إشَعْيا أتْنبّأ ضِدّ بلد الحَبَشَة
1 الْعَذَابْ لِلْبَلَدْ الْفَوْقهَا
سُفُنْ الْعِنْدُهُمْ شِرَاعْ
فِي طُولْ بُحُورْ الْحَبَشَةْ!
2 دِي الْبَلَدْ التِّرَسِّلْ سُفَرَاء بِالْبَحَرْ
فِي مَرَاكِبْ هَنَا بِرْدِي
الْيَمْشِي عَجَلَةْ فِي الْأَلْمِي.
يَا رُسُلْ، أَمْشُوا عَجَلَةْ!
أَمْشُوا لِلْأُمَّةْ
النَّاسْهَا طُوَالْ وَ مُلُسْ،
لِلشَّعَبْ الْمُخِيفِينْ فِي أَيِّ بَكَانْ.
أَيْوَى، هِي أُمَّةْ قَوِيَّةْ تَرْحَكْ كُلَّ شَيّءْ
وَ بُحُورْ يُشُقُّوا بَلَدْهَا.
3 أَسْمَعَوْا، إِنْتُو كُلُّكُو
الْقَاعِدِينْ فِي الْعَالَمْ،
إِنْتُو السَّاكْنِينْ فِي الْأَرْض!
وَكِتْ الرَّايَةْ يَرْفَعَوْهَا
فِي رُوسَيْ الْجِبَالْ، شِيفُوهَا!
وَ وَكِتْ يَضُرْبُوا الْبُوقْ،
أَسْمَعَوْه!
4 أَشَانْ دَاهُو اللّٰهْ قَالْ لَيِّ:
«مِنْ بَكَانِي، أَنَا نِشِيفْ وَ نَقْعُدْ سَاكِتْ
مِثِلْ الْحَرَّايْ الشَّدِيدَةْ فِي النَّهَارْ
وَ مِثِلْ سَحَابَايِةْ الْكَرَنْج فِي حَمُو وَكِتْ الْقَطِعْ.»
5 وَ قَبُلْ الْقَطِعْ،
وَكِتْ الْعِنَبْ نَوَّرْ خَلَاصْ
وَ وَكِتْ النُّوَّارْ بِقِي عِنَبْ نَجِيضْ،
الرَّبّ يَقْطَعْ الْفُرُوعْ بِالسَّكِّينْ
وَ يَمْرُقْ الْغُصُونْ
وَ يُخُطُّهُمْ طَرَفْ.
6 وَ مِثِلْ دَا، نَاسْ الْحَبَشَةْ
يِخَلُّوهُمْ لِصُقُورَةْ الْجِبَالْ
وَ لِحَيْوَانَاتْ الْكَدَادَةْ.
الصُّقُورَةْ يَاكُلُوهُمْ فِي وَكْت الصَّيْف
وَ حَيْوَانَاتْ الْكَدَادَةْ فِي وَكْت الشِّتَاءْ.
7 وَ فِي الْوَكِتْ دَا،
تِجِيبْ هَدَايَا لِلّٰهْ الْقَادِرْ،
الْأُمَّةْ النَّاسْهَا طُوَالْ وَ مُلُسْ
وَ شَعَبْهَا مُخِيفِينْ فِي أَيِّ بَكَانْ.
وَ هِي أُمَّةْ قَوِيَّةْ تَرْحَكْ كُلَّ شَيّءْ
وَ بُحُورْ يُشُقُّوا بَلَدْهَا.
وَ هِي تِجِيبْ هَدَايَا فِي جَبَلْ صَهْيُون
فِي الْبَكَانْ الْقَاعِدْ فَوْقَهْ أُسُمْ اللّٰهْ الْقَادِرْ.
إشَعْيا أتْنبّأ ضِدّ بلد الحَبَشَة
1 الْعَذَابْ لِلْبَلَدْ الْفَوْقهَا
سُفُنْ الْعِنْدُهُمْ شِرَاعْ
فِي طُولْ بُحُورْ الْحَبَشَةْ!
2 دِي الْبَلَدْ التِّرَسِّلْ سُفَرَاء بِالْبَحَرْ
فِي مَرَاكِبْ هَنَا بِرْدِي
الْيَمْشِي عَجَلَةْ فِي الْأَلْمِي.
يَا رُسُلْ، أَمْشُوا عَجَلَةْ!
أَمْشُوا لِلْأُمَّةْ
النَّاسْهَا طُوَالْ وَ مُلُسْ،
لِلشَّعَبْ الْمُخِيفِينْ فِي أَيِّ بَكَانْ.
أَيْوَى، هِي أُمَّةْ قَوِيَّةْ تَرْحَكْ كُلَّ شَيّءْ
وَ بُحُورْ يُشُقُّوا بَلَدْهَا.
3 أَسْمَعَوْا، إِنْتُو كُلُّكُو
الْقَاعِدِينْ فِي الْعَالَمْ،
إِنْتُو السَّاكْنِينْ فِي الْأَرْض!
وَكِتْ الرَّايَةْ يَرْفَعَوْهَا
فِي رُوسَيْ الْجِبَالْ، شِيفُوهَا!
وَ وَكِتْ يَضُرْبُوا الْبُوقْ،
أَسْمَعَوْه!
4 أَشَانْ دَاهُو اللّٰهْ قَالْ لَيِّ:
«مِنْ بَكَانِي، أَنَا نِشِيفْ وَ نَقْعُدْ سَاكِتْ
مِثِلْ الْحَرَّايْ الشَّدِيدَةْ فِي النَّهَارْ
وَ مِثِلْ سَحَابَايِةْ الْكَرَنْج فِي حَمُو وَكِتْ الْقَطِعْ.»
5 وَ قَبُلْ الْقَطِعْ،
وَكِتْ الْعِنَبْ نَوَّرْ خَلَاصْ
وَ وَكِتْ النُّوَّارْ بِقِي عِنَبْ نَجِيضْ،
الرَّبّ يَقْطَعْ الْفُرُوعْ بِالسَّكِّينْ
وَ يَمْرُقْ الْغُصُونْ
وَ يُخُطُّهُمْ طَرَفْ.
6 وَ مِثِلْ دَا، نَاسْ الْحَبَشَةْ
يِخَلُّوهُمْ لِصُقُورَةْ الْجِبَالْ
وَ لِحَيْوَانَاتْ الْكَدَادَةْ.
الصُّقُورَةْ يَاكُلُوهُمْ فِي وَكْت الصَّيْف
وَ حَيْوَانَاتْ الْكَدَادَةْ فِي وَكْت الشِّتَاءْ.
7 وَ فِي الْوَكِتْ دَا،
تِجِيبْ هَدَايَا لِلّٰهْ الْقَادِرْ،
الْأُمَّةْ النَّاسْهَا طُوَالْ وَ مُلُسْ
وَ شَعَبْهَا مُخِيفِينْ فِي أَيِّ بَكَانْ.
وَ هِي أُمَّةْ قَوِيَّةْ تَرْحَكْ كُلَّ شَيّءْ
وَ بُحُورْ يُشُقُّوا بَلَدْهَا.
وَ هِي تِجِيبْ هَدَايَا فِي جَبَلْ صَهْيُون
فِي الْبَكَانْ الْقَاعِدْ فَوْقَهْ أُسُمْ اللّٰهْ الْقَادِرْ.
