Askar al-malik wa khuyyaadhum
1 Wa daahu naas min Bani Israaʼiil al-yakhdumu le l-malik. Wa humman kubaaraat al-aayilaat wa khuyyaad al-aalaaf wa khuyyaad al-miyaat wa l-muraakhibiin. Wa kulla khidmithum tukhuss al-majmuuʼaat al-askariiye al-yakhdumu be amkaaba ayyi chahar fi tuul al-sana. Wa ayyi majmuuʼa indaha 24 000 raajil.
2 Wa khaayid al-majmuuʼa al-awwalaaniiye hana l-chahar al-awwal, hu Yachabʼaam wileed Zabdiyiil. Majmuuʼtah indaha 24 000 raajil. 3 Wa hu min zurriiyit Faaris wa khaayid kulla l-askar hana l-chahar al-awwal.4 Wa khaayid al-majmuuʼa al-taaniye hana l-chahar al-taani, hu Duudaay min hillit Akhuukh. Wa majmuuʼtah indaha 24 000 raajil wa l-yuguudhum hu Mikhluut.5 Wa khaayid al-majmuuʼa al-taalta hana l-chahar al-taalit, hu Banaaya wileed Yahuuyadaʼ raajil diin al-kabiir. Wa majmuuʼtah indaha 24 000 raajil. 6 Wa Banaaya hu raajil faaris been al-khuyyaad al-talaatiin wa hu bas kabiirhum. Wa wileedah Amizabaad, hu kula fi l-majmuuʼa di.7 Wa khaayid al-majmuuʼa al-raabʼe hana l-chahar al-raabiʼ, hu Asaahiil akhu Yuwaab wa baʼadah kamaan, wileedah Zabadya. Wa majmuuʼtah indaha 24 000 raajil.8 Wa khaayid al-majmuuʼa al-khaamse hana l-chahar al-khaamis, hu Chamhuut al-min hillit Yizra. Wa majmuuʼtah indaha 24 000 raajil.9 Wa khaayid al-majmuuʼa al-saadse hana l-chahar al-saadis, hu Iira wileed Ikheech min hillit Takhuuʼa. Wa majmuuʼtah indaha 24 000 raajil.10 Wa khaayid al-majmuuʼa al-saabʼe hana l-chahar al-saabiʼ, hu Haalas min hillit Faluun wa hu min gabiilat Afraayim. Wa majmuuʼtah indaha 24 000 raajil.11 Wa khaayid al-majmuuʼa al-taamne hana l-chahar al-taamin, hu Sibbakaay min hillit Huucha wa hu min zurriiyit Zaarah. Wa majmuuʼtah indaha 24 000 raajil.12 Wa khaayid al-majmuuʼa al-taasʼe hana l-chahar al-taasiʼ, hu Abiʼaazar min hillit Anatuut wa hu min gabiilat Banyaamiin. Wa majmuuʼtah indaha 24 000 raajil.13 Wa khaayid al-majmuuʼa al-aachre hana l-chahar al-aachir, hu Mahraay min hillit Natuufa wa hu min zurriiyit Zaarah. Wa majmuuʼtah indaha 24 000 raajil.14 Wa khaayid al-majmuuʼa al-ihdaachar hana chahri ihdaachar, hu Banaaya min hillit Firʼatuun wa hu min gabiilat Afraayim. Wa majmuuʼtah indaha 24 000 raajil.15 Wa khaayid al-majmuuʼa al-atnaachar hana chahri atnaachar, hu Haldaay min hillit Natuufa wa hu min khachum beet Utniyiil. Wa majmuuʼtah indaha 24 000 raajil.Kubaaraat gabaayil Bani Israaʼiil
16 Daahu kubaaraat gabaayil Bani Israaʼiil.
Min gabiilat Raʼuubiin, kabiirhum Aliʼaazar wileed Zikriwa min gabiilat Chimʼuun, kabiirhum Chafatya wileed Maʼaaka17 wa min gabiilat Laawi, kabiirhum Hachabya wileed Khamuwiilwa min zurriiyit Haaruun, kabiirhum Saduukh18 wa min gabiilat Yahuuza, kabiirhum Aliihu min akhwaan Dawuudwa min gabiilat Yassaakar, kabiirhum Umri wileed Mikaayiil19 wa min gabiilat Zabuluun, kabiirhum Yichmaʼya wileed Ubadyawa min gabiilat Naftaali, kabiirhum Yarimuut wileed Azriyiil20 wa min gabiilat Afraayim kabiirhum, Huuchaʼ wileed Azazyawa min nuss gabiilat Manassa al-fi l-kharib, kabiirhum Yuwiil wileed Fadaaya21 wa min nuss gabiilat Manassa al-fi Gilʼaad fi l-sabaah, kabiirhum Yiddu wileed Zakariiyawa min gabiilat Banyaamiin, Yaʼsiyiil wileed Abniir22 wa min gabiilat Daan, kabiirhum Azariil wileed Yaruuhaam.Wa dool kubaaraat gabaayil Bani Israaʼiil.
23 Wa Dawuud ma hasab al-subyaan al-umurhum angas min 20 sana achaan Allah gaal yisawwi Bani Israaʼiil yabgo katiiriin misil nujuum al-sama. 24 Wa Yuwaab wileedha le Saruuya bada al-hisaab wa laakin ma kammalah achaan Allah khidib le Bani Israaʼiil. Wa be sabab da, adad al-chaʼab ma maktuub fi kitaab taariikh al-malik Dawuud.
Al-masaaʼiil fi maal al-malik
25 Wa Azmaawat wileed Adiyiil masʼuul fi makhaazin al-malik.Wa Yuunataan wileed Uzziiya masʼuul fi l-makhaazin al-fi l-kadaade wa l-mudun wa l-hillaal wa fi buyuut al-tuwaal hana l-muraakhaba kula.26 Wa Azri wileed Kaluub masʼuul fi kulla l-khaddaamiin al-yahartu fi l-ziraaʼa.27 Wa Chimʼi al-min hillit al-Raama masʼuul fi jineenaat al-inab.Wa Zabdi al-min hillit Chafaam masʼuul fi l-makhaazin hana l-khamar al-yamrug min al-inab da.28 Wa Baʼal Hanaan al-min hillit Gadiira masʼuul fi l-jineenaat al-zaytuun wa l-tiin al-fi l-sahale.Wa Yuwaach masʼuul fi l-makhaazin hana dihin.29 Wa Chirtaay al-min hillit Chaaruun masʼuul fi l-bagar al-yasraho fi l-marʼa al-fi kadaadit Chaaruun.Wa Chaafaat wileed Adlaay masʼuul fi l-bagar al-yasraho fi l-wudyaan.30 Wa Ubiil al-min zurriiyit Ismaaʼiil masʼuul fi l-jumaal.Wa Yahadya al-min hillit Miruunuut masʼuul fi l-hamiir.31 Wa Yaziiz al-min Bani Haajar masʼuul fi door al-khanam.Wa kulla l-naas dool masaaʼiil fi maal al-malik Dawuud.
Al-mustachaariin hana l-malik
32 Wa Yuunataan immah le Dawuud, hu mustachaar wa raajil faahim wa kaatib al-malik.Wa Yahiyiil wileed Hakmuuni, hu mukallaf be tarbiyat awlaad al-malik.33 Wa Akhituufal, hu kula mustachaar al-malik.Wa Huuchaay al-min hillit Arki, hu rafiig al-malik.34 Wa baʼad Akhituufal, jo Yahuuyadaʼ wileed Banaaya wa Abiyaatar. Wa Yuwaab, hu khaayid hana deech al-malik.
© Arabe tchadien (alphabet latin) Bible © Alliance Biblique du Tchad, 2019.
