الكلام ضِدّ مُوَاب
1 مُحَاكَمَةْ مُوَابْ.
فِي لَيْلَةْ وَاحِدَةْ بَسْ، هِي أَدَّمَّرَتْ!
حِلَّةْ عَارْ الْفِي مُوَابْ بِقَتْ مَا فِيهَا.
أَيْوَى فِي اللَّيْلَةْ الْهِي أَدَّمَّرَتْ فَوْقهَا،
حِلَّةْ قِيرْ الْفِي مُوَابْ كُلَ بِقَتْ مَا فِيهَا!
2 وَ شَعَبْهَا قَاعِدِينْ يَبْكُوا وَ طَلَعَوْا
فِي الْبَكَانَاتْ الْعَالِيِينْ هَنَا الْعِبَادَةْ
الْفِي حِلَّةْ هَبَيْت وَ فِي حِلَّةْ دِيبُونْ.
نَاسْ مُوَابْ يُنُوحُوا
لِحِلَّالْ نَبُو وَ مِيدْبَا
وَ كُلَّ رُوسَيْهُمْ مُزَيَّنِينْ
وَ دُقُونْهُمْ مَقْطُوعِينْ مِنْ الْحِزِنْ.
3 وَ فِي الشَّوَارِعْ،
لَابْسِينْ خُلْقَانْ الْحِزِنْ
وَ فِي رُوسَيْ الْبُيُوتْ وَ النَّقَعَاتْ،
كُلُّهُمْ يُنُوحُوا وَ يَبْكُوا بِحِزِنْ.
4 وَ نَاسْ حَشْبُونْ وَ أَلِعَالَةْ
قَاعِدِينْ يِكَوْرُكُوا
وَ حِسُّهُمْ قَاعِدْ يِنْسَمِعْ
لَحَدِّي حِلَّةْ يَهَاصْ.
وَ فِي شَانْ دَا، عَسْكَرْ مُوَابْ يِعِيطُوا
وَ لَاكِنْ شَجَاعَةْ مَا عِنْدُهُمْ.
5 قَلْبِي أَنْجَرَحْ لِنَاسْ مُوَابْ.
الْمُعَرِّدِينْ مِنْهَا لِحْقَوْا
لَحَدِّي حِلَّالْ صُوغَرْ وَ عَقْلَتْ شَلِيشَةْ.
وَ قَاعِدِينْ يَطْلَعَوْا فِي قَوْز لُحِيتْ بِبَكِي
وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.
6 أَشَانْ أَلْمِي رِجِلْ نِمْرِيمْ شِرِبْ
وَ الْقَشّ يِبِسْ.
وَ الْحَيَاةْ أَبَى مَا يُقُمّ
وَ الْخَضَارْ بِقِي مَا فِيهْ.
7 وَ فِي شَانْ دَا، هُمَّنْ شَالَوْا خُمَامْهُمْ الْفَضَّلْ
وَ وَدَّوْه غَادِي لِوَادِي الْقَنَ.
8 وَ كُرَوْرَاكْهُمْ أَنْسَمَعْ
فِي كُلَّ أَرْض مُوَابْ
وَ نُوَاحْهُمْ مَشَى
لَحَدِّي حِلَّةْ أَقْلَايِمْ
وَ وَصَّلْ لَحَدِّي بِيرْ إِيلِيمْ.
9 أَلْمِي دِيبُونْ مَلَانْ دَمّ
وَ اللّٰهْ قَالْ:
«أَنَا نِنَزِّلْ فِي دِيبُونْ
مَصَايِبْ زِيَادَةْ.
الدُّودْ يَكْتُلْ
الْمُعَرِّدِينْ هَنَا مُوَابْ
وَ يَاكُلْ الْفَضَّلَوْا فِي تُرَابْهَا.»
الكلام ضِدّ مُوَاب
1 مُحَاكَمَةْ مُوَابْ.
فِي لَيْلَةْ وَاحِدَةْ بَسْ، هِي أَدَّمَّرَتْ!
حِلَّةْ عَارْ الْفِي مُوَابْ بِقَتْ مَا فِيهَا.
أَيْوَى فِي اللَّيْلَةْ الْهِي أَدَّمَّرَتْ فَوْقهَا،
حِلَّةْ قِيرْ الْفِي مُوَابْ كُلَ بِقَتْ مَا فِيهَا!
2 وَ شَعَبْهَا قَاعِدِينْ يَبْكُوا وَ طَلَعَوْا
فِي الْبَكَانَاتْ الْعَالِيِينْ هَنَا الْعِبَادَةْ
الْفِي حِلَّةْ هَبَيْت وَ فِي حِلَّةْ دِيبُونْ.
نَاسْ مُوَابْ يُنُوحُوا
لِحِلَّالْ نَبُو وَ مِيدْبَا
وَ كُلَّ رُوسَيْهُمْ مُزَيَّنِينْ
وَ دُقُونْهُمْ مَقْطُوعِينْ مِنْ الْحِزِنْ.
3 وَ فِي الشَّوَارِعْ،
لَابْسِينْ خُلْقَانْ الْحِزِنْ
وَ فِي رُوسَيْ الْبُيُوتْ وَ النَّقَعَاتْ،
كُلُّهُمْ يُنُوحُوا وَ يَبْكُوا بِحِزِنْ.
4 وَ نَاسْ حَشْبُونْ وَ أَلِعَالَةْ
قَاعِدِينْ يِكَوْرُكُوا
وَ حِسُّهُمْ قَاعِدْ يِنْسَمِعْ
لَحَدِّي حِلَّةْ يَهَاصْ.
وَ فِي شَانْ دَا، عَسْكَرْ مُوَابْ يِعِيطُوا
وَ لَاكِنْ شَجَاعَةْ مَا عِنْدُهُمْ.
5 قَلْبِي أَنْجَرَحْ لِنَاسْ مُوَابْ.
الْمُعَرِّدِينْ مِنْهَا لِحْقَوْا
لَحَدِّي حِلَّالْ صُوغَرْ وَ عَقْلَتْ شَلِيشَةْ.
وَ قَاعِدِينْ يَطْلَعَوْا فِي قَوْز لُحِيتْ بِبَكِي
وَ يَصْرَخَوْا صِرَاخْ شَدِيدْ فِي دَرِبْ حُرُنَايِمْ.
6 أَشَانْ أَلْمِي رِجِلْ نِمْرِيمْ شِرِبْ
وَ الْقَشّ يِبِسْ.
وَ الْحَيَاةْ أَبَى مَا يُقُمّ
وَ الْخَضَارْ بِقِي مَا فِيهْ.
7 وَ فِي شَانْ دَا، هُمَّنْ شَالَوْا خُمَامْهُمْ الْفَضَّلْ
وَ وَدَّوْه غَادِي لِوَادِي الْقَنَ.
8 وَ كُرَوْرَاكْهُمْ أَنْسَمَعْ
فِي كُلَّ أَرْض مُوَابْ
وَ نُوَاحْهُمْ مَشَى
لَحَدِّي حِلَّةْ أَقْلَايِمْ
وَ وَصَّلْ لَحَدِّي بِيرْ إِيلِيمْ.
9 أَلْمِي دِيبُونْ مَلَانْ دَمّ
وَ اللّٰهْ قَالْ:
«أَنَا نِنَزِّلْ فِي دِيبُونْ
مَصَايِبْ زِيَادَةْ.
الدُّودْ يَكْتُلْ
الْمُعَرِّدِينْ هَنَا مُوَابْ
وَ يَاكُلْ الْفَضَّلَوْا فِي تُرَابْهَا.»
