Yachuuʼ 12 - Arabe tchadien (alphabet latin) (ShuLatn)

Nasur Bani Israaʼiil fi l-muluuk

1 Wa awwal, Bani Israaʼiil annasaro fi muluuk itneen sabaah min bahar al-Urdun wa chaalo arduhum min waadi Arnuun fi l-wati lahaddi jabal Harmuun fi l-munchaakh wa kulla arduhum ale l-sabaah min waadi al-Urdun. 2 Wa l-awwal hu Siihuun malik al-Amuuriyiin al-saakin fi madiinat Hachbuun. Hu yamluk fi nuss waadi Arnuun min Aruuʼir wa fi nuss turaab Gilʼaad lahaddi waadi Yabbuukh al-hu huduud Bani Ammuun. 3 Wa yamluk fi waadi al-Urdun min bahar al-Jaliil fi l-munchaakh lahaddi Beet Yachiimut gariib al-bahar al-Mayyit wa battaan lahaddi l-turaab fi gaʼar jabal al-Fisga fi l-wati.

4 Wa l-malik al-taani, hu Oog malik Baachaan al-saakin fi Achtaruut wa Idraʼi wa hu aakhir waahid min al-Rafaayiin. 5 Wa hu malak fi jabal Harmuun wa Salka wa fi kulla turaab Baachaan lahaddi huduud al-Gachuuriyiin wa l-Maʼaakiyiin. Wa hu malak fi nuss turaab Gilʼaad lahaddi huduud turaab Siihuun malik Hachbuun. 6 Wa Muusa abd Allah wa Bani Israaʼiil dammaro al-muluuk al-itneen dool wa Muusa anta arduhum warasa le gabiilat Raʼuubiin wa gabiilat Gaad wa nuss gabiilat Manassa.

7 Wa Yachuuʼ wa Bani Israaʼiil dammaro muluuk al-balad al-kharib le bahar al-Urdun. Wa arduhum min Baʼal Gaad al-fi waadi Lubnaan fi l-munchaakh lahaddi l-jabal al-amlas al-gaaʼid jamb Saʼiir fi l-wati. Wa Yachuuʼ anta al-ard di warasa le Bani Israaʼiil hasab gabaayilhum. 8 Wa dool al-jibaal wa sahalat Chafiila wa waadi al-Urdun wa l-giizaan wa l-sahara wa saharat Nagab. Wa dool buldaan al-Hittiyiin wa l-Amuuriyiin wa l-Kanʼaaniyiin wa l-Firizziyiin wa l-Hiwwiyiin wa l-Yabuusiyiin.

9 Wa l-muluuk al-dammaroohum humman

malik Ariihawa malik hillit Aay

al-gaaʼide jamb Beet Iil

10 wa malik Uruchaliimwa malik Hibruun11 wa malik Yarmuutwa malik Lakiich12 wa malik Agluunwa malik Gaazar13 wa malik Dabiirwa malik Gadiir14 wa malik Hurmawa malik Araad15 wa malik Libnawa malik Adullaam16 wa malik Makhiidawa malik Beet Iil17 wa malik Tafuuhwa malik Hiifar18 wa malik Afiikhwa malik Chaaruun19 wa malik Maduunwa malik Haasuur20 wa malik Chimruun Maruumwa malik Akchaaf21 wa malik Taʼnakwa malik Magiddu22 wa malik Khadachwa malik Yakhnaʼaam fi Karmal23 wa malik Duur fi giizaan hana Duurwa malik Guuyim fi Jaliil24 wa malik Tirsa.

Kulluhum ke 31 malik.