Maji kari am m’gər loo ra torndui
1 Pakɔs lə Dabid
Njesigənea̰ i nja ɓa m’tel kəm gə́ rɔi’g ya!
2 Ala ləm, i nja ɓa m’ɔm məəm dɔi’g
Ndá maji kar rɔkul ḭ dəb dɔm’g el!
Maji kar njéba̰je ləm d’un baŋga dɔm’g el to!
3 Deḛ lai gə́ d’unda meḛ dee yel dɔi’g lé
Rɔ dee a kul el,
Deḛ gə́ d’un dɔ mar deeje gə́ sḭ lé
Deḛ nja rɔkul a dəb dɔ dee’g.
4 Njesigənea̰, maji kari am m’gər rəwje ləi ləm,
Tɔjim kila rəwje ləi ya ləm tɔ.
5 Maji kari ɔr nɔm dan kankəmta’g ləi, gə́ ndoom ne né,
Mbata i nja to Ala gə́ njekajim,
M’unda məəm yel dɔi’g ta-ta ya.
6 Njesigənea̰, ar məəi olé dɔ meekɔrjol’g ləi ləm, gə dɔ meemaji’g ləi ləm tɔ,
Mbata deḛ to saar gə no̰.
7 Néramje gə́ to gə goo rəbee el loo gə́ m’nai ne basa ɓəi lé
Esé néra kori-korije ləm kara
Ar məəi olé teḛ dɔ’g el.
Ǝi Njesigənea̰, ar məəi olé teḛ dɔm’g gə goo meekɔrjol ləi ləm,
Gə goo meemaji ləi ləm tɔ.
8 Njesigənea̰ lé to njemeemaji gə njera nédanasur,
Gelee gə́ nee ɓa yeḛ tɔji ne njékaiyaje rəw lé.
9 Deḛ gə́ d’ula dɔ dee lé
Yeḛ ɔr no̰ dee dan rəw gə́ danasur’g ləm,
Deḛ gə́ d’ula dɔ dee lé
Yeḛ ndoo dee rəw ləa ləm tɔ.
10 Deḛ gə́ d’aa dɔ ndu manrɔ lə Njesigənea̰, gə torndia lé ndá
Kila rəwje lə Njesigənea̰ lai to meekɔrjol gə kankəmta mbata lə dee.
11 Ǝi Njesigənea̰, mbɔl dɔ rii lé ɓa
I ar məəi ti ne mbidi dɔ néra kori-kori’g ləm,
Mbata to né gə́ boo ya.
12 See dəw gə́ ra ɓa ɓəl Njesigənea̰ wa.
Njesigənea̰ a tɔjee rəw gə́ kəm karee njaa keneŋ.
13 Dəw neelé a kwa rəa dan maji’g ləm,
Ŋgakeaje kara d’a kiŋga ɓee lé gə́ né ka̰ dee ləm tɔ.
14 Takə̰ji lə Njesigənea̰ gə́ to loo-kiya’g lé
To mbata deḛ gə́ ɓəlee,
Mba kar dee gər ne ta manrɔ ləa lé.
15 Ma m’tel kəm par gə́ rɔ Njesigənea̰’g ya ta-ta,
Mbata yeḛ nja a kɔr gɔlm wul ba̰də’g kilam tar.
16 Maji kari ila kəmi dɔm’g
Ɓó gə oo ne kəm lootondoo’g ya kari,
Mbata ma lé d’ubam d’ya̰’m
D’am m’isi ne gə́ njenékəmndoo ya.
17 Néurtije gə́ d’ar ɓəŋgərəm ti dus lé
D’ḭ dɔ maree’d gə́ kédé-kédé ndá,
Maji kari ɔrm dan néɓəŋgərətije’g ləm ya kari.
18 Maji kari oo kəmtondoo ləm ləm, gə ndookoo ləm ləm tɔ
Ndá ar məəi ti mbidi dɔ kaiya ramje’g lai.
19 Maji kari oo to gə́ njéba̰je ləm bula yaa̰ ləm,
Oo meekɔs ŋgwɔḭ lə deḛ gə́ d’ḛjim bəḭ-bəḭ lé ləm tɔ.
20 Maji kari tɔs kəmi dɔm’g
Ɓó gə ajim ne!
Loo gə́ m’saŋg njo̰loo-kula-dɔ ləm rɔi’g ndá
Am m’nai gə rɔkul el.
21 Maji kar néra gə́ gə dɔ najee ləm, gə néra gə́ danasur ləm tɔ lé
D’aḭ bada dɔm’g
Mbata ma m’unda məəm yel dɔi’g ya.
22 Ǝi Ala, maji kari ɔr Israɛlje
Dan néurtije’g lə deḛ lai ya!
Le Dawuud
1 Ya Allah !
Ana wajjaht aleek.
2 Ya Ilaahi !
Ana atwakkalt aleek, ma tiʼayyibni
wa ma tikhalli udwaani yafraho fi chaani.
3 Al-yukhutt achamah foogak ma yalga eeb
wa laakin al-eeb le l-yukhuunu bala sabab.
4 Arrifni duruubak, ya Allah,
wa allimni turugak.
5 Guudni be amaan wa allimni
achaan inta bas Ilaahi al-yinajjiini
wa nukhutt achami foogak daayman.
6 Ya Allah ! Fakkir fi rahmatak wa kheerak
achaan humman gaaʼidiin daayman.
7 Ma tizzakkar zunuubi hana subaayi wa kulla khataayi,
azzakkarni be rahmatak be sabab kheerak, ya Allah !
8 Allah aadil wa rahiim
wa fi chaan da, yiwassif le l-muznibiin al-derib.
9 Wa hu yuguud al-masaakiin fi l-adaala
wa yiʼallimhum derbah.
10 Kulla duruub Allah rahma wa hagg
le l-yahfado faraaydah wa muʼaahadatah.
11 Wa fi chaan usmak, ya Allah,
akhfir leyi zunuubi,
aywa, zunuubi al-katiiriin.
12 Fi naadum yakhaaf min Allah walla ?
Allah yiwassif leyah al-derib al-hu yaʼazilah.
13 Al-naadum da yiʼiich fi l-raaha
wa zurriiytah yawrusu al-ard.
14 Allah yanti sirrah le l-yakhaafo minnah
le yiʼarrifhum muʼaahadatah.
15 Ana daayman narfaʼ uyuuni le Allah
achaan hu bas yamrug rijileeni min al-charak.
16 Wajjih aleyi wa arhamni, ya Rabbi,
achaan ana wiheedi wa miskiin.
17 Al-taʼab mala galbi,
amrugni min diigti !
18 Chiif murri wa taʼabi
wa akhfir kulla zunuubi.
19 Chiif udwaani achaan humman katiiriin
wa humman yakrahooni be unuf chadiid.
20 Ahfadni wa najjiini !
Ma tikhalli al-eeb yakrubni
achaan ana lajaʼt leek.
21 Khalli kamaalak wa adaaltak yahfadooni
achaan ana khatteet achami foogak.
22 Ya Ilaahi ! Afda Bani Israaʼiil
min kulla diigithum !
