سنِة نِعْمة اللّه
1 رُوحْ اللّٰهْ الرَّبّ قَاعِدْ فَوْقِي
أَشَانْ اللّٰهْ مَسَحَانِي وَ خَصَّصَانِي
لِنِبَشِّرْ الْمَسَاكِينْ.
هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ
وَ نَعْلِنْ بِالْحُرِّيَّةْ لِلْمَكْرُوبِينْ
وَ بِالطَّلَقَانْ لِلْمَسَاجِينْ.
2 أَنَا نَعْلِنْ سَنِةْ نِعْمَةْ اللّٰهْ
وَ يَوْم التَّارْ هَنَا إِلٰـهْنَا.
وَ دَا، لِنِصَبِّرْ كُلَّ الْحَزْنَانِينْ.
3 هُو رَسَّلَانِي لِنَاسْ صَهْيُون
الْقَاعِدِينْ فِي الْحِزِنْ
أَشَانْ نَنْطِيهُمْ كَدْمُولْ جَمِيلْ
بَدَلْ الرُّمَادْ الْفِي رَاسْهُمْ
وَ دِهِنْ السُّرُورْ
بَدَلْ الْحِزِنْ
وَ لُبَاسْ الشُّكُرْ
بَدَلْ الرُّوحْ الضَّعِيفَةْ.
وَ يِسَمُّوهُمْ شَدَرْ الْعَدَالَةْ
الْاللّٰهْ مَقَنَهْ لِيِوَصِّفْ مَجْدَهْ.
4 هُمَّنْ يَبْنُوا الْمُهَدَّمْ مِنْ زَمَانْ
وَ يِقَوُّمُوا الْخِرِبْ مِنْ أَوَّلْ
وَ يِجَدُّدُوا بُنَى الْمُدُنْ الْمُهَدَّمِينْ
وَ خَرْبَانِينْ مِنْ ذُرِّيَّةْ لِذُرِّيَّةْ.
5 يَا شَعَبِي، الْأَجَانِبْ يَجُوا
وَ يَسْرَحَوْا لَيْكُو بِغَنَمْكُو
أَيْوَى، عِيَالْهُمْ يَحَرْتُوا زِرَاعِتْكُو
وَ يَخْدُمُوا لَيْكُو فِي جِنَيْنَاتْ عِنَبْكُو.
6 وَ كَنْ لَيْكُو إِنْتُو، يِنَادُوكُو
رُجَالْ الدِّينْ هَنَا اللّٰهْ
وَ خَدَّامِينْ إِلٰـهْنَا.
تَاكُلُوا غُنَى الْأُمَمْ
وَ تِفَاشُرُوا بِقُدْرِتْهُمْ.
7 وَ اللّٰهْ قَالْ:
«بَدَلْ الْعَيْب،
تَلْقَوْا قِسِمْكُو مَرَّتَيْن
وَ بَدَلْ الْإِهَانَةْ،
الْفَرَحْ يَبْقَى قِسِمْكُو.
أَشَانْ دَا، تَوْرُثُوا مَرَّتَيْن مِنْ بَلَدْكُو
وَ فَرْحِتْكُو تَقْعُدْ إِلَى الْأَبَدْ.
8 أَشَانْ أَنَا اللّٰهْ نِحِبّ الْعَدَالَةْ
وَ نَكْرَهْ السِّرْقَةْ وَ الْجَرِيمَةْ.
نَنْطِيهُمْ مُكَافَاتْهُمْ بِصِدِقْ
وَ نِسَوِّي مَعَاهُمْ مُعَاهَدَةْ دَايْمَةْ.
9 ذُرِّيِّتْهُمْ تُكُونْ مَعْرُوفَةْ بَيْن الْأُمَمْ
وَ عِيَالْهُمْ مَعْرُوفِينْ أُسْط الشُّعُوبْ.
كُلَّ الْيِشِيفُوهُمْ يَعَرْفُوا
كَدَرْ هُمَّنْ ذُرِّيَّةْ الْبَارَكَاهَا اللّٰهْ.»
10 أَيْوَى، أَنَا نَفْرَحْ زِيَادَةْ بِاللّٰهْ
وَ نَفْسِي تَفْرَحْ بِإِلٰـهِي.
أَشَانْ هُو لَبَّسَانِي خُلْقَانْ النَّجَاةْ
وَ كَسَانِي بِجَلَّابِيَّةْ الْعَدَالَةْ.
هُو جَمَّلَانِي بِكَدْمُولْ مِثِلْ عَرِيسْ
أَيْوَى، مِثِلْ كَدْمُولْ رَاجِلْ الدِّينْ
وَ مِثِلْ الْعَرُوسْ الْمُجَمَّلَةْ بِزِينِتْهَا.
11 أَيْوَى، مِثِلْ الْأَرْض تَمْرُقْ بِذْرِتْهَا
وَ مِثِلْ الْجِنَيْنَةْ تَمْرُقْ تَيْرَابْهَا،
مِثِلْ دَا، اللّٰهْ الرَّبّ كُلَ يِبَيِّنْ عَدَالْتَهْ
وَ كُلَّ الْأُمَمْ يَشْكُرُوهْ.
سنِة نِعْمة اللّه
1 رُوحْ اللّٰهْ الرَّبّ قَاعِدْ فَوْقِي
أَشَانْ اللّٰهْ مَسَحَانِي وَ خَصَّصَانِي
لِنِبَشِّرْ الْمَسَاكِينْ.
هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ
وَ نَعْلِنْ بِالْحُرِّيَّةْ لِلْمَكْرُوبِينْ
وَ بِالطَّلَقَانْ لِلْمَسَاجِينْ.
2 أَنَا نَعْلِنْ سَنِةْ نِعْمَةْ اللّٰهْ
وَ يَوْم التَّارْ هَنَا إِلٰـهْنَا.
وَ دَا، لِنِصَبِّرْ كُلَّ الْحَزْنَانِينْ.
3 هُو رَسَّلَانِي لِنَاسْ صَهْيُون
الْقَاعِدِينْ فِي الْحِزِنْ
أَشَانْ نَنْطِيهُمْ كَدْمُولْ جَمِيلْ
بَدَلْ الرُّمَادْ الْفِي رَاسْهُمْ
وَ دِهِنْ السُّرُورْ
بَدَلْ الْحِزِنْ
وَ لُبَاسْ الشُّكُرْ
بَدَلْ الرُّوحْ الضَّعِيفَةْ.
وَ يِسَمُّوهُمْ شَدَرْ الْعَدَالَةْ
الْاللّٰهْ مَقَنَهْ لِيِوَصِّفْ مَجْدَهْ.
4 هُمَّنْ يَبْنُوا الْمُهَدَّمْ مِنْ زَمَانْ
وَ يِقَوُّمُوا الْخِرِبْ مِنْ أَوَّلْ
وَ يِجَدُّدُوا بُنَى الْمُدُنْ الْمُهَدَّمِينْ
وَ خَرْبَانِينْ مِنْ ذُرِّيَّةْ لِذُرِّيَّةْ.
5 يَا شَعَبِي، الْأَجَانِبْ يَجُوا
وَ يَسْرَحَوْا لَيْكُو بِغَنَمْكُو
أَيْوَى، عِيَالْهُمْ يَحَرْتُوا زِرَاعِتْكُو
وَ يَخْدُمُوا لَيْكُو فِي جِنَيْنَاتْ عِنَبْكُو.
6 وَ كَنْ لَيْكُو إِنْتُو، يِنَادُوكُو
رُجَالْ الدِّينْ هَنَا اللّٰهْ
وَ خَدَّامِينْ إِلٰـهْنَا.
تَاكُلُوا غُنَى الْأُمَمْ
وَ تِفَاشُرُوا بِقُدْرِتْهُمْ.
7 وَ اللّٰهْ قَالْ:
«بَدَلْ الْعَيْب،
تَلْقَوْا قِسِمْكُو مَرَّتَيْن
وَ بَدَلْ الْإِهَانَةْ،
الْفَرَحْ يَبْقَى قِسِمْكُو.
أَشَانْ دَا، تَوْرُثُوا مَرَّتَيْن مِنْ بَلَدْكُو
وَ فَرْحِتْكُو تَقْعُدْ إِلَى الْأَبَدْ.
8 أَشَانْ أَنَا اللّٰهْ نِحِبّ الْعَدَالَةْ
وَ نَكْرَهْ السِّرْقَةْ وَ الْجَرِيمَةْ.
نَنْطِيهُمْ مُكَافَاتْهُمْ بِصِدِقْ
وَ نِسَوِّي مَعَاهُمْ مُعَاهَدَةْ دَايْمَةْ.
9 ذُرِّيِّتْهُمْ تُكُونْ مَعْرُوفَةْ بَيْن الْأُمَمْ
وَ عِيَالْهُمْ مَعْرُوفِينْ أُسْط الشُّعُوبْ.
كُلَّ الْيِشِيفُوهُمْ يَعَرْفُوا
كَدَرْ هُمَّنْ ذُرِّيَّةْ الْبَارَكَاهَا اللّٰهْ.»
10 أَيْوَى، أَنَا نَفْرَحْ زِيَادَةْ بِاللّٰهْ
وَ نَفْسِي تَفْرَحْ بِإِلٰـهِي.
أَشَانْ هُو لَبَّسَانِي خُلْقَانْ النَّجَاةْ
وَ كَسَانِي بِجَلَّابِيَّةْ الْعَدَالَةْ.
هُو جَمَّلَانِي بِكَدْمُولْ مِثِلْ عَرِيسْ
أَيْوَى، مِثِلْ كَدْمُولْ رَاجِلْ الدِّينْ
وَ مِثِلْ الْعَرُوسْ الْمُجَمَّلَةْ بِزِينِتْهَا.
11 أَيْوَى، مِثِلْ الْأَرْض تَمْرُقْ بِذْرِتْهَا
وَ مِثِلْ الْجِنَيْنَةْ تَمْرُقْ تَيْرَابْهَا،
مِثِلْ دَا، اللّٰهْ الرَّبّ كُلَ يِبَيِّنْ عَدَالْتَهْ
وَ كُلَّ الْأُمَمْ يَشْكُرُوهْ.
