رجال الدين و اللاوِيِّين القبّلوا
1 وَ دَاهُو أَسَامَيْ رُجَالْ الدِّينْ وَ اللَّاوِيِّينْ الْقَبَّلَوْا مَعَ زَرُبَابِلْ وِلَيْد شَلْتِيِيلْ وَ يَشُوعْ.
وَ رُجَالْ الدِّينْ الْجَوْا مِنْ الْغُرْبَةْ، هُمَّنْ
سَرَايَا وَ إِرْمِيَا وَ عَزْرَا2 وَ أَمَرْيَا وَ مَلُّوك وَ حَطُّوشْ3 وَ شَكَنْيَا وَ رَحُومْ وَ مَرِمُوتْ4 وَ عِدُّو وَ قِنْتُويْ وَ أَبِيَّا5 وَ مِيَامِينْ وَ مَعَدْيَا وَ بِلْقَا6 وَ شَمَعْيَا وَ يُيَارِبْ وَ يَدَعْيَا7 وَ سَلُّو وَ عَمُوقْ وَ حِلْقِيَّا وَ يَدَعْيَا.وَ هُمَّنْ دَوْل كُبَارَاتْ رُجَالْ الدِّينْ وَ أَخْوَانْهُمْ فِي وَكِتْ يَشُوعْ كَبِيرْ رُجَالْ الدِّينْ.
8 وَ اللَّاوِيِّينْ الْقَبَّلَوْا مِنْ الْغُرْبَةْ، هُمَّنْ
يَشُوعْ وَ بِنُوِّي وَ قَدْمِيِيلْ وَ شَرَبْيَا وَ يَهُوذَا وَ مَتَّنْيَا. وَ مَتَّنْيَا مَعَ أَخْوَانَهْ، هُمَّنْ مَسَائِيلْ فِي غِنَيْ الشُّكُرْ فِي بَيْت اللّٰهْ.9 وَ بَقْبُقْيَا وَ عُنِّي كَمَانْ أَخْوَانْهُمْ قَاعِدِينْ مُلْقَابِلِينْ مَعَ مَسَائِيلْ غِنَيْ الشُّكُرْ أَشَانْ يِسَاعُدُوهُمْ.10 وَ يَشُوعْ كَبِيرْ رُجَالْ الدِّينْ وِلِدْ يُيَقِيمْوَ يُيَقِيمْ وِلِدْ أَلْيَاشِبْوَ أَلْيَاشِبْ وِلِدْ يُيَادَاعْ11 وَ يُيَادَاعْ وِلِدْ يُونَتَانْوَ يُونَتَانْ وِلِدْ يَدُوعْ.
رجال الدين الهمن شُيوخ
12 وَ وَكِتْ يُيَقِيمْ قَاعِدْ كَبِيرْ رُجَالْ الدِّينْ، الشُّيُوخْ هَنَا خُشُومْ بُيُوتْ رُجَالْ الدِّينْ، هُمَّنْ
مَرَايَا شَيْخ خَشُمْ بَيْت سَرَايَاوَ حَنَنْيَا شَيْخ خَشُمْ بَيْت إِرْمِيَا13 وَ مَشُلَّامْ شَيْخ خَشُمْ بَيْت عَزْرَاوَ يُوحَنَانْ شَيْخ خَشُمْ بَيْت أَمَرْيَا14 وَ يُونَتَانْ شَيْخ خَشُمْ بَيْت مَلِيكُووَ يُوسُفْ شَيْخ خَشُمْ بَيْت شَبَنْيَا15 وَ عَدْنَا شَيْخ خَشُمْ بَيْت حَرِيمْوَ حَلْقَايْ شَيْخ خَشُمْ بَيْت مَرَيُوتْ16 وَ زَكَرِيَّا شَيْخ خَشُمْ بَيْت عِدُّووَ مَشُلَّامْ شَيْخ خَشُمْ بَيْت قِنَّتُونْ17 وَ زِكْرِي شَيْخ خَشُمْ بَيْت أَبِيَّاوَ فِي نَادُمْ آخَرْ شَيْخ خَشُمْ بَيْت مِنْيَامِينْوَ فِلْطَايْ شَيْخ خَشُمْ بَيْت مُعَدْيَا18 وَ شَمُّوعْ شَيْخ خَشُمْ بَيْت بِلْقَاوَ يُونَتَانْ شَيْخ خَشُمْ بَيْت شَمَعْيَا19 وَ مَتِّنَايْ شَيْخ خَشُمْ بَيْت يُيَارِبْوَ عُزِّي شَيْخ خَشُمْ بَيْت يَدَعْيَا20 وَ قَلَايْ شَيْخ خَشُمْ بَيْت سَلَايْوَ عِبَارْ شَيْخ خَشُمْ بَيْت عَمُوقْ21 وَ حَشَبْيَا شَيْخ خَشُمْ بَيْت حِلْقِيَّاوَ نَتَنِيلْ شَيْخ خَشُمْ بَيْت يَدَعْيَا.22 وَ مِنْ الْوَكِتْ الْأَتَّابَعَوْا فَوْقَهْ كُبَارَاتْ رُجَالْ الدِّينْ أَلْيَاشِبْ وَ يُيَادَاعْ وَ يُوحَنَانْ وَ يَدُوعْ، سَجَّلَوْا أَسَامَيْ شُيُوخْ هَنَا خُشُومْ بُيُوتْ اللَّاوِيِّينْ وَ رُجَالْ الدِّينْ. وَ دَا لَحَدِّي وَكِتْ حُكُمْ الْمَلِكْ دَارِيُوسْ فِي بَلَدْ فَارِسْ. 23 وَ أَسَامَيْ شُيُوخْ هَنَا خُشُومْ بُيُوتْ اللَّاوِيِّينْ مِنْ وَكِتْ أَلْيَاشِبْ قَاعِدْ كَبِيرْ رُجَالْ الدِّينْ، سَجَّلَوْهُمْ فِي كِتَابْ تَارِيخْ مُلُوكْ بَنِي إِسْرَائِيلْ لَحَدِّي فِي وَكِتْ وِلَيْد وِلَيْدَهْ لِأَلْيَاشِبْ الْأُسْمَهْ يُوحَنَانْ.
24 وَ كُبَارَاتْ اللَّاوِيِّينْ، هُمَّنْ حَشَبْيَا وَ شَرَبْيَا وَ يَشُوعْ وَ بِنُوِّي وَ قَدْمِيِيلْ. وَ مِثِلْ الْمَلِكْ دَاوُدْ نَبِي اللّٰهْ أَمَرَاهُمْ، هُمَّنْ وَ أَخْوَانْهُمْ يِسَوُّوا فِرْقَتِيْن مُلْقَابِلِينْ. كُلُّهُمْ بَحْمُدُوا وَ بَشْكُرُوا اللّٰهْ، الْفِرْقَةْ الْوَاحِدَةْ تَشْكُرْ وَ الْفِرْقَةْ الْآخَرَةْ كَمَانْ تَرْفَعْ لَيْهَا. 25 وَ مَتَّنْيَا وَ بَقْبُقْيَا وَ عُبَدْيَا كُلَ مَعَاهُمْ. وَ مَشُلَّامْ وَ طَلْمُونْ وَ عَقُوبْ، هُمَّنْ حُرَّاسْ الْمَخَازِنْ الْقَاعِدِينْ جَنْب خَشُمْ بِيبَانْ بَيْت اللّٰهْ.
26 وَ النَّاسْ دَوْل قَاعِدِينْ يَخْدُمُوا فِي وَكِتْ يُيَقِيمْ قَاعِدْ كَبِيرْ رُجَالْ الدِّينْ وَ نَحَمْيَا قَاعِدْ حَاكِمْ. وَ فِي الْوَكِتْ دَا، عَزْرَا كُلَ قَاعِدْ كَاتِبْ وَ رَاجِلْ دِينْ. وَ يُيَقِيمْ دَا، هُو وِلَيْد يَشُوعْ وَ يَشُوعْ وِلَيْد يُوصَادِقْ.
عيد كمِّلين بُنى دُرْدُر المدينة
27 وَ وَكِتْ كَمَّلَوْا بُنَى دُرْدُرْ مَدِينَةْ الْقُدُسْ، نَادَوْا اللَّاوِيِّينْ مِنْ حِلَّالْهُمْ أَشَانْ يَجُوا فِي الْمَدِينَةْ وَ يِعَيُّدُوا. وَ وَكِتْ اللَّاوِيِّينْ جَايِينْ، جَابَوْا مَعَاهُمْ نَقَاقِيرْ وَ جِقِنْدِيَّةْ وَ أَمْ سِبَيْبَةْ أَشَانْ يَشْكُرُوا وَ يِغَنُّوا بِفَرْحَةْ كَبِيرَةْ هَنَا كَمِّلِينْ الدُّرْدُرْ. 28 وَ مِثِلْ دَا، الْغَنَّايِينْ جَوْا مِنْ الْحِلَّالْ الْجَنْب مَدِينَةْ الْقُدُسْ وَ مِنْ حِلَّةْ نَطُوفَا وَ الْحِلَّالْ التَّابْعِينْهَا 29 وَ مِنْ حِلَّةْ بَيْت قِلْقَالْ وَ حِلَّالْ قَبَعْ وَ عَزْمَاوَتْ وَ الزِّرَاعَةْ الْمُجَاوِرِينْهُمْ. هُمَّنْ جَوْا مِنْ حِلَّالْهُمْ الْبَنَوْهُمْ وَ لَمَّوْا فِي مَدِينَةْ الْقُدُسْ.
30 رُجَالْ الدِّينْ وَ اللَّاوِيِّينْ طَهَّرَوْا نُفُوسْهُمْ وَ سَوَّوْا الشَّعَبْ كُلَ طَاهِرِينْ. وَ طَهَّرَوْا الدُّرْدُرْ بِبِيبَانَهْ كُلَ.
31 وَ أَنَا نَحَمْيَا قَسَّمْت كُبَارَاتْ الدِّينْ وَ كُبَارَاتْ شَعَبْ يَهُوذَا فِرْقَتِيْن وَ رَكَّبْتُهُمْ فِي الدُّرْدُرْ. فِرْقَةْ وَاحِدَةْ هَنَا الْغَنَّايِينْ مَاشَةْ فِي الدُّرْدُرْ بِنُصّ الزَّيْنَةْ عَلَيْ خَشُمْ الْبَابْ الْبِنَادُوهْ بَابْ الزِّبَالَةْ. 32 وَ وَرَاهُمْ مَاشِينْ هُشَاعْيَا وَ نُصّ كُبَارَاتْ شَعَبْ يَهُوذَا 33 وَ عَزَرْيَا وَ عَزْرَا وَ مَشُلَّامْ 34 وَ يَهُوذَا وَ بَنْيَامِينْ وَ شَمَعْيَا وَ إِرْمِيَا. 35-36 وَ بَتَّانْ وَرَاهُمْ رُجَالْ الدِّينْ الْيَضُرْبُوا الْبُرُنْجِي وَ هُمَّنْ زَكَرِيَّا وَ أَخْوَانَهْ شَمَعْيَا وَ عَزَرِيلْ وَ مِلَلَايْ وَ قِلَلَايْ وَ مَاعَايْ وَ نَتَنِيلْ وَ يَهُوذَا وَ حَنَانِي. وَ جُدُودْ زَكَرِيَّا، هُمَّنْ أَسَافْ وَ زَكُّورْ وَ مِكَايَا وَ مَتَّنْيَا وَ شَمَعْيَا وَ يُونَتَانْ. زَكَرِيَّا مَعَ أَخْوَانَهْ شَايْلِينْ آلَاتْ الْغِنَيْ مِثِلْ آلَاتْ الْأَمَرْ بَيْهُمْ الْمَلِكْ دَاوُدْ نَبِي اللّٰهْ. وَ الْقَاعِدْ فِي رَاسْ النَّاسْ دَوْل كُلَّ كَيْ، هُو عَزْرَا الْكَاتِبْ. 37 وَكِتْ وَصَّلَوْا فِي بَابْ عَيْن أَلْمِي، الدَّرِبْ مَاشِي فَوْق قِدَّامْهُمْ فِي الْجَبَلْ هَنَا مَدِينَةْ دَاوُدْ بِعَتَبَاتْ. وَ هُمَّنْ طَلَعَوْا فَوْق فِي رَاسْ الدُّرْدُرْ وَ قَاعِدِينْ يِشِيفُوا مَدِينَةْ دَاوُدْ مِنْ فَوْق وَ مَاشِينْ لَحَدِّي بَابْ الْأَلْمِي الْقَاعِدْ بِالنُّصّ الصَّبْحَانِي.
38 وَ الْفِرْقَةْ الْآخَرَةْ هَنَا الْغَنَّايِينْ كَمَانْ مَاشَةْ بِنُصّ الدُّرْدُرْ الْآخَرْ وَ أَنَا وَرَاهُمْ وَ نُصّ الشَّعَبْ كُلَ مَعَايِ. أَنِحْنَ مَاشِينْ وَ فُتْنَا بِبَيْت الْمُرَاقَبَةْ الْبِنَادُوهْ الْفُرُنْ وَ مَاشِينْ لَحَدِّي فِي الْبَكَانْ الْبِنَادُوهْ الدُّرْدُرْ الْوَسِيعْ. 39 وَ مَشَيْنَا فُتْنَا بَابْ أَفْرَايِمْ وَ الْبَابْ الْقَدِيمْ وَ بَابْ الْحُوتْ وَ فُتْنَا بَيْت الْمُرَاقَبَةْ هَنَا حَنَنِيلْ وَ بَيْت الْمُرَاقَبَةْ الْبِنَادُوهْ مِيَةْ وَ فُتْنَا بَابْ الْغَنَمْ وَ وَقَفْنَا فِي الْبَابْ الْبِنَادُوهْ بَابْ السِّجِنْ.
40 وَ بَعَدْ دَا، الْفِرْقَتِيْن هَنَا الْغَنَّايِينْ وَ أَنَا مَعَ نُصّ الْكُبَارَاتْ وَقَفْنَا فِي بَيْت اللّٰهْ. 41 وَ بَتَّانْ رُجَالْ الدِّينْ الْأَسَامَيْهُمْ أَلِيَاقِيمْ وَ مَعَسِيَّا وَ مِنْيَامِينْ وَ مِكَايَا وَ أَلِيُعْنَايْ وَ زَكَرِيَّا وَ حَنَنْيَا، هُمَّنْ دَوْل قَاعِدِينْ يَضُرْبُوا الْبُرُنْجِي. 42 وَ مَعَسِيَّا وَ شَمَعْيَا وَ أَلِعَازَرْ وَ عُزِّي وَ يُوحَنَانْ وَ مَلْكِيَّا وَ عِلَامْ وَ عِزَارْ كُلَ قَاعِدِينْ مَعَاهُمْ. وَ هُمَّنْ غَنَّايِينْ تِحِتْ مُرَاقَبَةْ يِزْرَحْيَا. 43 فِي الْيَوْم دَا، دَبَحَوْا ضَحَايَا كَتِيرِينْ وَ فِرْحَوْا أَشَانْ الرَّبّ فَرَّحَاهُمْ زِيَادَةْ. وَ الْعَوِينْ وَ الْعِيَالْ كُلَ فِرْحَوْا وَ النَّاسْ قَاعِدِينْ يَسْمَعَوْا فَرْحَةْ مَدِينَةْ الْقُدُسْ مِنْ بَعِيدْ.
هدايا رجال الدين و اللاوِيِّين
44 وَ فِي نَفْس الْيَوْم دَا، خَطَّوْا نَاسْ مَسْؤُولِينْ فِي الْمَخَازِنْ الْبُخُطُّوا فَوْقهُمْ الزَّكَاةْ وَ الْعُشُورْ وَ أَوَّلْ إِنْتَاجْ الْقَطَعَوْه مِنْ الزِّرَاعَةْ الْمُحَوِّقِينْ كُلَّ الْحِلَّالْ. وَ الْخُمَامْ الْبُخُطُّوهْ فِي الْمَخَازِنْ دَا، حَسَبْ كَلَامْ التَّوْرَاةْ وَاجِبْ يَنْطُوهْ لِرُجَالْ الدِّينْ وَ لِلَّاوِيِّينْ. وَ شَعَبْ يَهُوذَا مَبْسُوطِينْ مِنْ خِدْمَةْ رُجَالْ الدِّينْ وَ اللَّاوِيِّينْ 45 الْقَاعِدِينْ يَخْدُمُوا لِإِلٰـهُّمْ وَ يِسَوُّوا خِدْمَةْ الطِّهَارَةْ. الْغَنَّايِينْ وَ حُرَّاسْ الْبِيبَانْ كُلَ قَاعِدِينْ يِسَوُّوا خِدْمِتْهُمْ مِثِلْ الْمَلِكْ دَاوُدْ مَعَ وِلَيْدَهْ سُلَيْمَانْ أَمَرَوْهُمْ بَيَّهْ. 46 مِنْ زَمَانْ، فِي وَكِتْ هَنَا الْمَلِكْ دَاوُدْ وَ أَسَافْ، خَطَّوْا مَسْؤُولِينْ فِي الْغَنَّايِينْ الْيَشْكُرُوا الرَّبّ. 47 وَ فِي وَكِتْ زَرُبَابِلْ وَ نَحَمْيَا، بَنِي إِسْرَائِيلْ يَنْطُوا كُلَّ يَوْم الْقِسِمْ الْوَاجِبْ يَنْطُوهْ لِلْغَنَّايِينْ وَ لِحُرَّاسْ الْبِيبَانْ. وَ لِلَّاوِيِّينْ كُلَ، قَاعِدِينْ يَنْطُوهُمْ الْقِسِمْ الْوَاجِبْ وَ كُلَّ اللَّاوِيِّينْ كَمَانْ قَاعِدِينْ يَنْطُوا مِنَّهْ الْقِسِمْ الْمُخَصَّصْ لِرُجَالْ الدِّينْ الْهُمَّنْ مِنْ ذُرِّيَّةْ هَارُونْ.
رجال الدين و اللاوِيِّين القبّلوا
1 وَ دَاهُو أَسَامَيْ رُجَالْ الدِّينْ وَ اللَّاوِيِّينْ الْقَبَّلَوْا مَعَ زَرُبَابِلْ وِلَيْد شَلْتِيِيلْ وَ يَشُوعْ.
وَ رُجَالْ الدِّينْ الْجَوْا مِنْ الْغُرْبَةْ، هُمَّنْ
سَرَايَا وَ إِرْمِيَا وَ عَزْرَا2 وَ أَمَرْيَا وَ مَلُّوك وَ حَطُّوشْ3 وَ شَكَنْيَا وَ رَحُومْ وَ مَرِمُوتْ4 وَ عِدُّو وَ قِنْتُويْ وَ أَبِيَّا5 وَ مِيَامِينْ وَ مَعَدْيَا وَ بِلْقَا6 وَ شَمَعْيَا وَ يُيَارِبْ وَ يَدَعْيَا7 وَ سَلُّو وَ عَمُوقْ وَ حِلْقِيَّا وَ يَدَعْيَا.وَ هُمَّنْ دَوْل كُبَارَاتْ رُجَالْ الدِّينْ وَ أَخْوَانْهُمْ فِي وَكِتْ يَشُوعْ كَبِيرْ رُجَالْ الدِّينْ.
8 وَ اللَّاوِيِّينْ الْقَبَّلَوْا مِنْ الْغُرْبَةْ، هُمَّنْ
يَشُوعْ وَ بِنُوِّي وَ قَدْمِيِيلْ وَ شَرَبْيَا وَ يَهُوذَا وَ مَتَّنْيَا. وَ مَتَّنْيَا مَعَ أَخْوَانَهْ، هُمَّنْ مَسَائِيلْ فِي غِنَيْ الشُّكُرْ فِي بَيْت اللّٰهْ.9 وَ بَقْبُقْيَا وَ عُنِّي كَمَانْ أَخْوَانْهُمْ قَاعِدِينْ مُلْقَابِلِينْ مَعَ مَسَائِيلْ غِنَيْ الشُّكُرْ أَشَانْ يِسَاعُدُوهُمْ.10 وَ يَشُوعْ كَبِيرْ رُجَالْ الدِّينْ وِلِدْ يُيَقِيمْوَ يُيَقِيمْ وِلِدْ أَلْيَاشِبْوَ أَلْيَاشِبْ وِلِدْ يُيَادَاعْ11 وَ يُيَادَاعْ وِلِدْ يُونَتَانْوَ يُونَتَانْ وِلِدْ يَدُوعْ.
رجال الدين الهمن شُيوخ
12 وَ وَكِتْ يُيَقِيمْ قَاعِدْ كَبِيرْ رُجَالْ الدِّينْ، الشُّيُوخْ هَنَا خُشُومْ بُيُوتْ رُجَالْ الدِّينْ، هُمَّنْ
مَرَايَا شَيْخ خَشُمْ بَيْت سَرَايَاوَ حَنَنْيَا شَيْخ خَشُمْ بَيْت إِرْمِيَا13 وَ مَشُلَّامْ شَيْخ خَشُمْ بَيْت عَزْرَاوَ يُوحَنَانْ شَيْخ خَشُمْ بَيْت أَمَرْيَا14 وَ يُونَتَانْ شَيْخ خَشُمْ بَيْت مَلِيكُووَ يُوسُفْ شَيْخ خَشُمْ بَيْت شَبَنْيَا15 وَ عَدْنَا شَيْخ خَشُمْ بَيْت حَرِيمْوَ حَلْقَايْ شَيْخ خَشُمْ بَيْت مَرَيُوتْ16 وَ زَكَرِيَّا شَيْخ خَشُمْ بَيْت عِدُّووَ مَشُلَّامْ شَيْخ خَشُمْ بَيْت قِنَّتُونْ17 وَ زِكْرِي شَيْخ خَشُمْ بَيْت أَبِيَّاوَ فِي نَادُمْ آخَرْ شَيْخ خَشُمْ بَيْت مِنْيَامِينْوَ فِلْطَايْ شَيْخ خَشُمْ بَيْت مُعَدْيَا18 وَ شَمُّوعْ شَيْخ خَشُمْ بَيْت بِلْقَاوَ يُونَتَانْ شَيْخ خَشُمْ بَيْت شَمَعْيَا19 وَ مَتِّنَايْ شَيْخ خَشُمْ بَيْت يُيَارِبْوَ عُزِّي شَيْخ خَشُمْ بَيْت يَدَعْيَا20 وَ قَلَايْ شَيْخ خَشُمْ بَيْت سَلَايْوَ عِبَارْ شَيْخ خَشُمْ بَيْت عَمُوقْ21 وَ حَشَبْيَا شَيْخ خَشُمْ بَيْت حِلْقِيَّاوَ نَتَنِيلْ شَيْخ خَشُمْ بَيْت يَدَعْيَا.22 وَ مِنْ الْوَكِتْ الْأَتَّابَعَوْا فَوْقَهْ كُبَارَاتْ رُجَالْ الدِّينْ أَلْيَاشِبْ وَ يُيَادَاعْ وَ يُوحَنَانْ وَ يَدُوعْ، سَجَّلَوْا أَسَامَيْ شُيُوخْ هَنَا خُشُومْ بُيُوتْ اللَّاوِيِّينْ وَ رُجَالْ الدِّينْ. وَ دَا لَحَدِّي وَكِتْ حُكُمْ الْمَلِكْ دَارِيُوسْ فِي بَلَدْ فَارِسْ. 23 وَ أَسَامَيْ شُيُوخْ هَنَا خُشُومْ بُيُوتْ اللَّاوِيِّينْ مِنْ وَكِتْ أَلْيَاشِبْ قَاعِدْ كَبِيرْ رُجَالْ الدِّينْ، سَجَّلَوْهُمْ فِي كِتَابْ تَارِيخْ مُلُوكْ بَنِي إِسْرَائِيلْ لَحَدِّي فِي وَكِتْ وِلَيْد وِلَيْدَهْ لِأَلْيَاشِبْ الْأُسْمَهْ يُوحَنَانْ.
24 وَ كُبَارَاتْ اللَّاوِيِّينْ، هُمَّنْ حَشَبْيَا وَ شَرَبْيَا وَ يَشُوعْ وَ بِنُوِّي وَ قَدْمِيِيلْ. وَ مِثِلْ الْمَلِكْ دَاوُدْ نَبِي اللّٰهْ أَمَرَاهُمْ، هُمَّنْ وَ أَخْوَانْهُمْ يِسَوُّوا فِرْقَتِيْن مُلْقَابِلِينْ. كُلُّهُمْ بَحْمُدُوا وَ بَشْكُرُوا اللّٰهْ، الْفِرْقَةْ الْوَاحِدَةْ تَشْكُرْ وَ الْفِرْقَةْ الْآخَرَةْ كَمَانْ تَرْفَعْ لَيْهَا. 25 وَ مَتَّنْيَا وَ بَقْبُقْيَا وَ عُبَدْيَا كُلَ مَعَاهُمْ. وَ مَشُلَّامْ وَ طَلْمُونْ وَ عَقُوبْ، هُمَّنْ حُرَّاسْ الْمَخَازِنْ الْقَاعِدِينْ جَنْب خَشُمْ بِيبَانْ بَيْت اللّٰهْ.
26 وَ النَّاسْ دَوْل قَاعِدِينْ يَخْدُمُوا فِي وَكِتْ يُيَقِيمْ قَاعِدْ كَبِيرْ رُجَالْ الدِّينْ وَ نَحَمْيَا قَاعِدْ حَاكِمْ. وَ فِي الْوَكِتْ دَا، عَزْرَا كُلَ قَاعِدْ كَاتِبْ وَ رَاجِلْ دِينْ. وَ يُيَقِيمْ دَا، هُو وِلَيْد يَشُوعْ وَ يَشُوعْ وِلَيْد يُوصَادِقْ.
عيد كمِّلين بُنى دُرْدُر المدينة
27 وَ وَكِتْ كَمَّلَوْا بُنَى دُرْدُرْ مَدِينَةْ الْقُدُسْ، نَادَوْا اللَّاوِيِّينْ مِنْ حِلَّالْهُمْ أَشَانْ يَجُوا فِي الْمَدِينَةْ وَ يِعَيُّدُوا. وَ وَكِتْ اللَّاوِيِّينْ جَايِينْ، جَابَوْا مَعَاهُمْ نَقَاقِيرْ وَ جِقِنْدِيَّةْ وَ أَمْ سِبَيْبَةْ أَشَانْ يَشْكُرُوا وَ يِغَنُّوا بِفَرْحَةْ كَبِيرَةْ هَنَا كَمِّلِينْ الدُّرْدُرْ. 28 وَ مِثِلْ دَا، الْغَنَّايِينْ جَوْا مِنْ الْحِلَّالْ الْجَنْب مَدِينَةْ الْقُدُسْ وَ مِنْ حِلَّةْ نَطُوفَا وَ الْحِلَّالْ التَّابْعِينْهَا 29 وَ مِنْ حِلَّةْ بَيْت قِلْقَالْ وَ حِلَّالْ قَبَعْ وَ عَزْمَاوَتْ وَ الزِّرَاعَةْ الْمُجَاوِرِينْهُمْ. هُمَّنْ جَوْا مِنْ حِلَّالْهُمْ الْبَنَوْهُمْ وَ لَمَّوْا فِي مَدِينَةْ الْقُدُسْ.
30 رُجَالْ الدِّينْ وَ اللَّاوِيِّينْ طَهَّرَوْا نُفُوسْهُمْ وَ سَوَّوْا الشَّعَبْ كُلَ طَاهِرِينْ. وَ طَهَّرَوْا الدُّرْدُرْ بِبِيبَانَهْ كُلَ.
31 وَ أَنَا نَحَمْيَا قَسَّمْت كُبَارَاتْ الدِّينْ وَ كُبَارَاتْ شَعَبْ يَهُوذَا فِرْقَتِيْن وَ رَكَّبْتُهُمْ فِي الدُّرْدُرْ. فِرْقَةْ وَاحِدَةْ هَنَا الْغَنَّايِينْ مَاشَةْ فِي الدُّرْدُرْ بِنُصّ الزَّيْنَةْ عَلَيْ خَشُمْ الْبَابْ الْبِنَادُوهْ بَابْ الزِّبَالَةْ. 32 وَ وَرَاهُمْ مَاشِينْ هُشَاعْيَا وَ نُصّ كُبَارَاتْ شَعَبْ يَهُوذَا 33 وَ عَزَرْيَا وَ عَزْرَا وَ مَشُلَّامْ 34 وَ يَهُوذَا وَ بَنْيَامِينْ وَ شَمَعْيَا وَ إِرْمِيَا. 35-36 وَ بَتَّانْ وَرَاهُمْ رُجَالْ الدِّينْ الْيَضُرْبُوا الْبُرُنْجِي وَ هُمَّنْ زَكَرِيَّا وَ أَخْوَانَهْ شَمَعْيَا وَ عَزَرِيلْ وَ مِلَلَايْ وَ قِلَلَايْ وَ مَاعَايْ وَ نَتَنِيلْ وَ يَهُوذَا وَ حَنَانِي. وَ جُدُودْ زَكَرِيَّا، هُمَّنْ أَسَافْ وَ زَكُّورْ وَ مِكَايَا وَ مَتَّنْيَا وَ شَمَعْيَا وَ يُونَتَانْ. زَكَرِيَّا مَعَ أَخْوَانَهْ شَايْلِينْ آلَاتْ الْغِنَيْ مِثِلْ آلَاتْ الْأَمَرْ بَيْهُمْ الْمَلِكْ دَاوُدْ نَبِي اللّٰهْ. وَ الْقَاعِدْ فِي رَاسْ النَّاسْ دَوْل كُلَّ كَيْ، هُو عَزْرَا الْكَاتِبْ. 37 وَكِتْ وَصَّلَوْا فِي بَابْ عَيْن أَلْمِي، الدَّرِبْ مَاشِي فَوْق قِدَّامْهُمْ فِي الْجَبَلْ هَنَا مَدِينَةْ دَاوُدْ بِعَتَبَاتْ. وَ هُمَّنْ طَلَعَوْا فَوْق فِي رَاسْ الدُّرْدُرْ وَ قَاعِدِينْ يِشِيفُوا مَدِينَةْ دَاوُدْ مِنْ فَوْق وَ مَاشِينْ لَحَدِّي بَابْ الْأَلْمِي الْقَاعِدْ بِالنُّصّ الصَّبْحَانِي.
38 وَ الْفِرْقَةْ الْآخَرَةْ هَنَا الْغَنَّايِينْ كَمَانْ مَاشَةْ بِنُصّ الدُّرْدُرْ الْآخَرْ وَ أَنَا وَرَاهُمْ وَ نُصّ الشَّعَبْ كُلَ مَعَايِ. أَنِحْنَ مَاشِينْ وَ فُتْنَا بِبَيْت الْمُرَاقَبَةْ الْبِنَادُوهْ الْفُرُنْ وَ مَاشِينْ لَحَدِّي فِي الْبَكَانْ الْبِنَادُوهْ الدُّرْدُرْ الْوَسِيعْ. 39 وَ مَشَيْنَا فُتْنَا بَابْ أَفْرَايِمْ وَ الْبَابْ الْقَدِيمْ وَ بَابْ الْحُوتْ وَ فُتْنَا بَيْت الْمُرَاقَبَةْ هَنَا حَنَنِيلْ وَ بَيْت الْمُرَاقَبَةْ الْبِنَادُوهْ مِيَةْ وَ فُتْنَا بَابْ الْغَنَمْ وَ وَقَفْنَا فِي الْبَابْ الْبِنَادُوهْ بَابْ السِّجِنْ.
40 وَ بَعَدْ دَا، الْفِرْقَتِيْن هَنَا الْغَنَّايِينْ وَ أَنَا مَعَ نُصّ الْكُبَارَاتْ وَقَفْنَا فِي بَيْت اللّٰهْ. 41 وَ بَتَّانْ رُجَالْ الدِّينْ الْأَسَامَيْهُمْ أَلِيَاقِيمْ وَ مَعَسِيَّا وَ مِنْيَامِينْ وَ مِكَايَا وَ أَلِيُعْنَايْ وَ زَكَرِيَّا وَ حَنَنْيَا، هُمَّنْ دَوْل قَاعِدِينْ يَضُرْبُوا الْبُرُنْجِي. 42 وَ مَعَسِيَّا وَ شَمَعْيَا وَ أَلِعَازَرْ وَ عُزِّي وَ يُوحَنَانْ وَ مَلْكِيَّا وَ عِلَامْ وَ عِزَارْ كُلَ قَاعِدِينْ مَعَاهُمْ. وَ هُمَّنْ غَنَّايِينْ تِحِتْ مُرَاقَبَةْ يِزْرَحْيَا. 43 فِي الْيَوْم دَا، دَبَحَوْا ضَحَايَا كَتِيرِينْ وَ فِرْحَوْا أَشَانْ الرَّبّ فَرَّحَاهُمْ زِيَادَةْ. وَ الْعَوِينْ وَ الْعِيَالْ كُلَ فِرْحَوْا وَ النَّاسْ قَاعِدِينْ يَسْمَعَوْا فَرْحَةْ مَدِينَةْ الْقُدُسْ مِنْ بَعِيدْ.
هدايا رجال الدين و اللاوِيِّين
44 وَ فِي نَفْس الْيَوْم دَا، خَطَّوْا نَاسْ مَسْؤُولِينْ فِي الْمَخَازِنْ الْبُخُطُّوا فَوْقهُمْ الزَّكَاةْ وَ الْعُشُورْ وَ أَوَّلْ إِنْتَاجْ الْقَطَعَوْه مِنْ الزِّرَاعَةْ الْمُحَوِّقِينْ كُلَّ الْحِلَّالْ. وَ الْخُمَامْ الْبُخُطُّوهْ فِي الْمَخَازِنْ دَا، حَسَبْ كَلَامْ التَّوْرَاةْ وَاجِبْ يَنْطُوهْ لِرُجَالْ الدِّينْ وَ لِلَّاوِيِّينْ. وَ شَعَبْ يَهُوذَا مَبْسُوطِينْ مِنْ خِدْمَةْ رُجَالْ الدِّينْ وَ اللَّاوِيِّينْ 45 الْقَاعِدِينْ يَخْدُمُوا لِإِلٰـهُّمْ وَ يِسَوُّوا خِدْمَةْ الطِّهَارَةْ. الْغَنَّايِينْ وَ حُرَّاسْ الْبِيبَانْ كُلَ قَاعِدِينْ يِسَوُّوا خِدْمِتْهُمْ مِثِلْ الْمَلِكْ دَاوُدْ مَعَ وِلَيْدَهْ سُلَيْمَانْ أَمَرَوْهُمْ بَيَّهْ. 46 مِنْ زَمَانْ، فِي وَكِتْ هَنَا الْمَلِكْ دَاوُدْ وَ أَسَافْ، خَطَّوْا مَسْؤُولِينْ فِي الْغَنَّايِينْ الْيَشْكُرُوا الرَّبّ. 47 وَ فِي وَكِتْ زَرُبَابِلْ وَ نَحَمْيَا، بَنِي إِسْرَائِيلْ يَنْطُوا كُلَّ يَوْم الْقِسِمْ الْوَاجِبْ يَنْطُوهْ لِلْغَنَّايِينْ وَ لِحُرَّاسْ الْبِيبَانْ. وَ لِلَّاوِيِّينْ كُلَ، قَاعِدِينْ يَنْطُوهُمْ الْقِسِمْ الْوَاجِبْ وَ كُلَّ اللَّاوِيِّينْ كَمَانْ قَاعِدِينْ يَنْطُوا مِنَّهْ الْقِسِمْ الْمُخَصَّصْ لِرُجَالْ الدِّينْ الْهُمَّنْ مِنْ ذُرِّيَّةْ هَارُونْ.
