1 وَ وَكِتْ يَهُويَقِمْ قَاعِدْ يَحْكِمْ، نَبُوخَدْنَصَرْ مَلِكْ بَابِلْ شَالْ مَمْلَكَةْ يَهُوذَا. وَ يَهُويَقِمْ قَعَدْ تِحِتْ حُكْمَهْ مُدَّةْ تَلَاتَةْ سَنَةْ وَ بَعَدْ دَا، أَتْمَرَّدْ ضِدَّهْ. 2 وَ اللّٰهْ رَسَّلْ ضِدّ يَهُويَقِمْ نَهَّابِينْ مِنْ بَلَدْ بَابِلْ وَ بَلَدْ أَرَامْ وَ بَلَدْ مُوَابْ وَ بَنِي عَمُّونْ أَشَانْ يِدَمُّرُوا بَلَدْ يَهُوذَا. وَ دَا حَسَبْ كَلَامْ اللّٰهْ الْقَالَهْ بِوَاسِطَةْ عَبِيدَهْ الْأَنْبِيَاء. 3 وَ كُلَّ الْأَشْيَاءْ دَوْل بِقَوْا بِأَمُرْ اللّٰهْ الدَّوَّرْ يِبَعِّدْ مِنَّهْ مَمْلَكَةْ يَهُوذَا بِسَبَبْ ذُنُوبْ مَنَسَّى وَ كُلَّ شَيّءْ الْهُو سَوَّاهْ 4 وَ بِسَبَبْ دَمّ النَّاسْ الْبَرِيِّينْ الْمَنَسَّى كَتَلَاهُمْ لَحَدِّي دَمُّهُمْ مَلَا كُلَّ مَدِينَةْ الْقُدُسْ دَا. وَ اللّٰهْ أَبَى مَا يَغْفِرْ لَيْهُمْ.
5 وَ الْبَاقِي مِنْ عَمَلْ يَهُويَقِمْ وَ كُلَّ شَيّءْ السَّوَّاهْ مَكْتُوبِينْ فِي كِتَابْ تَارِيخْ مُلُوكْ بَنِي يَهُوذَا. 6 وَ يَهُويَقِمْ مَاتْ وَ لِحِقْ أَبَّهَاتَهْ. وَ وِلَيْدَهْ يُيَكِينْ حَكَمْ فِي بَدَلَهْ.
7 وَ مِنْ الْوَكِتْ دَا، مَلِكْ مَصِرْ مَا مَرَقْ بَتَّانْ مِنْ بَلَدَهْ أَشَانْ مَلِكْ بَابِلْ شَالْ مِنَّهْ كُلَّ الْمَنَاطِقْ الْأَوَّلْ فِي إِيدَيْنَهْ مِنْ وَادِي مَصِرْ فِي الْوَطِي لَحَدِّي بَحَرْ الْفُرَاتْ فِي الْمُنْشَاقْ.
يُيَكِين بِقي ملك في يَهُوذَا
8 وَ يُيَكِينْ عِنْدَهْ 18 سَنَةْ وَكِتْ بِقِي مَلِكْ وَ حَكَمْ تَلَاتَةْ شَهَرْ فِي مَدِينَةْ الْقُدُسْ. وَ أَمَّهْ أُسُمْهَا نَحُوشْتَا بِنَيَّةْ أَلْنَاتَانْ مِنْ مَدِينَةْ الْقُدُسْ. 9 وَ يُيَكِينْ سَوَّى الْفَسَالَةْ قِدَّامْ اللّٰهْ مِثِلْ أَبُوهْ سَوَّاهْ.
10 وَ فِي الْوَكِتْ دَا بَسْ، رُجَالْ نَبُوخَدْنَصَرْ مَلِكْ بَابِلْ جَوْا وَ حَاصَرَوْا مَدِينَةْ الْقُدُسْ. 11 وَ نَبُوخَدْنَصَرْ مَلِكْ بَابِلْ هُو ذَاتَهْ جَاءْ هَجَمْ الْحِلَّةْ الرُّجَالَهْ حَاصَرَوْهَا. 12 وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.
13 مِثِلْ اللّٰهْ قَالَهْ، نَبُوخَدْنَصَرْ شَالْ كُلَّ الْأَشْيَاءْ الْفِي مَخَازِنْ بَيْت اللّٰهْ وَ قَصِرْ الْمَلِكْ. وَ كُلَّ الْمَوَاعِينْ هَنَا الدَّهَبْ السُّلَيْمَانْ مَلِكْ بَنِي إِسْرَائِيلْ صَنَعَاهُمْ وَ خَطَاهُمْ فِي بَيْت اللّٰهْ، نَبُوخَدْنَصَرْ دَمَّرَاهُمْ. 14 وَ هُو وَدَّى فِي الْغُرْبَةْ كُلَّ شَعَبْ مَدِينَةْ الْقُدُسْ وَ كُلَّ الْكُبَارَاتْ وَ كُلَّ الرُّجَالْ الْفُرَّاسْ وَ عَدَدْهُمْ يِسَاوِي 10 000. وَ وَدَّى مَعَاهُمْ كُلَّ الصَّيَّاغِينْ وَ الْحَدَّادْ. وَ فِي الْبَلَدْ، فَضَّلَوْا إِلَّا مَسَاكِينْ الْبَلَدْ. 15 وَ هُو وَدَّى فِي بَابِلْ الْمَلِكْ يُيَكِينْ وَ أَمَّهْ وَ عَوِينَهْ وَ خَدَّامِينَهْ وَ فُرَّاسْ الْبَلَدْ. هُو شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ فِي بَابِلْ. 16 وَ نَبُوخَدْنَصَرْ وَدَّى كُلَّ عَسْكَرْ عَدَدْهُمْ 7 000 وَ الصَّيَّاغِينْ وَ الْحَدَّادْ عَدَدْهُمْ 1 000 وَ كُلَّ النَّاسْ الْفَحَلِينْ الْيَعَرْفُوا الدُّوَاسْ. وَ هُو وَدَّى كُلَّ النَّاسْ دَوْل فِي الْغُرْبَةْ فِي بَابِلْ.
17 وَ مَلِكْ بَابِلْ دَرَّجْ مَتَّنْيَا عِمَّهْ لِيُيَكِينْ مَلِكْ فِي بَدَلَهْ وَ غَيَّرْ أُسْمَهْ وَ سَمَّاهْ صِدْقِيَّا. 18 وَ صِدْقِيَّا عِنْدَهْ 21 سَنَةْ وَكِتْ بِقِي مَلِكْ وَ حَكَمْ 11 سَنَةْ فِي مَدِينَةْ الْقُدُسْ. وَ أَمَّهْ أُسُمْهَا حَمُوطَلْ بِنَيَّةْ إِرْمِيَا مِنْ حِلَّةْ لِبْنَةْ. 19 وَ صِدْقِيَّا سَوَّى الْفَسَالَةْ قِدَّامْ اللّٰهْ مِثِلْ الْمَلِكْ يَهُويَقِمْ سَوَّاهْ. 20 وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ.
وَ صِدْقِيَّا أَتْمَرَّدْ ضِدّ مَلِكْ بَابِلْ.
1 وَ وَكِتْ يَهُويَقِمْ قَاعِدْ يَحْكِمْ، نَبُوخَدْنَصَرْ مَلِكْ بَابِلْ شَالْ مَمْلَكَةْ يَهُوذَا. وَ يَهُويَقِمْ قَعَدْ تِحِتْ حُكْمَهْ مُدَّةْ تَلَاتَةْ سَنَةْ وَ بَعَدْ دَا، أَتْمَرَّدْ ضِدَّهْ. 2 وَ اللّٰهْ رَسَّلْ ضِدّ يَهُويَقِمْ نَهَّابِينْ مِنْ بَلَدْ بَابِلْ وَ بَلَدْ أَرَامْ وَ بَلَدْ مُوَابْ وَ بَنِي عَمُّونْ أَشَانْ يِدَمُّرُوا بَلَدْ يَهُوذَا. وَ دَا حَسَبْ كَلَامْ اللّٰهْ الْقَالَهْ بِوَاسِطَةْ عَبِيدَهْ الْأَنْبِيَاء. 3 وَ كُلَّ الْأَشْيَاءْ دَوْل بِقَوْا بِأَمُرْ اللّٰهْ الدَّوَّرْ يِبَعِّدْ مِنَّهْ مَمْلَكَةْ يَهُوذَا بِسَبَبْ ذُنُوبْ مَنَسَّى وَ كُلَّ شَيّءْ الْهُو سَوَّاهْ 4 وَ بِسَبَبْ دَمّ النَّاسْ الْبَرِيِّينْ الْمَنَسَّى كَتَلَاهُمْ لَحَدِّي دَمُّهُمْ مَلَا كُلَّ مَدِينَةْ الْقُدُسْ دَا. وَ اللّٰهْ أَبَى مَا يَغْفِرْ لَيْهُمْ.
5 وَ الْبَاقِي مِنْ عَمَلْ يَهُويَقِمْ وَ كُلَّ شَيّءْ السَّوَّاهْ مَكْتُوبِينْ فِي كِتَابْ تَارِيخْ مُلُوكْ بَنِي يَهُوذَا. 6 وَ يَهُويَقِمْ مَاتْ وَ لِحِقْ أَبَّهَاتَهْ. وَ وِلَيْدَهْ يُيَكِينْ حَكَمْ فِي بَدَلَهْ.
7 وَ مِنْ الْوَكِتْ دَا، مَلِكْ مَصِرْ مَا مَرَقْ بَتَّانْ مِنْ بَلَدَهْ أَشَانْ مَلِكْ بَابِلْ شَالْ مِنَّهْ كُلَّ الْمَنَاطِقْ الْأَوَّلْ فِي إِيدَيْنَهْ مِنْ وَادِي مَصِرْ فِي الْوَطِي لَحَدِّي بَحَرْ الْفُرَاتْ فِي الْمُنْشَاقْ.
يُيَكِين بِقي ملك في يَهُوذَا
8 وَ يُيَكِينْ عِنْدَهْ 18 سَنَةْ وَكِتْ بِقِي مَلِكْ وَ حَكَمْ تَلَاتَةْ شَهَرْ فِي مَدِينَةْ الْقُدُسْ. وَ أَمَّهْ أُسُمْهَا نَحُوشْتَا بِنَيَّةْ أَلْنَاتَانْ مِنْ مَدِينَةْ الْقُدُسْ. 9 وَ يُيَكِينْ سَوَّى الْفَسَالَةْ قِدَّامْ اللّٰهْ مِثِلْ أَبُوهْ سَوَّاهْ.
10 وَ فِي الْوَكِتْ دَا بَسْ، رُجَالْ نَبُوخَدْنَصَرْ مَلِكْ بَابِلْ جَوْا وَ حَاصَرَوْا مَدِينَةْ الْقُدُسْ. 11 وَ نَبُوخَدْنَصَرْ مَلِكْ بَابِلْ هُو ذَاتَهْ جَاءْ هَجَمْ الْحِلَّةْ الرُّجَالَهْ حَاصَرَوْهَا. 12 وَ خَلَاصْ، يُيَكِينْ مَلِكْ مَمْلَكَةْ يَهُوذَا مَرَقْ ضِدّ مَلِكْ بَابِلْ وَ شَالْ مَعَ أَمَّهْ وَ مَسَائِيلَهْ وَ كُبَارَاتَهْ وَ خَدَّامِينَهْ. وَ مَلِكْ بَابِلْ كَرَبَهْ وَ وَدَّاهْ مَسْجُونْ وَ دَا فِي السَّنَةْ التَّامْنَةْ هَنَا حُكْمَهْ.
13 مِثِلْ اللّٰهْ قَالَهْ، نَبُوخَدْنَصَرْ شَالْ كُلَّ الْأَشْيَاءْ الْفِي مَخَازِنْ بَيْت اللّٰهْ وَ قَصِرْ الْمَلِكْ. وَ كُلَّ الْمَوَاعِينْ هَنَا الدَّهَبْ السُّلَيْمَانْ مَلِكْ بَنِي إِسْرَائِيلْ صَنَعَاهُمْ وَ خَطَاهُمْ فِي بَيْت اللّٰهْ، نَبُوخَدْنَصَرْ دَمَّرَاهُمْ. 14 وَ هُو وَدَّى فِي الْغُرْبَةْ كُلَّ شَعَبْ مَدِينَةْ الْقُدُسْ وَ كُلَّ الْكُبَارَاتْ وَ كُلَّ الرُّجَالْ الْفُرَّاسْ وَ عَدَدْهُمْ يِسَاوِي 10 000. وَ وَدَّى مَعَاهُمْ كُلَّ الصَّيَّاغِينْ وَ الْحَدَّادْ. وَ فِي الْبَلَدْ، فَضَّلَوْا إِلَّا مَسَاكِينْ الْبَلَدْ. 15 وَ هُو وَدَّى فِي بَابِلْ الْمَلِكْ يُيَكِينْ وَ أَمَّهْ وَ عَوِينَهْ وَ خَدَّامِينَهْ وَ فُرَّاسْ الْبَلَدْ. هُو شَالَاهُمْ مِنْ مَدِينَةْ الْقُدُسْ وَ وَدَّاهُمْ فِي الْغُرْبَةْ فِي بَابِلْ. 16 وَ نَبُوخَدْنَصَرْ وَدَّى كُلَّ عَسْكَرْ عَدَدْهُمْ 7 000 وَ الصَّيَّاغِينْ وَ الْحَدَّادْ عَدَدْهُمْ 1 000 وَ كُلَّ النَّاسْ الْفَحَلِينْ الْيَعَرْفُوا الدُّوَاسْ. وَ هُو وَدَّى كُلَّ النَّاسْ دَوْل فِي الْغُرْبَةْ فِي بَابِلْ.
17 وَ مَلِكْ بَابِلْ دَرَّجْ مَتَّنْيَا عِمَّهْ لِيُيَكِينْ مَلِكْ فِي بَدَلَهْ وَ غَيَّرْ أُسْمَهْ وَ سَمَّاهْ صِدْقِيَّا. 18 وَ صِدْقِيَّا عِنْدَهْ 21 سَنَةْ وَكِتْ بِقِي مَلِكْ وَ حَكَمْ 11 سَنَةْ فِي مَدِينَةْ الْقُدُسْ. وَ أَمَّهْ أُسُمْهَا حَمُوطَلْ بِنَيَّةْ إِرْمِيَا مِنْ حِلَّةْ لِبْنَةْ. 19 وَ صِدْقِيَّا سَوَّى الْفَسَالَةْ قِدَّامْ اللّٰهْ مِثِلْ الْمَلِكْ يَهُويَقِمْ سَوَّاهْ. 20 وَ الْفَسَالَةْ الْهُمَّنْ سَوَّوْهَا فِي مَدِينَةْ الْقُدُسْ وَ فِي بَلَدْ يَهُوذَا جَابَتْ غَضَبْ اللّٰهْ. وَ فِي شَانْ دَا، اللّٰهْ طَرَدَاهُمْ بَعِيدْ مِنَّهْ.
وَ صِدْقِيَّا أَتْمَرَّدْ ضِدّ مَلِكْ بَابِلْ.
