اللّه يحاسِب مدينة القدس
1 وَ الرُّوحْ رَفَعَانِي فَوْق وَ وَدَّانِي فِي الْبَابْ الصَّبْحَانِي هَنَا بَيْت اللّٰهْ الْمُقَابِلْ طَلُوعْ الْحَرَّايْ. وَ فِي خَشُمْ الْبَابْ دَا، أَنَا شِفْت 25 رَاجِلْ وَ فِي أُسُطْهُمْ، شِيفْ كُبَارَاتْ إِتْنَيْن هَنَا الشَّعَبْ وَ هُمَّنْ يَازَنْيَا وِلَيْد عَزُّورْ وَ فَلَطْيَا وِلَيْد بَنَايَا. 2 وَ اللّٰهْ قَالْ لَيِّ: «يَا إِبْن آدَمْ، دَوْل الرُّجَالْ الْيِخَطُّطُوا الظُّلُمْ وَ يِوَصُّوا بِالْفَسَالَةْ فِي الْمَدِينَةْ دِي. 3 وَ هُمَّنْ يُقُولُوا: ‹يَوْم الْعِقَابْ لِسَّاعْ بَعِيدْ! خَلِّي نَبْنُوا بُيُوتْنَا. أَشَانْ الْمَدِينَةْ دِي آمِنَةْ مِثِلْ بُرْمَةْ وَ أَنِحْنَ مِثِلْ اللَّحَمْ الْفِي لُبَّهَا.› 4 يَا إِبْن آدَمْ! فِي شَانْ كَلَامْهُمْ دَا، أَتْنَبَّأْ ضِدُّهُمْ! أَيْوَى، أَتْنَبَّأْ».
5 وَ رُوحْ اللّٰهْ نَزَلْ فَوْقِي وَ اللّٰهْ قَالْ لَيِّ: «حَجِّي وَ قُولْ: ‹دَاهُو اللّٰهْ قَالْ: ”يَا بَنِي إِسْرَائِيلْ، إِنْتُو حَجَّيْتُوا مِثِلْ دَا. وَ الْقَاعِدْ فِي فِكِرْكُو كُلَ، أَنَا نَعَرْفَهْ. 6 إِنْتُو كَتَّرْتُوا الْكَتِلْ فِي الْمَدِينَةْ دِي وَ مَلَيْتُوا شَوَارِعْهَا بِالْجَنَازَاتْ.“›»
7 وَ فِي شَانْ دَا، دَاهُو اللّٰهْ الرَّبّ قَالْ: «صَحِيحْ، الْمَدِينَةْ دِي، هِي مِثِلْ بُرْمَةْ وَ لَاكِنْ الْجَنَازَاتْ الدَّفَّقْتُوهُمْ فِي لُبَّهَا، هُمَّنْ بَسْ اللَّحَمْ. وَ لَاكِنْ لَيْكُو إِنْتُو كَمَانْ، أَنَا نَمْرُقْكُو مِنْهَا. 8 إِنْتُو خَايْفِينْ مِنْ الْحَرِبْ وَ بَيْدَا، أَنَا نِجِيبْ لَيْكُو الْحَرِبْ. وَ دَا كَلَامْ اللّٰهْ الرَّبّ. 9 أَنَا نَمْرُقْكُو مِنْ الْمَدِينَةْ وَ نِسَلِّمْكُو لِلْأَجَانِبْ وَ نِعَاقِبْكُو. 10 وَ يَكْتُلُوكُو بِالْسَّيْف لَحَدِّي حُدُودْ بَلَدْ إِسْرَائِيلْ! نِعَاقِبْكُو وَ بَيْدَا، تَعَرْفُوا كَدَرْ أَنَا بَسْ اللّٰهْ. 11 لَا، الْمَدِينَةْ مَا تَبْقَى لَيْكُو مِثِلْ بُرْمَةْ آمِنَةْ وَ إِنْتُو مَا تَبْقَوْا مِثِلْ لَحَمْ فِي لُبَّهَا! أَنَا نِعَاقِبْكُو لَحَدِّي حُدُودْ بَلَدْ إِسْرَائِيلْ. 12 وَ بَيْدَا، تَعَرْفُوا كَدَرْ أَنَا بَسْ اللّٰهْ. إِنْتُو مَا تَابَعْتُوا شُرُوطِي وَ لَا طَبَّقْتُوا قَوَانِينِي وَ لَاكِنْ طَبَّقْتُوا عَادَاتْ الْأُمَمْ الْمُحَوِّقِينْكُو!»
13 وَ وَكِتْ قَاعِدْ نِتْنَبَّأْ، طَوَّالِي فَلَطْيَا وِلَيْد بَنَايَا مَاتْ. وَ أَنَا وَقَعْت بِوِجْهِي فِي الْأَرْض وَ صَرَخْت بِحِسّ عَالِي وَ قُلْت: «يَا اللّٰهْ رَبِّي، تِدَوْر تِكَمِّلْ الْفَضَّلَوْا مِنْ بَنِي إِسْرَائِيلْ وَلَّا؟»
اللّه يلِمّ شعبه المُشتّتين
14 وَ اللّٰهْ حَجَّى لَيِّ وَ قَالْ: 15 «يَا إِبْن آدَمْ، سُكَّانْ مَدِينَةْ الْقُدُسْ قَاعِدِينْ يِحَجُّوا لِأَخْوَانَكْ وَ أَهَلَكْ وَ كُلَّ بَنِي إِسْرَائِيلْ الْفِي الْغُرْبَةْ وَ يُقُولُوا: ‹أَقْعُدُوا هِنَاكْ بَعِيدْ مِنْ اللّٰهْ. أَشَانْ هَسَّعْ، الْبَلَدْ دِي أَنْطَوْهَا لَيْنَا أَنِحْنَ وَرَثَةْ.›
16 «وَ فِي شَانْ دَا، قُولْ لِلنَّاسْ الْفِي الْغُرْبَةْ: ‹دَاهُو اللّٰهْ الرَّبّ قَالْ: ”حَتَّى كَانْ أَنَا بَعَّدْتُكُو فِي الْأُمَمْ وَ شَتَّتُّكُو فِي الْبُلْدَانْ كُلَ، حَضَرَتِي بِقَتْ لَيْكُو مِثِلْ بَيْت مُقَدَّسْ فِي أَيِّ بَلَدْ الْإِنْتُو مَشَيْتُوا فَوْقهَا.“› 17 وَ فِي شَانْ دَا، قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِلِمُّكُو مِنْ أُسْط الشُّعُوبْ وَ نَجْمَعْكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ وَ نَنْطِيكُو بَتَّانْ بَلَدْ إِسْرَائِيلْ. 18 وَ إِنْتُو تَجُوا فَوْقهَا وَ تِبَعُّدُوا مِنْهَا كُلَّ مُحَرَّمَاتْهَا وَ أَيِّ شَيّءْ مَكْرُوهْ. 19 وَ نَنْطِيكُو قَلِبْ وَاحِدْ وَ نُخُطّ فَوْقكُو رُوحْ جَدِيدَةْ. وَ نَمْرُقْ مِنْكُو قَلِبْكُو الْقَوِي مِثِلْ الْحَجَرْ وَ نِدِسّ لَيْكُو قَلِبْ لَيِّنْ هَنَا إِنْسَانْ 20 أَشَانْ تِتَابُعُوا شُرُوطِي وَ تَحْفَضَوْا قَوَانِينِي وَ تِطَبُّقُوهُمْ. وَ بَيْدَا، إِنْتُو تَبْقَوْا شَعَبِي وَ أَنَا نَبْقَى إِلٰـهْكُو. 21 وَ لَاكِنْ الْقَلِبْهُمْ مَرْبُوطْ بِالْمُحَرَّمَاتْ وَ أَيِّ شَيّءْ مَكْرُوهْ، أَنَا نِحَمِّلْهُمْ نَتِيجَةْ عَمَلْهُمْ.“›» وَ دَا كَلَامْ اللّٰهْ الرَّبّ.
اللّه خلّى مدينة القدس
22 وَ بَعَدْ دَا، الْمَخْلُوقِينْ السَّمَاوِيِّينْ مَطَّطَوْا جَنَاحَيْهُمْ وَ الْعَجَلَاتْ كُلَ مَشَوْا مَعَاهُمْ وَ مَجْد اللّٰهْ إِلٰـهْ بَنِي إِسْرَائِيلْ قَاعِدْ مِنْ فَوْق لَيْهُمْ. 23 وَ مَجْد اللّٰهْ قَمَّ مِنْ أُسْط الْمَدِينَةْ وَ مَشَى قَعَدْ فَوْق فِي الْجَبَلْ صَبَاحْ لِلْمَدِينَةْ.
24 وَ فِي الرُّؤْيَةْ دِي، رُوحْ اللّٰهْ رَفَعَانِي وَ قَبَّلَانِي فِي بَابِلْ بَكَانْ النَّاسْ الْوَدَّوْهُمْ فِي الْغُرْبَةْ. وَ بَعَدْ دَا، الرُّؤْيَةْ الْأَنَا شِفْتَهَا أَنْرَفَعَتْ مِنِّي. 25 وَ أَنَا كَلَّمْت لِلنَّاسْ الْوَدَّوْهُمْ فِي الْغُرْبَةْ بِكُلَّ شَيّءْ الْاللّٰهْ وَصَّفَهْ لَيِّ.
اللّه يحاسِب مدينة القدس
1 وَ الرُّوحْ رَفَعَانِي فَوْق وَ وَدَّانِي فِي الْبَابْ الصَّبْحَانِي هَنَا بَيْت اللّٰهْ الْمُقَابِلْ طَلُوعْ الْحَرَّايْ. وَ فِي خَشُمْ الْبَابْ دَا، أَنَا شِفْت 25 رَاجِلْ وَ فِي أُسُطْهُمْ، شِيفْ كُبَارَاتْ إِتْنَيْن هَنَا الشَّعَبْ وَ هُمَّنْ يَازَنْيَا وِلَيْد عَزُّورْ وَ فَلَطْيَا وِلَيْد بَنَايَا. 2 وَ اللّٰهْ قَالْ لَيِّ: «يَا إِبْن آدَمْ، دَوْل الرُّجَالْ الْيِخَطُّطُوا الظُّلُمْ وَ يِوَصُّوا بِالْفَسَالَةْ فِي الْمَدِينَةْ دِي. 3 وَ هُمَّنْ يُقُولُوا: ‹يَوْم الْعِقَابْ لِسَّاعْ بَعِيدْ! خَلِّي نَبْنُوا بُيُوتْنَا. أَشَانْ الْمَدِينَةْ دِي آمِنَةْ مِثِلْ بُرْمَةْ وَ أَنِحْنَ مِثِلْ اللَّحَمْ الْفِي لُبَّهَا.› 4 يَا إِبْن آدَمْ! فِي شَانْ كَلَامْهُمْ دَا، أَتْنَبَّأْ ضِدُّهُمْ! أَيْوَى، أَتْنَبَّأْ».
5 وَ رُوحْ اللّٰهْ نَزَلْ فَوْقِي وَ اللّٰهْ قَالْ لَيِّ: «حَجِّي وَ قُولْ: ‹دَاهُو اللّٰهْ قَالْ: ”يَا بَنِي إِسْرَائِيلْ، إِنْتُو حَجَّيْتُوا مِثِلْ دَا. وَ الْقَاعِدْ فِي فِكِرْكُو كُلَ، أَنَا نَعَرْفَهْ. 6 إِنْتُو كَتَّرْتُوا الْكَتِلْ فِي الْمَدِينَةْ دِي وَ مَلَيْتُوا شَوَارِعْهَا بِالْجَنَازَاتْ.“›»
7 وَ فِي شَانْ دَا، دَاهُو اللّٰهْ الرَّبّ قَالْ: «صَحِيحْ، الْمَدِينَةْ دِي، هِي مِثِلْ بُرْمَةْ وَ لَاكِنْ الْجَنَازَاتْ الدَّفَّقْتُوهُمْ فِي لُبَّهَا، هُمَّنْ بَسْ اللَّحَمْ. وَ لَاكِنْ لَيْكُو إِنْتُو كَمَانْ، أَنَا نَمْرُقْكُو مِنْهَا. 8 إِنْتُو خَايْفِينْ مِنْ الْحَرِبْ وَ بَيْدَا، أَنَا نِجِيبْ لَيْكُو الْحَرِبْ. وَ دَا كَلَامْ اللّٰهْ الرَّبّ. 9 أَنَا نَمْرُقْكُو مِنْ الْمَدِينَةْ وَ نِسَلِّمْكُو لِلْأَجَانِبْ وَ نِعَاقِبْكُو. 10 وَ يَكْتُلُوكُو بِالْسَّيْف لَحَدِّي حُدُودْ بَلَدْ إِسْرَائِيلْ! نِعَاقِبْكُو وَ بَيْدَا، تَعَرْفُوا كَدَرْ أَنَا بَسْ اللّٰهْ. 11 لَا، الْمَدِينَةْ مَا تَبْقَى لَيْكُو مِثِلْ بُرْمَةْ آمِنَةْ وَ إِنْتُو مَا تَبْقَوْا مِثِلْ لَحَمْ فِي لُبَّهَا! أَنَا نِعَاقِبْكُو لَحَدِّي حُدُودْ بَلَدْ إِسْرَائِيلْ. 12 وَ بَيْدَا، تَعَرْفُوا كَدَرْ أَنَا بَسْ اللّٰهْ. إِنْتُو مَا تَابَعْتُوا شُرُوطِي وَ لَا طَبَّقْتُوا قَوَانِينِي وَ لَاكِنْ طَبَّقْتُوا عَادَاتْ الْأُمَمْ الْمُحَوِّقِينْكُو!»
13 وَ وَكِتْ قَاعِدْ نِتْنَبَّأْ، طَوَّالِي فَلَطْيَا وِلَيْد بَنَايَا مَاتْ. وَ أَنَا وَقَعْت بِوِجْهِي فِي الْأَرْض وَ صَرَخْت بِحِسّ عَالِي وَ قُلْت: «يَا اللّٰهْ رَبِّي، تِدَوْر تِكَمِّلْ الْفَضَّلَوْا مِنْ بَنِي إِسْرَائِيلْ وَلَّا؟»
اللّه يلِمّ شعبه المُشتّتين
14 وَ اللّٰهْ حَجَّى لَيِّ وَ قَالْ: 15 «يَا إِبْن آدَمْ، سُكَّانْ مَدِينَةْ الْقُدُسْ قَاعِدِينْ يِحَجُّوا لِأَخْوَانَكْ وَ أَهَلَكْ وَ كُلَّ بَنِي إِسْرَائِيلْ الْفِي الْغُرْبَةْ وَ يُقُولُوا: ‹أَقْعُدُوا هِنَاكْ بَعِيدْ مِنْ اللّٰهْ. أَشَانْ هَسَّعْ، الْبَلَدْ دِي أَنْطَوْهَا لَيْنَا أَنِحْنَ وَرَثَةْ.›
16 «وَ فِي شَانْ دَا، قُولْ لِلنَّاسْ الْفِي الْغُرْبَةْ: ‹دَاهُو اللّٰهْ الرَّبّ قَالْ: ”حَتَّى كَانْ أَنَا بَعَّدْتُكُو فِي الْأُمَمْ وَ شَتَّتُّكُو فِي الْبُلْدَانْ كُلَ، حَضَرَتِي بِقَتْ لَيْكُو مِثِلْ بَيْت مُقَدَّسْ فِي أَيِّ بَلَدْ الْإِنْتُو مَشَيْتُوا فَوْقهَا.“› 17 وَ فِي شَانْ دَا، قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِلِمُّكُو مِنْ أُسْط الشُّعُوبْ وَ نَجْمَعْكُو مِنْ الْبُلْدَانْ الْإِنْتُو مُشَتَّتِينْ فَوْقهُمْ وَ نَنْطِيكُو بَتَّانْ بَلَدْ إِسْرَائِيلْ. 18 وَ إِنْتُو تَجُوا فَوْقهَا وَ تِبَعُّدُوا مِنْهَا كُلَّ مُحَرَّمَاتْهَا وَ أَيِّ شَيّءْ مَكْرُوهْ. 19 وَ نَنْطِيكُو قَلِبْ وَاحِدْ وَ نُخُطّ فَوْقكُو رُوحْ جَدِيدَةْ. وَ نَمْرُقْ مِنْكُو قَلِبْكُو الْقَوِي مِثِلْ الْحَجَرْ وَ نِدِسّ لَيْكُو قَلِبْ لَيِّنْ هَنَا إِنْسَانْ 20 أَشَانْ تِتَابُعُوا شُرُوطِي وَ تَحْفَضَوْا قَوَانِينِي وَ تِطَبُّقُوهُمْ. وَ بَيْدَا، إِنْتُو تَبْقَوْا شَعَبِي وَ أَنَا نَبْقَى إِلٰـهْكُو. 21 وَ لَاكِنْ الْقَلِبْهُمْ مَرْبُوطْ بِالْمُحَرَّمَاتْ وَ أَيِّ شَيّءْ مَكْرُوهْ، أَنَا نِحَمِّلْهُمْ نَتِيجَةْ عَمَلْهُمْ.“›» وَ دَا كَلَامْ اللّٰهْ الرَّبّ.
اللّه خلّى مدينة القدس
22 وَ بَعَدْ دَا، الْمَخْلُوقِينْ السَّمَاوِيِّينْ مَطَّطَوْا جَنَاحَيْهُمْ وَ الْعَجَلَاتْ كُلَ مَشَوْا مَعَاهُمْ وَ مَجْد اللّٰهْ إِلٰـهْ بَنِي إِسْرَائِيلْ قَاعِدْ مِنْ فَوْق لَيْهُمْ. 23 وَ مَجْد اللّٰهْ قَمَّ مِنْ أُسْط الْمَدِينَةْ وَ مَشَى قَعَدْ فَوْق فِي الْجَبَلْ صَبَاحْ لِلْمَدِينَةْ.
24 وَ فِي الرُّؤْيَةْ دِي، رُوحْ اللّٰهْ رَفَعَانِي وَ قَبَّلَانِي فِي بَابِلْ بَكَانْ النَّاسْ الْوَدَّوْهُمْ فِي الْغُرْبَةْ. وَ بَعَدْ دَا، الرُّؤْيَةْ الْأَنَا شِفْتَهَا أَنْرَفَعَتْ مِنِّي. 25 وَ أَنَا كَلَّمْت لِلنَّاسْ الْوَدَّوْهُمْ فِي الْغُرْبَةْ بِكُلَّ شَيّءْ الْاللّٰهْ وَصَّفَهْ لَيِّ.
