Tiitus 2 - ShuLatn & ShuArab

Al-taʼliim al-waajib

1 Laakin inta, allim al-akhwaan al-haal al-muwaafge maʼa l-taʼliim al-adiil. 2 Wassi al-chiyyaab achaan yabgo aagliin wa muhtaramiin wa khalli baalhum yabga wasiiʼ. Wa khalli yabgo saabtiin fi l-iimaan wa l-mahabba wa l-sabur.

3 Wa wassi al-ajaayiz kula achaan haalhin tabga takhiiye wa ma yabgan gawwaalaat wa la sakkaariiyaat. Khalli yiʼalliman akhwaathin kikkeef yisawwan al-kheer. 4 Wa be misil da, yichajjiʼan al-chaabbaat achaan yiriidan rujaalhin wa iyaalhin 5 wa yiʼiichan be haal aagle wa taahire wa yukhuttan baalhin fi buyuuthin wa guluubhin yabgo buyud wa yasmaʼan kalaam rujaalhin. Wa be misil da, yisiddan al-derib le l-naadum al-yidoor yuguul kalaam fasil fi kalaam Allah.

6 Wa wassi al-subyaan achaan yisabbutu nufuushum. 7 Abga leehum masal fi kulli cheyy. Wassif leehum be haalak kikkeef yisawwu al-kheer. Wa khalliihum yichiifu kadar inta naadum mukhlis fi taʼliimak wa munkarib foogah. 8 Wa khalli kalaamak yabga saalim bilheen hatta naadum ma yalga foogah sabab le yaharjak. Wa be misil da, ayyi naadum al-yidoor yikhaalifak, yakhjal wa ma yagdar yuguul foogna cheyy fasil.

9 Wa wassi al-abiid achaan yasmaʼo kalaam siyaadhum lahaddi siyaadhum yardo beehum fi kulli cheyy. Wa khalli al-abiid ma yikhaalufuuhum 10 wa la yasurgu minhum cheyy. Wa laakin waajib yabgo leehum amiiniin marra waahid achaan yiwassufu fi kulli cheyy kadar taʼliim hana Allah al-yinajjiina, hu sameh bilheen.

07 versets bibliques pour retrouver espoir en Dieu

Vous êtes stressé ou inquiet ? Réconfortez-vous en sachant qu’il y a de l’espoir. N’abandonnez pas. Ces 7 versets bibliques vous rappellent que vous pouvez trouver l’espoir en Dieu et en lisant la Bible. Dieu est notre espoir. Les gens peuvent nous décevoir, les occasions peuvent s’envoler, les biens de ce monde peuvent être perdus ou détruits. Mais nous pouvons faire confiance à Dieu et mettre notre espoir en lui. Si vous êtes en difficulté, ceci est un rappel que Dieu est avec vous. Vous n’êtes pas seul, la situation n’est pas désespérée. C’est une promesse que l’espérance en Dieu est une espérance qui dure. Dieu ne vous laissera pas tomber. Faites-lui confiance pour vous conduire vers votre avenir. Dieu nous a donné des promesses dans la Bible, sa Parole. Lisez-la. Vous y trouverez réconfort et encouragement. C’est grâce à Jésus-Christ que nous pouvons avoir de l’espoir. Il est venu dans le monde avec la lumière, l’amour, la rédemption et le salut. Nous attendons la seconde venue de Jésus. C’est une promesse en laquelle nous pouvons avoir confiance et espérer. Le jour viendra. Chaque jour, mettez votre foi en Dieu, mettez votre espérance en lui et quelle que soit votre situation, louez Dieu.

Plus

Akiid, niʼmat Allah baanat fi l-Masiih achaan tinajji kulla l-naas. 12 Wa hi tidarribna achaan nikhallu minnina al-kufur wa chahwaat al-dunya wa niʼiichu fi l-dunya be haal aagle wa saalhe wa takhiiye. 13 Wa narjo be acham al-yoom al-mubaarak al-yibiin foogah majd Ilaahna wa munajjiina al-aziim, Isa al-Masiih. 14 Hu anta nafsah dahiiye le yafdaana min kulla l-fasaala wa yitahhir guluubna achaan nabgo leyah chaʼabah halaalah munkaribiin fi amal al-kheer.

15 Wa khalaas kulla l-kalaam da, ooriihum beyah be kalaam waadih. Indak fooghum hagg achaan tichajjiʼhum wa tahrijhum hasab haalhum. Ma tikhalli naadum yahgirak.

التعْليم الواجِب

1 لَاكِنْ إِنْتَ، عَلِّمْ الْأَخْوَانْ الْحَالْ الْمُوَافْقَةْ مَعَ التَّعْلِيمْ الْعَدِيلْ. 2 وَصِّي الشِّيَّابْ أَشَانْ يَبْقَوْا عَاقْلِينْ وَ مُحْتَرَمِينْ وَ خَلِّي بَالْهُمْ يَبْقَى وَسِيعْ. وَ خَلِّي يَبْقَوْا ثَابْتِينْ فِي الْإِيمَانْ وَ الْمَحَبَّةْ وَ الصَّبُرْ.

3 وَ وَصِّي الْعَجَايِزْ كُلَ أَشَانْ حَالْهِنْ تَبْقَى تَقِيَّةْ وَ مَا يَبْقَنْ قَوَّالَاتْ وَ لَا سَكَّارِيَّاتْ. خَلِّي يِعَلِّمَنْ أَخْوَاتْهِنْ كِكَّيْف يِسَوَّنْ الْخَيْر. 4 وَ بِمِثِلْ دَا، يِشَجِّعَنْ الشَّابَّاتْ أَشَانْ يِرِيدَنْ رُجَالْهِنْ وَ عِيَالْهِنْ 5 وَ يِعِيشَنْ بِحَالْ عَاقْلَةْ وَ طَاهِرَةْ وَ يُخُطَّنْ بَالْهِنْ فِي بُيُوتْهِنْ وَ قُلُوبْهِنْ يَبْقَوْا بُيُضْ وَ يَسْمَعَنْ كَلَامْ رُجَالْهِنْ. وَ بِمِثِلْ دَا، يِسِدَّنْ الدَّرِبْ لِلنَّادُمْ الْيِدَوْر يُقُولْ كَلَامْ فَسِلْ فِي كَلَامْ اللّٰهْ.

6 وَ وَصِّي الصُّبْيَانْ أَشَانْ يِثَبُّتُوا نُفُوسْهُمْ. 7 أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ. 8 وَ خَلِّي كَلَامَكْ يَبْقَى سَالِمْ بِلْحَيْن حَتَّى نَادُمْ مَا يَلْقَى فَوْقَهْ سَبَبْ لِيَهَرْجَكْ. وَ بِمِثِلْ دَا، أَيِّ نَادُمْ الْيِدَوْر يِخَالِفَكْ، يَخْجَلْ وَ مَا يَقْدَرْ يُقُولْ فَوْقنَا شَيّءْ فَسِلْ.

9 وَ وَصِّي الْعَبِيدْ أَشَانْ يَسْمَعَوْا كَلَامْ سِيَادْهُمْ لَحَدِّي سِيَادْهُمْ يَرْضَوْا بَيْهُمْ فِي كُلِّ شَيّءْ. وَ خَلِّي الْعَبِيدْ مَا يِخَالُفُوهُمْ 10 وَ لَا يَسُرْقُوا مِنْهُمْ شَيّءْ. وَ لَاكِنْ وَاجِبْ يَبْقَوْا لَيْهُمْ أَمِينِينْ مَرَّةْ وَاحِدْ أَشَانْ يِوَصُّفُوا فِي كُلِّ شَيّءْ كَدَرْ تَعْلِيمْ هَنَا اللّٰهْ الْيِنَجِّينَا، هُو سَمَحْ بِلْحَيْن.

11 أَكِيدْ، نِعْمَةْ اللّٰهْ بَانَتْ فِي الْمَسِيحْ أَشَانْ تِنَجِّي كُلَّ النَّاسْ. 12 وَ هِي تِدَرِّبْنَا أَشَانْ نِخَلُّوا مِنِّنَا الْكُفُرْ وَ شَهْوَاتْ الدُّنْيَا وَ نِعِيشُوا فِي الدُّنْيَا بِحَالْ عَاقْلَةْ وَ صَالْحَةْ وَ تَقِيَّةْ. 13 وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ. 14 هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

15 وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.