1 الْكَلَامْ الْبَارِدْ يِهَدِّي الزَّعَلْ
وَ لَاكِنْ الْكَلَامْ الْحَارّ يِقَوِّمَهْ.
2 لِسَانْ الْحَكِيمْ يِجَمِّلْ الْعِلِمْ
وَ مِنْ خَشُمْ الْمَطْمُوسْ يِسِيلْ النِّفَاقْ.
3 أَيِّ بَكَانْ، عَيْن اللّٰهْ تِرَاقِبَهْ
وَ الزَّيْن وَ الْفَسِلْ كُلَ تِشِيفَهْ.
4 الْكَلَامْ الطَّيِّبْ مِثِلْ شَدَرَةْ الْحَيَاةْ
وَ الْكَلَامْ الْمُرّ يَجْرَحْ الْقَلِبْ.
5 الْمُنَافِقْ مَا يَسْمَعْ وَصِيَّةْ أَبُوهْ
لَاكِنْ الْعَاقِلْ يَقْبَلْ وَكِتْ يُلُومُوهْ.
6 بَيْت الصَّالِحْ عِنْدَهْ أَكْتَرْ غُنَى
وَ رِبِحْ الْعَاصِي يِجِيبْ مُشْكِلَةْ.
7 خَشُمْ الْحَكِيمْ يَزْرَعْ الْمَعْرَفَةْ
وَ قَلِبْ الْمَطْمُوسْ مَا يِسَوِّي مِثِلْ دَا.
8 ضَحِيَّةْ الْعَاصِيِينْ،
اللّٰهْ يِحَرِّمْهَا
وَ صَلَاةْ الْعَدِيلِينْ،
اللّٰهْ يَقْبَلْهَا.
9 دَرِبْ الْعَاصِيِينْ،
اللّٰهْ حَرَّمَهْ
وَ الْيِرِيدْ الْعَدَالَةْ،
اللّٰهْ يِحِبَّهْ.
10 الْعِقَابْ الشَّدِيدْ لِلْيَطْلِقْ الدَّرِبْ
وَ الْيَكْرَهْ اللُّوَامَةْ يُمُوتْ.
11 الْمَوْت وَ الْهَلَاكْ
كُلَ مُكْشُوفِينْ لِلّٰهْ.
اللّٰهْ مَا يَكْشِفْ قَلِبْ بَنِي آدَم
بِزِيَادَةْ وَلَّا؟
12 الْمُسْتَكْبِرْ مَا يَقْبَلْ اللُّوَامَةْ
وَ لَا يُزُورْ الْعِنْدُهُمْ حِكْمَةْ.
13 فَرْحَةْ الْقَلِبْ تِنَوِّرْ الْوِجِهْ
وَ تَعَبْ الْقَلِبْ يِتَعِّبْ النَّفِسْ.
14 الْقَلِبْ الْفَاهِمْ يِفَتِّشْ الْعِلِمْ
وَ الْمَطْمُوسْ يِدِسّ فِي خَشْمَهْ إِلَّا النِّفَاقْ.
15 كُلَّ يَوْم النَّادُمْ الْحَزْنَانْ تَعْبَانْ
وَ لَاكِنْ الْقَلِبْ الْفَرْحَانْ يِعَيِّدْ دَايْماً.
16 أَخَيْر فَقْرَانْ خَايِفْ مِنْ اللّٰهْ
مِنْ غَنِيْ عَايِشْ بِالْمَشَاكِلْ.
17 أَخَيْر تَاكُلُوا فَقُّوسْ بِمَحَبَّةْ
مِنْ تَاكُلُوا لَحَمْ سَمِينْ بِكَرَاهِيَّةْ.
18 الزَّعَّالْ يِقَوِّمْ الْهُرَاجْ
وَ لَاكِنْ الصَّبُورْ يِهَدِّي الْمُشْكِلَةْ.
19 دَرِبْ الْكَسْلَانْ مُحَوَّقْ بِشَوْك
وَ لَاكِنْ طَرِيقْ الْعَدِيلِينْ دَايْماً مَفْتُوحْ.
20 الْوِلَيْد الْحَكِيمْ يِفَرِّحْ أَبُوهْ
وَ لَاكِنْ الْمَطْمُوسْ يَحْقِرْ أَمَّهْ.
21 قَلِيلْ الْفِهِمْ يَفْرَحْ بِطَمَاسْتَهْ
وَ لَاكِنْ الْفَاهِمْ يِعَدِّلْ دَرْبَهْ.
22 قِلَّةْ الْمُشَاوَرَةْ تِفَشِّلْ الْهَدَفْ
وَ لَاكِنْ بِكَتَرَةْ الْوَصَايَا، يَنْجَحْ.
23 الرَّدّ الْحَلُو يِفَرِّحْ الْإِنْسَانْ
وَ الْكَلَامْ الْيَجِي فِي وَكْتَهْ كُلَ حَلُو.
24 طَرِيقْ الْحَيَاةْ لِلْعَاقِلْ يِوَدِّيهْ فَوْق
وَ بِمِثِلْ دَا، يَنْجَى مَا يَنْزِلْ فِي الْهَاوِيَةْ.
25 اللّٰهْ يَخْرِبْ بَيْت الْمُسْتَكْبِرْ
وَ يَحْمِي أَرْض الْأَرْمَلَةْ مَا تِوَدِّرْ.
26 الْأَفْكَارْ الْفَسْلِينْ، اللّٰهْ حَرَّمَاهُمْ
وَ لَاكِنْ الْكَلَامْ الْبَارِدْ حَلَالْ.
27 الْيَجْرِي وَرَاءْ الْمَالْ الْحَرَامْ
يِبَرْجِلْ بَيْتَهْ
لَاكِنْ الْيَكْرَهْ الرَّشْوَةْ
يُطُولْ عُمْرَهْ.
28 الصَّالِحْ يِفَكِّرْ عَدِيلْ حَتَّى يِكَلِّمْ
وَ لَاكِنْ الْفَسَالَةْ تِسِيلْ مِنْ خَشُمْ الْعَاصِي.
29 اللّٰهْ لِلْعَاصِي يِبَعِّدَهْ
وَ لِلصَّالِحْ يَسْمَعْ دُعَايَهْ.
30 الْوِجِهْ الضَّاوِي يِفَرِّحْ الْقَلِبْ
وَ الْخَبَرْ الْحَلُو يِنَشِّطْ الْجِسِمْ.
31 الْيَسْمَعْ دُرُوسْ الْحَيَاةْ
يِعِيشْ مَعَ الْحَكِيمِينْ.
32 الْأَبَى الْوَصِيَّةْ،
أَبَى نَفْسَهْ.
وَ لَاكِنْ السِّمِعْ اللُّوَامَةْ،
يَلْقَى عَقُلْ.
33 الْخَوْف مِنْ اللّٰهْ يِزِيدْ حِكْمَتَكْ.
كَنْ تِدَوْر الشَّرَفْ، مَسْكِنْ نَفْسَكْ.
1 الْكَلَامْ الْبَارِدْ يِهَدِّي الزَّعَلْ
وَ لَاكِنْ الْكَلَامْ الْحَارّ يِقَوِّمَهْ.
2 لِسَانْ الْحَكِيمْ يِجَمِّلْ الْعِلِمْ
وَ مِنْ خَشُمْ الْمَطْمُوسْ يِسِيلْ النِّفَاقْ.
3 أَيِّ بَكَانْ، عَيْن اللّٰهْ تِرَاقِبَهْ
وَ الزَّيْن وَ الْفَسِلْ كُلَ تِشِيفَهْ.
4 الْكَلَامْ الطَّيِّبْ مِثِلْ شَدَرَةْ الْحَيَاةْ
وَ الْكَلَامْ الْمُرّ يَجْرَحْ الْقَلِبْ.
5 الْمُنَافِقْ مَا يَسْمَعْ وَصِيَّةْ أَبُوهْ
لَاكِنْ الْعَاقِلْ يَقْبَلْ وَكِتْ يُلُومُوهْ.
6 بَيْت الصَّالِحْ عِنْدَهْ أَكْتَرْ غُنَى
وَ رِبِحْ الْعَاصِي يِجِيبْ مُشْكِلَةْ.
7 خَشُمْ الْحَكِيمْ يَزْرَعْ الْمَعْرَفَةْ
وَ قَلِبْ الْمَطْمُوسْ مَا يِسَوِّي مِثِلْ دَا.
8 ضَحِيَّةْ الْعَاصِيِينْ،
اللّٰهْ يِحَرِّمْهَا
وَ صَلَاةْ الْعَدِيلِينْ،
اللّٰهْ يَقْبَلْهَا.
9 دَرِبْ الْعَاصِيِينْ،
اللّٰهْ حَرَّمَهْ
وَ الْيِرِيدْ الْعَدَالَةْ،
اللّٰهْ يِحِبَّهْ.
10 الْعِقَابْ الشَّدِيدْ لِلْيَطْلِقْ الدَّرِبْ
وَ الْيَكْرَهْ اللُّوَامَةْ يُمُوتْ.
11 الْمَوْت وَ الْهَلَاكْ
كُلَ مُكْشُوفِينْ لِلّٰهْ.
اللّٰهْ مَا يَكْشِفْ قَلِبْ بَنِي آدَم
بِزِيَادَةْ وَلَّا؟
12 الْمُسْتَكْبِرْ مَا يَقْبَلْ اللُّوَامَةْ
وَ لَا يُزُورْ الْعِنْدُهُمْ حِكْمَةْ.
13 فَرْحَةْ الْقَلِبْ تِنَوِّرْ الْوِجِهْ
وَ تَعَبْ الْقَلِبْ يِتَعِّبْ النَّفِسْ.
14 الْقَلِبْ الْفَاهِمْ يِفَتِّشْ الْعِلِمْ
وَ الْمَطْمُوسْ يِدِسّ فِي خَشْمَهْ إِلَّا النِّفَاقْ.
15 كُلَّ يَوْم النَّادُمْ الْحَزْنَانْ تَعْبَانْ
وَ لَاكِنْ الْقَلِبْ الْفَرْحَانْ يِعَيِّدْ دَايْماً.
16 أَخَيْر فَقْرَانْ خَايِفْ مِنْ اللّٰهْ
مِنْ غَنِيْ عَايِشْ بِالْمَشَاكِلْ.
17 أَخَيْر تَاكُلُوا فَقُّوسْ بِمَحَبَّةْ
مِنْ تَاكُلُوا لَحَمْ سَمِينْ بِكَرَاهِيَّةْ.
18 الزَّعَّالْ يِقَوِّمْ الْهُرَاجْ
وَ لَاكِنْ الصَّبُورْ يِهَدِّي الْمُشْكِلَةْ.
19 دَرِبْ الْكَسْلَانْ مُحَوَّقْ بِشَوْك
وَ لَاكِنْ طَرِيقْ الْعَدِيلِينْ دَايْماً مَفْتُوحْ.
20 الْوِلَيْد الْحَكِيمْ يِفَرِّحْ أَبُوهْ
وَ لَاكِنْ الْمَطْمُوسْ يَحْقِرْ أَمَّهْ.
21 قَلِيلْ الْفِهِمْ يَفْرَحْ بِطَمَاسْتَهْ
وَ لَاكِنْ الْفَاهِمْ يِعَدِّلْ دَرْبَهْ.
22 قِلَّةْ الْمُشَاوَرَةْ تِفَشِّلْ الْهَدَفْ
وَ لَاكِنْ بِكَتَرَةْ الْوَصَايَا، يَنْجَحْ.
23 الرَّدّ الْحَلُو يِفَرِّحْ الْإِنْسَانْ
وَ الْكَلَامْ الْيَجِي فِي وَكْتَهْ كُلَ حَلُو.
24 طَرِيقْ الْحَيَاةْ لِلْعَاقِلْ يِوَدِّيهْ فَوْق
وَ بِمِثِلْ دَا، يَنْجَى مَا يَنْزِلْ فِي الْهَاوِيَةْ.
25 اللّٰهْ يَخْرِبْ بَيْت الْمُسْتَكْبِرْ
وَ يَحْمِي أَرْض الْأَرْمَلَةْ مَا تِوَدِّرْ.
26 الْأَفْكَارْ الْفَسْلِينْ، اللّٰهْ حَرَّمَاهُمْ
وَ لَاكِنْ الْكَلَامْ الْبَارِدْ حَلَالْ.
27 الْيَجْرِي وَرَاءْ الْمَالْ الْحَرَامْ
يِبَرْجِلْ بَيْتَهْ
لَاكِنْ الْيَكْرَهْ الرَّشْوَةْ
يُطُولْ عُمْرَهْ.
28 الصَّالِحْ يِفَكِّرْ عَدِيلْ حَتَّى يِكَلِّمْ
وَ لَاكِنْ الْفَسَالَةْ تِسِيلْ مِنْ خَشُمْ الْعَاصِي.
29 اللّٰهْ لِلْعَاصِي يِبَعِّدَهْ
وَ لِلصَّالِحْ يَسْمَعْ دُعَايَهْ.
30 الْوِجِهْ الضَّاوِي يِفَرِّحْ الْقَلِبْ
وَ الْخَبَرْ الْحَلُو يِنَشِّطْ الْجِسِمْ.
31 الْيَسْمَعْ دُرُوسْ الْحَيَاةْ
يِعِيشْ مَعَ الْحَكِيمِينْ.
32 الْأَبَى الْوَصِيَّةْ،
أَبَى نَفْسَهْ.
وَ لَاكِنْ السِّمِعْ اللُّوَامَةْ،
يَلْقَى عَقُلْ.
33 الْخَوْف مِنْ اللّٰهْ يِزِيدْ حِكْمَتَكْ.
كَنْ تِدَوْر الشَّرَفْ، مَسْكِنْ نَفْسَكْ.
