Kuluusi 2 - ShuLatn & ShuArab

La Bible souligne l’importance du travail dans la réussite et le bien-être du chrétien. Le travail est une composante essentielle de la vie humaine, tant d’un point de vue spirituel que personnel. Laissons-nous inspirer par ces 6 versets bibliques qui parlent du travail

1. Genèse 2:15 : « L’Éternel Dieu prit l’homme, et le plaça dans le jardin d’Eden pour le cultiver et pour le garder. »

Depuis le commencent, Dieu a donné à l’homme la tâche de prendre soin de sa création et de la cultiver. Travailler est donc un moyen pour l’homme de participer à l’œuvre de Dieu sur terre. C’est une responsabilité confiée par Dieu.

2. 2 Thessaloniciens 3:10 : « Car, lorsque nous étions chez vous, nous vous recommandions ceci : si quelqu’un ne veut pas travailler, qu’il ne mange pas non plus. »

L’apôtre Paul nous rappelle dans sa lettre aux Thessaloniciens que celui qui ne veut pas travailler ne doit pas non plus manger. Le travail est donc un moyen pour l’homme de subvenir à ses besoins et à ceux de sa famille.

3. Ecclésiaste 9:10 : « Ce que tes mains trouvent à faire, fais-le avec toute ta force. »

La Bible nous encourage à travailler avec dévotion, honnêteté et persévérance, en mettant tout notre cœur dans notre travail. En nous investissant pleinement dans nos tâches, peu importe leur nature, nous pouvons réaliser de grandes choses et atteindre notre plein potentiel.

4. Proverbes 12:27 : « Le paresseux ne rôtit pas son gibier; Mais le précieux trésor d’un homme, c’est l’activité. »

La Parole de Dieu nous enseigne que l’activité et le travail acharné mènent à la réussite et à la richesse, tandis que la paresse mène à la pauvreté. Ainsi, il est essentiel d’être actif et diligent pour accomplir nos objectifs et réaliser nos aspirations.

5. Colossiens 3:23-24 : « Tout ce que vous faites, faites-le de bon cœur, comme pour le Seigneur et non pour des hommes, sachant que vous recevrez du Seigneur l’héritage en récompense. Servez Christ, le Seigneur. »

Dieu voit toutes nos actions et nous récompensera selon notre dévouement et notre sincérité. Il est important de servir avec ardeur et fidélité, en considérant que chaque action est accomplie pour le Seigneur et non pour les hommes.

6. Proverbes 12:11 : « Celui qui cultive son champ est rassasié de pain, Mais celui qui poursuit des choses vaines est dépourvu de sens. »

Les Saintes Écritures mettent en lumière l’importance du travail et de l’engagement, comparant celui qui travaille de manière diligente à celui qui poursuit des objectifs futiles. S’investir dans des activités concrètes et valorisantes permet d’obtenir satisfaction et succès, contrairement à l’implication dans des actions vaines et insignifiantes.

Juhud al-rasuul fi chaan al-muʼminiin

1 Wa nidoor intu taʼarfu kadar ana gaaʼid nijaahid bilheen fi chaanku wa fi chaan al-akhwaan al-gaaʼidiin fi hillit Laawdikiiya wa kulla l-akhwaan al-aakhariin al-yoom waahid ma chaafooni. 2 Wa nijaahid achaan yalgo chajaaʼa fi guluubhum wa wihda be l-mahabba wa fihim tamaam malaan be baraka. Nidoor kadar yaʼarfu wa yafhamo sirr Allah yaʼni al-Masiih. 3 Wa l-Masiih, hu makhazan hana Allah al-khazan foogah kulla barakaat al-ilim wa l-irfe.

4 Wa gult al-kalaam da achaan ma tikhallu ayyi naadum yukhuchchuku be kalaam halu wa yiwaddiiku fi derib aakhar. 5 Sahiih, ana gaaʼid fi bakaan baʼiid minku laakin fikri daayman maʼaaku wa gaaʼid nichiif kadar haalku adiile wa iimaanku fi l-Masiih gawi wa ana farhaan minku.

Barakat al-Masiih al-kaamile

6 Achaan da, nuguul leeku awwal intu simiʼtu kadar al-Masiih Isa hu bas al-Rabb wa aamantu beyah wa khalaas waajib titaabuʼu derbah tamaam. 7 Khalli yabga leeku al-gaʼar wa l-asaas wa agoodu saabtiin foogah be iimaanku misil awwal allamooku leyah. Wa achkuru Allah katiir fi kulli wakit.

8 Khuttu baalku achaan naadum ma yukhuchchuku. Fiyah naas yiʼallumu be taʼliim baatil al-yukhuchchu beyah al-naas. Fikirhum da jaayi min aadaat juduudhum bas wa min churuut aadaat al-dunya wa ma jaayi min al-Masiih. 9 Ma tasmaʼo kalaamhum achaan fi jisim al-Masiih bas Allah saakin be kulla sifaatah 10 wa be alaakhitku maʼa l-Masiih induku kulla barakaatah. Hu bas raʼiis fi kulla cheyy al-indah hukum walla sulta.

11 Wa fi l-Masiih, intu bigiitu mutahhariin be tahuura chig min al-tahuura al-yisawwuuha al-naas. Fi tahuurat al-naas, yagtaʼo jilde sakhayre. Wa laakin fi tahuurat al-Masiih, hu sallam nafsah le l-moot wa fi l-moot da, khalla minnah jismah kulla ke. Wa intu chaaraktu fi l-tahuura di. 12 Wa wakit intu khattasooku, chaaraktu maʼaayah fi mootah wa chaaraktu fi buʼaasah be iimaanku be gudrat Allah al-baʼasah min ust al-maytiin.

13 Awwal be sabab khataayaaku, intu maytiin wa ma min chaʼab Allah al-mutahhariin. Wa laakin Allah antaaku al-haya al-jadiide maʼa l-Masiih wa khafar leeku kulla khataayaaku. 14 Wa l-maktuub al-Allah sajjal foogah kulla zunuubna al-yihaasibna beehum hasab al-churuut, hu gachchaah marra waahid be moot al-Masiih fi l-saliib. 15 Wa be misil da, hu dammar al-gudra al-beeha hukkaam wa kubaaraat al-chawaatiin yahkumuuna. Wa hu ayyabaahum giddaam kulla l-naas. Hu annasar fooghum fi saliib al-Masiih wa sawwaahum misil masaajiin al-harb al-yusuuguuhum baʼad anhazamo.

16 Wa achaan kulla l-kalaam da, ma tikhallu ayyi naadum yuluumku fi cheyy al-taakuluuh walla tacharbooh walla fi ayyi iid al-tiʼayyuduuh wa fi awwal yoom hana kulli chahar wa fi yoom al-sabt. 17 Kulla l-khumaam da, hu alaama hana l-cheyy al-muhimm al-yaji waraayah. Laakin al-cheyy al-muhimm, hu al-Masiih zaatah wa hu ja khalaas. 18 Angarʼu min kulla l-naas al-yidooru yisawwuuku tabgo daluuliin bilheen fi l-ibaada wa yisawwuuku tasjudu le l-malaaʼika. Naas misil dool yadharooku ma talgo al-nasur. Humman yihajju katiir be l-cheyy al-humman buguulu chaafooh fi l-ruʼya wa yistakbaro bala sabab. Afkaarhum afkaar al-insaan bas. 19 Wa l-naadum da ma marbuut maʼa l-Masiih al-hu raas al-umma. Wa l-Masiih bas yiʼayyich kulla ummatah wa yisawwiiha misil jisim waahid. Wa hu bas al-yisawwi mafaasil al-jisim yinrabtu ambeenaathum. Wa jismah yabga kabiir be gudrat Allah.

20 Akiid intu muttu maʼa l-Masiih wa be l-moot da, bigiitu hurriin min churuut aadaat al-dunya. Wa kan misil da, maala tidooru tiʼiichu battaan misil intu naas hana l-dunya ? Maala titaabuʼu churuutha al-buguulu : 21 «Ma talmasah» wa «Ma taakulah» wa «Ma tichiilah» ? 22 Wa dool kulluhum churuut al-bukhussu al-khumaam al-yikammil wakit nistaʼmalooh. Humman hasab wasaaya al-insaan wa l-taʼliim al-jaayi min al-naas bas. 23 Sahiih, fi fikir al-naas, al-churuut dool yinchaafo misil induhum hikma. Achaan al-churuut dool yihajju be nizaam gaasi fi l-ibaada wa yatulbu min al-naas yisawwu nufuushum daluuliin wa yiʼazzubu jisimhum bilheen. Laakin be l-sahiih, al-churuut dool ma induhum gudra wa ma yaktulu chahwaat al-insaan.

جُهُد الرسول في شان المُؤمِنين

1 وَ نِدَوْر إِنْتُو تَعَرْفُوا كَدَرْ أَنَا قَاعِدْ نِجَاهِدْ بِلْحَيْن فِي شَانْكُو وَ فِي شَانْ الْأَخْوَانْ الْقَاعِدِينْ فِي حِلَّةْ لَاوْدِكِيَّةْ وَ كُلَّ الْأَخْوَانْ الْآخَرِينْ الْيَوْم وَاحِدْ مَا شَافَوْنِي. 2 وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ. 3 وَ الْمَسِيحْ، هُو مَخَزَنْ هَنَا اللّٰهْ الْخَزَنْ فَوْقَهْ كُلَّ بَرَكَاتْ الْعِلِمْ وَ الْعِرْفَةْ.

4 وَ قُلْت الْكَلَامْ دَا أَشَانْ مَا تِخَلُّوا أَيِّ نَادُمْ يُغُشُّكُو بِكَلَامْ حَلُو وَ يِوَدِّيكُو فِي دَرِبْ آخَرْ. 5 صَحِيحْ، أَنَا قَاعِدْ فِي بَكَانْ بَعِيدْ مِنْكُو لَاكِنْ فِكْرِي دَايْماً مَعَاكُو وَ قَاعِدْ نِشِيفْ كَدَرْ حَالْكُو عَدِيلَةْ وَ إِيمَانْكُو فِي الْمَسِيحْ قَوِي وَ أَنَا فَرْحَانْ مِنْكُو.

بركة المسيح الكامِلة

6 أَشَانْ دَا، نُقُولْ لَيْكُو أَوَّلْ إِنْتُو سِمِعْتُوا كَدَرْ الْمَسِيحْ عِيسَى هُو بَسْ الرَّبّ وَ آمَنْتُوا بَيَّهْ وَ خَلَاصْ وَاجِبْ تِتَابُعُوا دَرْبَهْ تَمَامْ. 7 خَلِّي يَبْقَى لَيْكُو الْقَعَرْ وَ الْأَسَاسْ وَ أَقْعُدُوا ثَابْتِينْ فَوْقَهْ بِإِيمَانْكُو مِثِلْ أَوَّلْ عَلَّمَوْكُو لَيَّهْ. وَ أَشْكُرُوا اللّٰهْ كَتِيرْ فِي كُلِّ وَكِتْ.

8 خُطُّوا بَالْكُو أَشَانْ نَادُمْ مَا يُغُشُّكُو. فِيَّهْ نَاسْ يِعَلُّمُوا بِتَعْلِيمْ بَاطِلْ الْيُغُشُّوا بَيَّهْ النَّاسْ. فِكِرْهُمْ دَا جَايِ مِنْ عَادَاتْ جُدُودْهُمْ بَسْ وَ مِنْ شُرُوطْ عَادَاتْ الدُّنْيَا وَ مَا جَايِ مِنْ الْمَسِيحْ. 9 مَا تَسْمَعَوْا كَلَامْهُمْ أَشَانْ فِي جِسِمْ الْمَسِيحْ بَسْ اللّٰهْ سَاكِنْ بِكُلَّ صِفَاتَهْ 10 وَ بِعَلَاقِتْكُو مَعَ الْمَسِيحْ عِنْدُكُو كُلَّ بَرَكَاتَهْ. هُو بَسْ رَئِيسْ فِي كُلَّ شَيّءْ الْعِنْدَهْ حُكُمْ وَلَّا سُلْطَةْ.

11 وَ فِي الْمَسِيحْ، إِنْتُو بِقِيتُوا مُطَهَّرِينْ بِطَهُورَةْ شِقْ مِنْ الطَّهُورَةْ الْيِسَوُّوهَا النَّاسْ. فِي طَهُورَةْ النَّاسْ، يَقْطَعَوْا جِلْدَةْ صَغَيْرَةْ. وَ لَاكِنْ فِي طَهُورَةْ الْمَسِيحْ، هُو سَلَّمْ نَفْسَهْ لِلْمَوْت وَ فِي الْمَوْت دَا، خَلَّى مِنَّهْ جِسْمَهْ كُلَّ كَيْ. وَ إِنْتُو شَارَكْتُوا فِي الطَّهُورَةْ دِي. 12 وَ وَكِتْ إِنْتُو غَطَّسَوْكُو، شَارَكْتُوا مَعَايَهْ فِي مَوْتَهْ وَ شَارَكْتُوا فِي بُعَاثَهْ بِإِيمَانْكُو بِقُدْرَةْ اللّٰهْ الْبَعَثَهْ مِنْ أُسْط الْمَيْتِينْ.

13 أَوَّلْ بِسَبَبْ خَطَايَاكُو، إِنْتُو مَيْتِينْ وَ مَا مِنْ شَعَبْ اللّٰهْ الْمُطَهَّرِينْ. وَ لَاكِنْ اللّٰهْ أَنْطَاكُو الْحَيَاةْ الْجَدِيدَةْ مَعَ الْمَسِيحْ وَ غَفَرْ لَيْكُو كُلَّ خَطَايَاكُو. 14 وَ الْمَكْتُوبْ الْاللّٰهْ سَجَّلْ فَوْقَهْ كُلَّ ذُنُوبْنَا الْيِحَاسِبْنَا بَيْهُمْ حَسَبْ الشُّرُوطْ، هُو قَشَّاهْ مَرَّةْ وَاحِدْ بِمَوْت الْمَسِيحْ فِي الصَّلِيبْ. 15 وَ بِمِثِلْ دَا، هُو دَمَّرْ الْقُدْرَةْ الْبَيْهَا حُكَّامْ وَ كُبَارَاتْ الشَّوَاطِينْ يَحْكُمُونَا. وَ هُو عَيَّبَاهُمْ قِدَّامْ كُلَّ النَّاسْ. هُو أَنَّصَرْ فَوْقهُمْ فِي صَلِيبْ الْمَسِيحْ وَ سَوَّاهُمْ مِثِلْ مَسَاجِينْ الْحَرْب الْيُسُوقُوهُمْ بَعَدْ أَنْهَزَمَوْا.

16 وَ أَشَانْ كُلَّ الْكَلَامْ دَا، مَا تِخَلُّوا أَيِّ نَادُمْ يُلُومْكُو فِي شَيّءْ التَّاكُلُوهْ وَلَّا تَشَرْبَوْه وَلَّا فِي أَيِّ عِيدْ التِّعَيُّدُوهْ وَ فِي أَوَّلْ يَوْم هَنَا كُلِّ شَهَرْ وَ فِي يَوْم السَّبْت. 17 كُلَّ الْخُمَامْ دَا، هُو عَلَامَةْ هَنَا الشَّيّءْ الْمُهِمّ الْيَجِي وَرَايَهْ. لَاكِنْ الشَّيّءْ الْمُهِمّ، هُو الْمَسِيحْ ذَاتَهْ وَ هُو جَاءْ خَلَاصْ. 18 أَنْقَرْعُوا مِنْ كُلَّ النَّاسْ الْيِدَوْرُوا يِسَوُّوكُو تَبْقَوْا ضَلُولِينْ بِلْحَيْن فِي الْعِبَادَةْ وَ يِسَوُّوكُو تَسْجُدُوا لِلْمَلَائِكَةْ. نَاسْ مِثِلْ دَوْل يَدْحَرَوْكُو مَا تَلْقَوْا النَّصُرْ. هُمَّنْ يِحَجُّوا كَتِيرْ بِالشَّيّءْ الْهُمَّنْ بُقُولُوا شَافَوْه فِي الرُّؤْيَةْ وَ يِسْتَكْبَرَوْا بَلَا سَبَبْ. أَفْكَارْهُمْ أَفْكَارْ الْإِنْسَانْ بَسْ. 19 وَ النَّادُمْ دَا مَا مَرْبُوطْ مَعَ الْمَسِيحْ الْهُو رَاسْ الْأُمَّةْ. وَ الْمَسِيحْ بَسْ يِعَيِّشْ كُلَّ أُمَّتَه وَ يِسَوِّيهَا مِثِلْ جِسِمْ وَاحِدْ. وَ هُو بَسْ الْيِسَوِّي مَفَاصِلْ الْجِسِمْ يِنْرَبْطُوا أَمْبَيْنَاتْهُمْ. وَ جِسْمَهْ يَبْقَى كَبِيرْ بِقُدْرَةْ اللّٰهْ.

20 أَكِيدْ إِنْتُو مُتُّوا مَعَ الْمَسِيحْ وَ بِالْمَوْت دَا، بِقِيتُوا حُرِّينْ مِنْ شُرُوطْ عَادَاتْ الدُّنْيَا. وَ كَنْ مِثِلْ دَا، مَالَا تِدَوْرُوا تِعِيشُوا بَتَّانْ مِثِلْ إِنْتُو نَاسْ هَنَا الدُّنْيَا؟ مَالَا تِتَابُعُوا شُرُوطْهَا الْبُقُولُوا: 21 «مَا تَلْمَسَهْ» وَ «مَا تَاكُلَهْ» وَ «مَا تِشِيلَهْ»؟ 22 وَ دَوْل كُلُّهُمْ شُرُوطْ الْبُخُصُّوا الْخُمَامْ الْيِكَمِّلْ وَكِتْ نِسْتَعْمَلَوْه. هُمَّنْ حَسَبْ وَصَايَا الْإِنْسَانْ وَ التَّعْلِيمْ الْجَايِ مِنْ النَّاسْ بَسْ. 23 صَحِيحْ، فِي فِكِرْ النَّاسْ، الشُّرُوطْ دَوْل يِنْشَافَوْا مِثِلْ عِنْدُهُمْ حِكْمَةْ. أَشَانْ الشُّرُوطْ دَوْل يِحَجُّوا بِنِظَامْ قَاسِي فِي الْعِبَادَةْ وَ يَطُلْبُوا مِنْ النَّاسْ يِسَوُّوا نُفُوسْهُمْ ضَلُولِينْ وَ يِعَذُّبُوا جِسِمْهُمْ بِلْحَيْن. لَاكِنْ بِالصَّحِيحْ، الشُّرُوطْ دَوْل مَا عِنْدُهُمْ قُدْرَةْ وَ مَا يَكْتُلُوا شَهْوَاتْ الْإِنْسَانْ.