Le Dawuud
1 Ahkim leyi, ya Allah !
Achaan ana maachi be niiye mukhlisa
wa mutawakkil ale Allah
wa abadan ma nagaʼ.
2 Akchifni, ya Allah, wa jarribni
wa saffi galbi wa fikri.
3 Achaan rahmatak gaaʼide giddaam uyuuni
wa ana maachi hasab amaanak.
4 Ana ma macheet gaʼad maʼa l-ma naafʼiin
wa la dakhalt maʼa l-munaafikhiin.
5 Ana kiriht jamaaʼat al-yisawwu al-fasaala
wa ma gaʼadt maʼa l-aasiyiin.
6 Ana alwaddeet. Ana bari !
Wa hawwagt madbahak, ya Allah,
7 achaan ana nikallim be chukri
wa niballikh be kulla ajaaybak.
8 Ya Allah ! Ana nihibb maskan beetak
al-bakaan al-foogah majdak.
9 Ma tilimmini maʼa l-muznibiin
wa ma tarbutni maʼa kattaaliin al-dimam,
10 humman al-fi iideehum al-fasaala
wa iidhum al-zeene malaane be l-rachwa.
11 Ana maachi be niiye mukhlisa,
afdaani be rahmatak !
12 Rijileeni gaaʼidiin fi ard mustawiye
wa nahmud Allah fi l-majmuuʼaat.
لِدَاوُدْ
1 أَحْكِمْ لَيِّ، يَا اللّٰهْ!
أَشَانْ أَنَا مَاشِي بِنِيَّةْ مُخْلِصَةْ
وَ مُتَوَكِّلْ عَلَيْ اللّٰهْ
وَ أَبَداً مَا نَقَعْ.
2 أَكْشِفْنِي، يَا اللّٰهْ، وَ جَرِّبْنِي
وَ صَفِّي قَلْبِي وَ فِكْرِي.
3 أَشَانْ رَحْمَتَكْ قَاعِدَةْ قِدَّامْ عُيُونِي
وَ أَنَا مَاشِي حَسَبْ أَمَانَكْ.
4 أَنَا مَا مَشَيْت قَعَدْ مَعَ الْمَا نَافْعِينْ
وَ لَا دَخَلْت مَعَ الْمُنَافِقِينْ.
5 أَنَا كِرِهْت جَمَاعَةْ الْيِسَوُّوا الْفَسَالَةْ
وَ مَا قَعَدْت مَعَ الْعَاصِيِينْ.
6 أَنَا أَلْوَضَّيْت. أَنَا بَرِي!
وَ حَوَّقْت مَدْبَحَكْ، يَا اللّٰهْ،
7 أَشَانْ أَنَا نِكَلِّمْ بِشُكْرِي
وَ نِبَلِّغْ بِكُلَّ عَجَايْبَكْ.
8 يَا اللّٰهْ! أَنَا نِحِبّ مَسْكَنْ بَيْتَكْ
الْبَكَانْ الْفَوْقَهْ مَجْدَكْ.
9 مَا تِلِمِّنِي مَعَ الْمُذْنِبِينْ
وَ مَا تَرْبُطْنِي مَعَ كَتَّالِينْ الدِّمَمْ،
10 هُمَّنْ الْفِي إِيدَيْهُمْ الْفَسَالَةْ
وَ إِيدْهُمْ الزَّيْنَةْ مَلَانَةْ بِالرَّشْوَةْ.
11 أَنَا مَاشِي بِنِيَّةْ مُخْلِصَةْ،
أَفْدَانِي بِرَحْمَتَكْ!
12 رِجِلَيْنِي قَاعِدِينْ فِي أَرْض مُسْتَوِيَةْ
وَ نَحْمُدْ اللّٰهْ فِي الْمَجْمُوعَاتْ.
