مُدُن اللُجوء
1 اللّٰهْ إِلٰـهْكُو يِدَمِّرْ الْأُمَمْ وَ يَنْطِيكُو بَلَدْهُمْ وَ إِنْتُو تِشِيلُوهَا وَ تَسْكُنُوا فِي مُدُنْهُمْ وَ بُيُوتْهُمْ. 2 وَ بَعَدْ دَا، تَعَزُلُوا لَيْكُو تَلَاتَةْ مُدُنْ فِي أُسْط الْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ. 3 وَ تِعَدُّلُوا دُرُوبْ لِلْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ وَ تِقَسُّمُوهَا عَلَيْ تَلَاتَةْ مَنَاطِقْ. وَ دَا، أَشَانْ أَيِّ كَاتِلْ يَقْدَرْ يَجْرِي يَقْعُدْ فِي وَاحِدَةْ مِنْهُمْ.
4 وَ دِي هِي الْحَالَةْ الْيَقْدَرْ يَجْرِي فَوْقهَا الْكَاتِلْ لِيِنَجِّي نَفْسَهْ وَكِتْ يَكْتُلْ أَخُوهْ. وَ دَا كَنْ يَكْتُلَهْ بَلَا رَايْه، هُو أَوَّلْ مَا عِنْدَهْ لَيَّهْ أَيِّ كَرَاهِيَّةْ. 5 وَ دَا مِثِلْ نَادُمْ مَشَى لِلْحَطَبْ مَعَ أَخُوهْ وَ وَكِتْ قَاعِدْ يَقْطَعْ، فَاسَهْ نَصَلَتْ وَ كَتَلَهْ. النَّادُمْ دَا يَقْدَرْ يَجْرِي لِوَاحِدَةْ مِنْ الْمُدُنْ دَوْل لِيِنَجِّي نَفْسَهْ.
6 وَ أَكُونْ سِيدْ التَّارْ يِشِيلْ دَرِبْ الْكَاتِلْ وَ فِي الدَّرِبْ الطَّوِيلْ، هُو يَلْحَقَهْ وَ يَكْتُلَهْ وَ لَاكِنْ الْكَاتِلْ مَا وَاجِبْ لَيَّهْ الْمَوْت أَشَانْ مِنْ أَوَّلْ، هُو مَا عِنْدَهْ أَيِّ كَرَاهِيَّةْ لِلْمَيِّتْ. 7 وَ فِي شَانْ دَا، أَنَا أَمَرْتُكُو وَ قُلْت: «أَعَزُلُوا لَيْكُو تَلَاتَةْ مُدُنْ.»
8 وَ كَنْ اللّٰهْ إِلٰـهْكُو يِوَسِّعْ حُدُودْ بَلَدْكُو مِثِلْ هُو حَلَفْ لِجُدُودْكُو وَ يَنْطِيكُو كُلَّ الْبَلَدْ مِثِلْ هُو قَالْ يَنْطِيهَا لِجُدُودْكُو، 9 خَلَاصْ تِزِيدُوا بَتَّانْ تَلَاتَةْ مُدُنْ فِي الْمُدُنْ التَّلَاتَةْ الْأَوَّلْ. وَ وَسِّعِينْ الْحُدُودْ دَا يَبْقَى كَنْ حَفَضْتُوا وَ طَبَّقْتُوا كُلَّ الْوَصَايَا النَّنْطِيهُمْ لَيْكُو الْيَوْم وَ حَبَّيْتُوا اللّٰهْ إِلٰـهْكُو وَ دَايْماً شِلْتُوا دَرْبَهْ. 10 وَ بَيْدَا، دَمّ الْبَرِي مَا يِدَفِّقْ فِي بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ. وَ مَا تَبْقَوْا مَسْؤُولِينْ مِنْ مَوْتَهْ.
11 وَ لَاكِنْ كَنْ نَادُمْ عِنْدَهْ كَرَاهِيَّةْ لِأَخُوهْ وَ يَكْرُسْ لَيَّهْ وَ يَكْتُلَهْ وَ بَعَدْ دَا، يَجْرِي لِوَاحِدَةْ مِنْ الْمُدُنْ اللُّجُوءْ دَوْل، 12 خَلَاصْ كُبَارَاتْ حِلِّتَهْ يِرَسُّلُوا نَادُمْ لِيِجِيبَهْ وَ يَنْطُوهْ لِسِيدْ التَّارْ وَ هُو يَكْتُلَهْ. 13 مَا تِحِنُّوا فَوْقَهْ وَ دَا أَشَانْ دَفِّقِينْ دَمّ الْبَرِي كَيْ يَبْقَى مَا فِيهْ فِي بَلَدْ إِسْرَائِيلْ. وَ دَا يَبْقَى لَيْكُو أَخَيْر.
قانون بُخُصّ الشُهود
14 وَكِتْ تَدْخُلُوا فِي الْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ، مَا تِحَوُّلُوا عَلَامَاتْ الْحُدُودْ الْبَيْنكُو وَ بَيْن جِيرَانْكُو الْخَطَّوْهُمْ النَّاسْ الْجَوْا أَوَّلْ.
15 وَ نَادُمْ وِحَيْدَهْ مَا يَقْدَرْ يَشْهَدْ فِي نَادُمْ وَ يِثَبِّتْ فَوْقَهْ الْخَطَا أَوْ الذَّنِبْ أَوْ أَيِّ ذَنِبْ آخَرْ الْهُو سَوَّاهْ. وَ التُّهْمَةْ مَا تَثْبِتْ إِلَّا بِشَهَادَةْ هَنَا نَاسْ إِتْنَيْن أَوْ تَلَاتَةْ.
16 وَ كَنْ نَادُمْ يَشْهَدْ فِي أَخُوهْ بِكِدِبْ لِيِثَبِّتْ فَوْقَهْ تُهْمَةْ هَنَا جَرِيمَةْ، 17 النَّاسَيْن دَوْل وَاجِبْ يَجُوا قِدَّامْ اللّٰهْ وَ يَقِيفُوا قِدَّامْ رُجَالْ الدِّينْ وَ الْقُضْيَاءْ الْقَاعِدِينْ يَخْدُمُوا فِي الْوَكِتْ دَا. 18 وَ الْقُضْيَاءْ يِفَتُّشُوا الْكَلَامْ دَا عَدِيلْ. وَ كَنْ عِرْفَوْا الشَّاهِدْ دَا كَدَّابْ وَ هُو شَهَدْ فِي أَخُوهْ بِكِدِبْ، 19 خَلَاصْ النَّادُمْ دَا عَاقُبُوهْ بِنَفْس الْعِقَابْ الْهُو دَوَّرَهْ لِأَخُوهْ. وَ بَيْدَا، تَمُرْقُوا الشَّرّ مِنْ أُسُطْكُو. 20 وَ بَيْدَا، الْيَسْمَعَوْا بَيَّهْ يَخَافَوْا وَ بَتَّانْ مَا يِسَوُّوا عَمَلْ شَيْن مِثِلْ دَا فِي أُسُطْكُو. 21 مَا تِحِنُّوا فَوْقَهْ وَ طَبُّقُوا النَّفِسْ بِالنَّفِسْ وَ الْعَيْن بِالْعَيْن وَ السِّنّ بِالسِّنّ وَ الْإِيدْ بِالْإِيدْ وَ الرِّجِلْ بِالرِّجِلْ.
مُدُن اللُجوء
1 اللّٰهْ إِلٰـهْكُو يِدَمِّرْ الْأُمَمْ وَ يَنْطِيكُو بَلَدْهُمْ وَ إِنْتُو تِشِيلُوهَا وَ تَسْكُنُوا فِي مُدُنْهُمْ وَ بُيُوتْهُمْ. 2 وَ بَعَدْ دَا، تَعَزُلُوا لَيْكُو تَلَاتَةْ مُدُنْ فِي أُسْط الْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ. 3 وَ تِعَدُّلُوا دُرُوبْ لِلْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ وَ تِقَسُّمُوهَا عَلَيْ تَلَاتَةْ مَنَاطِقْ. وَ دَا، أَشَانْ أَيِّ كَاتِلْ يَقْدَرْ يَجْرِي يَقْعُدْ فِي وَاحِدَةْ مِنْهُمْ.
4 وَ دِي هِي الْحَالَةْ الْيَقْدَرْ يَجْرِي فَوْقهَا الْكَاتِلْ لِيِنَجِّي نَفْسَهْ وَكِتْ يَكْتُلْ أَخُوهْ. وَ دَا كَنْ يَكْتُلَهْ بَلَا رَايْه، هُو أَوَّلْ مَا عِنْدَهْ لَيَّهْ أَيِّ كَرَاهِيَّةْ. 5 وَ دَا مِثِلْ نَادُمْ مَشَى لِلْحَطَبْ مَعَ أَخُوهْ وَ وَكِتْ قَاعِدْ يَقْطَعْ، فَاسَهْ نَصَلَتْ وَ كَتَلَهْ. النَّادُمْ دَا يَقْدَرْ يَجْرِي لِوَاحِدَةْ مِنْ الْمُدُنْ دَوْل لِيِنَجِّي نَفْسَهْ.
6 وَ أَكُونْ سِيدْ التَّارْ يِشِيلْ دَرِبْ الْكَاتِلْ وَ فِي الدَّرِبْ الطَّوِيلْ، هُو يَلْحَقَهْ وَ يَكْتُلَهْ وَ لَاكِنْ الْكَاتِلْ مَا وَاجِبْ لَيَّهْ الْمَوْت أَشَانْ مِنْ أَوَّلْ، هُو مَا عِنْدَهْ أَيِّ كَرَاهِيَّةْ لِلْمَيِّتْ. 7 وَ فِي شَانْ دَا، أَنَا أَمَرْتُكُو وَ قُلْت: «أَعَزُلُوا لَيْكُو تَلَاتَةْ مُدُنْ.»
8 وَ كَنْ اللّٰهْ إِلٰـهْكُو يِوَسِّعْ حُدُودْ بَلَدْكُو مِثِلْ هُو حَلَفْ لِجُدُودْكُو وَ يَنْطِيكُو كُلَّ الْبَلَدْ مِثِلْ هُو قَالْ يَنْطِيهَا لِجُدُودْكُو، 9 خَلَاصْ تِزِيدُوا بَتَّانْ تَلَاتَةْ مُدُنْ فِي الْمُدُنْ التَّلَاتَةْ الْأَوَّلْ. وَ وَسِّعِينْ الْحُدُودْ دَا يَبْقَى كَنْ حَفَضْتُوا وَ طَبَّقْتُوا كُلَّ الْوَصَايَا النَّنْطِيهُمْ لَيْكُو الْيَوْم وَ حَبَّيْتُوا اللّٰهْ إِلٰـهْكُو وَ دَايْماً شِلْتُوا دَرْبَهْ. 10 وَ بَيْدَا، دَمّ الْبَرِي مَا يِدَفِّقْ فِي بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ. وَ مَا تَبْقَوْا مَسْؤُولِينْ مِنْ مَوْتَهْ.
11 وَ لَاكِنْ كَنْ نَادُمْ عِنْدَهْ كَرَاهِيَّةْ لِأَخُوهْ وَ يَكْرُسْ لَيَّهْ وَ يَكْتُلَهْ وَ بَعَدْ دَا، يَجْرِي لِوَاحِدَةْ مِنْ الْمُدُنْ اللُّجُوءْ دَوْل، 12 خَلَاصْ كُبَارَاتْ حِلِّتَهْ يِرَسُّلُوا نَادُمْ لِيِجِيبَهْ وَ يَنْطُوهْ لِسِيدْ التَّارْ وَ هُو يَكْتُلَهْ. 13 مَا تِحِنُّوا فَوْقَهْ وَ دَا أَشَانْ دَفِّقِينْ دَمّ الْبَرِي كَيْ يَبْقَى مَا فِيهْ فِي بَلَدْ إِسْرَائِيلْ. وَ دَا يَبْقَى لَيْكُو أَخَيْر.
قانون بُخُصّ الشُهود
14 وَكِتْ تَدْخُلُوا فِي الْبَلَدْ الْاللّٰهْ إِلٰـهْكُو يَنْطِيهَا لَيْكُو وَرَثَةْ، مَا تِحَوُّلُوا عَلَامَاتْ الْحُدُودْ الْبَيْنكُو وَ بَيْن جِيرَانْكُو الْخَطَّوْهُمْ النَّاسْ الْجَوْا أَوَّلْ.
15 وَ نَادُمْ وِحَيْدَهْ مَا يَقْدَرْ يَشْهَدْ فِي نَادُمْ وَ يِثَبِّتْ فَوْقَهْ الْخَطَا أَوْ الذَّنِبْ أَوْ أَيِّ ذَنِبْ آخَرْ الْهُو سَوَّاهْ. وَ التُّهْمَةْ مَا تَثْبِتْ إِلَّا بِشَهَادَةْ هَنَا نَاسْ إِتْنَيْن أَوْ تَلَاتَةْ.
16 وَ كَنْ نَادُمْ يَشْهَدْ فِي أَخُوهْ بِكِدِبْ لِيِثَبِّتْ فَوْقَهْ تُهْمَةْ هَنَا جَرِيمَةْ، 17 النَّاسَيْن دَوْل وَاجِبْ يَجُوا قِدَّامْ اللّٰهْ وَ يَقِيفُوا قِدَّامْ رُجَالْ الدِّينْ وَ الْقُضْيَاءْ الْقَاعِدِينْ يَخْدُمُوا فِي الْوَكِتْ دَا. 18 وَ الْقُضْيَاءْ يِفَتُّشُوا الْكَلَامْ دَا عَدِيلْ. وَ كَنْ عِرْفَوْا الشَّاهِدْ دَا كَدَّابْ وَ هُو شَهَدْ فِي أَخُوهْ بِكِدِبْ، 19 خَلَاصْ النَّادُمْ دَا عَاقُبُوهْ بِنَفْس الْعِقَابْ الْهُو دَوَّرَهْ لِأَخُوهْ. وَ بَيْدَا، تَمُرْقُوا الشَّرّ مِنْ أُسُطْكُو. 20 وَ بَيْدَا، الْيَسْمَعَوْا بَيَّهْ يَخَافَوْا وَ بَتَّانْ مَا يِسَوُّوا عَمَلْ شَيْن مِثِلْ دَا فِي أُسُطْكُو. 21 مَا تِحِنُّوا فَوْقَهْ وَ طَبُّقُوا النَّفِسْ بِالنَّفِسْ وَ الْعَيْن بِالْعَيْن وَ السِّنّ بِالسِّنّ وَ الْإِيدْ بِالْإِيدْ وَ الرِّجِلْ بِالرِّجِلْ.
