Wasiiye le kabiir al-khannaayiin : Mazmuur le Dawuud
1 Al-mataamiis gaalo fi nufuushum :
«Ma fi Ilaah !»
Humman tallafo wa sawwo amal muharram
wa ma fi naadum al-yisawwi al-kheer.
2 Min al-sama, Allah chaaf Bani Adam
le yichiif kan naadum waahid minhum aagil
al-yifattichah hu al-Rabb.
3 Kulluhum sawa baʼʼado wa waddaro,
ma fi naadum al-yisawwi al-kheer
wa la waahid.
4 Al-yisawwu al-zulum
ma induhum al-maʼrafa walla ?
Humman yaakulu chaʼabi misil yaakulu al-khubza
wa ma yachhado Allah.
5 Wa daahu humman gaaʼidiin yarjufu
achaan al-Rabb gaaʼid fi fariig al-saalihiin.
6 Intu tichchammato le choorit al-masaakiin
wa laakin Allah hu maljaʼhum.
7 Yaatu min Sahyuun
yanti al-naja le Israaʼiil ?
Wakit Allah yigabbil chaʼabah min al-khurba,
zurriiyit Yaakhuub yinbastu
wa zurriiyit Israaʼiil yafraho.
وَصِيَّةْ لِكَبِيرْ الْغَنَّايِينْ: مَزْمُورْ لِدَاوُدْ
1 الْمَطَامِيسْ قَالَوْا فِي نُفُوسْهُمْ:
«مَا فِي إِلٰـهْ!»
هُمَّنْ تَلَّفَوْا وَ سَوَّوْا عَمَلْ مُحَرَّمْ
وَ مَا فِي نَادُمْ الْيِسَوِّي الْخَيْر.
2 مِنْ السَّمَاءْ، اللّٰهْ شَافْ بَنِي آدَم
لِيِشِيفْ كَنْ نَادُمْ وَاحِدْ مِنْهُمْ عَاقِلْ
الْيِفَتِّشَهْ هُو الرَّبّ.
3 كُلُّهُمْ سَوَا بَعَّدَوْا وَ وَدَّرَوْا،
مَا فِي نَادُمْ الْيِسَوِّي الْخَيْر
وَ لَا وَاحِدْ.
4 الْيِسَوُّوا الظُّلُمْ
مَا عِنْدُهُمْ الْمَعْرَفَةْ وَلَّا؟
هُمَّنْ يَاكُلُوا شَعَبِي مِثِلْ يَاكُلُوا الْخُبْزَةْ
وَ مَا يَشْحَدَوْا اللّٰهْ.
5 وَ دَاهُو هُمَّنْ قَاعِدِينْ يَرْجُفُوا
أَشَانْ الرَّبّ قَاعِدْ فِي فَرِيقْ الصَّالِحِينْ.
6 إِنْتُو تِشَّمَّتَوْا لِشَوْرَةْ الْمَسَاكِينْ
وَ لَاكِنْ اللّٰهْ هُو مَلْجَئْهُمْ.
7 يَاتُو مِنْ صَهْيُون
يَنْطِي النَّجَاةْ لِإِسْرَائِيلْ؟
وَكِتْ اللّٰهْ يِقَبِّلْ شَعَبَهْ مِنْ الْغُرْبَةْ،
ذُرِّيَّةْ يَعْقُوبْ يِنْبَسْطُوا
وَ ذُرِّيَّةْ إِسْرَائِيلْ يَفْرَحَوْا.
