Wasiiye le kabiir al-khannaayiin : Le Dawuud, le yizzakkaro beyah Allah
1 Ya Rabb, najjiini !
Ya Allah, taʼaal ajala afzaʼni !
2 Al-yidooru mooti,
khalli al-eeb wa l-chamaate yakurbuuhum !
Wa l-yihibbu leyi al-charr,
khalli yiʼarrudu wa yakhjalo !
3 Wa l-yichchammato leyi,
khalli yigabbulu be l-eeb !
4 Wa kulla l-yifattuchuuk,
khalli yafraho wa yinbastu beek !
Wa kulla l-inta najjeethum,
khalli yuguulu daayman : «Allah hu akbar !»
5 Laakin ana taʼbaan wa miskiin.
Ya Rabb, taʼaal leyi ajala,
inta fazaʼi wa najaati !
Ya Allah, ma tiʼakhkhir !
وَصِيَّةْ لِكَبِيرْ الْغَنَّايِينْ: لِدَاوُدْ، لِيِذَّكَّرَوْا بَيَّهْ اللّٰهْ
1 يَا رَبّ، نَجِّينِي!
يَا اللّٰهْ، تَعَالْ عَجَلَةْ أَفْزَعْنِي!
2 الْيِدَوْرُوا مَوْتِي،
خَلِّي الْعَيْب وَ الشَّمَاتَةْ يَكُرْبُوهُمْ!
وَ الْيِحِبُّوا لَيِّ الشَّرّ،
خَلِّي يِعَرُّدُوا وَ يَخْجَلَوْا!
3 وَ الْيِشَّمَّتَوْا لَيِّ،
خَلِّي يِقَبُّلُوا بِالْعَيْب!
4 وَ كُلَّ الْيِفَتُّشُوكْ،
خَلِّي يَفْرَحَوْا وَ يِنْبَسْطُوا بَيْك!
وَ كُلَّ الْإِنْتَ نَجَّيْتهُمْ،
خَلِّي يُقُولُوا دَايْماً: «اللّٰهْ هُو أَكْبَرْ!»
5 لَاكِنْ أَنَا تَعْبَانْ وَ مِسْكِينْ.
يَا رَبّ، تَعَالْ لَيِّ عَجَلَةْ،
إِنْتَ فَزَعِي وَ نَجَاتِي!
يَا اللّٰهْ، مَا تِأَخِّرْ!
