أصْنام مِيكَا
1 فِيَّهْ رَاجِلْ وَاحِدْ مِنْ جِبَالْ أَفْرَايِمْ أُسْمَهْ مِيكَا. 2 وَ الرَّاجِلْ دَا قَالْ لِأَمَّهْ: «أَنَا سِمِعْتِكِ تَلْعَنَيْ النَّادُمْ السِّرِقْ مِنْكِ 1 100 حَجَرْ فُضَّةْ. الْفُضَّةْ دِي فِي بَكَانِي. أَنَا بَسْ شِلْتَهَا.» وَ أَمَّهْ قَالَتْ لَيَّهْ: «اللّٰهْ يِبَارِكَكْ، يَا وِلَيْدِي.» 3 وَ هُو قَبَّلْ الْأَلِفْ وَ مِيَةْ حَجَرْ فُضَّةْ لِأَمَّهْ وَ لَاكِنْ هِي قَالَتْ لَيَّهْ: «أَنَا خَصَّصْت الْفُضَّةْ دِي لِلّٰهْ وَ نَنْطِيهَا لَيْك إِنْتَ وِلَيْدِي أَشَانْ تَصْنَعْ بَيْهَا صَنَمْ وَ تِمْثَالْ هَنَا حَدِيدْ. وَ دَاهُو أَنَا نِقَبِّلْهَا لَيْك.» 4 وَ مِثِلْ دَا، وَكِتْ هُو قَبَّلْ الْفُضَّةْ لِأَمَّهْ، هِي شَالَتْ 200 حَجَرْ فُضَّةْ وَ أَنْطَتْهُمْ لِلْحَدَّادِي. وَ هُو صَنَعْ بَيْهَا صَنَمْ وَ تِمْثَالْ هَنَا حَدِيدْ وَ خَطَّوْهُمْ فِي بَيْت مِيكَا. 5 وَ مِيكَا عِنْدَهْ بَيْت هَنَا إِلٰـهَهْ. هُو صَنَعْ فَرْمَلَةْ هَنَا رَاجِلْ الدِّينْ وَ تَمَاثِيلْ وَ دَرَّجْ وَاحِدْ مِنْ أَوْلَادَهْ لِيَبْقَى لَيَّهْ رَاجِلْ دِينْ. 6 وَ فِي الْوَكِتْ دَا، مَا فِي مَلِكْ فِي إِسْرَائِيلْ وَ أَيِّ نَادُمْ بِسَوِّي شَيّءْ الْهُو بِدَوْرَهْ.
7 وَ فِيَّهْ صَبِي وَاحِدْ لَاوِي السَّاكِنْ فِي بَيْت لَحَمْ فِي تُرَابْ قَبِيلَةْ يَهُوذَا. 8 وَ يَوْم وَاحِدْ، النَّادُمْ دَا قَمَّ مَشَى مِنْ بَيْت لَحَمْ فِي تُرَابْ يَهُوذَا لِيِفَتِّشْ بَكَانْ آخَرْ يَسْكُنْ فَوْقَهْ. وَ وَكِتْ جَاءْ فِي جِبَالْ أَفْرَايِمْ، صُدْفَةْ فِي دَرْبَهْ هُو لِقِي بَيْت مِيكَا.
9 وَ مِيكَا قَالْ لَيَّهْ: «إِنْتَ جَايِ مِنْ وَيْن؟» وَ هُو قَالْ لَيَّهْ: «أَنَا لَاوِي مِنْ بَيْت لَحَمْ فِي تُرَابْ يَهُوذَا وَ مَاشِي نِفَتِّشْ بَكَانْ نَسْكُنْ فَوْقَهْ.» 10 وَ خَلَاصْ، مِيكَا قَالْ لَيَّهْ: «أَقْعُدْ مَعَايِ وَ أَبْقَى لَيِّ أَبُو وَ رَاجِلْ دِينْ. وَ أَنَا نَنْطِيكْ عَشَرَةْ حَجَرْ فُضَّةْ فِي أَيِّ سَنَةْ وَ خُلْقَانْ وَ أَكِلْ.» وَ اللَّاوِي دَخَلْ بَيْتَهْ. 11 وَ هُو قَصَّدْ يَقْعُدْ مَعَ مِيكَا وَ هُو جَعَلَهْ مِثِلْ وَاحِدْ مِنْ أَوْلَادَهْ. 12 وَ مِيكَا دَرَّجْ اللَّاوِي دَا رَاجِلْ دِينْ وَ قَعَّدَهْ مَعَايَهْ فِي بَيْتَهْ. 13 وَ مِيكَا قَالْ: «هَسَّعْ دَا، أَنَا نَعَرِفْ كَدَرْ اللّٰهْ يِسَوِّي لَيِّ الْخَيْر أَشَانْ اللَّاوِي دَا بِقِي لَيِّ رَاجِلْ دِينْ.»
أصْنام مِيكَا
1 فِيَّهْ رَاجِلْ وَاحِدْ مِنْ جِبَالْ أَفْرَايِمْ أُسْمَهْ مِيكَا. 2 وَ الرَّاجِلْ دَا قَالْ لِأَمَّهْ: «أَنَا سِمِعْتِكِ تَلْعَنَيْ النَّادُمْ السِّرِقْ مِنْكِ 1 100 حَجَرْ فُضَّةْ. الْفُضَّةْ دِي فِي بَكَانِي. أَنَا بَسْ شِلْتَهَا.» وَ أَمَّهْ قَالَتْ لَيَّهْ: «اللّٰهْ يِبَارِكَكْ، يَا وِلَيْدِي.» 3 وَ هُو قَبَّلْ الْأَلِفْ وَ مِيَةْ حَجَرْ فُضَّةْ لِأَمَّهْ وَ لَاكِنْ هِي قَالَتْ لَيَّهْ: «أَنَا خَصَّصْت الْفُضَّةْ دِي لِلّٰهْ وَ نَنْطِيهَا لَيْك إِنْتَ وِلَيْدِي أَشَانْ تَصْنَعْ بَيْهَا صَنَمْ وَ تِمْثَالْ هَنَا حَدِيدْ. وَ دَاهُو أَنَا نِقَبِّلْهَا لَيْك.» 4 وَ مِثِلْ دَا، وَكِتْ هُو قَبَّلْ الْفُضَّةْ لِأَمَّهْ، هِي شَالَتْ 200 حَجَرْ فُضَّةْ وَ أَنْطَتْهُمْ لِلْحَدَّادِي. وَ هُو صَنَعْ بَيْهَا صَنَمْ وَ تِمْثَالْ هَنَا حَدِيدْ وَ خَطَّوْهُمْ فِي بَيْت مِيكَا. 5 وَ مِيكَا عِنْدَهْ بَيْت هَنَا إِلٰـهَهْ. هُو صَنَعْ فَرْمَلَةْ هَنَا رَاجِلْ الدِّينْ وَ تَمَاثِيلْ وَ دَرَّجْ وَاحِدْ مِنْ أَوْلَادَهْ لِيَبْقَى لَيَّهْ رَاجِلْ دِينْ. 6 وَ فِي الْوَكِتْ دَا، مَا فِي مَلِكْ فِي إِسْرَائِيلْ وَ أَيِّ نَادُمْ بِسَوِّي شَيّءْ الْهُو بِدَوْرَهْ.
7 وَ فِيَّهْ صَبِي وَاحِدْ لَاوِي السَّاكِنْ فِي بَيْت لَحَمْ فِي تُرَابْ قَبِيلَةْ يَهُوذَا. 8 وَ يَوْم وَاحِدْ، النَّادُمْ دَا قَمَّ مَشَى مِنْ بَيْت لَحَمْ فِي تُرَابْ يَهُوذَا لِيِفَتِّشْ بَكَانْ آخَرْ يَسْكُنْ فَوْقَهْ. وَ وَكِتْ جَاءْ فِي جِبَالْ أَفْرَايِمْ، صُدْفَةْ فِي دَرْبَهْ هُو لِقِي بَيْت مِيكَا.
9 وَ مِيكَا قَالْ لَيَّهْ: «إِنْتَ جَايِ مِنْ وَيْن؟» وَ هُو قَالْ لَيَّهْ: «أَنَا لَاوِي مِنْ بَيْت لَحَمْ فِي تُرَابْ يَهُوذَا وَ مَاشِي نِفَتِّشْ بَكَانْ نَسْكُنْ فَوْقَهْ.» 10 وَ خَلَاصْ، مِيكَا قَالْ لَيَّهْ: «أَقْعُدْ مَعَايِ وَ أَبْقَى لَيِّ أَبُو وَ رَاجِلْ دِينْ. وَ أَنَا نَنْطِيكْ عَشَرَةْ حَجَرْ فُضَّةْ فِي أَيِّ سَنَةْ وَ خُلْقَانْ وَ أَكِلْ.» وَ اللَّاوِي دَخَلْ بَيْتَهْ. 11 وَ هُو قَصَّدْ يَقْعُدْ مَعَ مِيكَا وَ هُو جَعَلَهْ مِثِلْ وَاحِدْ مِنْ أَوْلَادَهْ. 12 وَ مِيكَا دَرَّجْ اللَّاوِي دَا رَاجِلْ دِينْ وَ قَعَّدَهْ مَعَايَهْ فِي بَيْتَهْ. 13 وَ مِيكَا قَالْ: «هَسَّعْ دَا، أَنَا نَعَرِفْ كَدَرْ اللّٰهْ يِسَوِّي لَيِّ الْخَيْر أَشَانْ اللَّاوِي دَا بِقِي لَيِّ رَاجِلْ دِينْ.»
