Yachuuʼ 15 - Arabe tchadien (alphabet latin) (ShuLatn)

Gisim al-ard hana gabiilat Yahuuza

1 Wa daahu gisim al-ard hana gabiilat Yahuuza hasab khuchuum buyuuthum min huduud Adoom le saharat Siin wa lahaddi saharat Nagab fi aakhir al-junuub.

2 Wa huduudhum fi l-junuub min khachum al-bahar al-Mayyit al-mugaabil al-junuub. 3 Wa min hinaak, al-huduud yihawwugu junuub le giizaan al-Agaarib wa yiʼaddu be saharat Siin. Wa l-huduud dool yatlaʼo junuub le Khaadich Barniiʼa wa yamchu le turaab Hasruun wa yatlaʼo ale Addaar wa yigabbulu ale turaab Gargaʼ. 4 Wa min al-bakaan da, yiʼaddu be Asmuun lahaddi waadi Masir wa minnah lahaddi l-bahar al-Abyad. Wa dool bas huduudhum min jiihat al-junuub.

5 Wa huduudhum fi l-sabaah yamchu min al-bahar al-Mayyit lahaddi khachum bahar al-Urdun.

Wa min al-munchaakh, al-huduud yabdo min nafs al-bakaan fi khachum bahar al-Urdun 6 wa yatlaʼo lahaddi Beet Hugla wa yiʼaddu munchaakh le Beet Araba wa yatlaʼo lahaddi l-hajar al-binaaduuh Buuhan usum hana wileed Raʼuubiin. 7 Wa l-huduud yamchu ale Dabiir be waadi Akuur wa yigabbulu munchaakh ale Gilgaal al-mugaabile al-gooz hana Aduumiim al-gaaʼid wati le l-waadi. Al-huduud dool yiʼaddu gariib le almi hana Een Chams wa yamchu lahaddi Een Ruugil. 8 Wa l-huduud yiʼaddu be waadi Bani Hinnuum wa l-dilleeye al-wati le jabal al-Yabuusiyiin yaʼni Uruchaliim. Wa minha yatlaʼo lahaddi raas al-jabal al-mugaabil waadi Bani Hinnuum fi l-kharib fi khachum waadi Rafaayiin fi l-munchaakh. 9 Wa l-huduud yigabbulu min raas al-jabal lahaddi Een Niftuuh wa yamchu ale l-hillaal al-fi jabal Afruun wa yigabbulu ale Baʼla yaʼni Kharyat Yaʼariim. 10 Wa min Baʼla, al-huduud yigabbulu kharib ale jabal Saʼiir wa yatlaʼo fi l-dilleeye hana jabal al-Khaabaat fi l-munchaakh yaʼni jabal Kasaaluun. Wa yiddallo be Beet Chams wa yiʼaddu be Timna. 11 Wa l-huduud yamchu lahaddi l-dilleeye hana hillit Akhruun fi l-munchaakh wa yigabbulu ale Chikaaruun wa yiʼaddu be jabal Baʼla wa yamchu lahaddi Yabniyiil wa yagiifu fi l-bahar al-Abyad.

12 Wa khalaas al-bahar al-Abyad yabga huduudhum fi l-khariib. Wa dool bas al-huduud min kulli jiihe hana ard gabiilat Yahuuza hasab khuchuum buyuuthum.

13 Wa Kaalib wileed Yafuuna ligi gismah min gabiilat Yahuuza wa da hasab kalaam Allah le Yachuuʼ. Wa antooh Kharyat Arbaʼa yaʼni Hibruun. Wa Arbaʼa da hu jidd hana Bani Anakh. 14 Wa Kaalib tarad talaata khuchuum buyuut min Bani Anakh wa chaal minhum arduhum wa humman Chiichaay wa Akhimaan wa Talmaay. 15 Wa min al-bakaan da, hu gamma didd sukkaan Dabiir al-awwal usumha Kharyat Siifar. 16 Wa Kaalib gaal : «Al-naadum al-hajam Kharyat Siifar wa chaalha, ana nantiih bineeyti Aksa yaakhudha.» 17 Wa Utniyiil wileed Khinaaz akhu Kaalib hajam Kharyat Siifar wa chaalha. Wa Kaalib antaah bineeytah Aksa le yaakhudha. 18 Wa laakin min jaat leyah, hi harrachatah wa gaalat : «Asʼal abuuyi yantiik zereʼ.» Wa baʼad hi addallat min humaarha, Kaalib gaal leeha : «Tidoori chunu ?» 19 Wa hi raddat leyah wa gaalat : «Hassaʼ da, baarikni. Inta anteetni turaab fi saharat Nagab wa hassaʼ da, antiini uyuun almi kula.» Wa hu antaaha uyuun almi al-foog wa l-tihit kula.

20 Wa di bas al-ard al-antooha warasa le gabiilat Yahuuza hasab khuchuum buyuuthum.

21 Wa l-mudun hana gabiilat Yahuuza al-fi huduud Adoom fi l-junuub, humman Khabsiil wa Idar wa Yaguur 22 wa Khiina wa Diimuuna wa Adʼaada 23 wa Khadach wa Haasuur wa Yitnaan 24 wa Ziif wa Talam wa Baʼaluut 25 wa Haasuur Hadatta wa Kharyuut Hasruun al-binaaduuha Haasuur 26 wa Amaam wa Chamaʼ wa Mulaada 27 wa Hasar Gadda wa Hachmuun wa Beet Faalat 28 wa Hasar Chuuʼal wa Biir Sabʼa wa l-hillaal al-taabʼiin leeha 29 wa Baʼla wa Iyyiim wa Asam 30 wa Alituulad wa Kasiil wa Hurma 31 wa Sikhlaag wa Madmanna wa Sansanna 32 wa Labawuut wa Chilhiim wa Een Rimmuun. Wa be l-jumla 29 madiina wa hillaalhum al-taabʼiin leehum.

33 Wa mudunhum al-fi sahalat Chafiila humman Achtawuul wa Saarʼa wa Achna 34 wa Zanuuh wa Een Ganniim wa Tafuuh wa Inaam 35 wa Yarmuut wa Adullaam wa Suuku wa Aziikha 36 wa Chaʼaraayim wa Aditaayim wa Gadiira wa Gadiiruutaayim. Wa be l-jumla 14 madiina wa hillaalhum al-taabʼiin leehum.

37 Wa waraso battaan Sinaan wa Hadaacha wa Migdal Gaad 38 wa Dilʼaan wa Misfa wa Yakhtiil 39 wa Lakiich wa Buskhat wa Agluun 40 wa Kabbuun wa Lahmaas wa Kitliich 41 wa Gadiiruut wa Beet Daguun wa Naʼama wa Makhiida. Wa be l-jumla 16 madiina wa hillaalhum al-taabʼiin leehum.

42 Wa waraso battaan Libna wa Atar wa Achan 43 wa Yiftaah wa Achna wa Nasiib 44 wa Khaʼiila wa Akziib wa Mariicha. Wa be l-jumla 9 madiina wa hillaalhum al-taabʼiin leehum.

45 Wa waraso Akhruun wa l-hillaal al-taabʼiin leeha. 46 Wa min Akhruun huduudhum yamchu kharib le Achduud wa hillaalha. 47 Waraso Achduud wa l-hillaal al-taabʼiin leeha wa Khazza wa l-hillaal al-taabʼiin leeha wa lahaddi waadi Masir fi khachum al-bahar al-Abyad.

48 Wa waraso battaan mudun al-gaaʼidiin fi l-jibaal wa humman Chamiir wa Yattiir wa Suuku 49 wa Danna wa Kharyat Sanna yaʼni Dabiir 50 wa Anaab wa Achtimu wa Aniim 51 wa Goochan wa Huluun wa Giilu. Wa be l-jumla 11 madiina wa hillaalhum al-taabʼiin leehum.

52 Wa waraso battaan fi Araab wa Ruuma wa Ichʼaan 53 wa Yaanuum wa Beet Tafuuh wa Afiikha 54 wa Humta wa Kharyat Arbaʼa yaʼni Hibruun wa Siiʼuur. Wa be l-jumla 9 madiina wa hillaalhum al-taabʼiin leehum.

55 Wa waraso battaan fi Maaʼoon wa Karmal wa Ziif wa Yutta 56 wa Yazraʼiil wa Yakhdaʼaam wa Zanuuh 57 wa Khayiin wa Gibeeʼa wa Timna. Wa be l-jumla 10 madiina wa hillaalhum al-taabʼiin leehum.

58 Wa waraso battaan ligo Halhuul wa Beet Suur wa Gaduur 59 wa Maʼaarat wa Beet Anuut wa Alitakhuun. Wa be l-jumla 6 madiina wa hillaalhum al-taabʼiin leehum.

60 Wa waraso battaan Kharyat Baʼal yaʼni Kharyat Yaʼariim wa Rabba. Be l-jumla 2 madiina wa hillaalhum al-taabʼiin leehum.

61 Wa fi l-sahara, waraso Beet Araba wa Middiin wa Sikaaka 62 wa Nibchaan wa madiinat al-Mileh wa Een Jidi. Be l-jumla 6 madiina wa hillaalhum al-taabʼiin leehum.

63 Wa laakin gabiilat Yahuuza ma gidro chaalo ard al-Yabuusiyiin al-saakniin fi Uruchaliim. Wa l-Yabuusiyiin gaaʼidiin yaskunu fi Uruchaliim fi usut gabiilat Yahuuza lahaddi l-yoom.