وَصِيَّةْ لِكَبِيرْ الْغَنَّايِينْ: لِيِغَنُّوهْ حَسَبْ الْحِسّ الْبِنَادُوهْ «مَا تِدَمِّرْ.» شِعِرْ لِدَاوُدْ، وَكِتْ دَخَلْ فِي الْكَرْكُورْ مُعَرِّدْ مِنْ شَاوُولْ
1 حِنّ فَوْقِي، يَا رَبّ، حِنّ فَوْقِي!
لَيْك إِنْتَ، أَنَا نَلْجَأْ.
أَيْوَى، تِحِتْ جَنَاحَيْك أَنَا نَلْجَأْ
لَحَدِّي يُفُوتْ الدَّمَارْ.
2 نِنَادِي الرَّبّ الْعَالِي،
الْإِلٰـهْ الْيِسَوِّي لَيِّ الْخَيْر.
3 وَ مِنْ السَّمَاءْ، يِرَسِّلْ لَيِّ النَّجَاةْ
وَكِتْ الْيِضَايِقْنِي قَاعِدْ يِطَارِدْنِي. وَقْفَةْ.
خَلِّي الرَّبّ يِرَسِّلْ لَيِّ
رَحْمَتَهْ وَ أَمَانَهْ.
4 أَنَا رَاقِدْ فِي أُسْط النَّاسْ
الْمِثِلْ دِيدَانْ الْيَاكُلُوا الْإِنْسَانْ.
سُنُونْهُمْ مِثِلْ حُرَابْ وَ نَشَاشِيبْ
وَ لِسَانْهُمْ مِثِلْ سَيْف طَرِينْ.
5 يَا رَبّ! وَصِّفْ عَظَمَتَكْ فِي السَّمَاءْ
وَ وَصِّفْ مَجْدَكْ فِي كُلَّ الْأَرْض.
6 هُمَّنْ كَجَّوْا شَرَكْهُمْ لَيِّ
وَ قَرِيبْ نَقَعْ فَوْقَهْ.
وَ حَفَرَوْا نُقْرَةْ قِدَّامِي
لَاكِنْ هُمَّنْ ذَاتْهُمْ وَقَعَوْا فَوْقهَا. وَقْفَةْ.
7 يَا رَبّ! قَلْبِي ثَابِتْ
أَيْوَى، قَلْبِي ثَابِتْ.
أَنَا نِغَنِّي لَيْك
وَ نَمْدَحَكْ، يَا اللّٰهْ!
8 يَا نَفْسِي،
أَقْعُدِي وَاعِيَةْ!
يَا أَمْ سِبَيْبَةْ وَ الْجِقِنْدِيَّةْ،
أَقْعُدُوا وَاعِيِّينْ!
أَنَا نِوَعِّي الشَّقَاقْ!
9 يَا رَبّ! أَنَا نَشْكُرَكْ فِي أُسْط الشُّعُوبْ
وَ نَمْدَحَكْ فِي أُسْط الْأُمَمْ.
10 أَشَانْ رَحْمَتَكْ كَبِيرَةْ فِي السَّمَاءْ
وَ أَمَانَكْ لِحِقْ لَحَدِّي السَّحَابْ.
11 إِنْتَ عَالِي فِي السَّمَاءْ، يَا رَبّ،
وَ خَلِّي مَجْدَكْ يُكُونْ فِي كُلَّ الْأَرْض.
وَصِيَّةْ لِكَبِيرْ الْغَنَّايِينْ: لِيِغَنُّوهْ حَسَبْ الْحِسّ الْبِنَادُوهْ «مَا تِدَمِّرْ.» شِعِرْ لِدَاوُدْ، وَكِتْ دَخَلْ فِي الْكَرْكُورْ مُعَرِّدْ مِنْ شَاوُولْ
1 حِنّ فَوْقِي، يَا رَبّ، حِنّ فَوْقِي!
لَيْك إِنْتَ، أَنَا نَلْجَأْ.
أَيْوَى، تِحِتْ جَنَاحَيْك أَنَا نَلْجَأْ
لَحَدِّي يُفُوتْ الدَّمَارْ.
2 نِنَادِي الرَّبّ الْعَالِي،
الْإِلٰـهْ الْيِسَوِّي لَيِّ الْخَيْر.
3 وَ مِنْ السَّمَاءْ، يِرَسِّلْ لَيِّ النَّجَاةْ
وَكِتْ الْيِضَايِقْنِي قَاعِدْ يِطَارِدْنِي. وَقْفَةْ.
خَلِّي الرَّبّ يِرَسِّلْ لَيِّ
رَحْمَتَهْ وَ أَمَانَهْ.
4 أَنَا رَاقِدْ فِي أُسْط النَّاسْ
الْمِثِلْ دِيدَانْ الْيَاكُلُوا الْإِنْسَانْ.
سُنُونْهُمْ مِثِلْ حُرَابْ وَ نَشَاشِيبْ
وَ لِسَانْهُمْ مِثِلْ سَيْف طَرِينْ.
5 يَا رَبّ! وَصِّفْ عَظَمَتَكْ فِي السَّمَاءْ
وَ وَصِّفْ مَجْدَكْ فِي كُلَّ الْأَرْض.
6 هُمَّنْ كَجَّوْا شَرَكْهُمْ لَيِّ
وَ قَرِيبْ نَقَعْ فَوْقَهْ.
وَ حَفَرَوْا نُقْرَةْ قِدَّامِي
لَاكِنْ هُمَّنْ ذَاتْهُمْ وَقَعَوْا فَوْقهَا. وَقْفَةْ.
7 يَا رَبّ! قَلْبِي ثَابِتْ
أَيْوَى، قَلْبِي ثَابِتْ.
أَنَا نِغَنِّي لَيْك
وَ نَمْدَحَكْ، يَا اللّٰهْ!
8 يَا نَفْسِي،
أَقْعُدِي وَاعِيَةْ!
يَا أَمْ سِبَيْبَةْ وَ الْجِقِنْدِيَّةْ،
أَقْعُدُوا وَاعِيِّينْ!
أَنَا نِوَعِّي الشَّقَاقْ!
9 يَا رَبّ! أَنَا نَشْكُرَكْ فِي أُسْط الشُّعُوبْ
وَ نَمْدَحَكْ فِي أُسْط الْأُمَمْ.
10 أَشَانْ رَحْمَتَكْ كَبِيرَةْ فِي السَّمَاءْ
وَ أَمَانَكْ لِحِقْ لَحَدِّي السَّحَابْ.
11 إِنْتَ عَالِي فِي السَّمَاءْ، يَا رَبّ،
وَ خَلِّي مَجْدَكْ يُكُونْ فِي كُلَّ الْأَرْض.
