Khalaatiya 5 - Arabe tchadien (alphabet latin) (ShuLatn)

Agoodu saabtiin fi l-hurriiye

1 Al-Masiih sawwaana naas hurriin achaan niʼiichu fi l-hurriiye. Agoodu saabtiin fi l-hurriiye wa aabo ma tabgo battaan abiid. 2 Fukku adaanku. Ana Buulus nuguul leeku kan tikhalluuhum yitahhuruuku, barakat al-Masiih ma tanfaʼ leeku abadan. 3 Nachhad leeku battaan kadar ayyi naadum al-yikhalli nafsah yitahhuruuh be tahuurat al-Tawraat, waajib leyah yitabbig churuut al-Tawraat kulluhum ke. 4 Intu al-tidooru tabgo saalihiin be tabbigiin churuut al-Tawraat dool, anfaragtu marra waahid min al-Masiih wa khalleetu minku niʼmat Allah.

5 Laakin be gudrat al-Ruuh al-Khudduus, aniina nukhuttu achamna fi Allah al-yisawwiina saalihiin be sabab iimaanna al-gaaʼidiin nitmannooh be ziyaada. 6 Achaan fi derib al-Masiih Isa, kan naadum mutahhar walla ma mutahhar kula, da ma muhimm. Al-cheyy al-muhimm da, hu al-iimaan be l-Masiih wa l-mahabba al-jaaye min al-iimaan da.

7 Badeetu adiil fi derib al-Masiih. Kikkeef khalleetu naadum yamrugku min al-derib al-sahiih da ? 8 Al-kalaam da ma jaayi min Allah al-gaaʼid yinaadiiku. 9 Angarʼu ! Tawwaara chiyya bas takfi le tigawwim al-ajiine kullaha ke. 10 Laakin al-Rabb antaani damaan leeku wa naʼarif kadar intu ma takhbalo fikir chig min fikirna. Wa l-naadum al-gaaʼid yibarjilku da, al-hukum yaji foogah kan yabga yaatu kula.

11 Ya akhwaani, kan ana zaati gaaʼid niʼallim al-naas kadar al-tahuura waajbe, maala al-Yahuud gaaʼidiin yitaʼʼubuuni ? Kan awwal ana niʼallim be l-tahuura wa ma nibachchir be l-saliib, naadum ma yalga muchkila. 12 Wa hassaʼ le l-naas al-gaaʼidiin yibarjuluuku be l-tahuura dool, khalli yikhassu nufuushum marra waahid !

Derib al-Ruuh al-Khudduus

13 Ya akhwaani, Allah naadaaku achaan yidoor intu tiʼiichu fi l-hurriiye. Laakin ma tisawwu al-hurriiye di fursa le titaabuʼu chahwaatku al-fasliin. Akheer takhdumu le akhwaanku be mahabba. 14 Achaan kulla churuut al-Tawraat, zibdithum tinlagi fi wasiiye waahide wa hi : <Hibb akhuuk misil tihibb nafsak.> 15 Laakin kan tilkhaalafo ambeenaatku wa tiddaawaso misil kulaab, khalaas fi l-akhiir tilʼaakalo marra waahid.

16 Nuguul leeku taabuʼu Allah be derib al-Ruuh al-Khudduus wa misil da, ma titaabuʼu chahwaatku al-fasliin. 17 Achaan al-cheyy al-yiriidah galib al-insaan chig min al-yiriidah al-Ruuh al-Khudduus. Wa l-cheyy al-yiriidah al-Ruuh al-Khudduus chig min al-yiriidah galib al-insaan. Al-itneen dool yiddaawaso ambeenaathum achaan yadharooku min al-cheyy al-tidooru tisawwuuh. 18 Wa kan al-Ruuh al-Khudduus gaaʼid yuguudku, intu ma gaaʼidiin tihit churuut al-Tawraat.

19 Wa khalaas, al-zunuub al-yaju min galib al-insaan maʼruufiin. Humman al-zina wa l-khabaasa wa l-fasaad 20 wa ibaadat al-asnaam wa l-sihir wa l-huraaj wa l-duwaas wa l-husud wa l-khabiine wa l-khilaaf wa l-mukhaasamaat wa l-tafrikha 21 wa l-tamaʼ wa l-sakar wa l-safaaha wa cheyy aakhar al-misilhum. Nuguul leeku misil awwal gultah leeku, al-naas al-yisawwu al-achya dool ma yawrusu cheyy fi mamlakat Allah.

Jour 3 : La vie dans l’Esprit

Verset clé : « Mais le fruit de l’Esprit, c’est l’amour, la joie, la paix, la patience, la bonté, la fidélité, la douceur, la maîtrise de soi. » (Galates 5 : 22-23) Vivre dans l’Esprit, c’est permettre à Dieu de transformer chaque aspect de notre être. Ce processus n’est pas instantané, mais progressif, à mesure que nous nous ouvrons à son action. Les fruits mentionnés ne sont pas seulement des qualités personnelles, mais des témoignages visibles de l’œuvre de Dieu en nous. Quand nous vivons par l’Esprit, nos relations changent : nous répondons avec amour là où il y avait de la colère, avec patience là où il y avait de l’impatience. Quel fruit de l’Esprit aimerais-tu cultiver davantage ? Identifie une situation spécifique cette semaine où tu pourrais démontrer l’amour, la maîtrise de soi ou la bonté.

Plus

Laakin misil al-chadar yalda iyaal, daahu iyaal al-Ruuh al-Khudduus humman al-mahabba wa l-farah wa l-salaam wa l-sabur wa l-galib al-abyad wa l-kheer wa l-amaan 23 wa l-nafas al-baarid wa sabbitiin al-nafs. Al-achya dool, ma fi chart waahid didduhum. 24 Wa l-naas al-bigo naas hana l-Masiih Isa khatto chahwaathum al-fasliin fi l-saliib wa kataloohum. 25 Wa kan niʼiichu be gudrat al-Ruuh al-Khudduus, waajib nuruukhu be gudrat al-Ruuh al-Khudduus. 26 Khalli ma nistakbaro wa la nizzaaʼalo ambeenaatna wa la nilhaasado.