1 Jamb buhuur Baabil, tihit gaʼadna
wa wakit azzakkarna Sahyuun, bakeena.
2 Fi chadar al-bakaan da,
allagna jigindiiyaatna.
3 Wa l-karaboona dawwaro nikhannu leehum
aywa, al-azzaboona dawwaro nifarruhuuhum.
Wa amaroona wa gaalo :
«Khannu leena khine Sahyuun.»
4 Laakin kikkeef nikhannu khine Allah
fi balad al-kuffaar ?
5 Ya Madiinat al-Khudus !
Kan nisiitki,
khalli zeenaayti tinchalla !
6 Wa khalli lisaani yalsag fi sugʼi
kan ma azzakkartiki
wa kan ma khatteetki
fi awwal farahi !
7 Ya Allah ! Fakkir fi naas balad Adoom
al-gaalo fi yoom damaar Madiinat al-Khudus :
«Arruuha, arruuha
min foog le tihit wa khalluuha !»
8 Ya madiinat Baabil al-misil bineeye,
waajib takhrabe !
Mabruuk le l-yiʼaamilki
misil aamaltiina !
9 Aywa ! Mabruuk le l-yakrub atfaalki
wa yadrubhum fi l-hajar.
1 جَنْب بُحُورْ بَابِلْ، تِحِتْ قَعَدْنَا
وَ وَكِتْ أَذَّكَّرْنَا صَهْيُون، بَكَيْنَا.
2 فِي شَدَرْ الْبَكَانْ دَا،
عَلَّقْنَا جِقِنْدِيَّاتْنَا.
3 وَ الْكَرَبَوْنَا دَوَّرَوْا نِغَنُّوا لَيْهُمْ
أَيْوَى، الْعَذَّبَوْنَا دَوَّرَوْا نِفَرُّحُوهُمْ.
وَ أَمَرَوْنَا وَ قَالَوْا:
«غَنُّوا لَيْنَا غِنَيْ صَهْيُون.»
4 لَاكِنْ كِكَّيْف نِغَنُّوا غِنَيْ اللّٰهْ
فِي بَلَدْ الْكُفَّارْ؟
5 يَا مَدِينَةْ الْقُدُسْ!
كَنْ نِسِيتْكِ،
خَلِّي زَيْنَايْتِي تِنْشَلَّ!
6 وَ خَلِّي لِسَانِي يِلْصَقْ فِي سُقْعِي
كَنْ مَا أَذَّكَّرْتِكِ
وَ كَنْ مَا خَطَّيْتكِ
فِي أَوَّلْ فَرَحِي!
7 يَا اللّٰهْ! فَكِّرْ فِي نَاسْ بَلَدْ أَدَوْم
الْقَالَوْا فِي يَوْم دَمَارْ مَدِينَةْ الْقُدُسْ:
«عَرُّوهَا، عَرُّوهَا
مِنْ فَوْق لِتِحِتْ وَ خَلُّوهَا!»
8 يَا مَدِينَةْ بَابِلْ الْمِثِلْ بِنَيَّةْ،
وَاجِبْ تَخْرَبَيْ!
مَبْرُوكْ لِلْيِعَامِلْكِ
مِثِلْ عَامَلْتِينَا!
9 أَيْوَى! مَبْرُوكْ لِلْيَكْرُبْ أَطْفَالْكِ
وَ يَضْرُبْهُمْ فِي الْحَجَرْ.
