِيَّةْ الْأَنْطَيْتهَا لِجَمَاعَاتْ الْمُؤمِنِينْ الْفِي بَلَدْ غَلَاطِيَةْ. 2 كُلِّ يَوْم الْأَحَدْ، خَلِّي أَيِّ نَادُمْ مِنْكُو يِفَكِّرْ فِي كِكَّيْف اللّٰهْ رَزَقَهْ وَ يَمْرُقْ شَيّءْ مِنْ مَالَهْ لِلْمُسَاعَدَةْ. خَلِّي يُخُطَّهْ جَاهِزْ لَحَدِّي نَجِيكُو. وَ بِمِثِلْ دَا، وَكِتْ أَنَا نَجِي مَا وَاجِبْ تُقُمُّوا تُتُشْكُّوا. 3 أَعَزُلُوا مِنْ أَمْبَيْنَاتْكُو الْأَخْوَانْ التِّدَوْرُوا يِوَدُّوا مُسَاعَدَتْكُو. وَ وَكِتْ نَجِيكُو، نِرَسِّلْهُمْ بِمَكَاتِيبْ هَنَا شَهَادَةْ فِي مَدِينَةْ الْقُدُسْ. وَ خَلَاصْ هُمَّنْ يِوَدُّوا الْمُسَاعَدَةْ الْأَنْطَيْتُوهَا. 4 وَ فِي الْبَكَانْ دَا كَنْ بِقِي لَيِّ، أَنَا كُلَ نِسَافِرْ وَ هُمَّنْ يِرَافُقُونِي.
رواغة بُولُس و أخْوانه
5 وَ وَكِتْ نُشُقّ بَلَدْ مَقِدُونِيَةْ، خَلَاصْ نَمْشِي لَيْكُو زِيَارَةْ أَشَانْ أَوَّلْ كَيْ نُفُوتْ بِمَقِدُونِيَةْ. 6 وَ أَكُونْ نَقْعُدْ مَعَاكُو أَيَّامْ، أَكُونْ طُولْ الشِّتَاءْ كُلَ. وَ فِي الأَخِيرْ، تَقْدَرَوْا تَنْطُونِي زَادْ لِلسَّفَرْ وَكِتْ نَعَرِفْ الْبَكَانْ النَّمْشِي لَيَّهْ. 7 أَشَانْ مَا نِدَوْر نُقُمّ هَسَّعْ وَ نَخْشَاكُو بَسْ لَاكِنْ كَنْ رَبِّنَا قَالْ آمِينْ، نِطَوِّلْ شِيَّةْ مَعَاكُو. 8 وَ نَقْعُدْ هِنِي فِي حِلَّةْ أَفَسُسْ لَحَدِّي عِيدْ الْخَمْسِينْ 9 أَشَانْ اللّٰهْ فَتَحْ لَيِّ الدَّرِبْ وَ بَيْدَا، عِنْدِي فُرْصَةْ نِسَوِّي خِدْمَةْ عَدِيلَةْ بِلْحَيْن. وَ الْيِخَالُفُونِي كُلَ كَتِيرِينْ.
10 وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا. 11 أَشَانْ دَا، مَا تِخَلُّوا أَيِّ نَادُمْ يَحْقِرَهْ. أَنْطُوهْ زَادْ وَ خَلُّوا يَجِي لَيِّ بِالسَّلَامَةْ أَشَانْ أَنَا قَاعِدْ نَرْجَاهْ، هُو وَ الْأَخْوَانْ الْمَعَايَهْ.
12 وَ أَخُونَا أَبُلُوسْ الْقَاعِدْ هِنِي، أَنَا شَجَّعْتَهْ أَشَانْ يَمْشِي لَيْكُو مَعَ الْأَخْوَانْ. لَاكِنْ حَالِيّاً دَا، مَا يِدَوْر يَمْشِي. أَكِيدْ هُو يَمْشِي لَيْكُو وَكِتْ عِنْدَهْ فُرْصَةْ.
نِهاية الجواب
13 أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ. 14 سَوُّوا كُلَّ شَيّءْ بِمَحَبَّةْ.
15 يَا أَخْوَانِي، تَعَرْفُوا نَاسْ بَيْت إِسْتِفَانْ وَ تَعَرْفُوا كَدَرْ فِي بَلَدْ أَخَايَةْ، هُمَّنْ أَوَّلْ نَاسْ الْآمَنَوْا بِالْمَسِيحْ وَ مُنْكَرِبِينْ فِي الْخِدْمَةْ فِي شَانْ الصَّالِحِينْ. وَ نِوَصِّيكُو 16 أَشَانْ تَسْمَعَوْا عَدِيلْ كَلَامْ هَنَا النَّاسْ الْمِثِلْهُمْ وَ هَنَا أَيِّ نَادُمْ الْيَخْدِمْ مَعَاهُمْ بِنِيَّةْ وَاحِدَةْ.
17 وَ أَنَا فِرِحْت بِلْحَيْن بِجَيَّةْ أَخْوَانْكُو إِسْتِفَانْ وَ فُرْتُونَا وَ أَخَايِكْ أَشَانْ أَنَا قَرْمَانْ لَيْكُو وَ هُمَّنْ جَوْا فِي قَدُّكُو. 18 وَ بَرَّدَوْا قَلْبِي مِثِلْ بَرَّدَوْا قُلُوبْكُو إِنْتُو كُلَ. كَرُّمُوا النَّاسْ الْمِثِلْ دَوْل.
19 وَ جَمَاعَاتْ الْمُؤمِنِينْ الْفِي بَلَدْ آسِيَا يِسَلُّمُوكُو. وَ أَكِيلَا وَ بِرِسْكِيلَةْ وَ الْمُؤمِنِينْ الْيِلِمُّوا فِي بَيْتهُمْ يِسَلُّمُوكُو كَتِيرْ فِي رَبِّنَا الْمَسِيحْ. 20 وَ الْأَخْوَانْ كُلُّهُمْ يِسَلُّمُوكُو. أَسَّالَمَوْا أَمْبَيْنَاتْكُو بِسَلَامْ الصَّالِحِينْ.
21 وَ خَلَاصْ، أَنَا ذَاتِي شِلْت الْقَلَمْ وَ كَتَبْت بِإِيدِي: «أَنَا بُولُسْ نِسَلِّمْكُو.»
22 كَنْ أَيِّ نَادُمْ مَا يِحِبّ رَبِّنَا عِيسَى، خَلِّي اللّٰهْ يَلْعَنَهْ. يَا رَبِّنَا، تَعَالْ!
23 وَ عَلَيْكُمْ رَحْمَةْ رَبِّنَا عِيسَى. 24 مَحَبِّتِي لَيْكُو كُلُّكُو فِي الْمَسِيحْ عِيسَى.
المُساعدة
1 وَ فِي الشَّيّءْ الْبُخُصّ الْمُسَاعَدَةْ التِّرَسُّلُوهَا لِلصَّالِحِينْ الْفِي دَارْ الْيَهُودِيَّةْ، وَاجِبْ تِتَابُعُوا نَفْس الْوَصِيَّةْ الْأَنْطَيْتهَا لِجَمَاعَاتْ الْمُؤمِنِينْ الْفِي بَلَدْ غَلَاطِيَةْ. 2 كُلِّ يَوْم الْأَحَدْ، خَلِّي أَيِّ نَادُمْ مِنْكُو يِفَكِّرْ فِي كِكَّيْف اللّٰهْ رَزَقَهْ وَ يَمْرُقْ شَيّءْ مِنْ مَالَهْ لِلْمُسَاعَدَةْ. خَلِّي يُخُطَّهْ جَاهِزْ لَحَدِّي نَجِيكُو. وَ بِمِثِلْ دَا، وَكِتْ أَنَا نَجِي مَا وَاجِبْ تُقُمُّوا تُتُشْكُّوا. 3 أَعَزُلُوا مِنْ أَمْبَيْنَاتْكُو الْأَخْوَانْ التِّدَوْرُوا يِوَدُّوا مُسَاعَدَتْكُو. وَ وَكِتْ نَجِيكُو، نِرَسِّلْهُمْ بِمَكَاتِيبْ هَنَا شَهَادَةْ فِي مَدِينَةْ الْقُدُسْ. وَ خَلَاصْ هُمَّنْ يِوَدُّوا الْمُسَاعَدَةْ الْأَنْطَيْتُوهَا. 4 وَ فِي الْبَكَانْ دَا كَنْ بِقِي لَيِّ، أَنَا كُلَ نِسَافِرْ وَ هُمَّنْ يِرَافُقُونِي.
رواغة بُولُس و أخْوانه
5 وَ وَكِتْ نُشُقّ بَلَدْ مَقِدُونِيَةْ، خَلَاصْ نَمْشِي لَيْكُو زِيَارَةْ أَشَانْ أَوَّلْ كَيْ نُفُوتْ بِمَقِدُونِيَةْ. 6 وَ أَكُونْ نَقْعُدْ مَعَاكُو أَيَّامْ، أَكُونْ طُولْ الشِّتَاءْ كُلَ. وَ فِي الأَخِيرْ، تَقْدَرَوْا تَنْطُونِي زَادْ لِلسَّفَرْ وَكِتْ نَعَرِفْ الْبَكَانْ النَّمْشِي لَيَّهْ. 7 أَشَانْ مَا نِدَوْر نُقُمّ هَسَّعْ وَ نَخْشَاكُو بَسْ لَاكِنْ كَنْ رَبِّنَا قَالْ آمِينْ، نِطَوِّلْ شِيَّةْ مَعَاكُو. 8 وَ نَقْعُدْ هِنِي فِي حِلَّةْ أَفَسُسْ لَحَدِّي عِيدْ الْخَمْسِينْ 9 أَشَانْ اللّٰهْ فَتَحْ لَيِّ الدَّرِبْ وَ بَيْدَا، عِنْدِي فُرْصَةْ نِسَوِّي خِدْمَةْ عَدِيلَةْ بِلْحَيْن. وَ الْيِخَالُفُونِي كُلَ كَتِيرِينْ.
10 وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا. 11 أَشَانْ دَا، مَا تِخَلُّوا أَيِّ نَادُمْ يَحْقِرَهْ. أَنْطُوهْ زَادْ وَ خَلُّوا يَجِي لَيِّ بِالسَّلَامَةْ أَشَانْ أَنَا قَاعِدْ نَرْجَاهْ، هُو وَ الْأَخْوَانْ الْمَعَايَهْ.
12 وَ أَخُونَا أَبُلُوسْ الْقَاعِدْ هِنِي، أَنَا شَجَّعْتَهْ أَشَانْ يَمْشِي لَيْكُو مَعَ الْأَخْوَانْ. لَاكِنْ حَالِيّاً دَا، مَا يِدَوْر يَمْشِي. أَكِيدْ هُو يَمْشِي لَيْكُو وَكِتْ عِنْدَهْ فُرْصَةْ.
نِهاية الجواب
13 أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ. 14 سَوُّوا كُلَّ شَيّءْ بِمَحَبَّةْ.
15 يَا أَخْوَانِي، تَعَرْفُوا نَاسْ بَيْت إِسْتِفَانْ وَ تَعَرْفُوا كَدَرْ فِي بَلَدْ أَخَايَةْ، هُمَّنْ أَوَّلْ نَاسْ الْآمَنَوْا بِالْمَسِيحْ وَ مُنْكَرِبِينْ فِي الْخِدْمَةْ فِي شَانْ الصَّالِحِينْ. وَ نِوَصِّيكُو 16 أَشَانْ تَسْمَعَوْا عَدِيلْ كَلَامْ هَنَا النَّاسْ الْمِثِلْهُمْ وَ هَنَا أَيِّ نَادُمْ الْيَخْدِمْ مَعَاهُمْ بِنِيَّةْ وَاحِدَةْ.
17 وَ أَنَا فِرِحْت بِلْحَيْن بِجَيَّةْ أَخْوَانْكُو إِسْتِفَانْ وَ فُرْتُونَا وَ أَخَايِكْ أَشَانْ أَنَا قَرْمَانْ لَيْكُو وَ هُمَّنْ جَوْا فِي قَدُّكُو. 18 وَ بَرَّدَوْا قَلْبِي مِثِلْ بَرَّدَوْا قُلُوبْكُو إِنْتُو كُلَ. كَرُّمُوا النَّاسْ الْمِثِلْ دَوْل.
19 وَ جَمَاعَاتْ الْمُؤمِنِينْ الْفِي بَلَدْ آسِيَا يِسَلُّمُوكُو. وَ أَكِيلَا وَ بِرِسْكِيلَةْ وَ الْمُؤمِنِينْ الْيِلِمُّوا فِي بَيْتهُمْ يِسَلُّمُوكُو كَتِيرْ فِي رَبِّنَا الْمَسِيحْ. 20 وَ الْأَخْوَانْ كُلُّهُمْ يِسَلُّمُوكُو. أَسَّالَمَوْا أَمْبَيْنَاتْكُو بِسَلَامْ الصَّالِحِينْ.
21 وَ خَلَاصْ، أَنَا ذَاتِي شِلْت الْقَلَمْ وَ كَتَبْت بِإِيدِي: «أَنَا بُولُسْ نِسَلِّمْكُو.»
22 كَنْ أَيِّ نَادُمْ مَا يِحِبّ رَبِّنَا عِيسَى، خَلِّي اللّٰهْ يَلْعَنَهْ. يَا رَبِّنَا، تَعَالْ!
23 وَ عَلَيْكُمْ رَحْمَةْ رَبِّنَا عِيسَى. 24 مَحَبِّتِي لَيْكُو كُلُّكُو فِي الْمَسِيحْ عِيسَى.
