Mazmuur le Dawuud
1 Ana nidoor nikhanni be rahmatak wa adaaltak.
Wa leek inta, ya Allah, ana nikhanni.
2 Ana nidoor namchi giddaamak be l-tamaam.
Mata taji leyi ?
Fi beeti, naʼarif kikkeef namchi
be galib tamaam.
3 Abadan ma nukhutt fi raasi al-kalaam al-ma naafiʼ
wa nakrah haal siyaad al-charr
wa ma narbut nafsi leeha.
4 Al-galib al-azrag yibaʼʼid minni
wa ana ma nidoor naʼarif al-fasaala.
5 Al-yiʼayyir jaarah be achiir,
ana nisakkitah.
Wa l-yichiif be hugra wa galbah mutakabbir,
ana ma nahmalah.
6 Uyuuni fi l-naas al-induhum amaan fi l-balad
le yaskunu maʼaayi
wa l-yamchi adiil
yukuun fi khidimti.
7 Laakin al-khachchaach ma yagood fi beeti
wa l-yuguul al-kidib kula ma yagood giddaami.
8 Kulli fajur, ana nisakkit kulla l-aasiyiin hana l-balad
wa natrud min madiinat Allah kulla l-yisawwu al-zulum.
مَزْمُورْ لِدَاوُدْ
1 أَنَا نِدَوْر نِغَنِّي بِرَحْمَتَكْ وَ عَدَالْتَكْ.
وَ لَيْك إِنْتَ، يَا اللّٰهْ، أَنَا نِغَنِّي.
2 أَنَا نِدَوْر نَمْشِي قِدَّامَكْ بِالتَّمَامْ.
مَتَى تَجِي لَيِّ؟
فِي بَيْتِي، نَعَرِفْ كِكَّيْف نَمْشِي
بِقَلِبْ تَمَامْ.
3 أَبَداً مَا نُخُطّ فِي رَاسِي الْكَلَامْ الْمَا نَافِعْ
وَ نَكْرَهْ حَالْ سِيَادْ الشَّرّ
وَ مَا نَرْبُطْ نَفْسِي لَيْهَا.
4 الْقَلِبْ الْأَزْرَقْ يِبَعِّدْ مِنِّي
وَ أَنَا مَا نِدَوْر نَعَرِفْ الْفَسَالَةْ.
5 الْيِعَيِّرْ جَارَهْ بِعَشِيرْ،
أَنَا نِسَكِّتَهْ.
وَ الْيِشِيفْ بِحُقْرَةْ وَ قَلْبَهْ مُتَكَبِّرْ،
أَنَا مَا نَحْمَلَهْ.
6 عُيُونِي فِي النَّاسْ الْعِنْدُهُمْ أَمَانْ فِي الْبَلَدْ
لِيَسْكُنُوا مَعَايِ
وَ الْيَمْشِي عَدِيلْ
يُكُونْ فِي خِدِمْتِي.
7 لَاكِنْ الْغَشَّاشْ مَا يَقْعُدْ فِي بَيْتِي
وَ الْيُقُولْ الْكِدِبْ كُلَ مَا يَقْعُدْ قِدَّامِي.
8 كُلِّ فَجُرْ، أَنَا نِسَكِّتْ كُلَّ الْعَاصِيِينْ هَنَا الْبَلَدْ
وَ نَطْرُدْ مِنْ مَدِينَةْ اللّٰهْ كُلَّ الْيِسَوُّوا الظُّلُمْ.
