Le Dawuud
1 Ya Allah ! Ana nachkurak be kulla galbi
wa namdahak giddaam khuwwaat al-sama.
2 Nasjud ale beetak al-mukhaddas
wa nimajjid usmak
achaan rahmatak wa amaanak.
Achaan inta kabbart usmak wa waʼadak
ziyaada min kulli cheyy.
3 Yoom ana naadeetak, inta raddeet leyi
wa anteetni chajaaʼa wa gudra.
4 Ya Allah, khalli kulla muluuk al-ard yachkuruuk
achaan simʼo kalaam khachmak.
5 Khalli yikhannu hasab amal Allah :
«Majd Allah kabiir.
6 Allah gaaʼid fi l-aali wa yichiif al-miskiin
wa min baʼiid, yaʼarif al-mustakbir.»
7 Wakit ana namchi fi ust al-diige,
inta tihayyiini.
Tinazzil iidak fi udwaani
wa iidak al-zeene tinajjiini.
8 Allah yitammim kulla cheyy al-hu bada leyi.
Ya Allah, rahmatak daayme ila l-abad.
Ma tikhalli aʼmaal iideenak !
لِدَاوُدْ
1 يَا اللّٰهْ! أَنَا نَشْكُرَكْ بِكُلَّ قَلْبِي
وَ نَمْدَحَكْ قِدَّامْ قُوَّاتْ السَّمَاءْ.
2 نَسْجُدْ عَلَيْ بَيْتَكْ الْمُقَدَّسْ
وَ نِمَجِّدْ أُسْمَكْ
أَشَانْ رَحْمَتَكْ وَ أَمَانَكْ.
أَشَانْ إِنْتَ كَبَّرْت أُسْمَكْ وَ وَعَدَكْ
زِيَادَةْ مِنْ كُلِّ شَيّءْ.
3 يَوْم أَنَا نَادَيْتَكْ، إِنْتَ رَدَّيْت لَيِّ
وَ أَنْطَيْتنِي شَجَاعَةْ وَ قُدْرَةْ.
4 يَا اللّٰهْ، خَلِّي كُلَّ مُلُوكْ الْأَرْض يَشْكُرُوكْ
أَشَانْ سِمْعَوْا كَلَامْ خَشْمَكْ.
5 خَلِّي يِغَنُّوا حَسَبْ عَمَلْ اللّٰهْ:
«مَجْد اللّٰهْ كَبِيرْ.
6 اللّٰهْ قَاعِدْ فِي الْعَالِي وَ يِشِيفْ الْمِسْكِينْ
وَ مِنْ بَعِيدْ، يَعَرِفْ الْمُسْتَكْبِرْ.»
7 وَكِتْ أَنَا نَمْشِي فِي أُسْط الضِّيقَةْ،
إِنْتَ تِحَيِّينِي.
تِنَزِّلْ إِيدَكْ فِي عُدْوَانِي
وَ إِيدَكْ الزَّيْنَةْ تِنَجِّينِي.
8 اللّٰهْ يِتَمِّمْ كُلَّ شَيّءْ الْهُو بَدَا لَيِّ.
يَا اللّٰهْ، رَحْمَتَكْ دَايْمَةْ إِلَى الْأَبَدْ.
مَا تِخَلِّي أَعْمَالْ إِيدَيْنَكْ!
