1 يَا سَمَاءْ، أَسْمَعَيْ
وَ أَنَا نِحَجِّي.
يَا أَرْض، خُطِّي بَالْكِ
لِكَلَامْ خَشْمِي.
2 وَ خَلِّي تَعْلِيمِي يِسِيلْ
مِثِلْ أَلْمِي الْمَطَرْ
وَ كَلَامِي يَنْزِلْ
مِثِلْ كَرَنْج
وَ مِثِلْ هَدَبْ أَلْمِي فِي الْخَضَارْ
وَ مِثِلْ مَطَرْ فِي الْقَشّ.
3 أَنَا نَعْلِنْ أُسُمْ اللّٰهْ.
يَا النَّاسْ! عَرُّفُوا كَدَرْ إِلٰـهْنَا عَظِيمْ.
4 هُو الْمَلْجَأْ
وَ أَعْمَالَهْ تَمَامِينْ
أَشَانْ دُرُوبَهْ كُلُّهُمْ عَدَالَةْ.
هُو إِلٰـهْ أَمِينْ
وَ مَا عِنْدَهْ أَيِّ ظُلُمْ
وَ صَادِقْ وَ عَادِلْ.
5 وَ قِدَّامَهْ، هُمَّنْ تَلَّفَوْا
بِسَبَبْ عَيْبهُمْ.
هُمَّنْ بَتَّانْ مَا عِيَالَهْ
أَشَانْ هُمَّنْ ذُرِّيَّةْ عَوْجَةْ
وَ مُنْلَوِيَةْ.
6 وَ مِثِلْ دَا بَسْ،
تِسَوُّوا مَعَ اللّٰهْ وَلَّا؟
يَا الْمَطْمُوسِينْ!
إِنْتُو مَا عِنْدُكُو حِكْمَةْ.
مَا هُو بَسْ أَبُوكُو
الْأَنْطَاكُو الْحَيَاةْ وَلَّا؟
وَ هُو بَسْ الْخَلَقَاكُو
وَ ثَبَّتَاكُو.
7 وَ فَكُّرُوا فِي الزَّمَانْ،
فِي الْأَيَّامْ وَ السِّنِينْ
مِنْ ذُرِّيَّةْ لِذُرِّيَّةْ
وَ أَسْأَلَوْا أَبَّهَاتْكُو وَ يِأَوْرُوكُو
وَ شِيَّابْكُو يِكَلُّمُوكُو.
8 وَ وَكِتْ اللّٰهْ الْعَالِي
أَنْطَى لِلْأُمَمْ وَرَثَتْهُمْ
وَ وَكِتْ فَرَّقْ بَنِي آدَم،
هُو خَطَّ حُدُودْ لِلشَّعَبْ
حَسَبْ عَدَدْ الْإِلٰـهَاتْ.
9 أَشَانْ قِسِمْ اللّٰهْ،
هُو شَعَبَهْ بَنِي إِسْرَائِيلْ
وَ ذُرِّيَّةْ يَعْقُوبْ كَمَانْ،
هُمَّنْ وَرَثَتَهْ.
10 وَ هُو لِقِيهُمْ فِي أَرْض صَحَرَاء،
فِي أَرْض جَفَافْ
الْفَوْقهَا إِلَّا حَرَكَةْ الرِّيحْ.
هُو حَفَضَاهُمْ وَ عَلَّمَاهُمْ
وَ فَكَّرْ فَوْقهُمْ
مِثِلْ نَادُمْ يِفَكِّرْ فِي وَلْد عَيْنَهْ.
11 اللّٰهْ هُو مِثِلْ صَقُرْ
الْيِلِزّ عِيَالَهْ مِنْ الْعُشّ
وَ يُحُومْ مِنْ فَوْق لَيْهُمْ
وَ يِمَطِّطْ جَنَاحَيْه
وَ يِشِيلْهُمْ فَوْقهُمْ.
12 وَ اللّٰهْ وِحَيْدَهْ قَادْ شَعَبَهْ
بَلَا إِلٰـهْ آخَرْ أَجْنَبِي مَعَايَهْ.
13 وَ وَدَّاهُمْ
فِي الْبَكَانَاتْ الْعَالِيِينْ فِي الْبَلَدْ
وَ أَكَّلَاهُمْ
مِنْ مَعَاشْ الْكَدَادَةْ
وَ أَكَّلَاهُمْ عَسَلْ
السَّايِلْ مِنْ الْجِبَالْ
وَ أَنْطَاهُمْ دِهِنْ الزَّيْتُونْ
مِنْ الْحَجَرْ الْقَوِي.
14 وَ أَكَّلَاهُمْ رَايِبْ مِنْ لَبَنْ الْبَقَرْ
وَ حَلِيبْ مِنْ الْغَنَمْ
وَ أَنْطَاهُمْ لَحَمْ سَمِينْ مِنْ حُمْلَانْ
وَ كُبْشَانْ هَنَا بَاشَانْ
وَ تُيُوسْ
وَ أَكَّلَاهُمْ دَقِيقْ الْقَمَحْ
وَ شَرَّبَاهُمْ مِنْ عَصِيرْ الْعِنَبْ الْهُو خَمَرْ.
15 وَ بَنِي إِسْرَائِيلْ سِمْنَوْا وَ عِصَوْا.
أَيْوَى، هُمَّنْ سِمْنَوْا
وَ قَرْقَطَوْا وَ تِخْنَوْا.
وَ خَلَاصْ أَبَوْا اللّٰهْ الْخَلَقَاهُمْ
وَ حَقَرَوْا مَلْجَئْهُمْ وَ مُنَجِّيهُمْ.
16 وَ قَوَّمَوْا غِيرْتَهْ
بِالْإِلٰـهَاتْ الْأَجْنَبِيِّينْ
وَ غَضَّبَوْه بِالْحَرَامْ.
17 وَ الشَّعَبْ دَبَحَوْا لِلشَّوَاطِينْ
الْهُمَّنْ مَا الرَّبّ.
أَيْوَى، دَبَحَوْا لِلْإِلٰـهَاتْ
الْهُمَّنْ مَا عِرْفَوْهُمْ.
وَ الْإِلٰـهَاتْ دَوْل جَوْا دَهَابْهُمْ
وَ أَبَّهَاتْهُمْ مَا عِرْفَوْهُمْ.
18 وَ إِنْتُو مَا فَكَّرْتُوا فِي اللّٰهْ
الْهُو مَلْجَئْكُو الْأَنْطَاكُو الْحَيَاةْ.
أَيْوَى، نِسِيتُوا إِلٰـهْكُو
الْجَابَاكُو فِي الدُّنْيَا.
19 وَ اللّٰهْ شَافَاهُمْ وَ رَفَضَاهُمْ
أَشَانْ عِيَالَهْ غَضَّبَوْه.
20 وَ قَالْ: «بَتَّانْ مَا نِوَجِّهْ عَلَيْهُمْ
وَ نِشِيفْ شُنُو يُكُونْ لَيْهُمْ فِي الأَخِيرْ
أَشَانْ هُمَّنْ ذُرِّيَّةْ مُفْسِدَةْ
وَ عِيَالْ الْمَا عِنْدُهُمْ أَمَانْ.
21 وَ أَنَا بَسْ اللّٰهْ
وَ هُمَّنْ قَوَّمَوْا غِيرْتِي بِإِلٰـهُّمْ
وَ غَضَّبَوْنِي بِأَصْنَامْهُمْ الزَّايْلِينْ.
وَ لَاكِنْ أَنَا كَمَانْ نِقَوِّمْ غِيرِتْهُمْ
بِالشَّعَبْ الْمَا تَمَّوْا أُمَّةْ
وَ نِزَعِّلْهُمْ بِأُمَّةْ مَطْمُوسَةْ.
22 أَشَانْ نَارْ غَضَبِي أَوْقَدَتْ
وَ أَكَلَتْ لَحَدِّي الْمَخَابِرْ
وَ أَكَلَتْ الْأَرْض وَ نَبَاتْهَا
لَحَدِّي أَسَاسْ الْجِبَالْ.
23 وَ نِنَزِّلْ فَوْقهُمْ كُلَّ الْمَصَايِبْ
وَ نِكَمِّلْ فَوْقهُمْ كُلَّ نَشَاشِيبِي.
24 وَ جُوعْ يِبَطِّلْهُمْ
وَ وِرْدَةْ وَ وَبَاءْ شَدِيدْ يَقَعَوْا فَوْقهُمْ
وَ نِرَسِّلْ ضِدُّهُمْ حَيْوَانَاتْ فَسْلِينْ
وَ دَبِيبْ الْعِنْدَهْ سَمّ الْيَكْتُلْ.
25 بَرَّا، السَّيْف يَكْتُلْ عِيَالْهُمْ
وَ دَاخَلْ، الْخَوْف يَكْرُبْهُمْ.
وَ كُلُّهُمْ يُمُوتُوا،
الصُّبْيَانْ وَ الْبَنَاتْ
وَ الْأَطْفَالْ وَ الشِّيَّابْ.
26 وَ أَنَا نُقُشُّهُمْ بِنَفْخَةْ وَاحِدَةْ
وَ نِوَدِّرْ ذِكِرْهُمْ مِنْ أُسْط النَّاسْ.
27 وَ أَنَا قُلْت عُدْوَانْهُمْ
يِشَّمَّتَوْا وَ يُقُولُوا:
‹الشَّيّءْ دَا، اللّٰهْ مَا سَوَّاهْ
لَاكِنْ أَنِحْنَ بَسْ قِدِرْنَا فَوْقهُمْ.›»
28 أَشَانْ دَوْل الْأُمَمْ الْخِطِّتْهُمْ أَدَّمَّرَتْ
وَ مَا عِنْدُهُمْ أَيِّ فِهِمْ.
29 وَ كَنْ هُمَّنْ حَكِيمِينْ،
يَفْهَمَوْا الشَّيّءْ دَا
وَ يَعَرْفُوا مُسْتَقْبَلْهُمْ.
30 كِكَّيْف رَاجِلْ وَاحِدْ يَطْرُدْ أَلِفْ نَاسْ
وَ رُجَالْ إِتْنَيْن يَطُرْدُوا عَشَرَةْ أَلِفْ
كَنْ اللّٰهْ بَسْ مَا سَلَّمَاهُمْ
وَ مَلْجَئْهُمْ مَا بَاعَاهُمْ؟
31 أَشَانْ مَلْجَئْهُمْ مَا مِثِلْ مَلْجَئْنَا
وَ عُدْوَانَّا يَعَرْفُوهْ.
32 هُمَّنْ مِثِلْ شَدَرْ الْعِنَبْ
هَنَا سَدُومْ وَ عَمُورَةْ
الْيَلْدَ عِنَبْ مُرّ وَ مُسَمَّمْ.
33 وَ خَمَرَهْ مِثِلْ سَمّ أَبُنْ دَرَقْ
وَ مِثِلْ السَّمّ الْخَطِيرْ هَنَا أَمْ شِدَيْقَاتْ.
34 وَ اللّٰهْ قَالْ:
«دَا كُلَّ مُلَبَّدْ فِي بَكَانِي
وَ مَخْتُومْ وَ قَاعِدْ فِي مَخَزَنِي.
35 وَ أَنَا بَسْ النِّشِيلْ التَّارْ
وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا
أَشَانْ يَوْم خَرَابْهُمْ قَرَّبْ
وَ يَجِيهُمْ بِسُرْعَةْ.»
36 أَيْوَى، اللّٰهْ يِحَاكِمْ شَعَبَهْ بِالْعَدِلْ
وَ يِحِنّ فِي عَبِيدَهْ
وَكِتْ يِشِيفْ مَا عِنْدُهُمْ قُدْرَةْ
وَ مَا فَضَّلْ وَاحِدْ كُلَ،
وَ لَا عَبِدْ وَ لَا حُرّ.
37 وَ اللّٰهْ يُقُولْ:
«وَيْن إِلٰـهَاتْهُمْ
وَ وَيْن مَلْجَئْهُمْ الْيَلْجَأَوْا لَيَّهْ؟
38 وَ وَيْن إِلٰـهَاتْهُمْ
الْأَكَلَوْا شَحَمْ ضَحَايَاهُمْ
وَ شِرْبَوْا هَدَايَا شَرَابْهُمْ؟
خَلِّي يُقُمُّوا يَفْزَعَوْهُمْ
وَ يَحْمُوهُمْ.
39 وَ هَسَّعْ، أَعَرْفُوا أَنَا بَسْ الرَّبّ.
لَا إِلٰـهْ إِلَّا أَنَا!
أَنَا بَسْ النَّحَيِي وَ نَكْتُلْ
وَ نَجْرَحْ وَ نَشْفِي
وَ مَا فِي الْيَقْدَرْ يِخَلِّصْ مِنْ إِيدِي.
40 وَ نَحْلِفْ بِنَفْسِي وَ نُقُولْ:
‹أَنَا حَيّ إِلَى الْأَبَدْ.›
41 وَ وَكِتْ نِطَرِّقْ سَيْفِي
وَ نُقُمّ بِالْعَدَالَةْ،
نِشِيلْ التَّارْ فِي عُدْوَانِي
وَ نِلْكَفَّى فِي الْيَكْرَهَوْنِي.
42 وَ سَيْفِي يَاكُلْ لَحَمْ
وَ نَشَاشِيبِي يَرْوَوْا بِالدَّمّ
وَ دَا، دَمّ الْمَيْتِينْ
وَ مَسَاجِينْ الْحَرِبْ
وَ نَقْطَعْ رُوسَيْ الْعَدُو
بِشَعَرْهُمْ الطُّوَالْ.»
43 يَا الْأُمَمْ، أَفْرَحَوْا مَعَ شَعَبَهْ
أَشَانْ اللّٰهْ يِلْكَفَّى دَمّ عَبِيدَهْ
وَ يِشِيلْ التَّارْ فِي عُدْوَانَهْ
وَ يِكَفِّرْ لِشَعَبَهْ فِي أَرْضَهْ.
44 وَ مُوسَى جَاءْ مَعَ يَشُوعْ وِلَيْد نُونْ وَ رَدَّدْ كُلَّ كَلَامْ الْغِنَيْ دَا قِدَّامْ الشَّعَبْ.
45 وَ وَكِتْ مُوسَى كَمَّلْ الْكَلَامْ دَا قِدَّامْ كُلَّ بَنِي إِسْرَائِيلْ، 46 هُو قَالْ لَيْهُمْ: فَكُّرُوا فِي كُلَّ الْكَلَامْ الْأَنَا حَذَّرْتُكُو بَيَّهْ الْيَوْم. وَ عَلُّمُوهْ لِأَوْلَادْكُو أَشَانْ يَحْفَضَوْا وَ يِطَبُّقُوا كُلَّ كَلَامْ الْوَصَايَا دَوْل. 47 أَشَانْ الْكَلَامْ دَا، مُهِمّ لَيْكُو. وَ الْكَلَامْ دَا، هُو حَيَاتْكُو وَ يِزِيدْ عُمُرْكُو فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ بَعَدْ تَقْطَعَوْا بَحَرْ الْأُرْدُنْ.
مُوسَى ما يدْخُل في البلد
48 وَ فِي نَفْس الْيَوْم دَا، اللّٰهْ حَجَّى لِمُوسَى وَ قَالْ: 49 «أَطْلَعْ فِي رُوسَيْ جِبَالْ عَبَارِيمْ وَ لَحَدِّي جَبَلْ نَبُو الْفِي أَرْض مُوَابْ مُقَابِلْ أَرِيحَا. وَ شِيفْ أَرْض كَنْعَانْ الْأَنَا نَنْطِيهَا وَرَثَةْ لِبَنِي إِسْرَائِيلْ. 50 وَ إِنْتَ تُمُوتْ فِي رَاسْ الْجَبَلْ التَّطْلَعْ فَوْقَهْ وَ تَلْحَقْ أَبَّهَاتَكْ مِثِلْ هَارُونْ أَخُوكْ مَاتْ فِي جَبَلْ هَوْر وَ لِحِقْ أَبَّهَاتَهْ. 51 أَشَانْ إِنْتُو بِقِيتُوا خَايْنِينْ لَيِّ أَنَا فِي لُبّ بَنِي إِسْرَائِيلْ فِي عَيْن أَلْمِي مَرِيبَةْ قَرِيبْ لِحِلَّةْ قَادِشْ فِي صَحَرَاء سِينْ وَكِتْ إِنْتُو مَا قَدَّسْتُونِي فِي لُبّ بَنِي إِسْرَائِيلْ. 52 وَ خَلَاصْ إِنْتَ تِشِيفْ الْبَلَدْ مِنْ بَعِيدْ قِدَّامَكْ وَ لَاكِنْ مَا تَدْخُلْ فِي الْبَلَدْ النَّنْطِيهَا لِبَنِي إِسْرَائِيلْ دِي.»
1 يَا سَمَاءْ، أَسْمَعَيْ
وَ أَنَا نِحَجِّي.
يَا أَرْض، خُطِّي بَالْكِ
لِكَلَامْ خَشْمِي.
2 وَ خَلِّي تَعْلِيمِي يِسِيلْ
مِثِلْ أَلْمِي الْمَطَرْ
وَ كَلَامِي يَنْزِلْ
مِثِلْ كَرَنْج
وَ مِثِلْ هَدَبْ أَلْمِي فِي الْخَضَارْ
وَ مِثِلْ مَطَرْ فِي الْقَشّ.
3 أَنَا نَعْلِنْ أُسُمْ اللّٰهْ.
يَا النَّاسْ! عَرُّفُوا كَدَرْ إِلٰـهْنَا عَظِيمْ.
4 هُو الْمَلْجَأْ
وَ أَعْمَالَهْ تَمَامِينْ
أَشَانْ دُرُوبَهْ كُلُّهُمْ عَدَالَةْ.
هُو إِلٰـهْ أَمِينْ
وَ مَا عِنْدَهْ أَيِّ ظُلُمْ
وَ صَادِقْ وَ عَادِلْ.
5 وَ قِدَّامَهْ، هُمَّنْ تَلَّفَوْا
بِسَبَبْ عَيْبهُمْ.
هُمَّنْ بَتَّانْ مَا عِيَالَهْ
أَشَانْ هُمَّنْ ذُرِّيَّةْ عَوْجَةْ
وَ مُنْلَوِيَةْ.
6 وَ مِثِلْ دَا بَسْ،
تِسَوُّوا مَعَ اللّٰهْ وَلَّا؟
يَا الْمَطْمُوسِينْ!
إِنْتُو مَا عِنْدُكُو حِكْمَةْ.
مَا هُو بَسْ أَبُوكُو
الْأَنْطَاكُو الْحَيَاةْ وَلَّا؟
وَ هُو بَسْ الْخَلَقَاكُو
وَ ثَبَّتَاكُو.
7 وَ فَكُّرُوا فِي الزَّمَانْ،
فِي الْأَيَّامْ وَ السِّنِينْ
مِنْ ذُرِّيَّةْ لِذُرِّيَّةْ
وَ أَسْأَلَوْا أَبَّهَاتْكُو وَ يِأَوْرُوكُو
وَ شِيَّابْكُو يِكَلُّمُوكُو.
8 وَ وَكِتْ اللّٰهْ الْعَالِي
أَنْطَى لِلْأُمَمْ وَرَثَتْهُمْ
وَ وَكِتْ فَرَّقْ بَنِي آدَم،
هُو خَطَّ حُدُودْ لِلشَّعَبْ
حَسَبْ عَدَدْ الْإِلٰـهَاتْ.
9 أَشَانْ قِسِمْ اللّٰهْ،
هُو شَعَبَهْ بَنِي إِسْرَائِيلْ
وَ ذُرِّيَّةْ يَعْقُوبْ كَمَانْ،
هُمَّنْ وَرَثَتَهْ.
10 وَ هُو لِقِيهُمْ فِي أَرْض صَحَرَاء،
فِي أَرْض جَفَافْ
الْفَوْقهَا إِلَّا حَرَكَةْ الرِّيحْ.
هُو حَفَضَاهُمْ وَ عَلَّمَاهُمْ
وَ فَكَّرْ فَوْقهُمْ
مِثِلْ نَادُمْ يِفَكِّرْ فِي وَلْد عَيْنَهْ.
11 اللّٰهْ هُو مِثِلْ صَقُرْ
الْيِلِزّ عِيَالَهْ مِنْ الْعُشّ
وَ يُحُومْ مِنْ فَوْق لَيْهُمْ
وَ يِمَطِّطْ جَنَاحَيْه
وَ يِشِيلْهُمْ فَوْقهُمْ.
12 وَ اللّٰهْ وِحَيْدَهْ قَادْ شَعَبَهْ
بَلَا إِلٰـهْ آخَرْ أَجْنَبِي مَعَايَهْ.
13 وَ وَدَّاهُمْ
فِي الْبَكَانَاتْ الْعَالِيِينْ فِي الْبَلَدْ
وَ أَكَّلَاهُمْ
مِنْ مَعَاشْ الْكَدَادَةْ
وَ أَكَّلَاهُمْ عَسَلْ
السَّايِلْ مِنْ الْجِبَالْ
وَ أَنْطَاهُمْ دِهِنْ الزَّيْتُونْ
مِنْ الْحَجَرْ الْقَوِي.
14 وَ أَكَّلَاهُمْ رَايِبْ مِنْ لَبَنْ الْبَقَرْ
وَ حَلِيبْ مِنْ الْغَنَمْ
وَ أَنْطَاهُمْ لَحَمْ سَمِينْ مِنْ حُمْلَانْ
وَ كُبْشَانْ هَنَا بَاشَانْ
وَ تُيُوسْ
وَ أَكَّلَاهُمْ دَقِيقْ الْقَمَحْ
وَ شَرَّبَاهُمْ مِنْ عَصِيرْ الْعِنَبْ الْهُو خَمَرْ.
15 وَ بَنِي إِسْرَائِيلْ سِمْنَوْا وَ عِصَوْا.
أَيْوَى، هُمَّنْ سِمْنَوْا
وَ قَرْقَطَوْا وَ تِخْنَوْا.
وَ خَلَاصْ أَبَوْا اللّٰهْ الْخَلَقَاهُمْ
وَ حَقَرَوْا مَلْجَئْهُمْ وَ مُنَجِّيهُمْ.
16 وَ قَوَّمَوْا غِيرْتَهْ
بِالْإِلٰـهَاتْ الْأَجْنَبِيِّينْ
وَ غَضَّبَوْه بِالْحَرَامْ.
17 وَ الشَّعَبْ دَبَحَوْا لِلشَّوَاطِينْ
الْهُمَّنْ مَا الرَّبّ.
أَيْوَى، دَبَحَوْا لِلْإِلٰـهَاتْ
الْهُمَّنْ مَا عِرْفَوْهُمْ.
وَ الْإِلٰـهَاتْ دَوْل جَوْا دَهَابْهُمْ
وَ أَبَّهَاتْهُمْ مَا عِرْفَوْهُمْ.
18 وَ إِنْتُو مَا فَكَّرْتُوا فِي اللّٰهْ
الْهُو مَلْجَئْكُو الْأَنْطَاكُو الْحَيَاةْ.
أَيْوَى، نِسِيتُوا إِلٰـهْكُو
الْجَابَاكُو فِي الدُّنْيَا.
19 وَ اللّٰهْ شَافَاهُمْ وَ رَفَضَاهُمْ
أَشَانْ عِيَالَهْ غَضَّبَوْه.
20 وَ قَالْ: «بَتَّانْ مَا نِوَجِّهْ عَلَيْهُمْ
وَ نِشِيفْ شُنُو يُكُونْ لَيْهُمْ فِي الأَخِيرْ
أَشَانْ هُمَّنْ ذُرِّيَّةْ مُفْسِدَةْ
وَ عِيَالْ الْمَا عِنْدُهُمْ أَمَانْ.
21 وَ أَنَا بَسْ اللّٰهْ
وَ هُمَّنْ قَوَّمَوْا غِيرْتِي بِإِلٰـهُّمْ
وَ غَضَّبَوْنِي بِأَصْنَامْهُمْ الزَّايْلِينْ.
وَ لَاكِنْ أَنَا كَمَانْ نِقَوِّمْ غِيرِتْهُمْ
بِالشَّعَبْ الْمَا تَمَّوْا أُمَّةْ
وَ نِزَعِّلْهُمْ بِأُمَّةْ مَطْمُوسَةْ.
22 أَشَانْ نَارْ غَضَبِي أَوْقَدَتْ
وَ أَكَلَتْ لَحَدِّي الْمَخَابِرْ
وَ أَكَلَتْ الْأَرْض وَ نَبَاتْهَا
لَحَدِّي أَسَاسْ الْجِبَالْ.
23 وَ نِنَزِّلْ فَوْقهُمْ كُلَّ الْمَصَايِبْ
وَ نِكَمِّلْ فَوْقهُمْ كُلَّ نَشَاشِيبِي.
24 وَ جُوعْ يِبَطِّلْهُمْ
وَ وِرْدَةْ وَ وَبَاءْ شَدِيدْ يَقَعَوْا فَوْقهُمْ
وَ نِرَسِّلْ ضِدُّهُمْ حَيْوَانَاتْ فَسْلِينْ
وَ دَبِيبْ الْعِنْدَهْ سَمّ الْيَكْتُلْ.
25 بَرَّا، السَّيْف يَكْتُلْ عِيَالْهُمْ
وَ دَاخَلْ، الْخَوْف يَكْرُبْهُمْ.
وَ كُلُّهُمْ يُمُوتُوا،
الصُّبْيَانْ وَ الْبَنَاتْ
وَ الْأَطْفَالْ وَ الشِّيَّابْ.
26 وَ أَنَا نُقُشُّهُمْ بِنَفْخَةْ وَاحِدَةْ
وَ نِوَدِّرْ ذِكِرْهُمْ مِنْ أُسْط النَّاسْ.
27 وَ أَنَا قُلْت عُدْوَانْهُمْ
يِشَّمَّتَوْا وَ يُقُولُوا:
‹الشَّيّءْ دَا، اللّٰهْ مَا سَوَّاهْ
لَاكِنْ أَنِحْنَ بَسْ قِدِرْنَا فَوْقهُمْ.›»
28 أَشَانْ دَوْل الْأُمَمْ الْخِطِّتْهُمْ أَدَّمَّرَتْ
وَ مَا عِنْدُهُمْ أَيِّ فِهِمْ.
29 وَ كَنْ هُمَّنْ حَكِيمِينْ،
يَفْهَمَوْا الشَّيّءْ دَا
وَ يَعَرْفُوا مُسْتَقْبَلْهُمْ.
30 كِكَّيْف رَاجِلْ وَاحِدْ يَطْرُدْ أَلِفْ نَاسْ
وَ رُجَالْ إِتْنَيْن يَطُرْدُوا عَشَرَةْ أَلِفْ
كَنْ اللّٰهْ بَسْ مَا سَلَّمَاهُمْ
وَ مَلْجَئْهُمْ مَا بَاعَاهُمْ؟
31 أَشَانْ مَلْجَئْهُمْ مَا مِثِلْ مَلْجَئْنَا
وَ عُدْوَانَّا يَعَرْفُوهْ.
32 هُمَّنْ مِثِلْ شَدَرْ الْعِنَبْ
هَنَا سَدُومْ وَ عَمُورَةْ
الْيَلْدَ عِنَبْ مُرّ وَ مُسَمَّمْ.
33 وَ خَمَرَهْ مِثِلْ سَمّ أَبُنْ دَرَقْ
وَ مِثِلْ السَّمّ الْخَطِيرْ هَنَا أَمْ شِدَيْقَاتْ.
34 وَ اللّٰهْ قَالْ:
«دَا كُلَّ مُلَبَّدْ فِي بَكَانِي
وَ مَخْتُومْ وَ قَاعِدْ فِي مَخَزَنِي.
35 وَ أَنَا بَسْ النِّشِيلْ التَّارْ
وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا
أَشَانْ يَوْم خَرَابْهُمْ قَرَّبْ
وَ يَجِيهُمْ بِسُرْعَةْ.»
36 أَيْوَى، اللّٰهْ يِحَاكِمْ شَعَبَهْ بِالْعَدِلْ
وَ يِحِنّ فِي عَبِيدَهْ
وَكِتْ يِشِيفْ مَا عِنْدُهُمْ قُدْرَةْ
وَ مَا فَضَّلْ وَاحِدْ كُلَ،
وَ لَا عَبِدْ وَ لَا حُرّ.
37 وَ اللّٰهْ يُقُولْ:
«وَيْن إِلٰـهَاتْهُمْ
وَ وَيْن مَلْجَئْهُمْ الْيَلْجَأَوْا لَيَّهْ؟
38 وَ وَيْن إِلٰـهَاتْهُمْ
الْأَكَلَوْا شَحَمْ ضَحَايَاهُمْ
وَ شِرْبَوْا هَدَايَا شَرَابْهُمْ؟
خَلِّي يُقُمُّوا يَفْزَعَوْهُمْ
وَ يَحْمُوهُمْ.
39 وَ هَسَّعْ، أَعَرْفُوا أَنَا بَسْ الرَّبّ.
لَا إِلٰـهْ إِلَّا أَنَا!
أَنَا بَسْ النَّحَيِي وَ نَكْتُلْ
وَ نَجْرَحْ وَ نَشْفِي
وَ مَا فِي الْيَقْدَرْ يِخَلِّصْ مِنْ إِيدِي.
40 وَ نَحْلِفْ بِنَفْسِي وَ نُقُولْ:
‹أَنَا حَيّ إِلَى الْأَبَدْ.›
41 وَ وَكِتْ نِطَرِّقْ سَيْفِي
وَ نُقُمّ بِالْعَدَالَةْ،
نِشِيلْ التَّارْ فِي عُدْوَانِي
وَ نِلْكَفَّى فِي الْيَكْرَهَوْنِي.
42 وَ سَيْفِي يَاكُلْ لَحَمْ
وَ نَشَاشِيبِي يَرْوَوْا بِالدَّمّ
وَ دَا، دَمّ الْمَيْتِينْ
وَ مَسَاجِينْ الْحَرِبْ
وَ نَقْطَعْ رُوسَيْ الْعَدُو
بِشَعَرْهُمْ الطُّوَالْ.»
43 يَا الْأُمَمْ، أَفْرَحَوْا مَعَ شَعَبَهْ
أَشَانْ اللّٰهْ يِلْكَفَّى دَمّ عَبِيدَهْ
وَ يِشِيلْ التَّارْ فِي عُدْوَانَهْ
وَ يِكَفِّرْ لِشَعَبَهْ فِي أَرْضَهْ.
44 وَ مُوسَى جَاءْ مَعَ يَشُوعْ وِلَيْد نُونْ وَ رَدَّدْ كُلَّ كَلَامْ الْغِنَيْ دَا قِدَّامْ الشَّعَبْ.
45 وَ وَكِتْ مُوسَى كَمَّلْ الْكَلَامْ دَا قِدَّامْ كُلَّ بَنِي إِسْرَائِيلْ، 46 هُو قَالْ لَيْهُمْ: فَكُّرُوا فِي كُلَّ الْكَلَامْ الْأَنَا حَذَّرْتُكُو بَيَّهْ الْيَوْم. وَ عَلُّمُوهْ لِأَوْلَادْكُو أَشَانْ يَحْفَضَوْا وَ يِطَبُّقُوا كُلَّ كَلَامْ الْوَصَايَا دَوْل. 47 أَشَانْ الْكَلَامْ دَا، مُهِمّ لَيْكُو. وَ الْكَلَامْ دَا، هُو حَيَاتْكُو وَ يِزِيدْ عُمُرْكُو فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ بَعَدْ تَقْطَعَوْا بَحَرْ الْأُرْدُنْ.
مُوسَى ما يدْخُل في البلد
48 وَ فِي نَفْس الْيَوْم دَا، اللّٰهْ حَجَّى لِمُوسَى وَ قَالْ: 49 «أَطْلَعْ فِي رُوسَيْ جِبَالْ عَبَارِيمْ وَ لَحَدِّي جَبَلْ نَبُو الْفِي أَرْض مُوَابْ مُقَابِلْ أَرِيحَا. وَ شِيفْ أَرْض كَنْعَانْ الْأَنَا نَنْطِيهَا وَرَثَةْ لِبَنِي إِسْرَائِيلْ. 50 وَ إِنْتَ تُمُوتْ فِي رَاسْ الْجَبَلْ التَّطْلَعْ فَوْقَهْ وَ تَلْحَقْ أَبَّهَاتَكْ مِثِلْ هَارُونْ أَخُوكْ مَاتْ فِي جَبَلْ هَوْر وَ لِحِقْ أَبَّهَاتَهْ. 51 أَشَانْ إِنْتُو بِقِيتُوا خَايْنِينْ لَيِّ أَنَا فِي لُبّ بَنِي إِسْرَائِيلْ فِي عَيْن أَلْمِي مَرِيبَةْ قَرِيبْ لِحِلَّةْ قَادِشْ فِي صَحَرَاء سِينْ وَكِتْ إِنْتُو مَا قَدَّسْتُونِي فِي لُبّ بَنِي إِسْرَائِيلْ. 52 وَ خَلَاصْ إِنْتَ تِشِيفْ الْبَلَدْ مِنْ بَعِيدْ قِدَّامَكْ وَ لَاكِنْ مَا تَدْخُلْ فِي الْبَلَدْ النَّنْطِيهَا لِبَنِي إِسْرَائِيلْ دِي.»
