قَرَار بِلَاطُس
1 وَ بِلَاطُسْ وَدَّى عِيسَى دَاخَلْ وَ أَمَرْ عَسْكَرَهْ أَشَانْ يَجْلُدُوهْ. 2 وَ وَكِتْ جَلَدَوْه خَلَاصْ، الْعَسْكَرْ سَوَّوْا لَيَّهْ تَاجْ هَنَا شَوْك مَضْفُورْ وَ خَطَّوْه فِي رَاسَهْ وَ لَبَّسَوْه خَلَقْ لَوْنَهْ قَرَضِي مِثِلْ خَلَقْ الْمَلِكْ. 3 وَ يَجُوا قِدَّامَهْ وَ يُقُولُوا: «سَلَامْ عَلَيْك، يَا مَلِكْ الْيَهُودْ!» وَ قَاعِدِينْ يُدُقُّوهْ أَمْ كُفُوفْ.
4 وَ بِلَاطُسْ مَرَقْ بَتَّانْ. وَ حَجَّى لِلنَّاسْ وَ قَالْ: «شِيفُوهْ، نَمُرْقَهْ لَيْكُو أَشَانْ تَعَرْفُوا أَنَا مَا لِقِيتْ فَوْقَهْ جَرِيمَةْ.» 5 وَ عِيسَى مَرَقْ لَابِسْ التَّاجْ السَّوَّوْه مِنْ الشَّوْك وَ الْخَلَقْ الْقَرَضِي. وَ بِلَاطُسْ حَجَّى لَيْهُمْ وَ قَالْ: «دَاهُو الرَّاجِلْ.»
6 وَ كُبَارَاتْ رُجَالْ الدِّينْ وَ خَدَّامِينْهُمْ شَافَوْه وَ عَاطَوْا فَوْقَهْ وَ قَالَوْا: «أَكْتُلَهْ فِي الصَّلِيبْ! أَكْتُلَهْ فِي الصَّلِيبْ!» وَ بِلَاطُسْ قَالْ: «إِنْتُو بَسْ شِيلُوهْ وَ أَكْتُلُوهْ فِي الصَّلِيبْ. كَنْ لَيِّ أَنَا، مَا لِقِيتْ فَوْقَهْ خَطَا الْوَاجِبْ لَيَّهْ الْمَوْت.» 7 وَ لَاكِنْ الْيَهُودْ رَدَّوْا لَيَّهْ وَ قَالَوْا: «عِنْدِنَا قَانُونْ وَ حَسَبْ الْقَانُونْ دَا، هُو وَاجِبْ يُمُوتْ أَشَانْ هُو سَوَّى نَفْسَهْ إِبْن اللّٰهْ.»
8 وَ وَكِتْ بِلَاطُسْ سِمِعْ الْكَلَامْ دَا، خَوْف شَدِيدْ كَرَبَهْ بِزِيَادَةْ. 9 وَ بِلَاطُسْ قَبَّلْ فِي قَصْرَهْ وَ سَأَلْ عِيسَى وَ قَالْ: «إِنْتَ جِيتْ مِنْ وَيْن؟» وَ لَاكِنْ عِيسَى مَا رَدَّ لَيَّهْ. 10 وَ أَشَانْ دَا، بِلَاطُسْ قَالْ: «مَا تِدَوْر تِحَجِّي لَيِّ وَلَّا؟ إِنْتَ مَا فِهِمْت عِنْدِي سُلْطَةْ فَوْقَكْ وَ أَنَا نَقْدَرْ نَطِلْقَكْ أَوْ نَكْتُلَكْ فِي الصَّلِيبْ وَلَّا؟» 11 وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»
12 وَ وَكِتْ بِلَاطُسْ سِمِعْ الْكَلَامْ دَا، هُو دَوَّرْ يَطْلِقْ عِيسَى لَاكِنْ الْيَهُودْ رَدَّوْا لَيَّهْ بِحِسّ عَالِي وَ قَالَوْا: «كَنْ تَطْلِقْ النَّادُمْ دَا، إِنْتَ مَا تِرِيدْ سُلْطَانْ الرَّوْمَانِيِّينْ! كَنْ نَادُمْ يِسَوِّي نَفْسَهْ مَلِكْ، هُو يِسَوِّي نَفْسَهْ عَدُو لِسُلْطَانْ الرَّوْمَانِيِّينْ.»
حكموا للمسيح بالمَوْت
13 وَكِتْ بِلَاطُسْ سِمِعْ الْكَلَامْ دَا، هُو مَرَقْ عِيسَى وَ قَعَدْ فِي كُرْسِي الشَّرِيعَةْ الْقَاعِدْ فِي الْفَضَايْ الْمُعَدَّلَةْ بِحُجَارْ وَ بِكَلَامْ عِبْرَانِي أُسُمْهَا قَبَّاثَةْ. 14 وَ الْيَوْم دَا، يَوْم الْيِجَهُّزُوا فَوْقَهْ عِيدْ الْفِصْحَ وَ الْوَطَاةْ قَايْلَةْ. وَ بِلَاطُسْ حَجَّى لِلْيَهُودْ وَ قَالْ: «شِيفُوهْ، دَاهُو مَلِكُّو!» 15 وَ عَاطَوْا وَ قَالَوْا: «أَكْتُلَهْ! أَكْتُلَهْ! أَكْتُلَهْ فِي الصَّلِيبْ!» وَ بِلَاطُسْ سَأَلَاهُمْ وَ قَالْ: «تِدَوْرُوا أَنَا نَكْتُلْ مَلِكُّو فِي صَلِيبْ وَلَّا؟» وَ كُبَارَاتْ رُجَالْ الدِّينْ رَدَّوْا لَيَّهْ وَ قَالَوْا: «مَا عِنْدِنَا مَلِكْ إِلَّا سُلْطَانْ الرَّوْمَانِيِّينْ.» 16 وَ خَلَاصْ، بِلَاطُسْ سَلَّمْ عِيسَى لِلْعَسْكَرْ أَشَانْ يَكْتُلُوهْ فِي الصَّلِيبْ. وَ قَمَّوْا شَالَوْه.
المسيح صلبوه
17 وَ عِيسَى شَايِلْ الصَّلِيبْ الدَّوَّرَوْا يَكْتُلُوهْ فَوْقَهْ. وَ وَدَّوْه فِي بَكَانْ وَاحِدْ أُسْمَهْ بَكَانْ الْجُمْجُمَةْ وَ بِكَلَامْ عِبْرَانِي أُسْمَهْ جُلْجُثَةْ. 18 وَ فِي الْبَكَانْ دَا، طَقَّوْا عِيسَى فِي الصَّلِيبْ وَ طَقَّوْا مَعَايَهْ نَاسَيْن، وَاحِدْ طَقَّوْه فِي صَلِيبْ بِنُصَّهْ الزَّيْنَايْ وَ التَّانِي فِي صَلِيبْ آخَرْ بِنُصَّهْ الْإِسْرَايْ. وَ هُو فِي أُسُطْهُمْ. 19 وَ بِلَاطُسْ خَطَّ مَكْتُوبْ وَاحِدْ فِي رَاسْ الصَّلِيبْ. وَ الْكَلَامْ الْمَكْتُوبْ فَوْقَهْ يُقُولْ: «عِيسَى مِنْ النَّاصِرَةْ، مَلِكْ الْيَهُودْ.» 20 وَ صَلَبَوْا عِيسَى قَرِيبْ لِلْمَدِينَةْ وَ أَشَانْ دَا، يَهُودْ كَتِيرِينْ قَرَوْا الْكَلَامْ الْمَكْتُوبْ دَا. وَ كَتَبَوْه بِكَلَامْ عِبْرَانِي وَ كَلَامْ لَاتِينِي وَ كَلَامْ يُونَانِي.
21 وَ كُبَارَاتْ رُجَالْ الدِّينْ حَجَّوْا لِبِلَاطُسْ وَ قَالَوْا: «مَا تَكْتِبْ: ‹مَلِكْ الْيَهُودْ.› لَاكِنْ أَكْتِبْ: ‹النَّادُمْ دَا قَالْ هُو مَلِكْ الْيَهُودْ.›» 22 وَ بِلَاطُسْ رَدَّ لَيْهُمْ وَ قَالْ: «الْكَلَامْ الْكَتَبْتَهْ مَا نِغَيِّرَهْ.»
23 وَ وَكِتْ الْعَسْكَرْ الْأَرْبَعَةْ صَلَبَوْا عِيسَى خَلَاصْ، هُمَّنْ شَالَوْا خُلْقَانَهْ وَ قَسَّمَوْهُمْ أَمْبَيْنَاتْهُمْ. وَ جَوَّانِيّتَهْ بَسْ فَضَّلَتْ. وَ الْجَوَّانِيَّةْ هِي كُلَّهَا مَتْرُورَةْ وَ مَا عِنْدَهَا خِيَاطَةْ. 24 وَ أَشَانْ دَا، حَجَّوْا أَمْبَيْنَاتْهُمْ وَ قَالَوْا: «مَا نِشَرُّطُوهَا. نِسَوُّوا أَمْ عِيَيْدَاتْ وَ النَّادُمْ الْوَقَعَتْ فِي قِسْمَهْ يِشِيلْهَا.» وَ بِمِثِلْ دَا، كَلَامْ الْكِتَابْ تَمَّ الْبُقُولْ: <هُمَّنْ قَسَّمَوْا خُلْقَانِي أَمْبَيْنَاتْهُمْ وَ سَوَّوْا أَمْ عِيَيْدَاتْ لِلُبَاسِي.> وَ دَا بَسْ الشَّيّءْ السَّوَّوْه الْعَسْكَرْ.
25 وَ فِيَّهْ عَوِينْ وَاقْفَاتْ قَرِيبْ لِلصَّلِيبْ الْعِيسَى قَاعِدْ فَوْقَهْ. وَ هِنَّ أَمَّهْ مَرْيَمْ وَ خَالْتَهْ وَ مَرْيَمْ مَرِةْ كُلُوبَا وَ مَرْيَمْ الْمَقْدَلِيَّةْ. 26 وَ عِيسَى شَافْ أَمَّهْ وَ شَافْ التِّلْمِيذْ الْهُو يِحِبَّهْ وَاقِفْ قَرِيبْ لَيْهَا. وَ حَجَّى لِأَمَّهْ وَ قَالْ: «مَرَةْ زَيْنَةْ شِيفِيهْ، دَا وِلَيْدكِ.» 27 وَ حَجَّى لِتِلْمِيذَهْ وَ قَالْ: «شِيفْهَا، دِي أَمَّكْ.» وَ التِّلْمِيذْ وَدَّاهَا فِي بَيْتَهْ وَ مِنْ الْيَوْم دَا، هِي سَكَنَتْ مَعَايَهْ.
مَوْت المسيح
28 وَ عِيسَى عِرِفْ كُلَّ شَيّءْ كَمَّلْ. وَ هُو حَجَّى بَتَّانْ أَشَانْ الْكَلَامْ الْمَكْتُوبْ فِي سَبَبَهْ فِي الْكِتَابْ يِتِمّ. وَ هُو قَالْ: «أَنَا عَطْشَانْ.» 29 وَ فِي الْبَكَانْ دَا، فِي مَاعُونْ مَلَانْ بِشَرَابْ حَامُضْ. وَ بَلَّوْا قِطْعَةْ فِي الشَّرَابْ الْحَامُضْ دَا وَ شَعَقَوْهَا فِي رَاسْ عَقَيْقَايْ هَنَا زُوفَةْ وَ رَفَعَوْهَا فَوْق قَرِيبْ لِخَشُمْ عِيسَى. 30 وَ عِيسَى شِرِبْ مِنْ الشَّرَابْ الْحَامُضْ دَا وَ قَالْ: «كُلَّ شَيّءْ تَمَّ خَلَاصْ.» وَ دَنْقَرْ رَاسَهْ وَ أَنْطَى الرُّوحْ.
31 وَ دَا الْيَوْم الْيِجَهُّزُوا فَوْقَهْ لِيَوْم السَّبْت. وَ أَمْبَاكِرْ، يَوْم كَبِيرْ فِي الْعِيدْ. وَ الْيَهُودْ مَا دَوَّرَوْا الْجَنَازَاتْ دَوْل يَقْعُدُوا فِي الصَّلِيبْ فِي يَوْم السَّبْت. وَ أَشَانْ دَا، طَلَبَوْا مِنْ بِلَاطُسْ يِكَسُّرُوا رِجِلَيْن الْمَصْلُوبِينْ أَشَانْ يُمُوتُوا عَجَلَةْ وَ خَلَاصْ الْجَنَازَاتْ يِدَلُّوهُمْ. 32 وَ الْعَسْكَرْ جَوْا لِأَوَّلْ نَادُمْ الصَّلَبَوْه مَعَ عِيسَى وَ كَسَّرَوْا رِجِلَيْنَهْ وَ سَوَّوْا نَفْس الشَّيّءْ لِلتَّانِي. 33 وَ لَاكِنْ وَكِتْ جَوْا لِعِيسَى، شَافَوْا هُو مَيِّتْ خَلَاصْ. وَ أَشَانْ دَا مَا كَسَّرَوْا رِجِلَيْنَهْ. 34 لَاكِنْ عَسْكَرِي وَاحِدْ طَعَنَهْ فِي نَايْطَهْ بِحَرْبَةْ وَ طَوَّالِي دَفَّقْ مِنَّهْ دَمّ وَ أَلْمِي.
35 الشَّافَهْ بِعَيْنَهْ شَاهِدْ لَيَّهْ وَ شَهَادْتَهْ صَحِيحَةْ وَ هُو يَعَرِفْ كَلَامَهْ صَحِيحْ وَ هُو يَشْهَدْ أَشَانْ إِنْتُو كُلَ تِآمُنُوا. 36 وَ الشَّيّءْ دَا بِقِي أَشَانْ كَلَامْ الْمَكْتُوبْ فِي الْكِتَابْ وَاجِبْ يِتِمّ. وَ الْكَلَامْ دَا بُقُولْ: <وَاحِدْ مِنْ عُضَامَهْ كُلَ مَا يِنْكَسِرْ.> 37 وَ الْكِتَابْ كُلَ بُقُولْ: <يِشِيفُوا النَّادُمْ الطَّعَنَوْه.>
المسيح دفنوه
38 وَ بَعَدْ دَا، يُوسُفْ الْمِنْ حِلَّةْ الرَّامَةْ مَشَى لِبِلَاطُسْ وَ طَلَبْ مِنَّهْ جَنَازَةْ عِيسَى. هُو تِلْمِيذْ عِيسَى وَ لَاكِنْ قَاعِدْ يِتَابِعَهْ بِسِرّ أَشَانْ هُو خَايِفْ مِنْ الْيَهُودْ. وَ بِلَاطُسْ أَنْطَاهْ إِذِنْ وَ يُوسُفْ مَشَى شَالْ الْجَنَازَةْ. 39 وَ نِقُدِيمُسْ النَّادُمْ الْيَوْم وَاحِدْ مَشَى حَجَّى مَعَ عِيسَى بِاللَّيْل، هُو كُلَ مَشَى مَعَايَهْ وَ جَابْ 30 كِيلَوْ هَنَا دِهِنْ الْمُخَلْبَطْ بِصِبِرْ وَ بِرِيحَةْ أُسُمْهَا عُودْ. 40 وَ شَالَوْا جَنَازَةْ عِيسَى وَ بَلَّوْا قَبَقْ طَوِيلْ فِي الدِّهِنْ دَا وَ لَفَّوْا بَيَّهْ الْجَنَازَةْ. وَ بِمِثِلْ دَا، كَفَّنَوْه حَسَبْ عَادَاتْ الْيَهُودْ. 41 وَ فِيَّهْ جِنَيْنَةْ قَرِيبْ لِلْبَكَانْ الصَّلَبَوْا فَوْقَهْ عِيسَى. وَ فِي الْجِنَيْنَةْ فِي قَبُرْ جَدِيدْ قَاعِدْ وَ لِسَّاعْ مَا دَفَنَوْا فَوْقَهْ نَادُمْ. 42 وَ الْقَبُرْ دَا قَرِيبْ. وَ الْيَوْم الْيَهُودْ يِجَهُّزُوا فَوْقَهْ لِيَوْم السَّبْت قَرِيبْ يِكَمِّلْ. وَ أَشَانْ دَا، دَفَنَوْا عِيسَى فِي الْبَكَانْ دَا.
قَرَار بِلَاطُس
1 وَ بِلَاطُسْ وَدَّى عِيسَى دَاخَلْ وَ أَمَرْ عَسْكَرَهْ أَشَانْ يَجْلُدُوهْ. 2 وَ وَكِتْ جَلَدَوْه خَلَاصْ، الْعَسْكَرْ سَوَّوْا لَيَّهْ تَاجْ هَنَا شَوْك مَضْفُورْ وَ خَطَّوْه فِي رَاسَهْ وَ لَبَّسَوْه خَلَقْ لَوْنَهْ قَرَضِي مِثِلْ خَلَقْ الْمَلِكْ. 3 وَ يَجُوا قِدَّامَهْ وَ يُقُولُوا: «سَلَامْ عَلَيْك، يَا مَلِكْ الْيَهُودْ!» وَ قَاعِدِينْ يُدُقُّوهْ أَمْ كُفُوفْ.
4 وَ بِلَاطُسْ مَرَقْ بَتَّانْ. وَ حَجَّى لِلنَّاسْ وَ قَالْ: «شِيفُوهْ، نَمُرْقَهْ لَيْكُو أَشَانْ تَعَرْفُوا أَنَا مَا لِقِيتْ فَوْقَهْ جَرِيمَةْ.» 5 وَ عِيسَى مَرَقْ لَابِسْ التَّاجْ السَّوَّوْه مِنْ الشَّوْك وَ الْخَلَقْ الْقَرَضِي. وَ بِلَاطُسْ حَجَّى لَيْهُمْ وَ قَالْ: «دَاهُو الرَّاجِلْ.»
6 وَ كُبَارَاتْ رُجَالْ الدِّينْ وَ خَدَّامِينْهُمْ شَافَوْه وَ عَاطَوْا فَوْقَهْ وَ قَالَوْا: «أَكْتُلَهْ فِي الصَّلِيبْ! أَكْتُلَهْ فِي الصَّلِيبْ!» وَ بِلَاطُسْ قَالْ: «إِنْتُو بَسْ شِيلُوهْ وَ أَكْتُلُوهْ فِي الصَّلِيبْ. كَنْ لَيِّ أَنَا، مَا لِقِيتْ فَوْقَهْ خَطَا الْوَاجِبْ لَيَّهْ الْمَوْت.» 7 وَ لَاكِنْ الْيَهُودْ رَدَّوْا لَيَّهْ وَ قَالَوْا: «عِنْدِنَا قَانُونْ وَ حَسَبْ الْقَانُونْ دَا، هُو وَاجِبْ يُمُوتْ أَشَانْ هُو سَوَّى نَفْسَهْ إِبْن اللّٰهْ.»
8 وَ وَكِتْ بِلَاطُسْ سِمِعْ الْكَلَامْ دَا، خَوْف شَدِيدْ كَرَبَهْ بِزِيَادَةْ. 9 وَ بِلَاطُسْ قَبَّلْ فِي قَصْرَهْ وَ سَأَلْ عِيسَى وَ قَالْ: «إِنْتَ جِيتْ مِنْ وَيْن؟» وَ لَاكِنْ عِيسَى مَا رَدَّ لَيَّهْ. 10 وَ أَشَانْ دَا، بِلَاطُسْ قَالْ: «مَا تِدَوْر تِحَجِّي لَيِّ وَلَّا؟ إِنْتَ مَا فِهِمْت عِنْدِي سُلْطَةْ فَوْقَكْ وَ أَنَا نَقْدَرْ نَطِلْقَكْ أَوْ نَكْتُلَكْ فِي الصَّلِيبْ وَلَّا؟» 11 وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»
12 وَ وَكِتْ بِلَاطُسْ سِمِعْ الْكَلَامْ دَا، هُو دَوَّرْ يَطْلِقْ عِيسَى لَاكِنْ الْيَهُودْ رَدَّوْا لَيَّهْ بِحِسّ عَالِي وَ قَالَوْا: «كَنْ تَطْلِقْ النَّادُمْ دَا، إِنْتَ مَا تِرِيدْ سُلْطَانْ الرَّوْمَانِيِّينْ! كَنْ نَادُمْ يِسَوِّي نَفْسَهْ مَلِكْ، هُو يِسَوِّي نَفْسَهْ عَدُو لِسُلْطَانْ الرَّوْمَانِيِّينْ.»
حكموا للمسيح بالمَوْت
13 وَكِتْ بِلَاطُسْ سِمِعْ الْكَلَامْ دَا، هُو مَرَقْ عِيسَى وَ قَعَدْ فِي كُرْسِي الشَّرِيعَةْ الْقَاعِدْ فِي الْفَضَايْ الْمُعَدَّلَةْ بِحُجَارْ وَ بِكَلَامْ عِبْرَانِي أُسُمْهَا قَبَّاثَةْ. 14 وَ الْيَوْم دَا، يَوْم الْيِجَهُّزُوا فَوْقَهْ عِيدْ الْفِصْحَ وَ الْوَطَاةْ قَايْلَةْ. وَ بِلَاطُسْ حَجَّى لِلْيَهُودْ وَ قَالْ: «شِيفُوهْ، دَاهُو مَلِكُّو!» 15 وَ عَاطَوْا وَ قَالَوْا: «أَكْتُلَهْ! أَكْتُلَهْ! أَكْتُلَهْ فِي الصَّلِيبْ!» وَ بِلَاطُسْ سَأَلَاهُمْ وَ قَالْ: «تِدَوْرُوا أَنَا نَكْتُلْ مَلِكُّو فِي صَلِيبْ وَلَّا؟» وَ كُبَارَاتْ رُجَالْ الدِّينْ رَدَّوْا لَيَّهْ وَ قَالَوْا: «مَا عِنْدِنَا مَلِكْ إِلَّا سُلْطَانْ الرَّوْمَانِيِّينْ.» 16 وَ خَلَاصْ، بِلَاطُسْ سَلَّمْ عِيسَى لِلْعَسْكَرْ أَشَانْ يَكْتُلُوهْ فِي الصَّلِيبْ. وَ قَمَّوْا شَالَوْه.
المسيح صلبوه
17 وَ عِيسَى شَايِلْ الصَّلِيبْ الدَّوَّرَوْا يَكْتُلُوهْ فَوْقَهْ. وَ وَدَّوْه فِي بَكَانْ وَاحِدْ أُسْمَهْ بَكَانْ الْجُمْجُمَةْ وَ بِكَلَامْ عِبْرَانِي أُسْمَهْ جُلْجُثَةْ. 18 وَ فِي الْبَكَانْ دَا، طَقَّوْا عِيسَى فِي الصَّلِيبْ وَ طَقَّوْا مَعَايَهْ نَاسَيْن، وَاحِدْ طَقَّوْه فِي صَلِيبْ بِنُصَّهْ الزَّيْنَايْ وَ التَّانِي فِي صَلِيبْ آخَرْ بِنُصَّهْ الْإِسْرَايْ. وَ هُو فِي أُسُطْهُمْ. 19 وَ بِلَاطُسْ خَطَّ مَكْتُوبْ وَاحِدْ فِي رَاسْ الصَّلِيبْ. وَ الْكَلَامْ الْمَكْتُوبْ فَوْقَهْ يُقُولْ: «عِيسَى مِنْ النَّاصِرَةْ، مَلِكْ الْيَهُودْ.» 20 وَ صَلَبَوْا عِيسَى قَرِيبْ لِلْمَدِينَةْ وَ أَشَانْ دَا، يَهُودْ كَتِيرِينْ قَرَوْا الْكَلَامْ الْمَكْتُوبْ دَا. وَ كَتَبَوْه بِكَلَامْ عِبْرَانِي وَ كَلَامْ لَاتِينِي وَ كَلَامْ يُونَانِي.
21 وَ كُبَارَاتْ رُجَالْ الدِّينْ حَجَّوْا لِبِلَاطُسْ وَ قَالَوْا: «مَا تَكْتِبْ: ‹مَلِكْ الْيَهُودْ.› لَاكِنْ أَكْتِبْ: ‹النَّادُمْ دَا قَالْ هُو مَلِكْ الْيَهُودْ.›» 22 وَ بِلَاطُسْ رَدَّ لَيْهُمْ وَ قَالْ: «الْكَلَامْ الْكَتَبْتَهْ مَا نِغَيِّرَهْ.»
23 وَ وَكِتْ الْعَسْكَرْ الْأَرْبَعَةْ صَلَبَوْا عِيسَى خَلَاصْ، هُمَّنْ شَالَوْا خُلْقَانَهْ وَ قَسَّمَوْهُمْ أَمْبَيْنَاتْهُمْ. وَ جَوَّانِيّتَهْ بَسْ فَضَّلَتْ. وَ الْجَوَّانِيَّةْ هِي كُلَّهَا مَتْرُورَةْ وَ مَا عِنْدَهَا خِيَاطَةْ. 24 وَ أَشَانْ دَا، حَجَّوْا أَمْبَيْنَاتْهُمْ وَ قَالَوْا: «مَا نِشَرُّطُوهَا. نِسَوُّوا أَمْ عِيَيْدَاتْ وَ النَّادُمْ الْوَقَعَتْ فِي قِسْمَهْ يِشِيلْهَا.» وَ بِمِثِلْ دَا، كَلَامْ الْكِتَابْ تَمَّ الْبُقُولْ: <هُمَّنْ قَسَّمَوْا خُلْقَانِي أَمْبَيْنَاتْهُمْ وَ سَوَّوْا أَمْ عِيَيْدَاتْ لِلُبَاسِي.> وَ دَا بَسْ الشَّيّءْ السَّوَّوْه الْعَسْكَرْ.
25 وَ فِيَّهْ عَوِينْ وَاقْفَاتْ قَرِيبْ لِلصَّلِيبْ الْعِيسَى قَاعِدْ فَوْقَهْ. وَ هِنَّ أَمَّهْ مَرْيَمْ وَ خَالْتَهْ وَ مَرْيَمْ مَرِةْ كُلُوبَا وَ مَرْيَمْ الْمَقْدَلِيَّةْ. 26 وَ عِيسَى شَافْ أَمَّهْ وَ شَافْ التِّلْمِيذْ الْهُو يِحِبَّهْ وَاقِفْ قَرِيبْ لَيْهَا. وَ حَجَّى لِأَمَّهْ وَ قَالْ: «مَرَةْ زَيْنَةْ شِيفِيهْ، دَا وِلَيْدكِ.» 27 وَ حَجَّى لِتِلْمِيذَهْ وَ قَالْ: «شِيفْهَا، دِي أَمَّكْ.» وَ التِّلْمِيذْ وَدَّاهَا فِي بَيْتَهْ وَ مِنْ الْيَوْم دَا، هِي سَكَنَتْ مَعَايَهْ.
مَوْت المسيح
28 وَ عِيسَى عِرِفْ كُلَّ شَيّءْ كَمَّلْ. وَ هُو حَجَّى بَتَّانْ أَشَانْ الْكَلَامْ الْمَكْتُوبْ فِي سَبَبَهْ فِي الْكِتَابْ يِتِمّ. وَ هُو قَالْ: «أَنَا عَطْشَانْ.» 29 وَ فِي الْبَكَانْ دَا، فِي مَاعُونْ مَلَانْ بِشَرَابْ حَامُضْ. وَ بَلَّوْا قِطْعَةْ فِي الشَّرَابْ الْحَامُضْ دَا وَ شَعَقَوْهَا فِي رَاسْ عَقَيْقَايْ هَنَا زُوفَةْ وَ رَفَعَوْهَا فَوْق قَرِيبْ لِخَشُمْ عِيسَى. 30 وَ عِيسَى شِرِبْ مِنْ الشَّرَابْ الْحَامُضْ دَا وَ قَالْ: «كُلَّ شَيّءْ تَمَّ خَلَاصْ.» وَ دَنْقَرْ رَاسَهْ وَ أَنْطَى الرُّوحْ.
31 وَ دَا الْيَوْم الْيِجَهُّزُوا فَوْقَهْ لِيَوْم السَّبْت. وَ أَمْبَاكِرْ، يَوْم كَبِيرْ فِي الْعِيدْ. وَ الْيَهُودْ مَا دَوَّرَوْا الْجَنَازَاتْ دَوْل يَقْعُدُوا فِي الصَّلِيبْ فِي يَوْم السَّبْت. وَ أَشَانْ دَا، طَلَبَوْا مِنْ بِلَاطُسْ يِكَسُّرُوا رِجِلَيْن الْمَصْلُوبِينْ أَشَانْ يُمُوتُوا عَجَلَةْ وَ خَلَاصْ الْجَنَازَاتْ يِدَلُّوهُمْ. 32 وَ الْعَسْكَرْ جَوْا لِأَوَّلْ نَادُمْ الصَّلَبَوْه مَعَ عِيسَى وَ كَسَّرَوْا رِجِلَيْنَهْ وَ سَوَّوْا نَفْس الشَّيّءْ لِلتَّانِي. 33 وَ لَاكِنْ وَكِتْ جَوْا لِعِيسَى، شَافَوْا هُو مَيِّتْ خَلَاصْ. وَ أَشَانْ دَا مَا كَسَّرَوْا رِجِلَيْنَهْ. 34 لَاكِنْ عَسْكَرِي وَاحِدْ طَعَنَهْ فِي نَايْطَهْ بِحَرْبَةْ وَ طَوَّالِي دَفَّقْ مِنَّهْ دَمّ وَ أَلْمِي.
35 الشَّافَهْ بِعَيْنَهْ شَاهِدْ لَيَّهْ وَ شَهَادْتَهْ صَحِيحَةْ وَ هُو يَعَرِفْ كَلَامَهْ صَحِيحْ وَ هُو يَشْهَدْ أَشَانْ إِنْتُو كُلَ تِآمُنُوا. 36 وَ الشَّيّءْ دَا بِقِي أَشَانْ كَلَامْ الْمَكْتُوبْ فِي الْكِتَابْ وَاجِبْ يِتِمّ. وَ الْكَلَامْ دَا بُقُولْ: <وَاحِدْ مِنْ عُضَامَهْ كُلَ مَا يِنْكَسِرْ.> 37 وَ الْكِتَابْ كُلَ بُقُولْ: <يِشِيفُوا النَّادُمْ الطَّعَنَوْه.>
المسيح دفنوه
38 وَ بَعَدْ دَا، يُوسُفْ الْمِنْ حِلَّةْ الرَّامَةْ مَشَى لِبِلَاطُسْ وَ طَلَبْ مِنَّهْ جَنَازَةْ عِيسَى. هُو تِلْمِيذْ عِيسَى وَ لَاكِنْ قَاعِدْ يِتَابِعَهْ بِسِرّ أَشَانْ هُو خَايِفْ مِنْ الْيَهُودْ. وَ بِلَاطُسْ أَنْطَاهْ إِذِنْ وَ يُوسُفْ مَشَى شَالْ الْجَنَازَةْ. 39 وَ نِقُدِيمُسْ النَّادُمْ الْيَوْم وَاحِدْ مَشَى حَجَّى مَعَ عِيسَى بِاللَّيْل، هُو كُلَ مَشَى مَعَايَهْ وَ جَابْ 30 كِيلَوْ هَنَا دِهِنْ الْمُخَلْبَطْ بِصِبِرْ وَ بِرِيحَةْ أُسُمْهَا عُودْ. 40 وَ شَالَوْا جَنَازَةْ عِيسَى وَ بَلَّوْا قَبَقْ طَوِيلْ فِي الدِّهِنْ دَا وَ لَفَّوْا بَيَّهْ الْجَنَازَةْ. وَ بِمِثِلْ دَا، كَفَّنَوْه حَسَبْ عَادَاتْ الْيَهُودْ. 41 وَ فِيَّهْ جِنَيْنَةْ قَرِيبْ لِلْبَكَانْ الصَّلَبَوْا فَوْقَهْ عِيسَى. وَ فِي الْجِنَيْنَةْ فِي قَبُرْ جَدِيدْ قَاعِدْ وَ لِسَّاعْ مَا دَفَنَوْا فَوْقَهْ نَادُمْ. 42 وَ الْقَبُرْ دَا قَرِيبْ. وَ الْيَوْم الْيَهُودْ يِجَهُّزُوا فَوْقَهْ لِيَوْم السَّبْت قَرِيبْ يِكَمِّلْ. وَ أَشَانْ دَا، دَفَنَوْا عِيسَى فِي الْبَكَانْ دَا.
